Երկուշաբթի, 13 Մայիսի 2013 14:34
Հայաստանի և Բելառուսի միջև 60 մլն դոլար
ապրանքաշրջանառությունը ծիծաղելի է և անբավարար, հետևաբար, կողմերն առաջիկա երկու
տարիներին նորագույն տնտեսական տեխնոլոգիաների ներդրման ճանապարհով պետք է առնվազն
կրկնապատկեն այդ ցուցանիշը: Այդ մասին Երևանում ճեպազրույցում հայտարարել է
Բելառուսի նախագահ Ալեքսանդր Լուկաշենկոն, ով Հայաստան է ժամանել պաշտոնական
այցով:
>>>
|
Երկուշաբթի, 13 Մայիսի 2013 14:33
Հայաստանի նախագահի թիմն ըստ արժանվույն է անցկացրել
ընտրությունները, և Սերժ Սարգսյանն արժանի է ժողովրդի վստահությանը, հայտարարել է
Բելառուսի ղեկավար Ալեքսանդր Լուկաշենկոն Երևանում ճեպազրույցի ժամանակ:
>>>
|
Երկուշաբթի, 13 Մայիսի 2013 10:48
Հայաստանը և Բելառուսը նախատեսում են գյուղատնտեսական
տեխնիկայի հավաքման համատեղ ձեռնարկություն ստեղծել: Այդ հարցը քննարկվել է մայիսի
13-ին Երևանում Բելառուսի գյուղատնտեսության և պարենի նախարար Լեոնիդ Զայացի և
Հայաստանի գյուղատնտեսության նախարար Սերգո Կարապետյանի հանդիպման ժամանակ,
հաղորդում է ԲԵԼՏԱ-ն: >>>
|
Երկուշաբթի, 13 Մայիսի 2013 10:31
Աշխատանքային շաբաթը գյուղատնտեսության նախարարությունում
սկսվեց հրատապ խորհրդակցությամբ, նվիրված
երեկ Արմավիրի մարզում տեղացած ուժեղ կարկուտի հետևանքով ստեղծված իրավիճակի
գնահատմանը, վնասի չափերը նվազագույնի
հասցնելուն ուղղված օպերատիվ միջոցառումների կազմակերպմանը: >>>
|
Երկուշաբթի, 13 Մայիսի 2013 10:30
Վարդան Սեդրակյանի գործում ինչ-որ բան այն չէ, և իրավապահ
մարմինները պետք է համապատասխան կերպով քննեն այն: Այդ մասին մայիսի 13-ին մամլո
ասուլիսի ժամանակ հայտարարել է Հայաստանի նախագահի նախկին թեկնածու, էպոսագետ
Վարդան Սեդրակյանի փաստաբան Ալեքսանդր Սիրունյանը: >>>
|
Երկուշաբթի, 13 Մայիսի 2013 10:28
Հայերենն այն 18 լեզուներից մեկն է, որոնք ՅՈՒՆԵՍԿՕ-ի
հրապարակած ՙԱնհետացող լեզուների քարտեզի՚ համաձայն, Թուրքիայում անհետացման
վտանգի տակ են, հաղորդում է ՙNouvelles d`Armռnie՚-ին: >>>
|
Ուրբաթ, 10 Մայիսի 2013 07:18
Հարգելի բաժանորդներ, 2013 թվականի մայիսի 9-ից 12-ը Հայաստանում ոչ աշխատանքային օր հայտարարելու կապակցությամբ ԱրմԻնֆո լրատվական գործակալությունն աշխատանքը կվերսկսի երկուշաբթի` ապրիլի 13-ին: >>>
|
Չորեքշաբթի, 8 Մայիսի 2013 18:41
Պրն. Էսկին, հայ-իսրայելական հարաբերություններում խնդրահարույց կետերից մեկը իսրայելական պետության` Հայոց ցեղասպանությունը ճանաչելու ցանկության բացակայությունն է: Ինչո՞վ է պայմանավորված Թել Ավիվի նման դիրքորոշումը: Չէ որ, նույնիսկ եթե խոսենք realpolitik-ի նկատառումների և սկզբունքների մասին, Իսրայելի և Թուրքիայի հարաբերություններն այսօր այնքան էլ լավ չեն, միգուցե, բացառված չեն չճանաչման ավելի խորքային պատճառները, պատմեք մի փոքր դրանց մասին:
Ցավոք, մեկդարյա վաղեմության ողբերգությունից քաղաքական գործիչներն այսօր հաջողությամբ իրենց ձեռնտու սխեմաներ են ծեփում: Իսկ ինչ վերաբերում է հրեաներին և Իսրայելին, ապա աշխարհում ոչ ոք 1915 թվականի կոտորածի հրապարակման համար չի արել ավելին, քան մենք: Հիշեցնեմ մի քանի ազգանուն. Մանդելշտամ, Մորգենթաու, Լեմկին: Ես կարող եմ տրամադրել հրեա հեղինակների ողջ ցուցակ, ովքեր հավերժացրել են 1915 թվականի սպանդի զոհերի հիշատակը: Դժբախտաբար, ի պատասխան մենք չենք լսում ոչ միայն երախտագիտության խոսքեր, այլև հայկական միջավայրում վերջին տարիներին կիրառվում է հրեաններին ուղղված զրպարտություն, թե իբր հենց նրանք են Թուրքիայի իշխանություններին դրդել այն ոճրագործություններին: 2007 թ. ես այցելեցի Երևան և ապշած էի այնտեղ ինտելեկտուալների շրջանում հակասեմիտական տրամադրությունների մակարդակից: Դրանից հետո ես հարցի իմ ուսումնասիրությունը կատարեցի` http://avigdor-eskin.com/page.php3?page=6&item=500:
Այլ կերպ ասած`նման մթնոլորտի առկայության դեպքում շատ դժվար է խոսել միասնական դիրքորոշման մասին: Ընդունելով պատմության հայկական վարկածը` Իսրայելն ինքնըստինքյան ընդունում է հրեա ժողովրդի և սիոնական շարժման հասցեին արյունալի զրպարտությունը: Չեմ կարծում, թե Հայաստանը Հոլոքոստը կճանաչեր, եթե մեր գրքերում գրվեր, թե Հիտլերը և նրա բոլոր կամակատարները հայ էին կամ ծպտված հայեր, և գերմանացիները հրեաներին սպանում էին հայերի դրդմամբ: Դե եթե խոսում ենք այն մասին, թե ով է ում ճանաչում կամ` ոչ, ապա Երևանը Երուսաղեմը և Հոլանի բարձունքը չի ճանաչում Իսրայելի մաս: Բայց մենք նեղացկոտ չենք...
Մեր երկրների մերձեցմանը խոչընդոտող գործոնների թվում շատ փորձագետներ նշում են մի կողմից`Երևանի և Թեհրանի միջև սերտ համագործակցությունը, և մյուս կողմից`Թել Ավիվի և Բաքվի միջև ակտիվ փոխգործակցությունը: Որքանո՞վ է կենսունակ նման տեսակետը: Արդյո՞ք չի կարելի ցանկության դեպքում ինչ-որ առնչման կետեր գտնել`այդ ոչ խաղաղ տարածաշրջանում ընդհանուր մարտահրավերներին դիմակայելու նպատակով:
Այսօրվա դրությամբ Հայաստանի գլխավոր դաշնակիցն Իրանն է: Դա լավագույնս չի անդրադառնում մեր հարաբերությունների վրա: Խոսքը վերաբերում է Իրանի վարչակազմին, որն իր գոյության նպատակ է հայտարարում մեր ոչնչացումը: Այդուհանդերձ, երկու կողմի բարի կամքի առկայության դեպքում կարելի է գտնել մերձեցման ուղիներ: Ահմադինեջադն իջնում է բեմից, իսկ Իսրայելի և Իրանի իրական շահերն սկսում են շատ բանով մերձենալ: Արաբական գարունը, Կատարի և նրա հարևանների ագրեսիայի քաղաքականությունը, պատերազմը Սիրիայում, այդ բոլոր գործոնները պետք է հանգեցնեն Թեհրանում իրական ռազմավարների սթափվելուն: >>>
|
Չորեքշաբթի, 8 Մայիսի 2013 13:02
ՙԲարգավաճ Հայաստանը՚ Երևանի ավագանու ընտրություններից հետո, այդուամենայնիվ, որոշել է հայտարարել ընդդիմություն դառնալու մասին: Դա տեղի է ունենալու ԱԺ աշնանային նստաշրջանի սկզբում: Այդ մասին գրում է ՙՀայկական ժամանակ՚ թերթը`վկայակոչելով ԲՀԿ-ին մոտ կանգնած մեր աղբյուրները:
ՙԸստ նույն աղբյուրների, ԲՀԿ-ն պատրաստվում է աշնանը կուսակցության ներսում նաև կառուցվածքային որոշ փոփոխություններ կատարել: Թե ինչպիսի փոփոխությունների մասին է խոսքը, առայժմ հայտնի չէ: Դրանք քննարկման փուլում են: ԲՀԿ-ն պատրաստ է նաև` կուսակցությունից գործարար թևի անջատմանը: Իշխանությունն արդեն այսօրվանից պատրաստվում է 2017-18թթ. ընտրություններին և փաստորեն` որոշել է գործարկել նույն սցենարը, որը կիրառվեց 2006-2008թթ. ընթացքում: Այն ժամանակ, սակայն, գործիքը կամ «ընդդիմությունըե` ՕԵԿ-ն էր: Թե այս սցենարը ժամանակի ընթացքում ինչ մուտացիաների կենթարկվի և արդյո՞ք արդյունավետությամբ կգործի, դեռ կերևա՚,- գրում է թերթը:
>>>
|
Չորեքշաբթի, 8 Մայիսի 2013 12:59
Ընթացքի մեջ է ՀԱԷԿ-ի շուրջ 6 նոր թվային սեյսմիկ կայանների տեղադրման գործընթացը։ Անգլիական արտադրության ՙGuralp՚ մակնիշի նորագույն կայանները ՀՀ ԱԻՆ սեյսմիկ պաշտպանության ծառայությանն է տրամադրել ՀՀ ԿԱ միջուկային անվտանգության կարգավորման պետական կոմիտեն:
Ինչպես տեղեկացնում է ԱԻՆ մամլո ծառայությունը, ներկա փուլում կատարվում են փորձարարական աշխատանքներ` ՍՊԾ Ազգային մոնիթորինգային ցանցի դիտակետերում սեյսմիկ աղմուկները գրանցելու, ստացված տվյալները վերլուծելու և իրական ժամանակում հաղորդելու ուղղությամբ: Ստուգողական չափումների նպատակն է ընտրել ընդունված պահանջներին բավարարող դիտակետեր, որտեղ աշխատանքների հաջորդ փուլում կտեղադրվեն մշտապես գործող սեյսմիկ կայաններ:
Նախատեսվում է, որ ստացված մեծածավալ տվյալներն իրական ժամանակում կհաղորդվեն ՍՊԾ տվյալների հավաքման, մշակման և վերլուծության կենտրոն։ Անհրաժեշտ տվյալները կհաղորդվեն նաև ԱԻՆ ճգնաժամային կառավարման կենտրոն: Ստուգողական չափումներն արդեն անցկացվել են ՙՄեծամոր՚, ՙԼեռնագոգ՚, ՙԱմբերդ՚, ՙԱրուճ-1՚, ՙԱրուճ-2՚, ՙՎանանդ՚, ՙՎարդանաշեն՚, ՙԴվին՚, ՙԿապուտան՚ և ՙՓարաքար՚ դիտակետերում: >>>
|
Չորեքշաբթի, 8 Մայիսի 2013 12:58
Ռոստելեկոմը հիշում և բարձր է գնահատում Հայրենական մեծ պատերազմի բոլոր մասնակիցների հերոսությունն ու հաղթանակի օրվան՝ մայիսի 9-ին ընդառաջ հուշագիր է ստորագրում ՀՀ վետերանների միավորման խորհրդի հետ վետերաններին ուղղված աշխատանքներում աջակցության ցուցաբերման նպատակով:
Ռոստելեկոմ գլխավոր տնօրեն Հայկ Ֆարամազյանի և Խորհրդի նախագահ Սիմոն Եսայանի կողմից ստորագրված հուշագրի շրջանակներում ընկերությունը պատերազմի վետերաններին նվիրում է բարձրորակ անվասայլակներ, որոնք ուղարկվելու են մարզերում բնակվողներին նրանց տեղաշարժն ապահովելու և առօրյան հեշտացնելու նպատակով:
Ընկերությունը բարձր է գնահատում կորպորատիվ սոցիալական պատասխանատվության դերը հասարակության խնդիրների լուծման գործում և պատասխանատվություն է ստանձնում համագործակցելու միության հետ նաև հետագա աշխատանքներում և ծրագրերում:
Հուշագրի ստորագրումից հետո Ռոստելոկոմ գլխավոր տնօրենը ներկա է գտնվելու Արմավիր քաղաքում նոր վաճառքի և սպասարկման սրահի բացման արարողությանը: Արմավիրում գործարկված վաճառքի և սպասարկման սրահն ընկերության թվով յոթերորդն է Հայաստանում: Այն գտնվում է ք. Արմավիր, Հանրապետության 7 հասցեում: Ռոստելեկոմ սրահները հնարավորություն են տալիս քաղաքի բոլոր բնակիչներին տեղում ծանոթանալու և բաժանորդագրվելու ընկերության ինտերնետ հասանելիության և հեռախոսակապի (շուտով նաև հեռուստատեսության) ծառայություններին, գործող ակցիաներին, ինչպես նաև ձեռք բերելու համակարգիչներ և ժամանակակից աքսեսուարներ:
Հիշեցնենք, որ 2012թ. դեկտեմբերից ՀՀ-ում հեռահաղորդակցության ոլորտի առաջատար օպերատորներից մեկը՝ՋԻԷՆՍԻ-ԱԼՖԱ ՓԲԸ-ն հաջողությամբ տրամադրում է ինտերնետ հասանելիության և ֆիքսված հեռախոսակապի ծառայություններ մանրածախ շուկայում Ռոստելեկոմ ապրանքանիշի ներքո: Ռոստելեկոմի բարձրակարգ ծառայություններն արդեն իսկ հասանելի ենԱբովյան, Աշտարակ, Գյումրի, Չարենցավան, Կապան, Արմավիր, Վանաձոր քաղաքներում և Նուբարաշենում, իսկ ժամանակակից սպասարկման սրահներ են գործում Աբովյան, Գյումրի, Աշտարակ, Վանաձոր, Չարենցավան, Կապան և Արմավիր քաղաքներում: Շուտով Ռոստելեկոմի ծառայություններից օգտվելու հնարավորություն կստանան նաև Քաջարան, Մեծամոր, Հրազդանքաղաքների, Երևան քաղաքի Էրեբունի, Աջափնյակ և Դավիթաշեն համայնքների բնակիչները:
ՋԻԷՆՍԻ-ԱԼՖԱ ընկերության ցանցն ամբողջությամբ հիմնված է օպտիկա-մանրաթելային մալուխի վրա՝ ծածկելով ՀՀ տարածքի 80%-ն ու տարածվելով ավելի քան 2500 կմ: Ցանցը միացված է տարածաշրջանի հիմնական մագիստրալային ցանցերի և տրաֆիկի փոխանակման խոշորագույն հանգույցների, ինչպես նաև Իրանի և Վրաստանի հետ միջազգային կապուղիների միջոցով:Ընկերության կորպորատիվ հաճախորդների ցանկում են խոշորագույն ձեռնարկություններ ու բանկեր, ՀՀ կառավարությունը և պետական մարմիններ, հեռահաղորդակցության ընկերություններ և միջազգային կազմակերպություններ: Գերժամանակակից տեխնոլոգիաների կիրառումը ընկերությանը հնարավորություն է տալիս լիովին բավարարել ժամանակակից բաժանորդի կարիքները՝ տարածվելով և ծառայությունների հասանելիությունն ապահովելով ՀՀ ողջ տարածքով: >>>
|
Չորեքշաբթի, 8 Մայիսի 2013 12:57
Ավստրալիայի Նոր Հարավային Ուելս նահանգի խորհրդարանի ստորին պալատը ընդունել է հայերի, ասորիների եւ հույների ցեղասպանությունը ճանաչելու ակտը, որ ներկայացրել էր նահանգի վարչապետ Բարի Օֆարելը:
Ինչպես հաղորդում է armenia.com.au, անցած շաբաթ ակտն ընդունել է խորհրդարանի վերին պալատը: Փաստաթուղթը ներկայացրել էր Նոր Հարավային Ուելս նահանգի խորհրդարանի օրենսդիր խորհրդի անդամ, Ավստրալական քրիստոնեական կուսակցության նախագահ Ֆրեդ Նիլը:
Հիշեցնենք, որ Նոր Հարավային Ուելսի խորհրդարանը դեռ 1997 թվականի ապրիլի 17-ին ընդունել է Հայոց ցեղասպանությունը ճանաչող եւ դատապարտող ակտ: Ակտում դատապարտվում էին նաև Հայոց ցեղասպանության և 20-րդ դարի մյուս ցեղասպանությունների մասին պատմական ճշմարտությունը ժխտելու կամ նենգափոխելու բոլոր փորձերը: >>>
|
Չորեքշաբթի, 8 Մայիսի 2013 12:57
Ուկրաինայի արտգործնախարար և ԵԱՀԿ գործող նախագահ Լեոնիդ Կոժարան մտադիր է Հարավային Կովկաս այցելել` որոնելու Լեռնային Ղարաբաղի հակամարտության կարգավորման ուղիներ: Ինչպես հաղորդում է Ռուսաստանի ՙՆովոստի՚ լրատվական գործակալությունը, այդ մասին լրագրողներին հաղորդել են Նյու Յորքում` ՄԱԿ կենտրոնակայանում:
ՙԵս պատրաստվում են այցելել Վրաստան, Հայաստան և Ադրբեջան և քննարկել Ադրբեջանի և Հայաստանի միջև առկա տարաձայնությունների կարգավորման հնարավոր ուղիները՚, - ասել է Կոժարան, պատասխանելով ՙՆովոստի՚ ԼԳ այն հարցին, թե ինչ միջոցներ է մտադիր կիրառել Ուկրաինան այսպես կոչված ՙսառեցված հակամարտությունները՚ կարգավորելու համար` որպես ԵԱՀԿ նախագահ: ՙՄենք հասկանում ենք, որ իրավիճակն այնքան էր պարզ չէ ... Մենք ցանկանում ենք խթան հաղորդել բանակցային գործընթացին, և զգում ենք, որ կա լավ դինամիկա Վիեննայում ԵԱՀԿ միջոցով, այդ թվում` այնպիսի կազմակերպությունների միջոցով, ինչպես ԵՄ ՙԱրևելյան գործընկերություն՚ ծրագիրը՚, - ասել է Կոժարան: Ընդ որում նա հիշատակել է խորհրդարանական համաժողովն այնպիսի գործընկերության շրջանակներում, որտեղ Հայաստանի և Ադրբեջանի պատվիրակությունները կարող են միմյանց հետ խոսել:
Ավելի վաղ հաղորդվել էր, որ ԵԱՀԿ գործող նախագահը Հարավային Կովկասի տարածաշրջան կայցելի հունիսի կեսին: >>>
|
Չորեքշաբթի, 8 Մայիսի 2013 12:56
Ընտրություններն անցան լարված և մրցակցային մթնոլորտում, ասվում է Երևանի ավագանու ընտրությունների անցկացման վերաբերյալ ՔՀԻ–ի նախնական եզրակացությունում:
ՙՏեղամասերում և տեղամասերից դուրս մարդկանց խմբեր և առանձին անհատներ ճնշումներ էին գործադրում ընտրական գործընթացի մասնակիցների վրա։ Ճնշողների մեկ մասը ներկայանում էին որպես Հայաստանի հանրապետական կուսակցության (ՀՀԿ) վստահված անձինք, ինչպես նաև՝ տարբեր դիտորդական առաքելությունների ներկայացուցիչներ։ Խոչընդոտներ են եղել լրագրողների և դիտորդների կողմից լուսանկարահանում և տեսանկարահանում կատարելու համար՝ ինչպես ուղղակի, այնպես էլ՝ անուղղակի՝ վախի մթնոլորտի պատճառով։ Ձայների հաշվարկը սկսվել է նյարդային և լարված մթնոլորտում, և իրավիճակը հարթվել է միայն այն պահից հետո, երբ տվյալները ցույց են տվել, որ ՀՀԿ–ն հաղթում է։
Ընտրությունների արդյունքների մասին վերջնական եզրակացություններ կարվեն գործընթացի մասնակիցների կողմից բողոքների ներկայացման և դրանց հետագա ընթացքն ու կայացված որոշումներն ուսումնասիրելուց հետո՚,- ընդգծվում է ՙՔաղաքացիական հասարակության ինստիտուտ՚ (ՔՀԻ) հասարակական կազմակերպության հայտարարության մեջ: >>>
|
Չորեքշաբթի, 8 Մայիսի 2013 12:56
Հայաստանի նախագահի արտասահմանյան ուղևորությունները թանկ են նստում Հայաստանի հարկատուների գրպանին: Այդ մասին գրում է ՙԺողովուրդ՚ թերթը` վկայակոչելով սեփական աղբյուրները:
Հրապարակման համաձայն, վերջերս ՀՀ նախագահի նստավայրը պայմանագիր է կնքել ՙԷյր Արմենիա՚ ՓԲԸ հետ, որպեսզի վերջիններս սպասարկեն Սերժ Սարգսյանի` Ա319 EK RA-01 ինքնաթիռի չվերթերը: Պայմանագրի արժեքը կազմել է 100 մլն դրամ: ՙԹե ուր է մեկնել Սերժ Սարգսյանը, եւ ինչու է հենց 240 հազար ԱՄՆ դոլար պահանջվել այդ այցի կամ այցերի համար, առայժմ չի հաջողվել պարզել՚, - նշում են հրապարակման հեղինակները։
Հիշեցնենք, որ ավելի վաղ ՀՀ նախագահի ինքնաթիռն սպասարկում էր ՙԱրմավիա՚ ընկերությունը, որը հայտարարել է ապրլի 1-ից բոլոր թռիչքների դադարեցման և սնանկության ընթացակարգ սկսելու մասին: >>>
|
Չորեքշաբթի, 8 Մայիսի 2013 12:55
Նախախորհրդարանը, երկիրը կործանման տանող այս վիճակից դուրս գալու և Հայաստանում նոր որակի պետություն կառուցելու իր ծրագիրն ուգործնական քայլերը գյումրեցիներին ներկայացնելու նպատակով, մայիսի 9-ին` ժամը 15:00-ին, Գյումրու թատերական հրապարակում կազմակերպում էհանրահավաք:
Ինչպես ԱրմԻնֆո-ին հաղորդել են Նախախորհրդարանի մամլո ծառայությունում, ծրագիրը նախատեսում է անցնցում իշխանափոխության հասնել համակարգից դուրս պայքարի միջոցով՝ ժողովրդի համախմբմամբ ու յուրաքանչյուրքաղաքացու կոնկրետ մասնակցությամբ: ՙՈրպես առաջին նախապայման հարկավոր է խուսափել համակարգի հիմնական ծուղակից՝ կեղծընտրություններից, ինչպես նաև դրանց հետևող հուսախաբությունից՚,- ընդգծվում է հայտարարության մեջ: Հանրահավաքում ելույթ կունենան Գարեգին Չուգասզյանը, Ալեք Ենիգոմշյանը, Ժիրայր Սէֆիլյանը, Տիգրան Խզմալյանը, Սաշուր Քալաշյանը եւՆախախորհրդարանի այլ ներկայացուցիչներ ու համախոհներ: >>>
|
Չորեքշաբթի, 8 Մայիսի 2013 12:54
Երևանի ավագանու մայիսի 5-ին կայացած ընտրությունների քվեարկության արդյունքների վերահաշվարկի վերաբերյալ ստացված դիմումների հիման վրա բոլոր 13 ընտրատարածքային ընտրական հանձնաժողովներում ընթանում են վերահաշվարկի աշխատանքներ:
Ինչպես ԱրմԻնֆո գործակալությանը հաղորդել են ԿԸՀ մամուլի ծառայությունից, նախօրեին իրականացված 31 ընտրական տեղամասերի քվեարկության արդյունքների վերահաշվարկի աշխատանքների ավարտին թվով 12 տեղամասերի արդյունքներում կողմ ձայների որևէ փոփոխություն չի գրանցվել, մնացած ընտրական տեղամասերի ոչ էական փոփոխությունների արդյունքում` ՙԱռաքելություն՚ կուսակցությանը կողմ քվեարկված քվեաթերթիկների թիվը չի փոխվել, ՙԲարգավաճ Հայաստան՚ կուսակցությանը կողմ քվեարկված քվեաթերթիկների թիվը նվազել է 14-ով, ՙԲարև Երևան՚ կուսակցությունների դաշինքին և ՙՀայ ազգային կոնգրես՚ կուսակցությանը կողմ քվեարկված քվեաթերթիկների թվերը նվազել են 1-ականով, ՙՀայ Յեղափոխական Դաշնակցություն՚ կուսակցությանը կողմ քվեարկված քվեաթերթիկների թիվն ավելացել է 2-ով, Հայաստանի Հանրապետական կուսակցությանը կողմ քվեարկված քվեաթերթիկների թիվն ավելացել է 5-ով, ՙՕրինաց երկիր՚ կուսակցությանը կողմ քվեարկված քվեաթերթիկների թիվն ավելացել է մեկով: Վերահաշվարկի աշխատանքների արդյունքում անվավեր քվեաթերթիկների թիվն ավելացել է 3-ով: Համաձայն ՀՀ ընտրական օրենսգրքի` վերահաշվարկ իրականացնելու վերջնաժամկետն է մայիսի 10-ը` ժամը 14.00-ն: Վերահաշվարկ իրականացնելիս ընտրական հանձնաժողովն աշխատում է առանց հանգստյան օրերի` ժամը 9.00-ից մինչև 18.00-ն: -0- >>>
|
Չորեքշաբթի, 8 Մայիսի 2013 12:53
Օդի ջերմաստիճանը մայիսի 10-11-ին կբարձրանա 2-4 աստիճանով, տեղեկացնում է ՀՀ ԱԻՆ պաշտոնական կայքը:
Մայիսի 9-ին ժամանակ առ ժամանակ, 10-13-ին գիշերվա առաջին կեսին և օրվա երկրորդ կեսին սպասվում անձրև և ամպրոպ, առանձին վայրերում հնարավոր է կարկուտ: Քամին հարավ-արևմտյան` 2-7 մ/վրկ, ամպրոպի ժամանակ սպասվում է քամու ուժգնացում 18-23 մ/վրկ: Մայիսի 9-ին ցերեկային ջերմաստիճանը մայրաքաղաքում սպասվում է մինչև +19, մայիսի 10-13-ին` +22: >>>
|
Երեթշաբթի, 7 Մայիսի 2013 17:47
Քիչ առաջ ավարտվեցին ՀՀԿ Մ նիստը և խորհրդի երկու նիստերը,
որին մասնակցում էր նաև ՀՀ նախագահ Սերժ Սարգսյանը: ՀՀԿ մամլո խոսնակ Էդուարդ
Շարմազանովը հրապարակեց կառավարության նոր կազմը: Նրա խոսքերով, կառավարության
կառուցվածքում տեղի են ունեցել որոշակի փոփոխություններ: Այսպես, ֆինանսների
նախարար Վաչե աբրիելյանը և կառավարության աշխատակազմի ղեկավար Դավիթ Սարգսյանը
միմյանց հետ կփոխեն իրենց տեղերը: Ընդ որում, աբրիելյանը կունենա նաև նախարարի
կարգավիճակ:
>>>
|
Երեթշաբթի, 7 Մայիսի 2013 14:45
Երևանի ավագանու ընտրություններում ՙՀայ ազգային կոնգրես՚ կուսակցությունը չհաղթահարեց 6%-ի շեմը նախագահական ընտրությունները բոյկոտելու պատճառով: Այսօր Երևանում կայացած մամուլի ասուլիսում նման կարծիք է արտահայտել Սոցիալ-դեմոկրատական Հնչակյան կուսակցության նախագահ, ՀԱԿ-ից ԱԺ պատգամավոր Լյուդմիլա Սարգսյանը:
Նրա խոսքերով, նախագահական ընտրություններին չմասնակցելը ՀԱԿ-ի հավաքած ձայների ցածր տոկոսների միակ պատճառը չէ: Նրա կարծիքով, ՀԱԿ արդյունքների վրա ազդեցին նաև միգրացիայի բարձր տեմպերը: ՙՀիմնականում երկիրը լքում են մեր կողմնակիցները, հետևաբար, մեզ ընտրողներ չեն մնում՚,-հաստատել է նա: Նրա խոսքերով, երևանցիների ավելի քան 50%-ը չէին կարող իրենց ձայները տալ ՀՀԿ-ին, քանի որ երկրի բնակչության մեծ մասը պարզապես ատում է գործող իշխանությանը:
Սարգսյանը նաև ընդգծել է, որ այս ընտրությունները դարձան Րաֆֆի Հովհաննիսյանի իրական ձայների ինդիկատորը, ով, շատ ընդդիմադիրների կարծիքով, նախագահական ընտրություններում հաղթեց, չնայած, պաշտոնական տվյալներով հավաքել էր ձայների 37%-ը: ՙ8.48%-ը, որն ստացավ ՙԲարև Երևան՚ դաշինքը, ապացուցեց, որ Հովհաննիսյանն ստացել էր բոլոր ընդդիմադիր թեկնածուների ձայները՚,-հայտարարել է նա: Նա նաև հավելել է, որ Հովհաննիսյանը զգալիորեն զիջում է ՀԱԿ կուսակցության առաջնորդ Լևոն Տեր-Պետրոսյանին, ով, նրա կարծիքով, միակ ընդդիմադիրն է, որը կարողացավ ընդդիմադիր շարժումը 5 տարի պահել իր ձեռքերում: >>>
|