Latest News From Arminfo.info https://www.arminfo.info Արմինֆո.Ֆրութֆուլ Արմենիա բարեգործական հիմնադրամի աջակցությամբ ՀԲԸՄ Հայաստանը կընդլայնի իր «Կին ձեռներեցներ» ծրագիրը՝ այն հասանելի դարձնելով նաև Արցախի կանանց համար: ՀԲԸՄ «Կանանց հզորացման» նախագծի շրջանակներում իրականացվող այս ծրագիրը Հայատանում մեկնարկել է 2017թ.՝ խթանելու կանանց կարողությունների զարգացումն ու լիարժեք կիրառումը: «Ցանկացած երկրի զարգացում մեծապես պայմանավորված է տնտեսության տարբեր ոլորտներում ներդրումներով, տնտեսական ակտիվությամբ: Ձեռնարկությունների հիմնումը, նոր աշխատատեղերի ստեղծումը, արտահանման խթանումը այն  հիմնական գործիքներից են, որոնք օգնում են ստեղծել հավելյալ արդյունք, զարգացնել տնտեսությունը: Այդ իսկ պատճառով մենք պատրաստակամությամբ միանում ենք ՀԲԸՄ-ի այս նախաձեռնությանը՝ աջակցելով Արցախի կին գործարարների՝ ֆինանսների և ձեռնարկատիրության ոլորտում գիտելիքների խորացմանը», - ասել է Ֆրութֆուլ Արմենիա հիմնադրամի Խորհրդի, Կոնվերս Բանկի Խորհրդի անդամ Խորխե դել Ագիլա Էռնեկյանը, հավելելով, որ ծրագրին մասնակցությունը հայ կանանց համար ևս մեկ հնարավորություն է ավելի արդյունավետորեն ներգրավվելու տնտեսության զարգացման ազգանվեր գործին: Կրթական, դրամաշնորհների տրամադրման և մասնագիտական ուղղորդման փուլերից բաղկացած ՀԲԸՄ «Կին ձեռներեցներ» ծրագիրը Ֆրութֆուլ Արմենիայի աջակցությամբ Արցախում կմեկնարկի ս.թ. հունիսին: ՀԲԸՄ Հայաստանի նախագահ, ՀԲԸՄ Կենտրոնական վարչության անդամ Վազգեն Յակուբյանի համոզմամբ, միայն կանանց կարողությունների ամրապնդման և նրանց դերակատարության արժևորման պարագայում հայաստանյան հասարակությունը կկարողանա առաջ ընթանալ և բարգավաճել: «Տնտեսական ինքնուրույնությունը կօգնի կանանց կատարելագործել որոշումներ կայացնելու կարողությունը՝ զանազան ասպարեզներում լիարժեք և հավասար մասնակցության միջոցով», - նշել է Յակուբյանը: Հայաստանի ամերիկյան համալսարանի շարունակական կրթության բաժնի հետ համատեղ մշակված ձեռնարկատիրական հմտությունների զարգացման դասընթացի մասնակիցները հնարավորություն կունենան ծանոթանալ ֆինանսների և ձեռնարկատիրության ոլորտի բոլոր այն հիմնադրույթներին, որոնց հայ ձեռնարկատեր կանայք պետք է տիրապետեն իրենց բիզնես գաղափարը կյանքի կոչելու և այն հաջողությամբ զարգացնելու համար: Դասընթացի բոլոր մասնակիցներին հնարավորություն կտրվի դիմել փոքր դրամաշնորհ ստանալու և ուղղորդման փուլում օգտվելու մեկ տարի տևողությամբ բիզնես խորհրդատվությունից, տարաբնույթ մասնագիտական և բիզնեսի զարգացման համար արժեքավոր կապեր հաստատելու հնարավորությունից: Հայկական Բարեգործական Ընդհանուր Միությունը (ՀԲԸՄ) սփյուռքի հնագույն, համաժողովրդական և համահայկական կազմակերպությունն է: Հիմնված լինելով 1906 թվականին՝ ՀԲԸՄ-ի գլխամասային գրասենյակը գտնվում է Նյու Յորքում: ՀԲԸՄ-ը կրթական, մշակութային և մարդասիրական ծրագրերի միջոցով պահպանում և զարգացնում է հայկական ինքնությունն ու ժառանգությունը՝ յուրաքանչյուր տարի առնչվելով աշխարհով մեկ սփռված շուրջ 500,000 հայերի կյանքին: ՀԲԸՄ-ի և իր աշխարհասփյուռ ծրագրերի մասին հավելյալ տեղեկություն ստանալու համար կարող եք այցելել՝ www.agbu.org: ՀԲԸՄ Հայաստանի գործունեությանը կարող եք ծանոթանալ www.agbu.am կայքէջում: «Ֆրութֆուլ Արմենիա» հիմնադրամը արգենտինահայ բարերար, գործարար Էդուարդո Էռնեկյանի կողմից հիմնադրվել է 2011թ: Հիմնադրամի աջակցությամբ ՀՀ-ում և Արցախում՝ տնտեսության, առողջապահության, կրթության, ենթակառույցների զարգացման ոլորտներում իրականացվել է մոտ 8 մլն դոլարի ծրագիր՝ այդ թվում, «Նուռ» ծրագրի շրջանակում Արցախի դպրոցականներին է նվիրաբերվել ավելի քան 10.500 համակարգիչ, ուսուցիչների և աշակերտների համար կազմակերպվել են վերապատրաստման դասընթացներ, տրամադրվել է խորհրդատվություն: https://www.arminfo.info/full_news.php?id=41051 Արցախ https://www.arminfo.info/mcgallery/20190409070700.jpg https://www.arminfo.info/full_news.php?id=41051 2019-04-09 11:05:25 Արմինֆո.Վարչապետ Նիկոլ Փաշինյանն ապրիլի 10-11-ը աշխատանքային այց կկատարի Ստրասբուրգ՝ Եվրոպայի խորհուրդ: Ինչպես ԱրմԻնֆո-ին հաղորդեցին կառավարության տեղեկատվության և հասարակայնության հետ կապերի վարչությունից, վարչապետն ապրիլի 11-ին կմասնակցի Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանի լիագումար նիստին, որտեղ հանդես կգա ելույթով և կպատասխանի պատգամավորների հարցերին: Հայաստանի վարչապետը հանդիպումներ կունենա Եվրոպայի խորհրդի գլխավոր քարտուղար Թորբյորն Յագլանդի, Եվրոպայի խորհրդի խորհրդարանական վեհաժողովի նախագահ Լիլիան Մորի-Պասկիեի, Եվրոպայի խորհրդի Վենետիկի հանձնաժողովի նախագահ Ջաննի Բուքիքիոյի հետ: Նիկոլ Փաշինյանը և Թորբյորն Յագլանդը հանդես կգան ԶԼՄ ներկայացուցիչների համար հայտարարությամբ: ՀՀ վարչապետը, ԵԽ գլխավոր քարտուղարը և ԵԽԽՎ նախագահը Եվրոպայի խորհրդի կենտրոնակայանում՝ Եվրոպայի պալատում, պաշտոնապես կբացեն «Հայաստանի թավշյա հեղափոխությունը» խորագրով լուսանկարների ցուցահանդեսը: Այցի շրջանակում նախատեսվում է նաև Նիկոլ Փաշինյանի հանդիպումը Ստրասբուրգի հայ համայնքի ներկայացուցիչների հետ: https://www.arminfo.info/full_news.php?id=41050 Քաղաքական https://www.arminfo.info/mcgallery/20181127100516.jpg https://www.arminfo.info/full_news.php?id=41050 2019-04-09 11:01:59 Արմինֆո. Ապրիլի 6-7-ը ՀՀ Ազգային անվտանգության պատվիրակությունը՝ տնօրեն Արթուր Վանեցյանի գլխավորությամբ, երկօրյա այցով Արցախի Հանրապետությունում էր: Այցի շրջանակներում ԱԱԾ տնօրենը հանդիպել է Արցախի Հանրապետության նախագահ Բակո Սահակյանի հետ: Քննարկվել են Հայաստանի և Արցախի անվտանգության ծառայություններին առնչվող հարցեր, նախանշվել անելիքները:    Ինչպես ԱրմԻնֆո-ին հաղորդեցին Հայաստանի ԱԱԾ մամուլի կենտրոնից,  ԱԱԾ տնօրեն Ա.Վանեցյանը հանդիպում է ունեցել նաև ԱՀ ԱԱԾ տնօրեն Սամվել Շահրամանյանի հետ, և երկու հայկական պետությունների ազգային անվտանգության ծառայությունների միջև կնքվել է համագործակցության և փոխգործակցության մասին համաձայնագիր:   Այցի շրջանակներում, ՀՀ ԱԱԾ տնօրեն Արթուր Վանեցյանի գլխավորած պատվիրակությունը Ստեփանակերտում մասնակցել է Աստվածամոր Սուրբ Հովանի Մայր Տաճարի օծման և բացման արարողությանը:  Աստվածամոր Սուրբ Հովանի Մայր Տաճարի օծման արարողությունն իրականացրել է Ամենայն Հայոց Կաթողիկոս Ն.Ս.Օ.Տ.Տ Գարեգին Բ-ն, որից հետո իր ձեռամբ մատուցել է առաջին պատարագը: https://www.arminfo.info/full_news.php?id=41049 Արցախ https://www.arminfo.info/mcgallery/20171211104743Без-имени-1.jpg https://www.arminfo.info/full_news.php?id=41049 2019-04-09 11:01:28 Արմինֆո. Աշխատանքային այցով Պորտուգալիայում գտնվող՝ Հայաստանի Հանրապետության նախագահ Արմեն Սարգսյանն այսօր հանդիպում է ունեցել այդ երկրի վարչապետ Անտոնիու Կոշտայի հետ։   Անդրադառնալով երկու երկրների ու ժողովուրդների միջև առկա ջերմ պատմական կապերին ու հարուստ մշակութային ժառանգությանը՝ նախագահ Սարգսյանն ասել է, որ հայ ժողովրդի պանծալի զավակներից մեկի՝ Գալուստ Գուլբենկյանի անունը յուրաքանչյուր հայ հպարտությամբ է հիշում։   Պորտուգալիայի վարչապետն իր հերթին ընդգծել է Գալուստ Գյուլբենկյանի գործունեության ու նրա թողած ժառանգության, Գալուստ Գյուլբենկյան բարեգործական ու գիտամշակութային հիմնադրամի դերը Պորտուգալիայի համար:   Հայաստանի նախագահը և Պորտուգալիայի վարչապետը մտքեր են փոխանակել գործակցության հնարավոր ուղղությունների շուրջ։ Արմեն Սարգսյանն ընդգծել է, որ երկու երկրները գործակցության մեծ ներուժ ունեն կրթության և գիտության ոլորտներում՝ այդ համատեքստում առաջարկելով իրականացնել ուսանողների ու գիտնականների փոխանակման, ինչպես նաև գիտահետազոտական համատեղ ծրագրեր:   Նշելով, որ տեղյակ է Պորտուգալիայի կողմից տիեզերք արբանյակներ արձակելու կայանի կառուցման մասին՝ նախագահ Սարգսյանն ասել է, որ Հայաստանը պատրաստակամ է կիսվել այս ոլորտում իր գիտական ներուժով ու փորձառությամբ, որը հայտնի է դեռևս խորհրդային տարիներից։   Զրուցակիցները համակարծիք են եղել, որ Հայաստանն ու Պորտուգալիան փոխգործակցության մեծ ներուժ ունեն տեղեկատվական տեխնոլոգիաների, բնական գիտությունների, արհեստական բանականության ոլորտներում։   Նախագահ Սարգսյանը հավելել է, որ հայ-պորտուգալական համագործակցության առավել արդյունավետ ոլորտներից մեկը կարող է դառնալ զբոսաշրջությունը: «Հայաստանը և Պորտուգալիան հրաշալի երկրներ են և միմյանց բացահայտելու կարիք ունենե,- նշել է նախագահը։   Զրուցակիցները խոսել են նաև երկու երկրների միջև ուղիղ օդային կապի հաստատման հնարավորության մասին` պայմանավորվելով ուսումնասիրել հարցը: https://www.arminfo.info/full_news.php?id=41044 Միջազգային https://www.arminfo.info/mcgallery/20190226050830.jpg https://www.arminfo.info/full_news.php?id=41044 2019-04-08 21:04:26 Արմինֆո. Եվրոպական միության և Հայաստանի Հանրապետության միջև Մարդու իրավունքների շուրջ կանոնավոր երկխոսության  հերթական 10-րդ հանդիպումը տեղի է ունեցել Բրյուսելում 2019 թվականի ապրիլի 8-ին:   Ինչպես ԱրմԻնֆո-ին հայտնել են ՀՀ-ում ԵՄ պատվիրակության մամուլի ծառայությունից, Եվրամիությունն ու  Հայաստանն անդրադարձել են ԵՄ-ՀՀ Համապարփակ և ընդլայնված գործընկերության համաձայնագրի (ՀԸԳՀ) իրականացման շարունակականությունն ապահովելու պատրաստակամությանը: Հայաստանում տեղի ունեցած վերջին ընտրություններից հետո ՀՀ քաղաքացիների շրջանում մեծ են ակնկալիքները ժողովրդավարության և օրենքի գերակայության ամրապնդման, կոռուպցիայի դեմ պայքարի և մարդու իրավունքների պաշտպանության և ամրապնդման շուրջ: Համաձայնագրով Եվրամիությունը և Հայաստանի Հանրապետությունը  հանձնառու են ամրապնդել հարգանքը հիմնարար ազատությունների նկատմամբ:   Հանդիպման ընթացքում ԵՄ և ՀՀ քննարկել են հավաքների և արտահայտման ազատությանը, ընտրական ոլորտի բարեփոխումներին, գենդերային հավասարությանը, հակախտրականության քաղաքականությանը, արդարադատության ոլորտի, քրեակատարողական հաստատությունների բարեփոխումներին, ինչպես նաև աշխատանքային իրավունքներին վերաբերող հարցեր: Լրատվությանն առնչվող ՀՀ օրենսդրության հետագա փոփոխությունները կարող են բաձրացնել թափանցիկության և բազմակարծության մակարդակը:   Հայաստանը հաստատել է իր հաձնառությունը  հետամուտ լինելու արդարադատության ոլորտի,  մասնավորապես՝ բոլորի օրենքի առջև հավասարության սկզբունքի ապահովման, դատական իշխանության  անկախության, ինչպես նաև զսպումների և հակակշիռների արդյունավետ մեխանիզմի ուղղությամբ բարեփոխումների իրականացմանը: Խիստ կարևոր է, որ Հայաստանում ընդունվի միջազգային չափանիշներին համապատասխանող  խտրականության դեմ պայքարի վերաբերյալ օրենսդրություն և ստեղծվի Մարդու իրավունքների պաշտպանի գրասենյակին կից գործող իրավահավասարության ապահովման  ազգային մարմին: Մարդու իրավունքների պաշտպանի և ՄԻՊ աշխատակազմի կողմից դրական քայլեր են ձեռնարկվել շուրջօրյա օգնության թեժ գիծ ստեղծելու և արագ արձագանքման թիմ ձևավորելու ուղղությամբ: Եվրամիությունն ու Հայաստանը քննարկել են Գենդերային հավասարության մասին 2019-2023 թվականների ազգային ռազմավարության նախագծի մշակումը:   Կողմերն ընդգծել են հանրային իրազեկության մակարդակի բարձրացման և գենդերային հավասարության խթանման կարևորությունը՝ հատկապես կրթության միջոցով,  ինչպես նաև վերահաստատել են աջակցությունն այդ ուղղությամբ:  Հայաստանի իշխանությունների և Խոշտանգումների և անմարդկային և արժանապատվությունը նվաստացնող վերաբերմունքի կանխարգելման եվրոպական կոմիտեի (ԽԿԿ) միջև սերտ համագործակցությունը կարող է օգտակար լինել: Անհրաժեշտ է, որ Հայաստանի կանխարգելման ազգային մեխանիզմը շարունակի կարողությունների զարգացման միջոցով բարելավել մշտադիտարկումները և գնահատել հոգեբուժական հաստատություններում, ոստիկանությունում, քրեակատարողական հիմնարկներում և անչափահասների ուղղիչ հիմնարկներում տիրող իրավիճակը:   Հավատարիմ իր կողմից որդեգրված քաղաքականությանը Մարդու իրավունքների շուրջ երկխոսությանն ընդառաջ Եվրոպական միությունը հանդիպումներ և խորհրդակցություններ է անցկացրել հայաստանյան և միջազգային ՔՀ կազմակերպությունների ներկայացուցիչների հետ: Երկխոսության արդյունքում մշակվել են Գործառնական եզրակացություններ՝հստակ գործողություններով, որոնք կմշտադիտարկվեն և կքննարկվեն հաջորդ տարվա ընթացքում:   ՀՀ պատվիրակությունը գլխավորում էր ՀՀ արտաքին գործերի նախարարի տեղակալ Ավետ Ադոնցը: ԵՄ պատվիրակությունը ղեկավարում էր  Արտաքին գործողությունների եվրոպական ծառայության Արևելյան գործընկերության երկրների հետ երկկողմ հարաբերությունների բաժնի ղեկավար Ռիչարդ Թիբբելսը: Հանդիպմանը մասնակցել են նաև ՀՀ մարդու իրավունքների պաշտպան Արման Թաթոյանը և Արտաքին գործողությունների եվրոպական ծառայության գենդերային հարցերով գլխավոր խորհրդական Մարիա Մարինակին: https://www.arminfo.info/full_news.php?id=41043 Միջազգային https://www.arminfo.info/mcgallery/20180302080406brusel.jpg https://www.arminfo.info/full_news.php?id=41043 2019-04-08 20:44:25 Արմինֆո. Ապրիլի 8-ին ՀՀ  ԳՇ պետ, գեներալ-լեյտենանտ Արտակ Դավթյանն ընդունել է ԿԽՄԿ-ի զինված ուժերի գծով պատվիրակ Քրիստոֆ Դեշարին և ԿԽՄԿ հայաստանյան գրասենյակի ներկայացուցիչներին:   Հանդիպման ընթացքում քննարկվել են զինված ուժերում միջազգային մարդասիրական իրավունքի ինտեգրմանն ուղղված միջոցառումների օրակարգային հարցեր, նախանշվել համագործակցության հետագա միջոցառումները: https://www.arminfo.info/full_news.php?id=41042 Քաղաքական https://www.arminfo.info/mcgallery/20181026054515.jpg https://www.arminfo.info/full_news.php?id=41042 2019-04-08 20:01:45 Արմինֆո. «Սպայկաե ընկերության տնօրենի կալանավորման հետ կապված իրադարձությունները գտնվում եմ Մարդու իրավունքների պաշտպանի ուշադրության կենտրոնում:   Ինչպես ԱրմԻնֆո-ին հայտնել են Մարդու իրավունքների պաշտպանի գրասենյակից, պաշտպանի որոշմամբ սկսված է քննարկման ընթացակարգ՝ օրենքով նախատեսված քայլեր ձեռնարկելու նպատակով: Համապատասխան գրություն հասցեագրվի Պետական եկամուտների կոմիտե:  Այց կկատարվի նաև քրեակատարողական հիմնարկ՝ տեսակցելու ‹‹Սպայկա›› ընկերության տնօրեն Դավիթ Ղազարյանին։   Նշենք, որ ընդհանուր իրավասության դատարանն այսօր բավարարել է ՙՍպայկա՚ ընկերության տնօրեն Դավիթ Ղազարյանին երկամսյա կալանքի ենթարկելու վերաբերյալ ՊԵԿ-ի միջնորդությունը: Դավիթ Ղազարյանին մեղադրանք է առաջադրվել ավելի քան 7 մլրդ դրամի հարկերից խուսափելու համար: https://www.arminfo.info/full_news.php?id=41041 Քաղաքական https://www.arminfo.info/mcgallery/20190408035925.jpg https://www.arminfo.info/full_news.php?id=41041 2019-04-08 19:58:10 Արմինֆո. Ապրիլի 8-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Ամերիկայի Միացյալ Նահանգների արտակարգ և լիազոր դեսպան Ն.Գ. տիկին Լին Թրեյսիին:   Հանդիպման ընթացքում քննարկվել են ՄԱԿ-ի խաղաղապահության համաժողովին մասնակցելու նպատակով ՀՀ պաշտպանության նախարարի գլխավորած պատվիրակության՝ մարտի 28-ից ապրիլի 2-ը ԱՄՆ կատարած այցի արդյունքները:  https://www.arminfo.info/full_news.php?id=41037 Միջազգային https://www.arminfo.info/mcgallery/20190408031344.jpg https://www.arminfo.info/full_news.php?id=41037 2019-04-08 19:11:36 Արմինֆո. ՀՀ կրթության և գիտության նախարար Արայիկ Հարությունյանն աշխատանքային հանդիպում է ունեցել Չինաստանի Ժողովրդական Հանրապետության արտակարգ և լիազոր դեսպան Թիան Էրլունի հետ:   ԿԳ նախարարն իր խոսքում ընդգծել է, որ կրթության համակարգում Չինաստանի հետ ձևավորված  արդյունավետ ու փոխշահավետ համագործակցությունն ունի ընդլայնման մեծ հնարավորություններ: Անդրադառնալով չինական կողմի հետ վերջին մեկ տարվա ընթացքում իրականացվող ծրագրերին՝ Արայիկ Հարությունյանը նշել է, որ մեր երկրում մեծ հետաքրքրություն կա չինարեն լեզվի և մշակույթի ուսումնասիրման նկատմամբ, որի դրսևորումներից է «Հայ-չինական բարեկամության դպրոցիե բացման ժամանակ արձանագրված դիմորդների աննախադեպ ակտիվությունը: Նախարարի խոսքով` վերջին տարիներին նկատելիորեն մեծացել է նաև հայ երիտասարդների հետաքրքրությունը Չինաստանի  բարձրագույն ուսումնական հաստատություններում կրթության ստանալու նկատմամբ: Նախարար Արայիկ Հարությունյանը նշել է նաև, որ գիտության ոլորտում ևս առկա է համագործակցության ընդլայնման մեծ ներուժ, մասնավորապես՝ տեղեկատվական տեխնոլոգիաների և արհեստական բանականությանն ուղղված ծրագրերի հետ կապված: Այս համատեքստում Արայիկ Հարությունյանն ընդգծել է, որ մայիսին հրավիրված է մասնակցելու Պեկինում կայանալիք «Արհեստական բանականությանե միջազգային համաժողովին, որն իր հերթին կնպաստի այս ուղղությամբ համատեղ ծրագրերի իրականացմանը:   Դեսպան Թիան Էրլուն շեշտել է հայ-չինական կրթական համագործակցության արդյունավետության մասին և պատրաստակամություն հայտնել անհրաժեշտ քայլեր՝ ձեռնարկել առկա ծրագրերն իրագործելու և ընդլայնելու  ուղղությամբ: Այս համատեքստում մասնավորապես կարևորվել է Երևանի Վ. Բրյուսովի անվան պետական լեզվահասարակագիտական համալսարանում գործող  Կոնֆուցիուսի ինստիտուտի չինարենի լեզվի ուսուցման կենտրոնի ընդլայման հնարավորությունը:   Հանդիպման ընթացքում կողմերն անդրադարձել են հայ-չինական փոխգործակցության աշխատանքային մի շարք այլ հարցերի: https://www.arminfo.info/full_news.php?id=41036 Միջազգային https://www.arminfo.info/mcgallery/20180329101436Без названия.jpg https://www.arminfo.info/full_news.php?id=41036 2019-04-08 18:56:34 Արմինֆո. Երևան քաղաքի Աջափնյակ և Դավթաշեն վարչական շրջանների դատախազությունում քրեական գործ է հարուցվել դեռևս 2008թ. ՀՀ Երևան քաղաքի Դավթաշեն համայնքում գտնվող համայնքապատկան տարածքը շուկայականից էականորեն ցածր գնով վաճառելու դեպքի առթիվ:   Մասնավորապես ՀՀ ՔԿ ԵՔՔՎ Աջափնյակ և Դավթաշեն վարչական շրջանների քննչական բաժնում նախապատրաստված նյութերով փաստական տվյալներ են ստացվել այն մասին, որ Երևան քաղաքի Դավթաշեն համայնքի ավագանու 2008թ. սեպտեմբերի 25-ի նիստի որոշման, 2008թ. հոկտեմբերի 6-ի՝ գույքի(օբյեկտի) աճուրդով մասնավորեցման մասին արձանագրության և Դավթաշեն համայնքի ղեկավարի 2008թ. հոկտեմբերի 8-ի որոշման հիման վրա «Տարածքի աճուրդային առուվաճառքի պայմանագրովե Դավթաշեն համայնքի սեփականություն հանդիսացող Դավթաշեն 3-րդ թաղամասի 23/1 շենքի 854.7 քմ մակերեսով հ.7 տարածքը 1 քմ 33.000 ՀՀ դրամով, ընդհանուր՝ 28.205.100 ՀՀ դրամով, օտարվել է մի քաղաքացու:   Նշված տարածքը օտարելուց մոտ մեկ ամիս անց, Երևան քաղաքի Դավթաշեն համայնքի ավագանին 2008թ. նոյեմբերի 11-ի նիստում, իսկ Դավթաշեն թաղային համայնքի ղեկավարը 2008թ. նոյեմբերի 17-ին որոշումներ են կայացրել թաղապետարանի աշխատանքները կազմակերպելու նպատակով հիշյալ օտարված տարածքից 381.1 քմ-ն՝ իր մասնաբաժին հողատարածքով, 20.800.000 ՀՀ դրամով, այսինքն՝ 1 քմ՝ 54.578 ՀՀ դրամով հետ գնելու մասին։ 2008թ. նոյեմբերի 18-ին տարածքը գնած քաղաքացու և Դավթաշեն թաղային համայնքի միջև կնքվել է անշարժ գույքի առուվաճառքի պայամանագիր:    Սակայն համայնքի ավագանին 2009թ. մարտին կայացրած համապատասխան որոշմամբ առուվաճառքի ադ պայմանագիրը լուծել է՝ պայմանագրով սահմանված գումարը բյուջեի սղության պատճառով վճարելու անհնարինության հիմքով: Արդյունքում կողմերի միջև կնքվել է պայմանագիրը լուծելու մասին համաձայնագիր։    Փաստորեն,  ըստ նախապատրաստված նյութերի՝ Դավթաշեն համայնքի ավագանու և Դավթաշեն համայնքի ղեկավարի հիշյալ որոշումներով համայնքային սեփականություն հանդիսացող վերոնշյալ տարածքն օտարվել է շուկայականից էականորեն՝ ավելի քան 18.000.000 ՀՀ դրամով պակաս գնով, ինչի արդյունքում առաջացել են ծանր հետևանքներ։       Նկատի ունենալով, որ նյութերի նախապատրաստմամբ ձեռք են բերվել տվյալներ, որ Երևան քաղաքի Դավթաշեն համայնքի ավագանու և համայնքապետարանի իրավասու պաշտոնատար անձինք առերևույթ չարաշահել են իրենց պաշտոնեական լիազորությունները, ինչն անզգուշությամբ առաջացրել է ծանր հետևանքներ, Երևան քաղաքի Աջափնյակ և Դավթաշեն վարչական շրջանների դատախազության դատախազի կողմից հարուցվել է քրեական գործ՝ ՀՀ քրեական օրենսգրքի 308-րդ հոդվածի 2-րդ մասի հատկանիշներով: Քրեական գործի նախաքննությունը հանձնարարվել է ՀՀ ՔԿ ԵՔՔՎ Աջափնյակ և Դավթաշեն վարչական շրջանների քննչական բաժնին: https://www.arminfo.info/full_news.php?id=41035 Քաղաքական https://www.arminfo.info/mcgallery/20170203021353Без-имени-1.jpg https://www.arminfo.info/full_news.php?id=41035 2019-04-08 18:52:47