Ադրբեջանի զինանոցում կա ամենաժամանակակից և բարձրճշգրտությամբ զենքը, որը երաշխավորված կոչնչացնի ցանկացած ռազմավարական օբյեկտ կամ ենթակառուցվածք Հայաստանի տարածքում, ինչը կհանգեցնի Հայաստանի վերացմանը` որպես պետություն», - ասվում է Ադրբեջանի պաշտպանության նախարարության հայտարարությունում, ի պատասխան Հայաստանի նախագահ Սերժ Սարգսյանի այն հայտարարության, թե ՀՀ ունի բալիստիկ հրթիռներ, որոնց գործողության շառավիղը 300 կմ-ից ավելի է, և դրանք շատ կարճ ժամանակում ցանկացած ծաղկուն բնակավայր կարող են վերածել այնպիսի ավերակների, ինչպիսին հիմա Աղդամի ավերակներն են: Սերժ Սարգսյանի նման հայտարարությունը պայմանավորված է «Երևանը զավթելու» մտադրության վերաբերյալ Բաքվի մշտական ռազմաշունչ սպառնալիքներով:

«ՎՏԲ-Հայաստան Բանկի» աջակցությամբ Ստեփանավանի «Էլեն» հանգստյան տանը հաշմանդամություն ունեցող երեխաների համար մեկնարկեց ճամբարային սեզոնը: Այս տարի «Ամառային ներառական ճամբար 2014»-ում իրենց հանգիստը կանցկացնեն ավելի քան 200 երեխա: Բանկի ջանքերով հանգստյան տանը իրականացվել է խոհանոցի և ճաշարանի վերանորոգում, ձեռք են բերվել խոհանոցային պարագաներ: Ինչպես ԱրմԻնֆո գործակալությանը հաղորդեցին բանկի մամուլի ծառայությունից, անցյալ տարի բանկն իրականացրել է Ստեփանավանի հանգստյան տան վերանորոգումը` ճամբարի համար ստեղծելով անհրաժեշտ ենթակառուցվածք, վերազինել տնակները և տարածքը` սայլակներով երեխաների տեղաշարժը ճամբարի տարածքում հեշտացնելու նպատակով:

Այսօր ժամը 18:00-ին մայրաքաղաքի Անգլիական այգում երիտասարդները միասին նշելու են  Երիտասարդության միջազգային օրը՝ բացահայտելով և աջակցելով միմյանց։ Միջոցառումը կազմակերպվում է ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ, ՄԱԿ-ի Բնակչության հիմնադրամի կողմից,  ՀՀ սպորտի և երիտասարդության հարցերի նախարարության աջակցությամբ:

Արցախի և Ադրբեջանի հակամարտ զորքերի շփման գծում նկատվել է հրադադարի ռեժիմի խախտման դեպքերի անկում: Այդ մասին հաղորդել է ԼՂՀ պաշտպանության բանակի մամուլի ծառայությունը:

 ԱՄՆ ոգեշնչված է Հայաստանի և Ադրբեջանի ղեկավարներ Սերժ Սարգսյանի և Իլհամ Ալիևի Սոչիի հանդիպումից, ԱՊԱ-ին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:

Անցած գիշեր և այսօր առավոտյան հայ-ադրբեջանական պետական սահմանագոտու տարբեր հատվածներում կրկին արձանագրվել են ադրբեջանական կողմից հրադադարի ռեժիմի խախտման դեպքեր: Հրադադարի պահպանման ռեժիմի խախտումների պարբերականության նվազման միտումը պահպանվել է:

  ՀՀ էկոնոմիկայի նախարար Կարեն Ճշմարիտյանը նախօրեին ընդունել է ՀՀ-ում Ուկրաինայի արտակարգ և լիազոր դեսպան Իվան Կուխտային: Հանդիպմանը ներկա էին նաև ՀՀ էկոնոմիկայի նախարարի տեղակալ Սերգեյ Ավետիսյանը և Ուկրաինայի դեսպանության քաղաքական հարցերով խորհրդական Ռոման Իգոր Սվյատոսլավովիչը:

Ապրիլի 23-ի` լույս 24-ի գիշերը Հայաստան կժամանի Թուրքիայի  նախագահ Ռեջեփ Թայիփ Էրդողանի գլխավորած մեծ պատվիրակություն, որը ներկա կգտնվի Ծիծեռնակաբերդում, Մեծ եղեռնի զոհերի հուշահամալիրում  իրականացվելիք միջոցառումներին: Այդ մասին օգոստոսի 12-ին լրագրողներին հայտարարել է տարածաշրջանային հարցերի փորձագետ,  վերլուծաբան Սարգիս Հացպանյանը: Նրա ասելով, դա կլինի միջազգային հանրության և հայության աչքերին թոզ փչելու ընդհանուր ռազմավարության շրջանակում Անկարայում մշակված միջոցառումների գագաթնակետը: «Այդ ռազմավարության շրջանակում նախատեսվում է Էսքիշեհիրում վերականգնված հայկական մեծ եկեղեցու բացում, որոշակի հայկական տեղանունների վերականգնում  Թուրքիայի քարտեզի վրա: Մարմարայով դեպի Հայաստանի սահման տանող ճանապարհը կստանա Հանտ Դինքի անունը` դրանով իսկ խորհրդանշելով խաղաղության ճանապարհը: Վերջապես, Թուրքիան կընդունի օրենք, որը թույլ կտա ԹՀ քաղաքացիություն շնորհել կոտորված և երկրից տեղահանված հայերի բոլոր ժառանգներին, որ սփռված են աշխարհով մեկ: Այդ օրենքը Ցեղասպանության զոհերի սերունդներին թույլ կտա մասնակցել ընտրություններին և, նույնիսկ, ընտրվել», - նշել է նա:

Ստեփանակերտում ԿԽՄԿ առաքելության ներկայացուցիչներն այցելել են կալանավորված ադրբեջանցի դիվերսանտներին: Ինչպես ԱրմԻնֆո-ի թղթակցի հետ զրույցում հաղորդել է ԿԽՄԿ Երևանի պատվիրակության ներկայացուցիչ Զառա Ամատունին, հանդիպումը կայացել է օգոստոսի 11-ի երեկոյան և ընթացել է կանոնակարգի համաձայն: Ամատունին նաև հաղորդել է, որ նամակների հանձնում չի եղել:

 Լարվածության սրումը ղարաբաղյան հակամատրության գոտում կարող է անդրադառնալ Վրաստանի վրա և հակամարտության մեջ ներքաշել Ռուսաստանին, Թուրքիային, հնարավոր է՝ նաեւ Իրանին: Այդ մասին գրում է Bloomberg-ը` վկայակոչելով վերլուծաբան Լոուրենս Շիթսին:

Բելառուսի քաղաքացին օդապարիկով անհաջող վայրէջք է կատարել Սևան քաղաքի բուսաբանական այգու մոտ գտնվող սարալանջին` վնասելով ոտքն ու մեջքը:

Կարմիր խաչի միջազգային կոմիտեն բանակցություններ է վարում Չինարի գյուղի բնակիչ, 31-ամյա Կարեն Պետրոսյանի մարմինը վերադարձնելու շուրջ, ով զոհվել է Ադրբեջանում գերության մեջ: Սակայն, ինչպես հաղորդել է ԿԽՄԿ Երևանի գրասենյակի ներկայացուցիչ  Զառա Ամատունին, այդ հարցում առայժմ զգալի առաջընթաց չկա:

Եվրոպական դատարանը`  2014թ. մարտի 18-ին,  Լոռու մարզի Թեղուտ և Շնող գյուղերի բնակիչներ՝  Ռուսայել, Ժենիկ, Շաղակ, Վ. Մաշինյանների, Լ.Ռամազյանի,  Լ.Ալիխանյանի,  Ռ.Մելիքսեթյանի, Ա. Ալիխանյանի, և այլոց գանգատների հիման վրա քնվող թվով 9 գործերով հարցեր է ուղղել ՀՀ կառավարությանը:

Հայ-ադրբեջանական շփման գծում լայնածավալ ռազմական սադրանքը կազմակերպվել է Մոսկվայի կողմից, որպեսզի Ադրբեջանին ստիպեն առանց այլընտրանքի անդամակցել Մաքսային միությանը: ԱրմԻնֆո գործակալությանն այդպիսի կարծիք է հայտնել ադրբեջանցի քաղաքագետ Զարդուշտ Ալիզադեն:

Թուրքիայում կայացած նախագահական ընտրություններում հաղթած նախկին վարչապետ Ռեջեփ Թայիփ Էրդողանը կձգտի սահմանադրական փոփոխությունների միջոցով ամրապնդել իր իշխանությունը, ընդհուպ ավտորիկտարիզմ` Ռուսաստանում Պուտինի վարչակարգի օրինակով; Օգոստոսի 11-ին մամուլի ասուլիսում այդպիսի կարծիք է հայտնել թուրքագետ Արտակ Շաքարյանը:

Այսօր Հայաստանն Ադրբեջանի հետ դիմակայության իրական կողմ չէ, քանի որ Երևանը բավականին վաղուց ղեկավարվում է Ռուսաստանից: ԱրմԻնֆո-ին այդպիսի կարծիք է հայտնել ադրբեջանցի քաղաքագետ Զարդուշտ Ալիզադեն:

Առավելագույնը, ինչ կարելի էր ակնկալել Հայաստանի, Ռուսաստանի և Ադրբեջանի նախագահների Սոչիի հադիպումից, լարվածության թուլացումն է շփման գծում: Այդ մասին ԱրմԻնֆո-ին հայտարարել է ԲՀԿ խորհրդարանական խմբակցության քարտուղար Նաիրա Զոհրաբյանը: «Հաշվի առնելով, թե ինչպիսի ցինիկ, անկանխատեսելի և անհուսալի հակառակորդի հետ մենք գործ ունենք, չէր կարելի ինչ-որ բեկում ակնկալել Սոչիում: Մենք բազմիցս համոզվել ենք, որ Իլհամ Ալիևը չի կարողանում հարգել ձեռք բերված պայմանավորվածությունները, նա ամեն անգամ կոպտագույնս խախտում է դրանք», - ասել  Զոհրաբյանը, հավելելով, որ իրեն մտահոգում է այլ բան, մասնավորապես, Ադրբեջանի ղեկավարության` միջնադարյան ինկվիզիցիայի ոգով  գործողություններին միջազգային հանրության արձագանքի բացակայությունը:

 Հայաստանի, Ռուսաստանի և Ադրբեջանի նախագահների Սոչիի հանդիպումից Ստեփանակերտի ակնկալիքները հանգում էին այն բանին, որպեսզի  տարածաշրջանում տիրեն հրադադար և կայունություն: Այդ մասին ԱրմԻնֆո-ին հայտարարել է ԼՂՀ նախագահի մամուլի քարտուղար Դավիթ Բաբայանը:

Beeline–ը հայտարարում  է բջջային ցանցի և 3G-ծածկույթի մասշտաբային ընդլայնման մասին մայրաքաղաքում և Հայաստանի չորս մարզում։ 

 Այսօր Orange-ը հայտարարեց, որ իր նոր՝ 041 կոդով սկսվող հեռախոսահամարները Orange-ի խանութներից հնարավոր կլինի ձեռք բերել օգոստոսի 20-ից:  Սա Հայաստանի բոլոր օպերատորների բաժանորդներին նոր հնարավորություն կտա՝ միանալու Orange-ին և օգտվելու հատուկ առաջարկներից և բարձր որակի ծառայությունից` ի հավելումն այս տարվա սկզբից արդեն իսկ առկա այն հնարավորության, որի շնորհիվ նրանք կարող են միանալ Orange-ին՝ առանց փոխելու իրենց ներկա հեռախոսահամարը: