Ուկրաինայի ճգնաժամի շուրջ միջազգային իրադրությունը, ԵՄ և Եվրաատլանտյան դաշինքի հետ Ռուսաստանի փոխհարաբերությունները և դրանց ազդեցությունը Հարավային Կովկասում տարածաշրջանային անվտանգության ապահովման խնդիրների վրա այսօր Թբիլիսիում մեկնարկած Հարավային Կովկասի անվտանգության հարցերի շուրջ II համաժողովի մասնակիցների ուշադրության կենտրոնում է հայտնվել:
Ինչպես հայտնում է ԱրմԻնֆո-ի հատուկ թղթակիցը Թբիլիսիից, համաժողովին մասնակցում է տարբեր երկրների քաղաքական փորձագիտական հանրության ավելի քան 100 ներկայացուցիչ: Կազմակերպիչներն են` Եվրոպական և Հյուսիսատլանտյան հարաբերությունների կենտրոնը (CENAA) և Ռազմավարական և միջազգային հետազոտությունների վրացական հիմնադրամը (GFSIS):
Փորձագետների կարծիքով, Ուկրաինայի վերջին իրադարձությունները լուրջ բանավեճ հարուցեցին ՆԱՏՕ-ի հիմնարար սկզբունքների շուրջ`ներառյալ Եվրաատլանտյան դաշինքի անդամ երկրների անվտանգության ապահովման սկզբունքները, ԵՄ երկրների արտաքին քաղաքականության և անվտանգության հարցերի, ինչպես նաև Ռուսաստանի ու Ուկրաինայի հետ վերջիններիս փոխհարաբերությունների սրբագրման ակտուալությունը`վերջինիս ռազմավարական կողմնորոշման համատեքստում: Մյուս կողմից`նոր իրավիճակը լույս է սփռում Ռուսաստանի ռազմավարական նպատակների վրա`ոչ միայն ՆԱՏՕ-ի հետ այդ երկրի փոխհարաբերությունների առումով, այլ նաև`Արևելյան Եվրոպայի, Հարավային Կովկասի և Կենտրոնական Ասիայի երկրների հետ փոխհարաբերություններում վերջինիս քաղաքական ուղեգծի կտրվածքով:Նշենք, որ համաժողովի ձևաչափը քիչ էր հիշեցնում բանավեճային մոդելը`կապված իրավիճակի առնչությամբ սկզբունքորեն այլընտրանքային տեսակետերի բացակայության հետ, և առավելապես ուղղված էր Ռուսաստանի քաղաքական գծի քննադատությանը, որին, ելույթ ունեցողների կարծիքով, անհաջողություն է սպասում`բազմաբևեռ աշխարհ կառուցելու իր քաղաքականությամբ: Որոշ բանախոսների կարծիքով Ռուսաստանը ձգտում է ամեն գնով պահպանել հետխորհրդային երկրների վրա իր քաղաքական ազդեցությունը:
Սակայն, Ռուսաստանի ՙփափուկ ուժի՚ քաղաքականությունը ձախողվել է, և այժմ այդ ՙփափուկ ուժին՚ փոխարինել է ՙկոշտ ուժը՚`Ղրիմի բռնակցման, Ուկրաինայի հարավ-արևելք ներխուժման և ՙԻսկանդեր՚ հռթիռներով Կալինինգրադի ռազմակայանի ուժեղացման տեսքով: Համաժողովում միտք է հնչել, որ Ռուսաստանի կողմից Եվրոպայում, այդ թվում Հարավային Կովկասում սառեցված հակամարտությունների ստեղծումը տարբեր տարածաշրջաններում, այդ թվում Վրաստանում`որպես ածխաշրջածնային ռեսուրսների տարանցիկ երկիր, ազդեցության պահպանման փորձարկված սցենար է: Սակայն, այդ իրավիճակը հղի է մեծ վտանգով, քանի որ Ղրիմի բռնակցումը լիովին կարելի է դիտարկել որպես նախադեպ Ադրբեջանի համար, որը հույս ունի Լեռնային Ղարաբաղի խնդիրը լուծել ռազմական ուժի միջոցով: Ուկրաինացի քաղաքագետների կարծիքով, Եվրոպայի և ՆԱՏՕ-ի հետ մերձենալու Ուկրաինայի ձգտումը կազմակերպչական ընտրություն չէ, ինչում սխալմամբ համոզված են Կրեմլում, այլ`քաղաքակրթական:
Եվ, այնուամենայնիվ, եվրոպացի քաղաքագետները գտնում են, որ ներկայիս աշխարհաքաղաքական մարտահրավերները պարտավորեցնում են ՆԱՏՕ-ին կատարելագործել իր ենթակառուցվածքը`այն դարձնալով ավելի ճկուն, ի հայտ եկող սպառնալիքներին արագ արձագանքելու ունակ: Այնուամենայնիվ, համաժողովում հայտնվել են նաև այլ տեսակետներ, օրինակ`այն, որ Ռուսաստանի նկատմամբ պատժամիջոցները կարող են միագամայն հակառակ արդյունքն ունենալ ու կհանգեցնեն հետխորհրդային տարածքում Եվրասիական գաղափարի և ուժի նոր կենտրոնի`ի դեմս ԵԱՏՄ-ի, ստեղծման հովանու ներքո իր աշխարհաքաղաքական ու տնտեսական շահերի պաշտպանությանն ուղղված Ռուսաստանի ջանքերի կենտրոնացմանը: Ռուսաստանը, գտնվելով պատժամիջոցային խիստ ճնշման ներքո, կարող է ավելի պակաս կանխատեսելի դառնալ, և այդ հանգամանքը ոչ մի կերպ չի նպաստում եվրոպական անվտանգության ապահովմանը: Ռուսաստանն ամեն դեպքում այսօր շահագրգռված չէ Հարավային Կովկասում առճակատման աճով`ունենալով առանց այդ էլ չլուծված շատ խնդիրներ: Նշենք, որ երկօրյա համաժողովի ընթացքում մասնակիցները մտադիր են անվտանգության ապահովման հետ կապված խնդիրների բավականին լայն շրջանակ քննարկել:
Դրանց թվում են`Վիշեգրադյան քառյակի դերն ուկրաինական ճգնաժամի առնչությամբ ԵՄ քաղաքականության համատեքստում, Արևելյան գործընկերության զարգացման հարցերը վիլնյուսյան գագաթնաժողովից հետո, Չինաստանի`որպես համաշխարհային գերտերություն, դիրքորոշումն աշխարհում տեղի ունեցող իրադարձությունների առնչությամբ և Չինաստանի կողմից նոր նախաձեռնության`այսպես կոչված, Մեծ մետաքսի ճանապարհի Տնտեսական գոտու իրականացումը (Silk Road Economic Belt): Համաժողովում կքննարկվեն էներգետիկ անվտանգության և էներգետիկ ենթակառուցվածքի զարգացման խնդիրները, ինչպես նաև անդրազգային էներգետիկ նախագծերի իրականացման հետ կապված ռիսկերն ու սպառնալիքները:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenian authorities` actions evidence of country`s movement to elimination of statehood - expert 
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
