Ռեժիսոր Արա Արուշի ՙՈրսորդ՚ ֆիլմը կներկայացվի օգոստոսի 23-25-ը Կալինինգրադում կայանալիք ՙКороче՚ կարճամետրաժ կինոյի փառատոնում: 

 Մոսկվան պետք է զգուշանա ոչ թե Հայաստանի և Եվրամիության միջև Ասոցացման համաձայնագրի ստորագրումից, այլ`Ադրբեջան-Վրաստան-Թուրքիա ռազմական դաշինքի ստեղծման հեռանկարից, ԱրմԻնֆո-ի թղթակցի հետ զրույցում այդպիսի կարծիք է հայտնել ՄՄՀՊԻ Միջազգային հետազոտությունների ինստիտուտի ավագ գիտաշխատող Լեոնիդ Գուսևը:

 Ռուսաստանի և Ադրբեջանի միջև ռազմատեխնիկական համագործակցության ծավալը հասել է 4 մլրդ դոլարի և աճի միտում ունի: Այդ մասին հայտարարել է Ադրբեջանի նախագահ Իլհամ Ալիևը ՌԴ նախագահ Վլադիմիր Պուտինի հետ համատեղ մամլո ասուլիսում:

 Ռուսաստանը ակտիվորեն աջակցում է Ղարաբաղյան հակամարտության շուտափույթ կարգավորմանը, որը հնարավոր է լուծել միայն քաղաքական միջոցներով: Այդ մասին Բաքվում կայացած հանդիպմանը հայտարարել է Ռուսաստանի նախագահ Վլադիմիր Պուտինը:

Կրթության և գիտության նախարար Արմեն Աշոտյանը մեկնաբանել է բուհերում ուսման դիմաց վարձավճարների բարձրացման մասին որոշումը: Օգոստոսի 13-ին լրագրողների հետ զրույցում նա նշել է, որ վարձավճարի բարձրացումը բուհերի ներքին որոշումն է:

 Կարմիր խաչի միջազգային կոմիտեի Երևանի գրասենյակի ներկայացուցիչներն օգոստոսի 13-ին ընդունել են Ադրբեջանում գերության մեջ հայտնված զինծառայող Հակոբ Ինջիղուլյանի ծնողներին:

 Գիտենալով, որ Եվրասիական միությունը Վլադիմիր Պուտինի համար դարձել է ֆիքս գաղափար, Իլհամ Ալիևը կփորձի առավելագույն արտոնություններ կորզել Ռուսաստանի նախագահի հետ Բաքվի հանդիպումից, այդ թվում ՝ ղարաբաղյան հակամարտության կարգավորման հարցում: Օգոստոսի 13-ին մամուլի ասուլիսում այդպիսի կարծիք է հայտնել քաղաքագետ Աղասի Ենոքյանը: 

 Ադրբեջանն ավանդաբար հաշվեկշիռ է ցուցադրել Ռուսաստանի և Արևմուտքի հետ հարաբերություններում: Եվ եթե Վլադիիր Պուտինի Բաքու այից հետո այդ հաշվեկշիռը խախտվի, ապա Ռուսաստանի հետ Ադրբեջանի մերձեցումը հեռանկարում կարող է Արևմուտքի հետ խնդիրներ ստեղծել: Օգոստոսի 13-ին մամուլի ասուլիսում այդպիսի կարծիք է հայտնել քաղաքագետ Լևոն Շիրինյանը:

 Տվյալ պահին Մոսկվան Հարավային Կովկասում աշխարհաքաղաքական նախապատվությունների ընտրության փուլում է: ԱրմԻնֆոյին այդպիսի կարծիք է հայտնել ՙՀյուսիս-Հարավ՚ քաղաքագիտական կենտրոնի (Մոսկվա) գործադիր տնօրեն Ալեքսեյ Վլասովը, պատասխանելով այն հարցին, թե հնարավոր է արդյոք Մոսկվայի և Բաքվի միջև Ղարաբաղի շուրջ նոր պայմանավորվածությունների ձեռք բերումը Վլադիմիր Պուտինի Ադրբեջան այցի ընթացքում:

Առայժմ վաղաժամ է խոսել Հարավային Կովկասում նոր ռազմավարության անցնելու մասին` Ռուսաստանի վերաբերյալ: Եթե Վրաստանի պարագայում իրավիճակը քիչ թե շատ պարզ է, համենայն դեպս, կարճաժամկետ հեռանկարի համար, ապա Հայաստանի և Ադրբեջանի պարագայում դեռ լիակատար պարզություն չկա: ԱրմԻնֆոյին այդպիսի կարծիք է հայտնել ՙՀյուսիս-Հարավ՚ քաղաքագիտական կենտրոնի (Մոսկվա) գործադիր տնօրեն Ալեքսեյ Վլասովը, պատասխանելով այն հարցին, թե արդյոք Ռուսաստանի նախագահ Վլադիմիր Պուտինի Ադրբեջան այցը կնշանավորի Ադրբեջանի և, ամբողջությամբ վերցրած, տարածաշրջանի նկատմամբ Մոսկվայի նոր ռազմավարության սկիզբ:

Վիլնյուսում ՙԱրևելյան գործընկերության՚ նոյեմբերյան գագաթնաժողովի ժամանակ Հայաստանն, ամենայն հավանականությամբ, կնախաստորագրի ԵՄ-ին ասոցիատիվ անդամակցության և ազատ առևտրի գոտու վերաբերյալ համաձայնագրերը: Արևելյան գործընկերության երկրների շուրջ իրավիճակին հետևող քաղաքագետները չեն կասկածում, որ ՙԱրևելյան գործընկերության՚ գաղափարն ինքնին առաջ է քաշվել ԵՄ կողմից`Լեհաստանի նախաձեռնությամբ, ի հեճուկս Ռուսաստանի ինտեգրացիոն հավակնությունների հետխորհրդային տարածության`վերջինիս կողմից քիչ թե շատ վերահսկելի տարածքների նկատմամբ: Աշխարհի էներգառեսուրսների մեկ երրորդի տիրակալը լինելով`Ռուսաստանը շատ լավ հասկանում է, որ համաշխարհային տերության իր ՙմիավորիչ առաքելությունը՚ պետք է այսպես թե այնպես վերականգնվի, հակառակ դեպքում`ժամանակի ընթացքում իրեն կարող են կլանեն արդեն ներքին կենտրոնախույս միտումները: Թե ինչպիսին պետք է լինի Հայաստանի դիրքորոշումն այս գործընթացներում, ԱրմԻնֆո-ի թղթակիցը խնդրել է իր կարծիքով կիսվել խորհրդարանի անդամ, նախկին վարչապետ և ընդդիմադիր գործիչ Հրանտ Բագրատյանին:

 Բուհերում ուսման վարձավճարի թանկացման դեմ հանդես եկող ակտիվիստների հերթական բողոքի ակցիան իսկական սերիալի է վերածվել: Ինչպես հայտարարվել էր, օգոստոսի 13-ի կեսօրին ակտիվիստները հավաքվելու են ՀՀ Կրության և գիտության նախարարության առջև`նախարար Արմեն Աշոտյանի հետ հանդիպման պահանջով:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 406,5 դրամ, ԵՎՐՈ-ի առքի առավելագույն գինը`540 դրամ, իսկ ռուսական ռուբլու առքի գինը`12,3 դրամ: ԱՄՆ դոլարի վաճառքի առավելագույն գինը կազմել է 407,5 դրամ, ԵՎՐՈ-ի վաճառքի գինը`542 դրամ, իսկ ռուսական ռուբլու վաճառքի գինը`12,4 դրամ:

 Ռուսաստանում հայերի նկատմամբ համատարած հալածանք է սկսվել, գրում է ՙԺամանակ՚ թերթը`վկայակոչելով սեփական աղբյուրները: 

 Տարածքում չկողմնորոշվելու հետևանքով ադրբեջանական ուժերի պահպանության տարածք անցած Հակոբ Ինջիղուլյանի հարազատներն ակցիա են անցկացնում ԿԽՄԿ հայաստանյան ներկայացուցչության շենքի մոտ`Ինջիղուլյանի ճակատագրի վերաբերյալ տեղեկություններ տրամադրելու պահանջով:

Սյունիքի նախկին մարզպետ Սուրեն Խաչատրյանի (Լիսկա) տան մոտ Ավետիք Բուդաղյանի սպանության և Արտակ Բուդաղյանի վիրավորման փաստի առնչությամբ հարուցված քրեական գործի շրջանակում կրկնական փորձաքննություն կանցկացվի: Այդ մասին ԱրմԻնֆոյին հաղորդել է Արտակ Բուդաղյանի փաստաբան Հայկ Ալումյանը, որը ներկայացնում է Բուդաղյանների ընտանիքի շահերը:

 Ադրբեջանական կողմը պետք է զերծ մնա հայ զինվոր Գևորգ Ինջիղուլյանի նկատմամբ սադիստական վերաբերմունքից, ով տարածքում չկողմնորոշվելու պատճառով հայտնվել էր հակառակորդի կողմից վերահսկվող տարածքում, այսօր մամլո ասուլիսի ժամանակ հայտարարել է ռազմական փորձագետ Դավիթ Ջամալյանը:

Այսօր Հայաստանում գործող օլիգարխներն ավելի մեծ գումարներ են վճարում իշխանությունների ՙսեւ դրամարկղ՚, քան պետական բյուջե: Ընդ որում, տարիներ շարունակ գոյություն ունեցած ՙսեւ դրամարկղը՚ գնալով նորանոր ձեւեր է ստանում, նույնիսկ մասամբ ՙօրինականացվել է՚: Խոսքը տվյալ դեպքում իշխանություններին կից զանազան բարեգործական հիմնադրամների մասին է, որոնց միջոցները գոյանում են նույն օլիգարխների կատարած ՙնվիրատվություններից՚:

 Սեպտեմբերի 11-ից մինչև հոկտեմբերի 25-ը Հայաստանում կանցկացվի դասական երաժշտության Երևայան VII միջազգային փառատոնը:

Երևանի քաղաքապետարանի մոտ նստացույց անող և հասարակական տրանսպորտի ուղեվարձի թանկացման դեմ բողոքող ակտիվիստներից մեկը բերման է ենթարկվել ոստիկանության բաժին: