Թիվ 3 կառավարության շենքի պատշգամբից տղամարդ է ցած նետվել: Ինչպես ԱրմԻնֆոյին տեղեկացրել է իրազեկ աղբյուրը, միջադեպը տեղի է ունեցել 6-րդ հարկում, որտեղ գտնվում է Կրթության և գիտության նախարարությունը: Ստացած վնասվածքներից տղամարդը տեղում մահացել է:

Մոսկվան ստիպված է հաշվի առնել Երևանի կարծիքն իր տարածաշրջանային քաղաքականությունում: ԱրմԻնֆոյին այդպիսի կարծիք է հայտնել Կովկասի ինստիտուտի քաղաքական հետազոտությունների դեպարտամենտի ղեկավար Սերգեյ Մինասյանը:

 Հայ սահմանապահներն օգոստոսի 18-ին Լոռու մարզի Ճոճկան գյուղի մոտակայքում ձերբակալել են Վրաստանի քաղաքացի ազգությամբ ադրբեջանցու` սահմանն ապօրինի, առանց փաստաթղթերի հատելու համար:

Իմ կարծիքով, Ավելի տրամաբանական կլիներ թյուրքալեզու պետությունների գագաթնաժողովը կազմակերպել նրանց պատմական հայրենիքի տարածքներում` Ալթայից մինչև Միջին Ասիա: ԱրմԻնֆոյին այդպիսի կարծիք է հայտնել ԱԺ փոխխոսնակ Էդուարդ Շարմազանովը` մեկնաբանելով Թուրքիայի նախագահ Աբդուլլահ Գյուլի հայտարարությունը:
ՙ

2013 թ. նոյեմբերին Հայաստանը պատրաստվում է ԵՄ հետ Ասոցացման համաձայնագիր նախաստորագրել: Սակայն, մինչ օրս որևէ բաց աղբյուրում, առնվազն` Հայաստանում,  այդ 1,5 հազար էջանոց փաստաթղթի մասին տեղեկատվություն հնարավոր չէ գտնել: Ձեր կարծիքով, որքանո՞վ է լեգիտիմ դրա նախաստորագրումը`հաշվի առնելով դրա բովանդակության վերաբերյալ հայ հասարակության կատարյալ անտեղյակությունը:

Թուրքիայի նախագահ Աբդուլլահ Գյուլը ցանկանում է, որպեսզի թյուրքալեզու պետությունների համագործակցության խորհրդի գագաթնաժողովն ապագայում անցկացվի Լեռնային Ղարաբաղում: Այդ մասին նա հայտարարել է վերը նշված կազմակերպության գագաթնաժողովում` Գաբալայում, հաղորդում է APA-ն:
Ընդ որում Գյուլը, ինչպես սովորաբար լինում է նման դեպքերում, վերստին դժգոհել է ղարաբաղյան խնդրի լուծված չլինելու և ՙադրբեջանական հողերի օկուպացման՚ առնչությամբ: Ավելին, Գյուլը հավաստիացրել է, որ  ղարաբաղյան խնդիրն այսօր թյուրքական աշխրահի բոլոր նշանակալի հարցերից գլխավոր է: Նա նաև նշել է, թե Լեռնային Ղարաբաղի խնդիրը պետք է լուծվի ամենակարժ ժամկետներում:

 Բաքու այցի ընթացքում Ռուսաստանի նախագահ Վլադիմիր Պուտինին չի հաջողվել լուծել իր երկու հիմնական խնդիրները, մասնավորապես, Ադրբեջանին ներքաշել իր ինտեգրացիոն նախագծերի մեջ, ինչպես նաև ստիպել Ադրբեջանին հրաժարվել Ռուսաստանի շրջանցմամբ դեպի Եվրոպա էներգակիրների փոխադրումից: Այսօր մամուլի ասուլիսում այդպիսի կարծիք է հայտնել Գլոբալիզացիայի և տարածաշրջանային համագործակցության վերլուծական կենտրոնի տնօրեն Ստեփան Գրիգորյանը:

 ՀՀ-ում ՌԴ դեսպան Իվան Վոլինկինը, որ պաշտոնն ստանձնել է 2013 թվականի մայիսին, այցելել է GPM ձեռնարկություններից մեկը Հայաստանում` Արարատի ոսկու կորզման ֆաբրիկա: Ինչպես ԱրմԻնֆո գործակալությանը հաղորդել են ընկերության մամուլի ծառայությունում, այցելության շրջանակում Ի.Վոլինկինը ծանոթացել է արտադրությանը և GPM Gold ղեկավարության հետ  զրուցել գործերի վիճակի և Հայաստանում ընկերության հետագա զարգացման հեռանկարների մասին:

Հայ և Թուրք գործարարները Վանում քննարկել են տնտեսական շփումներն աշխուժացնելու հեռանկարները: Ինչպես հաղորդում է Haber3 կայքը, հանդիպումը կազմակերպել էին Վանի երիտասարդ գործարարների միությունը և Հայ արդյունաբերողների և գործարարների միությունը:

 Մի խումբ քաղաքացիական ակտիվիստներներ այսօր ՀՀ վարչական դատարան հայց են ներկայացրել գազի և էլեկտրաէներգիայի սակագների բարձրացման վերաբերյալ որոշումները չհիմնավորված ճանաչելու վերաբերյալ: Սա ակտիվիստների թվով երրորդն հայցն է, նախորդ երկուսը դատարանը հետ է վերադարձրել: Ընդ որում ակտիվիստները հայտարարել են, որ երրորդ հայցադիմումը հետ վերադարձնելու դեպքում իրենք ՙկստեղծեն իրենց հանրային դատարանը՚: Ակտիվիստները պնդում են, որ առանձնապես հույս չեն դնում դատարանի վրա: Ակցիայի նախաձեռնողները դժգոհում են, որ էլեկտրաէներգիայի սակագների բարձրացումը տեղի է ունեցել առանց հաշվի առնելու հանրային կարծիքը և առանց քաղաքացիական հասարակության ներկայացուցիչների հետ քննարկման:

Առայժմ պարզ չէ, թե Հայաստանի և Եվրամիության միջև ասոցացման համաձայնագրի ստորագրումն ինչպես կանդրադառնա Հայաստանի և Ռուսաստանի հարաբերությունների վրա: Հայաստանը պետք է չափազանց ստույգ պարզի, թե Եվրամիությունն ինչ է առաջարկում Հայաստանին այդ փաստաթղթի միջոցով: Այդ մասին հայտարարել է Ռուսաստանի հայերի միության նախագահ Արա Աբրահամյանն ԱրմԻնֆոյի թղթակցի հետ զրույցում:

ՌՀՄ ղեկավարը կարծում է, որ ԵՄ հետ ասոցացման շուրջ պայմանագիրն անհրաժեշտ է քննարկել հասարակայնության լայն շերտերի, լուրջ փորձագետների` իրավաբանների, տնտեսագետների, քաղաքագետների, Հայաստանի բոլոր քաղաքական ուժերի ներգրավմամբ: ՙԿարծում եմ, որ այդ հարցում հարկավոր է լուրջ, պրոֆեսիոնալ մոտեցում: Դա այնքան լուրջ հարց է, որ մենք, պարզապես, չենք կարող և չպետք է ղեկավարվենք այսրոպեական հույզերով: Հարկավոր է ուսումնասիրել պայմանագրի յուրաքանչյուր կետ, պարզել, թե մենք ինչ ենք կորցնում ԵՄ հետ մերձեցման դեպքում: Եվ այդ ամենից  հետո, կշռադատելով բոլոր ՙկողմ՚ և ՙդեմ՚ հանգամանքները, որոշել, թե արդյոք պետք է ստորագրել այդ համաձայնագիրը՚, - ասել է Աբրահամյանը:

ՌՀՄ ղեկավարն ընդգծել է, որ առայժմ հնարավոր չէ միանշանակ գնահատականներ տալ այն առնչությամբ, թե ՌԴ ինչ դիրքորոշում կդրսևորի ասոցացման համաձայնագրի ստորագրման դեպքում: Ռուսաստանը Հայաստանի ռազմավարական գործընկերն է, երկու երկրների միջև գոյություն ունի լայն իրավական և պայմանագրային դաշտ, սերտ առևտրատնտեսական և ռազմաքաղաքակաան հարաբերություններ:

ՙԱմեն բան հարկավոր է հաշվի առնել զարգացման վեկտորը որոշելիս: Մենք սխալվելու իրավունք չունենք: Մեր բոլոր գործողությունները պետք է լիովին համապատասխանեն մեր ազգային և պետական շահերին՚, - կարծում է Աբրահամյանը:

Տնտեսական պատժամիջոցները, Հայաստանի և Ռուսաստանի միջև առևտրային պատերազմը Երևանի կողմից Եվրամիության հետ ասոցացման համաձայնագրի ստորագրման դեպքում քիչ հավանական են: Այսօր մամուլի ասուլիսում այդպիսի կարծիք է հայտնել Գլոբալիզացիայի և տարածաշրջանային համագործակցության կենտրոնի տնօրեն Ստեփան Գրիգորյանը` պատասխանելով ԱրմԻնֆոյի թղթակցի հարցին:

 Հայտնի ռեժիսոր և դերասան Սերժ Ավետիքյանը ձեռնամուխ է եղել նոր ՙՎերջին ռաունդը Ստամբուլում՚ անիմացիոն ֆիլմի ստեղծման աշխատաննքին:

 Հայկական կողմը պատրաստ է գերիների փոխանակման, հաղորդել է Պաշտպանության նախարարության մամուլի քարտուղար Արծրուն Հովհաննիսյանը ՙԱզատություն՚ ռադիոկայանի հետ հարցազրույցում։ 

Բաքվի ԿԽՄԿ գրասենյակը վստահ է,  որ շուտով հայտնի դառնա Հակոբ Ինջիղուլյանի հետ իրենց հանդիպման ժամկետը: Այդ մասին տեղեկացրել է ԿԽՄԿ պատվիրակ Դրագանա Ռանկովիչը ՀՀ պաշտպանության նախարարի առաջին տեղակալ Դավիթ  Տոնոյանի հետ հանդիպման ժամանակ:

 Սյունիքի մարզի թիվ 38 ընտրատարածքում լրացուցիչ ընտրություններում հանրապետականների հետ կմրցակցեն ևս երեք թեկնածուներ: 

Թուրքիան պատրաստ է իրենից կախված ամեն ինչ անել Հայաստանի կողմից ադրբեջանական հողերի օկուպացումը դադարեցնելու նպատակով: Ինչպես հաղորդում է APA-ն, այդ մասին հայտարարել է Թուրքիայի արտգործնախարար Ահմեթ Դավութօղլուն` ելույթ ունենալով Թյուրքալեզու երկրների համագործակցության խորհրդի, արրտգործնախարարների խորհրդի նիստում:

Անապահով ընտանիքից 15-ամյա պատանին օգնության կարիք ունի:
Ինչպես նշվում է ՙՆվիրիր ինձ կյանք՚ նախաձեռնության կողմից ԱրմԻնֆո գործակալությանը տրամադրված հաղորդագրության մեջ, 15-ամյա Հենրիկ Համբարձումյանին Քանաքեռ-Զեյթուն վարչական շրջանում ճանաչում էին բոլորն, ովքեր վաղ առավոտյան շտապում էին գործի ոտքով կամ ավտոմեքենայով: Նա ամեն առավոտ, դեռ լույսը չբացված, տատիկի ու մայրիկի հետ մաքրում էր Երևանյան փողոցները, որ կարողանար օգնել ընտանիքին` հոգալու կենցաղային ծախսերը: Հենրիկին սակայն վերջին ամսվա ընթացքում էլ ոչ ոք չէր տեսնում. պարզվել է, որ երեխան տառապում է սուր լիմֆոբլաստային լեյկոզ հիվանդությամբ և այժմ գտնվում է ՙՅոլյանի անվան արյունաբանական կենտրոնում՚: Նրա բուժման համար անհրաժեշտ է մեծ քանակությամբ դեղորայք, սակայն սոցիալապես անապահով պայմաններում ապրող ընտանիքը չի կարողանում նույնիսկ նրա ամենօրյա անհրաժեշտ դեղորայքի ծախսերը հոգալ: Նրան օգնելու համար բացվել է հաշվեհամար ԻնեկոԲանկում ՀՀ 2050057830501002, տատիկի` Վիկտորիա Համբարձունյանի անունով: Ավելի մանրամասն տեղեկություն ստանալու համար կարելի է զանգահարել հետևյալ հեռախոսահամարներով` 094-644551 տատիկ, 096-481310 մայրիկ:

Օգոստոսի 17-ին Արմավիրի մարզում գտնվող Օշականի հուշահամալիրում կնշվի  թվով տասն անգամ գերազանցող պարսից բանակից Մայր Աթոռ Սուրբ Էջմիածնի պաշտպանության համար մղվող Օշականի ճակատամարտում (1826-1827թթ. ռուս-պարսկական պատերազմ)  գեներալ Կրասովսկու ջոկատի և հայ աշխարհազորայինների հաղթանակի 186-ամյակը:

 Ապօրինի միգրացիայի դեմ Ռուսաստանի իշխանությունների պայքարն սպառնալիք չէ հայ համայնքի համար: Այդ մասին հայտարարել է Ռուսաստանի հայերի միության նախագահ Արա Աբրահամյանը ԱրմԻնֆոյի թղթակցի հետ զրույցում: