Բնակիչների և քաղաքացիական ակտիվիստների բողոքի արդյունքում Կոմիտասի 5 հասցեի բնակարանային համալիրի շինարարությունը դադարեցվել է: Այդ մասին ԱրմԻնֆոյի թղթակցին հաղորդել է ՙՆախախորհրդարան՚ քաղաքացիական շարժման անդամ, հայտնի կինոռեժիսիոր Տիգրան Խզմալյանը:

 Օգոստոսի 20-21-ին ՀՀ պաշտպանության նախարար Սեյրան Օհանյանը հերթական շրջայցն է կատարել հյուսիսարևելյան սահմանագոտի: Նախարարին ուղեկցել են Լոռու մարզպետ Արթուր Նալբանդյանը և Տավուշի մարզպետ Արմեն Ղուլարյանը:

 Նախագահ Պուտինի Բաքու այցի ընթացքում ոչ պակաս կարևոր գործոն էր նախագահի ընտրություններին ընդառաջ Ալիևին որոշակի աջակցության ցուցաբերումը: Այսօր ավելի քան ակնհայտ է, որ հենց Վլադիմիր Պուտինից է կախված այն, թե կստանա արդյոք Ռուստամ Իբրահիմբեկովը տեղեկանք այն մասին, որ Ռուսաստանի քաղաքացի չէ, օգոստոսի 22-ին մամլո ասուլիսի ժամանակ այդպիսի կարծիք է հայտնել Կովկասի ինստիտուտի տնօրեն Ալեքսանդր Իսկանդարյանը:

Երևանի բնակիչները շարունակում են բողոքել Կոմիտասի 5 հասցեում ՙէլիտար՚ բնակարանային համալիրի կառուցման դեմ: ՙՆախախորհրդարան՚ քաղաքացիական նախաձեռնությունը տարածել է հայտարարություն, որում նշվում է, որ դեպքի վայր է ժամանել Արաբկիրի թաղապետ Հրայր Անտոնյանը: Այս պահին շինարարությունը դադարեցված է:

Մեր մտավորականության ֆորումն աշխատանքն սկսել է հենց այն պատճառով, որ մենք վախենում ենք պայթյունից, որն Ադրբեջանի աշխարհաքաղաքական հանգամանքներում կարող է ունենալ ամենատխուր հետևանքներ, քանզի հենց որ այդ գործընթացները դառնան անկառավարելի, դրանք կարող են հեծնել ամենատարբեր արմատական ուժեր: Ես չեմ ցանկանում դրանց մասին բացահայտ խոսել, դրանք հանրահայտ են: Այդպիսի կարծիք է հայտնել Ադրբեջանի նախագահի պաշտոնի ժողովրդավարական ուժերի միասնական թեկնածու, հայտնի կինոռեժիսոր Ռուստամ Իբրահիմբեկովը charter97.org կայքում զետեղված հարցազրույցում: ՙՌուսաստանում, ԱՄՆ-ում ու Եվրոպայում հանդիպումների ժամանակ ես մշտապես ընդգծում եմ այդ պահը: Այսօրվա իշխանություններն ասում են, թե իրենք կողմ են կայունությանը, իսկ մենք նրանց պատասխանում ենք. ՙԻսկ միթե՞ ընտրություններն ապակայունացում է: Մենք հենց առաջարկում ենք ընտրությունների միջոցով փոխել իրավիճակը, իսկ դուք, պայքարելով հանուն կայունության, երկիրը կհասցնեք անկառավարելի գործընթացների, որոնք մեր ժողովրդին մի քանի տասնամյակ հետ կշպրտեն, ինչպես տեղի ունեցավ Մերձավոր արևելքի շատ երկրներում՚, - ընդգծել է կինոռեժիսորը:

Ռուսսատանի դիրքի թուլացումը` որպես Լեռնային Ղարաբաղի հակամարտության կարգավորման գործում միջնորդ, ԱՄՆ-ին հնարավորություն է ընձեռում վերականգնել իր դիրքերը տարածաշրջանում: Այդ մասին գրում է ՙԺառանգություն՚ հիմնադրամի` Ռուսաստանի, Եվրասիայի խնդիրների և միջազգային էներգետիկ քաղաքականության գծով առաջատար փորձագետ Արիել Քոհենը ամերիկյան The National Interest-ում հրապարակված հոդվածում:

Նրա ասելով, Լեռնային Ղարաբաղի հակամարտությունը մնում է որպես գլխավոր փորձաքար Ռուսաստանի և Ադրբեջանի միջև, իսկ Ռուսաստանի նախագահ Վլադիմիր Պուտինի վերջին այցը Բաքու, ըստ երևույթին, էական փոփոխություն չմտցրեց այդ հարցում:

ՙՊուտինը կրկնեց, որ հակամարտությունը պետք է լուծվի ոչ թե ռազմական, այն քաղաքական ճանապարհով: Դա ահազանգ է Ադրբեջանի համար, ում ռազմական բյուջեն ինքնին ավելին է, քան Հայաստանի պետական բյուջեն: Ածխաջրածիններից ստացվող եկամուտների շնորհիվ Ադրբեջանի ռազմական ներուժն աճում է` ներառյալ Ռուսաստանից գնվող զենքը՚, - գրում է փորձագետը:

Նրա ասելով, Կրեմլը պատրաստ չէ կամ չի ցանկանում քննարկել որևէ նոր նախաձեռնություն և առաջարկություն, որը, հնարավոր է, հանգեցնի ձգձված հակամարտության կարգավորման: Քոհենը կարծում է, որ դա առավելապես առնչվում է այդ պարզ փաստին, որն Լեռնային Ղարաբաղը Հարավային Կովկասում Ռուսաստանի քաղաքական և ռազմական ներկայության կարևոր երաշխիք է:

ՙՆախկին նախագահ Դմիտրի Մեդվեդևի գլխավորությամբ չորս տարվա բարձր մակարդակի միջնորդությունից հետո Կրեմլը թուլացրել է իր դիրքը որպես միջնորդ: Դա Վաշինգտոնին հնարավորություն է ընձեռում ամրապնդել իր դիրքերը տարածաշրջանում՚, - գրում է Քոհենը:
ԱՄՆ կարող էր օգտվել այդ իրավիճակից` առաջարկելով Ռուսաստանի հետ աշխատել Լեռնային Ղարաբաղի հակամարտության լուծում որոնելու ուղղությամբ, ասվում է փորձագետի հոդվածում:

Արտենի կայարանի երկաթուղու գծերից մեկի ապամոնտաժումը բոլոր անհրաժեշտ փաստաթղթերով հիմնավորված և նախապես պլանավորված աշխատանք է: Այս մասին ասվում է տվյալ գործողությունների անօրինականության վերաբերյալ որոշ ԶԼՄ-ների կողմից տարածված ինֆորմացիայի առնչությամբ ՙՀարավկովկասյան երկաթուղի՚ ՓԲԸ հասարակայնության հետ կապերի բաժնի պետ Վահե Դավթյանի մեկնաբանության մեջ: 

ՙԱրմենՏել՚ ընկերությունը (ապրանքանիշը Beeline) հայտարարում է ֆիզիկական անձանց համար բջջային կապի ՙԱլֆա՚ և ՙԲետա՚ հետվճարային սակագնային նոր փաթեթների գործարկման մասին: 

 Հայաստանում ՌԴ դեսպանատունը հայտարարություն է տարածել՝ անդրադառնալով օգոստոսի 17-ին տեղի ունեցած միջադեպին։ Հայտարարության մեջ, մասնավորապես, ասվում է. ՙՕգոստոսի 17-ի ժամը 22-ի սահմաններում ՀՀ-ում ՌԴ դեսպանատան հարակից տարածքում ՀՀ ոստիկանության աշխատակիցների և քաղաքացիների միջև տեղի ունեցած միջադեպի մասին ԶԼՄ-ներում շրջանառվող հրապարակումների վերաբերյալ հայտարարում ենք. Մեր աշխատակիցները որևէ առնչություն չունեն տեղի ունեցածին։ Տեղեկությունները, որ որոշ անձինք փորձել են ապօրինաբար մուտք գործել ՌԴ դեսպանատան տարածք կամ ինչ-որ առարկա (առարկաներ) նետել դեսպանատան ուղղությամբ, չեն համապատասխանում իրականությանը՚։

 Քիչ առաջ Կոմիտաս 5 հասցեում գտնվող ապօրինի շինարարության վայրից բերման ենթարկված Տիգրան Խզմալյանը դուրս է եկել Ոստիկանությունից: Ինչպես ԱրմԻնֆո-ին հաղորդել են Նախախորհրդարանի քարտուղարությունից, այս պահին նա նորից Կոմիտաս 5 հասցեում է: 

 Ոստիկանները բերման են ենթարկել Տիգրան Խզմալյանին և ակտիվիստներին, ովքեր մասնակցում էին Կոմիտաս 5 հասցեի շենքի բակում բնակելի համալիրի կառուցման դեմ բողոքի ակցիային: Խզմալյանին և ակտիվիստներին հաջողվել է ներթափանցել շինհրապարակ, որտեղ նրանք փորձել են խոչընդոտել շինարարական աշխատանքների մեկնարկին: Արդյունքում` ոստիկանները Տիգրան Խզմալյանին և ակտիվիստներին նստեցրել են ոստիկականական մեքենաներ, իսկ շենքի բնակիչները ճանապարհը փակել են, ինչի հետևանքով տեղի է ունեցել բախում: 

Սեպտեմբերի վերջին Գյումրիում մեկնարկում է ՙԿինոաշուն՚ ծրագիրը, որը թույլ է տալիս ծանոթանալ տարբեր տարիների հայկական ֆիլմերին: Այդ մասին ԱրմԻնֆոյի թղթակցի հետ զրույցում հաղորդել է Հայաստանի ազգային կինոկենտրոնի մամուլի քարտուղար Ռուզաննա Բագրատունյանը: Ծրագրի բացման վայրը պատահական չի ընտրվել. այս տարի մեկնարկել է ՙԳյումրին` Համագործակցության մշակութային մայրաքաղաք՚ ծրագիրը:

Եվրոպան պարտավոր է պաշտպանել քրիստոնեությունը, սկսելով Ղարաբաղից, որը նրա պատվարն է: Այդ մասին նշվում է Սլովակիայի խորհրդարանի նախկին խոսնակ Ֆրանտիշեկ Միկլոշկոյի` վերջերս հրատարակված ՙԺամանակի նշանակները՚ գրքի գլուխներից մեկում: ՙՔրիստոնեական արժեքները Եվրոպայում օրեցօր խամրում են, իսկ նրա ապագան վտանգված է: Մահմեդական ճնշման դեմ միայնակ պայքարող Ղարաբաղը քրիստոնեության դարպասն է, և նրա ծաղկումն սկսվում է հենց Ղարաբաղից՚, - համոզված է գրքի հեղինակը: 

 Հայաստանի գլխավոր դատախազությունը երախտագիտություն է հայտնում հասարակական կազմակերպություններին, որոնք արձագանքել են ՀՀ զինված ուժերում արձանագրված մահվան ելքով դեպքերի կապակցությամբ, իրականացված քննության արդյունավետությունն ուսումնասիրող աշխատանքային խումբ ստեղծելու նախաձեռնությանը և մասնակցել աշխատանքային խմբի անդրանիկ նիստին: Այդ մասին ասվում է ՀՀ գլխավոր դատախազության տարածած հայտարարությունում:

 Երևանի քաղաքապետարանի շենքի մոտ նստացույցի մասնակիցները  տարածել են հայտարարություն, որում ասվում է, որ ուժային կառույցները, քրեական հեղինակությունները, պետական ապարատի կողմից հովանավորվող անձինք փորձում են ճնշումներ գործադրել նստացույցի մասնակիցների աջակիցների և հարազատների նկատմամբ:

Ի՞նչ իրական բովանդակություն ունեն Հայաստանի եվրաինտեգրման և եվրասիական ինտեգրման վերաբերյալ խոսակցությունները: Ի՞նչ են մեզանից սպասում եվրաատլանտյան հանրությունում և Ռուսաստանում:

Օգոստոսի 20-ին ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի անդամներ ՙԺառանգություն՚ խմբակցության ղեկավար Ռուբեն Հակոբյանը եւ ՀՅԴ խմբակցության քարտուղար Աղվան Վարդանյանը նամակով դիմել են համանուն հանձնաժողովի նախագահ Արտակ Դավթյանին՝ ուսման վճարների թանկացման խնդիրը քննարկելու համար յոթօրյա ժամկետում խորհրդարաանական լսումներ կազմակերպելու առաջարկով: Այդ մասին ԱրմԻնֆո գործակալությանը հաղորդեցին ՙԺառանգություն՚ խմբակցության մամլո ծառայությունից:

Իր դժգոհության ձայնն է բարձրացնում նաև ՙՆերազգային ազատագրական շարժում՚ քաղաքացիական նախաձեռնությունը, որի անդամներն օգոստոսի 20-ին հանդիպել են կրթության և գիտության նախարար Արմեն Աշոտյանի հետ: Իրենց հայտարարությունում նրանք կոչ են անում կասեցնել բուհերում ուսման վճարը 80-200 հազար դրամով ավելացնելու որոշումը, ինչը լրացուցիչ բեռ է շարքային քաղաքացիների բյուջեի համար և կարող է հանգեցնել արտագաղթի տեմպերի աճի: 

Նախագահներ Վլադիմիր Պուտինն ու Սերժ Սարգսյանն, ըստ երևույթին, կլինեն Ռուսաստանի և Հայաստանի վերջին ղեկավարները, որոնց քաղաքական հայացքներում և աշխարհայացքում ինչ-որ ընդհանուր բան կա: Ավելին, Հայաստանի հաջորդ ղեկավարը, հնարավոր է, գործնականում, նույնիսկ ռուսերեն չխոսի: ԱրմԻնֆոյին այդպիսի կարծիք է հայտնել Կովկասի ինստիտուտի քաղաքական հետազոտությունների դեպարտամենտի ղեկավար Սերգեյ Մինասյանը:

Հայաստանը ձեռք է բերել համազարկային կրակի չինական արտադրության AR1A հրթիռային համալիրներ: Այդ մասին հաղորդում է ՙԱզատություն՚ ռադիոկայանը` վկայակոչելով սեփական աղբյուրները:

 Օգոստոսի 20-ի դրությամբ, Վրաստանի Փոթի նավահանգստից դեպի Հայաստան երկաթուղային բեռնափոխադրումներն իրականացվում են անխափան, թեև առկա է դրանց կրճատման իրական վտանգ, ինչը պայմանավորված է նավահանգստի հեղեղման հնարավորությամբ: Այդ մասին ԱրմԻնֆոյի թղթակցին հաղորդել է ՀԿԵ մամուլի քարտուղար Վահե Դավթյանը: