Ադրբեջանն ահաբեկչական պետություն է, լրագրողների հետ զրույցում հայտարարել է փոխարտգործնախարար Շավարշ Քոչարյանը՝ անդրադառնալով զորավարժությունների ժամանակ ադրբեջանական զինված ուժերի կողմից հայկական ՄԻ-24 ուղղաթիռի խոցմանն առնչվող միջադեպին: Քոչարյանը նաև հայտարարել է, որ Ադրբեջանի խորհրդանիշն է Ռամիլ Սաֆարովը, ով կացնահարեց քնած հայ սպային:

Մինչ այժմ ԼՂՀ ԶՈՒ ՄԻ-24 ուղղաթիռի անկման վայրին մոտենալ չի հաջողվում: Այդ մասին հայտարարել է Հայաստանի պաշտպանության նախարարության մամուլի քարտուղար Արծրուն Հովհաննիսյանը` ԱրմԻնֆո-ի թղթակցի հետ զրույցում:

Թուրքիայի արտգործնախարար Մևլութ Չավուշօղլուն համոզված է, որ Լեռնային Ղարաբաղի հակամարտությունը մինչ օրս իր լուծումը չի գտել Ռուսաստանի և Արևմուտքի միջև «սառը պատերազմի» պատճառով: Այդ մասին նա հայտարարել է «Կանալ 24» հեռուստաալիքի եթերից, անդրադառնալով տարածաշրջանային և միջազգային խնդիրներին և, մասնավորապես, Լեռնային Ղարաբաղի հակամարտությանը:

Բաքուն անմարդկային, անբարոյական քաղաքականություն է վարում` գնդակոծելով խոցված հայկական ուղղաթիռի անկման վայրը և թույլ չտալով մոտենալ ուղղաթիռի բեկորներին և վերցնել անձնակազմի անդամների դիակները: Այդ մասին հայտարարել է ԼՂՀ նախագահի մամուլի քարտուղար Դավիթ Բաբայանը, մեկնաբանելով ԱՀ գերիների և անհետ կորածների հարցերի պետական հանձնաժողովի ղեկավար Ֆիրուդին Սադիգովի հայտարարությունն այն մասին, որ եթե Բաքուն ցանկանա, ապա հայկական կողմին թույլ կտա վերցնել զոհված օդաչուների դիակները:

ԵԱՀԿ գործող նախագահի անձնական ներկայացուցիչ Անջեյ Կասպրշիկը Լեռնային Ղարաբաղի  և Ադրբեջանի զինված ուժերի շփման գծի Աղդամի հատվածում դիտարկումից հետո լրագրողների հետ զրույցում հաղորդել է, որ հայկական ուղղաթիռին առնչվող միջադեպից հետո ինքը ցանկացել է այցելել նաև այդ վայրը, սակայն դիտարկման գծով ադրբեջանական կողմի նրա օգնականը հավաստիացրել է, որ դա կարող է  անվտանգ չլինել: Հավշի առնելով այդ հանգամանքը` Կասպրշիկը հրաժարվել է իր նախաձեռնությունից, և դիտարկումն անցկացվել է ավելի վաղ նախատեսված Ասկերանի ուղղությամբ:

Ուկրաինայի ճգնաժամի շուրջ միջազգային իրադրությունը, ԵՄ և Եվրաատլանտյան դաշինքի հետ Ռուսաստանի փոխհարաբերությունները և դրանց ազդեցությունը Հարավային Կովկասում տարածաշրջանային անվտանգության ապահովման խնդիրների վրա այսօր Թբիլիսիում մեկնարկած Հարավային Կովկասի անվտանգության հարցերի շուրջ II համաժողովի մասնակիցների ուշադրության կենտրոնում է հայտնվել:

Կարծում եմ, որ Ռուսաստանի հետ ռազմաքաղաքական, տնտեսական դաշինքի ձևաչափը լավագույնը չէ Հայաստանի անվտանգության ապահովման համար: Առցանց մամուլի ասուլիսում այդպիսի կարծիք է հայտնել Եվրոպայի աշխարհաքաղաքական ֆորումի (Բրյուսել) տնօրեն Մարատ Տերտերովը, պատասխանելով ԱրմԻնֆո-ի այն հարցին, թե արդյոք Ռուսաստանի հետ ռազմաքաղաքական, տնտեսական դաշինքի ձևաչափը լավագոյնն է Հայաստանի բազմամակարդակ անվտանգության ապահովման համար` հաշվի առնելով առկա տարածաշրջանային և մշտապես ծագող համաշխարհային սպառնալիքները:

 Համահայկական բնապահպանական ճակատը (ՀԲՃ) մտահոգություն է հայտնել Տավուշի մարզի անտառների վիճակով: 

«Ժամանակավոր անաշխատունակության նպաստների մասին» օրենքի նախագծից սոցիալիզմի հետ է գալիս: Այս մասին այսօր ՀՀ խորհրդարանի ամբիոնից հայտարարել է ՀՀ նախկին վարչապետ, ՀԱԿ խմբակցության պատգամավոր Հրանտ Բագրատյանը:

Իշխանություններին հարկավոր է ոչ թե ընդդիմության հետ երկխոսություն, այլ`ընդամենը դրա իմիտացիան, լրագրողների հետ զրույցում այդպիսի կարծիք է հայտնել ՙԺառանգություն՚ խմբակցության ղեկավար Ռուբեն Հակոբյանը:

ՀՀ կառավարությունը, ներկայացնելով «Ժամանակավոր անաշխատունակությնա մասին» օրենքի նախագիծը, իրականում փորձում է աշխատավարձը փոխարինել անաշխատունակության նպաստով: Այս մասին այսօր ՀՀ խորհրդարանի ամբիոնից հայտարարել է ՀՅԴ խմբակցությունից ԱԺ պատգամավոր Արծվիկ Մինասյանը:

ՀՀ ԱԺ փոխխոսնակ Էդուարդ Շարմազանովը չի բացառել Ընտրական օրենսգրքի բարեփոխման հնարավորությունը, ինչպես պնդում է ոչ իշխանական քառյակը /ՙԲարգավաճ Հայաստան՚, ՙԺառանգություն՚, ՀՅԴ, ՀԱԿ/, բայց երկրում սահմանադրական բարեփոխումներից հետո միայն: 

Հայկական ակնաբուժության նախագիծը (ՀԱՆ) և Orange Հիմնադրամն ամփոփում են ՙԼույս հայի աչքերին՚ ծրագրի 2014թ.-ի աշխատանքները: Ծրագրի նպատակն է որակյալ ակնաբուժական ծառայությունները հասանելի դարձնել  Հայաստանի մարզերի բնակիչներին՝ Աչքի շարժական հիվանդանոցի միջոցով: 2011թ.-ից ի վեր, այս համագործակցության շնորհիվ արդեն ավելի քան 67,000 մարդ անվճար օգտվել է որակյալ ակնաբուժական ծառայություններից, այդ թվում 5200 մարդ անվճար վիրահատվել է Աչքի շարժական հիվանդանոցում (ԱՇՀ):  
Orange Հիմնադրամի և ՀԱՆ-ի ներկայացուցիչներն այցելել են Էջմիածին քաղաք` ամփոփելու շարժական հիվանդանոցի 2014թ.-ի շրջայցը: Այս նույն օրը նաև մեկնարկեց «1 selfie = 1 ակնոցե ծրագրով նախատեսված ակնոցների տրամադրումը Արմավիրի մարզում: Հիշեցնենք, որ հոկտեմբերին իրականացված առցանց արշավի շրջանակներում Orange-ի ֆեյսբուքյան էջին ուղարկված յուրաքանչյուր  ինքնանկարի դիմաց տեսողության խնդիրներ ունեցող մեկ երեխա ստանալու է անվճար ակնոց: 

 Կոմերցբանկը 2013թ.-ի արդյունքների համաձայն Ամերիբանկին շնորհեց միջազգային գործարքների իրականացման «Որակի գերազանցության» մրցանակը` “STP Award 2013”: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, յուրաքանչյուր տարի Կոմերցբանկն այս մրցանակը շնորհում է աշխարհի տարբեր երկրներում գտնվող լավագույն գործընկեր բանկերին` որպես հատուկ մրցանակ տվյալ բանկերի կողմից միջազգային գործարքների քանակական և որակական ամենաբարձր չափանիշների ապահովման համար:

2014 թվականին Lydian International ընկերության ներդրումները Հայաստանում դադաղել են, ինչը կապված է Ամուլսարի ոսկու հանքավայրի շահագործման վերջնական թույլտվության ստացման հետ: Այս մասին հաղորդել է Գեոթիմ ընկերության գլխավոր տնօրեն Հայկ Ալոյանը, էկոնոմիկայի նախարար Կարեն Ճշմարիտյանի մոտ տեղի ունեցած քննարկումների ընթացքում:

ՀԱԿ-ը Երևանի քաղաքապետարան հայտ է ներկայացրել դեկտեմբերի 10-ին հանհրահավաք և երթ անցկացնելու համար: Դեկտեմբերի 5-ին, 6-ին և 7-ին էլ Ազատության հրապարակում հանրահավաքներ անցկացնելու հայտեր է ներկայացրել «Ժառանգություն» կուսակցությունը:

Խոցելով ղարաբաղյան ԶՈՒ ուղղաթիռը` Բաքուն ձգտել է ռևանշի օգոստոսյան պարտության դիմաց: Մամուլի ասուլիսում այդ մասին հայտարարել է Կովկասի ինստիտուտի տնօրեն Ալեքսանդր Իսկանդարյանը:

 Ադրբեջանցիների կողմից ԼՂՀ ԶՈՒ ՄԻ-24 ուղղաթիռի խոցման նպատակը ղարաբաղյան խնդրի մասին աշխարհին հիշեցնելն էր: Այդպիսի կարծիք է հայտնել անգլիացի քաղաքագետ, Լոնդոնի «Հաշտեցման ռեսուրսներ» («Conciliation Resources») կազմակերպության Կովկասյան ծրագրի ղեկավար Լոուրենս Բրոյերսը՝ «168 ժամ» թերթի թղթակցի հետ զրույցում:

Չափազանց դժվար է պատասխանել այն հարցին, թե արդյոք խոցված ղարաբաղյան ուղղաթիռի շուրջ ողբերգական իրադարձությունները կհանգեցնեն իրավիճակի հետագա սրման` չունենալով հատուկ տեղեկատվություն: Կարող եմ ասել միայն, որ հայկական ռազմական ուղղաթիռին առնչվող միջադեպը, հնարավոր է, անցած ամռան իրադարձությունների շարունակությունն է, երբ շատ մարդ զոհվեց: Առցանց մամուլի ասուլիսում այդպիսի կարծիք է հայտնել Եվրոպական աշխարհաքաղաքական ֆորումի (Բրյուսել) տնօրեն Մարատ Տերտերովը:

ՌԴ կառավարության օրինագծային գործունեության հանձնաժողովը հավանություն է տվել մեկ երկրի տարածքում մյուս երկրի  քաղաքացիների գտնվելու կարգի վերաբերյալ Ռուսաստանի և Հայաստանի միջկառավարական համաձայնագրի վավերացման մասին Ռուսաստանի ԱԳՆ և ԴՄԾ ներկայացրած օրինագծին: Այդ մասին հաղորդել է Ռուսաստանի կառավարության կայքը: