Հայաստանի կողմից Եվրամիության ասոցացված անդամի կարգավիճակի ստացումը կարող է էապես բարդացնել Եվրոպայի և Ադրբեջանի հարաբերությունները: Սակայն Հայաստանի Եվրաինտեգրման գործընթացը Բաքուն մերձեցնում է Մոսկվային, նպաստելով ռուս-ադրբեջանական հարաբերությունների որակական բարելավմանը՚,-ԱրմԻնֆո գործակալության հետ հարցազչույցում հայտարարել է լոնդոնյան փորձագետ Սիմոն Մանուկյանը:

 Կոմիտասի 5 հասցեի բազմահարկ շենքի շինարարական աշխատանքները կասեցվել են: Ինչպես ԱրմԻնֆոյի թղթակցի հետ զրույցում հաղորդել է ՙՆախախորհրդարան՚ քաղաքացիական նախաձեռնության անդամ Տիգրան Խզմալյանը, օգոստոսի 26-ի առավոտյան բանվորները փորձել են բետոն խառնել, սակայն տեղի բնակիչները սուլել են նրանց, և, արդյունքում, բանվորները հեռացել են շինհրապարակից: Տվյալ պահի դրությամբ ՙՆախախորհրդարանի՚ ակտիվիստները հերթապահում են Կոմիտաս-5-ում: Ինչպես հավաստիացրել է Խզմալյանը, անհրաժեշտության դեպքում նրանց կմիանան նոր ուժեր:

 Երևանի քաղաքապետարանի մոտ նստացույց անող ակտիվիստների նկատմամբ հարձակում գործած ավազակախումբն ուղղորդվում է Ոստիկնությոջնից: Լրագրողների հետ զրույցում այդպիսի կարծիք է հայտնել ակտիվիստ Սուրեն Սահակյանը: Նա կարծում է, որ նման պնդման առիթ է ծառայում իրավապահ ուժերի անգործությունը, որոնց իրենք դիմել են պատահածի առնչությամբ:

 Արդեն մեկ տարի անց Բաքու-Թբիլիսի-Կարս երկաթուղու շինարարությունը կավարտվի, ինչ էապես կավելացնի բեռների հոսքը դեպի Եվրոպա: Այդ գործընթացը չի կարող չմտահոգել Ռուսաստանին, հաշվի առնելով, որ այն ոչ միայն իրեն չի կոտեցնում Հայաստանը, այլև Երևանը ավելի է շրջում դեպի Եվրոպա: Այդ մասին հայտարարել է Վրաստանի վերաինտեգրման նախարար Պաատա Զաքարեիշվիլին:

 Երևանի առևտրային բանկերից ԱրմԻնֆո գործակալությանը տրամադրված տվյալների համաձայն, տարադրամի փոխանակման բանկային կետերում այսօր ԱՄՆ 1 դոլարի առքի առավելագույն գինը կազմել է 405,5 դրամ 1 դոլարի դիմաց, եվրոյի առքի առավելագույն գինը` 541,5 դրամ 1 եվրոյի դիմաց, իսկ ռուսական ռուբլու առքի գինը`12,2 դրամ 1 ռուբլու դիմաց: ԱՄՆ դոլարի վաճառքի նվազագույն գինը կազմել է 407 դրամ 1 դոլարի դիմաց, եվրոյի վաճառքի գինը կազմել է 545 դրամ 1 եվրոյի դիմաց, իսկ ռուսական ռուբլու վաճառքի գինը`12,3 դրամ 1 ռուբլու դիմաց:

Օգոստոսի 26–ին Երևանում մեկնարկել է միջազգային խոշոր քիմիական կոնֆերանսը (Frontiers in Chemistry 2013): Այս կարևոր իրադարձությանը որպես բանախոսներ Հայաստան են ժամանել արդի քիմիայի հարյուրից ավելի լավագույն գիտնականններ ԱՄՆ-ից, Ճապոնիայից, Մեծ Բրիտանիայից, Ֆրանսիայից և Կանադայից և այլ երկրներից
ՙFrontiers in Chemistry 2013՚ ծրագիրը ներառում է հրավիրված 19 գիտնականների զեկույցներ և դասախոսություններ: Կոնֆերանցի շրջանակներում կքննարկվեն կենսաօրգանական և սուպրամոլեկուլյար քիմիայի, քիմիական կենսաբանության և նանոտեխնոլոգիաների հարցեր:

ՀՀ ԳՆ սննդամթերքի անվտանգության պետական ծառայության պետի որոշման համաձայն, ժամանակավորապես արգելվել է Հունաստանի Հանրապետության Մակեդոնիա և Թրակիա վարչական տարածքից մի շարք ապրանքների ներկրումը Հայաստան:

Գերմանիայի Շվերին քաղաքում  վարկանշային մենամարտում գերմիջին քաշային կարգում աշխարհի նախկին չեմպիոն, Գերմանիան ներկայացնող Արթուր Աբրահամը (Աավետիք Աբրահամյան) միավորներով հաղթել է նամիբիացի Վիլբեֆորս Շիհեպոյին: 

Այն պնդումը, թե իմ պաշտպանյալ Արտակ Բուդաղյանը հրաժարվել է Նիկոլայ Աբրահամյանի, Կարինե Հարությունյանի, Լարիսա Բարսեղյանի և Անգելինա Քայանի հետ առերեսումից, բացարձակ ապատեղեկատվություն է, որը տարածվել է վերջին օրերին Խաչատրյանների շահերին համապատասխան ձեռնարկված հերթական մեծ գրոհի շրջանակներում: Այդ մասին ԱրմԻնֆո գործակալությանը հայտարարել է Արտակ Բուդաղյանի փաստաբան Հայկ Ալումյանը:

 Կոմիտաս փողոցում շաբաթ օրը տեղի ունեցած միջադեպի վերաբերյալ Օմբուդսմենի գրասենյակը ստացել է բազմաթիվ ահազանգեր և հետևել իրավիճակին  արագ արձագանքման խմբերի ու լրատվամիջոցների շնորհիվ: Ինչպես նշվում է Ոստիկանության գործողությունների առնչությամբ օմբուդսմեն Կարեն Անդրեասյանի տարածած հայտարարությունում, որի տեքստը տրամադրվել է ԱրմԻնֆո գործակալությանը, այդ միջադեպը նոր ցավ և դարձյալ հիասթափություն էր օմբուդսմենի համար: ՙՀատկապես հիասթափեցնող էր առանձին ոստիկանների ոչ պրոֆեսիոնալ, էմոցիոնալ ու անկանոն պահվածքը: Միջադեպի կապակցությամբ մենք վարույթ ենք հարուցել: Արդեն պատրաստ է և այսօր կուղարկվի մեր պաշտոնական հարցումը Ոստիկանությանը: Ի թիվս այլ հարցերի մենք հատկապես ցանկանում ենք պարզել Արգիշտի Կիվիրյանի և այլ քաղաքացիների նկատմամբ կիրառված ֆիզիկական բռնության համաչափությունը: 

 Հոկտեմբերին Երևանում տեղի կունենա դուդուկի վարպետներ Լևոն Մադոյանին, Վաչե Հովսեփյանին և Ջիվան Գասպարյանին նվիրված խմբակային քանդակի բացումը:

 ՙՕգոստոսի 23-ին հայ-ադրբեջանական սահմանին տեղի ունեցած դեպքի առնչությամբ հայտնում ենք, որ ձեռք բերված տվյալները հիմք են տալիս եզրակացնելու, որ հայ զինվորներին հրազենային վնասվածքները պատճառվել են հակառակորդի դիպուկահար կրակից, 700-800 մետր հեռավորությունից՚,-ասվում է ՀՀ ՊՆ հայտարարության մեջ: 

2013 թ.-ի օգոստոսի 19-ին Ինֆորմացիայի ազատության կենտրոնը դիմել է ՀՀ վարչական դատարան ընդդեմ ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի տեղեկատվական տեխնոլոգիաների կենտրոնի: Այս կառույցը մերժել էր Մաշտոցի պողոտայի Փակ շուկայի նկատմամբ սեփականության կամ փակ շուկայի վարձակալության հիմքերի վերաբերյալ տեղեկատվությունը տրամադրել անվճար:

Համահայկական բնապահպանական ճակատը (ՀԲՃ) ՀՀ գլխավոր դատախազությանը և ՀՀ հատուկ քննչական ծառայությանը կոչ է անում ուսումնասիրել Սյունիքի մարզի Տաշտուն համայնքում վերամշակման ֆաբրիկայի ապօրինի շինարարության հետ կապված իրավիճակը: 

 Կոմիտաս 5 հասցեում գտնվող ապօրինի շինարարության վայրից բերման է ենթարկվել Նախախորհրդարանի անդամ Եղիա Ներսեսյանը: 

Մինչ այժմ Հայաստանը չունի Վրաստանի հետ միջպետական հարաբերությունների համար մշակված որևէ քաղաքական ծրագիր: Եվ կարելի է համարել, որ մենք մեր դաշնակցին ուղղակի ՙտվել ենք՚ Թուրքիային և Ադրբեջանին, թեև շատ հարցերում կարող էինք նպաստել այդ երկրում ազգամիջյան հարաբերությունների լուծմանը`մեծ և ամուր սփյուռքի առկայության շնորհիվ, այսօր մամլո ասուլիսի ժամանակ այդպիսի կարծիք է հայտնել ՙՂարաբաղ՚ կոմիտեի անդամ Աշոտ Մանուչարյանը: Նրա կարծիքով, խնդիրն այն է, որ Հայաստանի ղեկավարությունը չունի միասնական քաղաքական կողմնորոշիչ, չկա ՙճանապարհ՚, որով պետք է առաջ ընթանանք:

Երևանում օգոստոսի 24-ին վերսկսվել է Կոմիտաս 5 հասցեում էլիտար բնակարանային համալիրի շինարարությունը: Այս մասին ահազանգել է ՙՆախախորհրդարան՚ քաղաքացիական շարժման անդամ Տիգրան Խզմալյանը: 

ՀՀ փոխվարչապետ, տարածքային կառավարման նախարար Արմեն Գեւորգյանն այսօր Արագածոտնի մարզ կատարած այցի ընթացքում ծանոթացավ մարզի առաջնահերթ խնդիրների լուծման չորրորդ ծրագրով մի շարք համայնքներում կրթական հաստատությունների վերանորոգման աշխատանքների ընթացքին:Առաջնահերթ խնդիրների լուծման չորրորդ ծրագրի շրջանակում մարզում ընդհանուր առմամբ վերանորոգվում է 11 դպրոց: