Ուրբաթ, 14 Հունիսի 2013 08:39
ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 413 դրամ, ԵՎՐՈ-ի առքի առավելագույն գինը`550 դրամ, իսկ ռուսական ռուբլու առքի գինը`12.9 դրամ: ԱՄՆ դոլարի վաճառքի նվազագույն գինը կազմել է 415 դրամ, ԵՎՐՈ-ի վաճառքի գինը` 554 դրամ, իսկ ռուսական ռուբլու վաճառքի գինը`13 դրամ:
>>>
|
Ուրբաթ, 14 Հունիսի 2013 08:36
Ռուսաստանի ռազմական ներկայությունն Աբխազիայում և Հարավային Օսիայում կրում է բավականին սահմանափակ բնույթ: Սակայն, Մոսկվան պարբերաբար մեծացնում է իր ներկայությունը Հայաստանում, նոր սպառազինություններով հագեցնելով Գյումրիի 102-րդ բազան: Ձեր կարծիքով, որո՞նք են այդ տարբեր մոտեցումների պատճառները:
Այդ տարբեր մոտեցումների պատճառներն ակնհայտ են: Աբխազիայում և Հարավային Օսիայում չկա իրանական գործոնը, իսկ բարդ աշխարհաքաղաքական իրավիճակում գտնվող Հայաստանի`ՀԱՊԿ գծով Ռուսաստանի դաշնակցի անվտանգությունը պահանջում է հուսալի ապահովում: Մեծ Մերձավոր Արևելքի աստիճանաբար ապակայունացման ֆոնի ներքո նրա պրոբլեմները կարող են տարածվել նաև Հարավային Կովկասի սահմանակից երկրների, այդ թվում նաև Հայաստանի վրա: Այդ տարբերակը հնարավոր է, եթե հաշվի առնենք քննարկումներն իրանական միջուկային պրոբլեմին ուժային լուծում տալու մասին, ընդ որում, ռազմական միջամտության, կամ էլ Իրանում իշխող ռեժիմը փոխելու նպատակով ներքաղաքական ապակայունացում և քաղաքացիական պատերազմ հրահրելու միջոցով: Ապակայուացման հնարավորությունը հսկայական է նաև Հարավային Կովկասի հարևանությամբ գտնվող արևելյան Թուրքիայում, որտեղ ապակայունացման պատճառներ կարող է դառնալ քրդական պրոբլմի այս կամ այն ձևով լուծումը, ինչպես նաև գոյություն ունեցող սահմանների վերաձևումը: Եթե Թուրքիային չհաջողվի դուրս գալ ներկայիս քաղաքական ճգնաժամից, ապա դա ավելի կսրի իրավիճակը: Եվ վերջապես, Ղարաբաղյան հակամարտության ազդեցությունը: Պահպանվող լարվածության պայմաններում հատկապես կարևոր է Հայաստանի հակահրթիռային և հակաօդային պաշտպանության հուսալի ապահովումը: Ակնհայտ է, որ Աբխազիայում և Հարավային Օսիայում նման մասշտաբի սպառնալիքներ առայժմ չկան, իսկ նրանց անվտանգությունը կարելի է երաշխավորել ավելի սահմանափակ միջոցներով:
Վերջերս կտրուկ աճել են կարծիքներն այն մասին, որ լեռնային-ղարաբաղյան հակամարտության ստատուս-քվոն անհրաժեշտ է վերացնել, ինչը պնդում են նաև Մինսկի խմբի 3 համանախագահ-երկրների ներկայացուցիչները: Արդյո՞ք դա միտում չէ, որը կանխորոշում է գործընթացի խաղաղ ելքը, և ինչպիսի՞ կանխատեսումներով կարող եք մեզ հետ կիսվել այդ առնչությամբ:
Ստատուս-քվոյից, հաստատ, բոլորն են հոգնել, ոչ միայն համանախագահները, այլ նաև Հայաստանի և Ադրբեջանի բնակչությունը: Դա չի նշանակում, որ համանախագահները կանցնեն այնպիսի ռադիկալ մեթոդների կիրառմանը, ինչը տեղի ունեցավ Կոսովոյում, և կթելադրեն պրոբլեմի լուծումն այն մեթոդներով, որոնք կիրառվեցին Սերբիայում: Կշարունակվի ներկայիս ՙփակ դիվանագիտությունը՚, իսկ օտարերկրյա ուղղակի միջամտության հեռանկարները դեռ չեն չկան, քանի որ ներկայիս փուլում դա հակասում է տարբեր ուժերի շահերին, եթե հաշվի առնենք, որ այդ շահերն էլ են հակասում միմյանց: Նման իրավիճակում բոլորի համար էլ իր կազմով հարմար խաղաղապահ կոնտինգենտ գտնելը բավականին դժվար է: Հետևաբար, Ղարաբաղյան հակամարտության կողմերի համաձայնությամբ, կամ առանց դրա, ՆԱՏՕ-ի, Ռուսաստանի կամ ազդեցիկ մյուս տերությունների զորքերը տեղակայելն անհնար է, գոնե առաջիկա պատմական հեռանկարում: Հայաստանի և Ադրբեջանի համար ներկայիս ստատուս-քվոն, իր բոլոր թերություններով հանդերձ, ավելի գերադասելի է, քան արտաքին ուժերի ուղղակի միջամտության տարբերակը, քանի որ այդ դեպքում երկու երկիրն էլ կդառնան արտաքին ուժերի պատանդը, որոնք կղեկավարեն, առաջին հերթին, սեփական շահերով: Մեծ Մերձավոր Արևելքի, Հյուսիսային Աֆրիկայի և Սերբիայի օրինակները, որտեղ պրոբլեմները լուծվեցին արտաքին գործոնի միջամտությամբ, վկայում են այն մասին, որ նման տարբերակը ոչ այնքան լուծում է հին պրոբլեմները, որքան նորերն է ստեղծում: Նման իրավիճակում պրոբլեմի լավագույն լուծումը կլիներ Հայաստանի և Ադրբեջանի միջև փոխզիջումները: Քանի դեռ այդ կոմպրոմիսը չկա, ղարաբաղյան հակամարտության գոտում կպահպանվի ներկայիս ստատուս-քվոն:
Կարելի՞ է ենթարել, որ հունիս 14-ին Իրանի նախագահի փոփոխությունից հետո, օրինակ, եթե նախագահ դեռնա Սայիդ Ջալիլը, կվերանա լարվածությունը Թեհրանի և Բաքվի միջև: Թե՞ այդ լարվածության պատճառներն ունեն ավելի խորը արմատներ:
Պատճառներն այս կամ այն ղեկավարների անձերի մեջ չէ, այլ նրանց վարած քաղաքականութան մեջ է: Հազիվ թե Իրանի նախագահական ընտրություններն արմատապես փոխեն Իրանի քաղաքականությունը ԱՄՆ-ի, Իսրայելի, ինչպես նաև միջուկային ծրագրի նկատմամբ: Ադրբեջանա-իրանական լարվածությունն արդյունք է Բաքվի կողմից հակաիրանական կոալիցիային աջակցելուն, քանի որ այդ քաղաքականության շրջանակներում ակտիվորեն խաղարկվում է ՙՀարավային Ադրբեջանի՚ խաղաքարտը: Իրանի միջուկային պրոբլեմը գոյություն ունի, բայց այն ուժային ճանապարհով լուծելու փորձը լի է հսկայական սպառնալիքներով: Հետևաբար, նման պայմաններում Ադրբեջանի և Իրանի միջև հարաբերությունների մոտալուտ նորմալանանն սպասելն անիմաստ է:
Թուրքիայում չհանդարտվող անկայունությունն իշխող կուսակցությանն ստիպում է հասարակությանն առաջարկել Գեզի այգու հարցով անցկացնել հանրաքվե: Արդյոՙք դա չի նշանակում, որ Էրդողանը համաձայն է հրաժարվել երկրի իսլամիզացման քաղաաքականությունից: Ինչո՞վ կարող է Թուրքիայի անկայունությունը սպառնալ տարածաշրջանին, և Ձեր կարծիքով, ո՞րն է իրադարձությունների զարգացման հավանական սցենարը:
Դա Էրդողանի նախկին քաղաքականությունից հրաժրվել չէ: Հազիվ թե այդ քաղաքականությունը կարելի է բնութագրել միայն որպես կոշտ իսլամիզացիա կամ ՙսողացող՚ իսլամիզացիա: Գոնե Եվրամիության շատ մայրաքաղաքների նման, Ստամբուլը և Անկարան շարունակում են պահպանել աշխարհիկ, այլ ոչ թե ունենալ իսլամացված տեսք: Էրդողանի քաղաքականությունը Թուրքիային մեծ հաջողություններ բերեց սոցիալ-տնտեսական զարգացման առումով, նա ունի բազմաթիվ կողմնակիցներ: Բաց շատ են նաև հակառակորդները, սկսած ռադիկալ իսլամի կողմնակիցներից, վերջացրած ներկայիս արևմտյան ժողորդավարության, մշակույթի և կենսակերպի կողմնակիցներով, իր բոլոր էկզոտիկ արտահայտություններով: Էրդողանը գտնվում է, այսպես ասած, այդ ամենի կենտրոնում, հետևաբար ամեն կողմից հարվածներ է ստանում, դրան էլ գումարած հարաբերությունները բանակի հետ, դժգոհությունները Սիրիայի ներքին գործերին միջամտելու քաղաքականությունից և այլն: Բայց առայժմ նրան օգնում է այն, որ արտաքին ուժերը ¥ԱՄՆ, Ալ-Քաիդա և այլն¤ ակտիվորեն չեն միջամտում իրավիճակին և հակամարտությունը շարունակում է պահպանել իր ներթուրքական բնույթը: Դա Բարձրացնում է Էրդողանի իշխանությունը պահպանելու շանսերը, Գեզի պրոբլմի հետ կապված նրա մանյովրները, տարբեր ընդդիմադիրների հետ երկխոսությունները և այլն, կարող են արդյունավետ լինել լարվածության նվազեցման առումով: Առայժմ իրադարձությունների զարգացման նման տարբերակն ավելի հավանական է թվում, քան ներկայիս կառավարության տապալումը և ընդդիմադիրների հաղթանակը, կամ էլ թորքական բանակի հերթական հայտնվելը քաղաքական թատերաբեմում: Իսկ Թուրքիայում ապակայունացման զարգացման դեպքում Մեծ Մերձավոր Արևելքում իրավիճակն ավելի կբարդանա, ինչը լի է հսկայական ցնցումներով: >>>
|
Ուրբաթ, 14 Հունիսի 2013 05:51
|
Հինգշաբթի, 13 Հունիսի 2013 17:28
Հայաստանի ներքին իրավիճակը մոտենում է սոցիալական խռովության, և երկրի իշխանությունները հնարավորինս նպաստում են դրան: Այդ մասին մամուլի ասուլիսում հայտարարել է ընդդիմադիր ՙՆոր ժամանակներ՚ կուսակցության առաջնորդ Արամ Կարապետյանը: Նրա ասելով, ընդդիմությունը շատ լավ հասկանում է իրավիճակի հետագա սրման անխուսափելիությունը` նույնիսկ առանց իր ակտիվ գործողությունների:
ՙԳործող վարչակազմի նկատմամբ ՙլավագույն՚ ընդդիմությունը վարչապետ Տիգրան Սարգսյանն է ու իր թիմը: Ոչ ոք այդպես սրընթաց երկիրն ու հասարակությանը չի տանում հետագա սրման, բողոքի և խռովության, ինչպես վարչապետը` իր անհամարժեք գործողություններով ու ելույթներով: Եթե հակիրճ պատմական էքսկուրս կատարենք, ապա կհիշենք, որ Կերենսկու իշխանությունը սասանվեց այն պահից, երբ նրա նախարարները սկսեցին ծիծաղել նրա երկար ճառերի վրա՚, - հայտարարել է նա:
Այսօր նույնպիսի իրավիճակ է մեզ մոտ, կարծում է Կարապետյանը: Նրա համոզմամբ, իշխանության ցանկացած ներկայացուցչի խոսքերին հումորով են վերաբերվում: Ոչ մի ողջախոհ մարդ չի հավատա տնտեսական աճի և կառավարման արդյունավետության մասին հեքիաթներին` բնակչության զանգվածային արտագաղքի և գների խելահեղ աճի ֆոնին: Նա ավելացրել է, որ նախագահ Սերժ Սարգսյանը վաղ թե ուշ ստիպված է լինելու կայացնել որոշակի, իր համար դժվար որոշումներ: Ձևացնելու, խաղի հնարավորությունները նրա համար աստիճանաբար սպառվում են: >>>
|
Հինգշաբթի, 13 Հունիսի 2013 17:27
Արարատյան Հայրապետական թեմի առաջնորդական փոխանորդ Նավասարդ արքեպիսկոպոս Կճոյանը հերքում է մամուլում տարածված և վերջին շրջանում հասարակական քննարկման առարկա դարձած տեղեկությունները՝ ադամանդագործական բիզնեսի հետ իր ունեցած առնչության վերաբերյալ: Այս մասին Ինչպես ԱրմԻնֆո գործակալությանը տեղեկացվել է Արարատյան Հայրապետական թեմի մամուլի ծառայությունից:
ՙԱյսպես կոչված ՙօֆշարային սկանդալի՚ հետ կապված, Սրբազանն արդեն հայտարարել է, որ ձեռներեցությամբ զբաղվելու պարագայում երբեք չէր շարունակի ծառայել Հայ առաքելական եկեղեցուն` գաղտնի և ընդհատակյա գործունեությունը հարիր չէ իր սկզբունքներին: Իր անվան շուրջ պարբերաբար տարածվող ապատեղեկատվությունների փաստի առիթով իրավապահ մարմիններին չդիմելու զարմանքի առնչությամբ Սրբազանը հայտարարում է, որ այդօրինակ մեթոդները խորթ են հայ հոգևորականի մասին իր ունեցած պատկերացումներին: Տարածվող տեղեկությունները, թե, իբր, Նավասարդ արքեպիսկոպոս Կճոյանը ներկա է եղել անդամանդագործության զարգացմանն առնչվող պետական հանձնաժողովներից մեկի նիստին, չեն համապատասխանում իրականությանը: Սրբազանը դատապարտում է Երևանի Սբ.Սարգիս եկեղեցու խաչքավորներից մեկի՝ Աշոտ Սուքիասյանի հետ իր շփման շահարկումը՝ իրականության հետ որևէ աղերս չունեցող սեփական ենթադրություններն ու դատողությունները փաստարկելու նպատակով: Սրբազանը բարձր է գնահատում ժողովրդավարական հասարակության արժեքները, սակայն խոսքի ազատության չարաշահումը համարում է վտանգավոր և վնասակար, առաջին հերթին, հենց այդ արժեքների ջատագովների համար: Ազատ խոսքը մարդու պատվի հետ խաղալու ինդուլգենցիա չէ՚,-ասված է փաստաթղթում:
Հիշեցնենք, որ օրերս հրապարակվել էր, որ վարչապետ Տիգրան Սարգսյանի կողմից Գլխավոր դատախազությանն ուղղվված հայտարարությունն արդեն փոխանցվել է ոստիկանությանը: Ինչպես ավելի վաղ հաղորդվել էր, վարչապետը հայտարարություն էր ներկայացրել Hetq.am կայքում հրապարակված` ՙՈվ Փայլակ Հայրապետյանին զրկել է գույքից. օֆշորային եռյակ՚ հրապարակման կապակցությամբ: Ի դեպ, վարչապետը դատախազությանն է տրամադրել կայքում հրապարակված նյութի ֆոտո-պատճենը, խնդրելով ուսումնասիրել և հետաքննել հրապարակված նյութը: Միաժամանակ, վարչապետը հաղորդել էր, որ ոչ Կիպրոսում, և ոչ էլ օֆշորային այլ գոտիներում ոչ ոքի չի գրանցել և ոչ ոքի չի լիազորել իր անունից գրանցել որևէ կազմակերպություն: Համաձայն նշված հրապարակման, Կիպրոսում գրանցված WLISPERA HOLDINGS LIMITED ընկերության բաժնետերերն են հանդիսանում ՀՀ վարչապետ Տիգրան Սարգսյանը, Արարատյան թեմի առաջնորդ, արքեպիսկոպոս Նավասարդ Կճոյանը և ալմաստի բիզնեսով զբաղվող Աշոտ Սուքիասյանը:
>>>
|
Հինգշաբթի, 13 Հունիսի 2013 09:09
Երեւանի Ավան եւ Նոր-Նորք վարչական շրջանների դատարանը՝ դատավոր Էդուարդ Ամալյանի նախագահությամբ մերժել է ՙԺառանգություն՚ կուսակցության մամլո քարտուղար Դավիթ Սանասարյանի հայցն ընդդեմ նախկին պատգամավոր, ՀՖՖ ղեկավար Ռուբեն Հայրապետյանի՝ հայցի վաղեմության հիմքով:
ՙՊահանջում ենք պատժել ՙՀարսնաքարում՚ տեղի ունեցածի բոլոր մեղավորներին՚ հասարակական շարժման նախաձեռնող խմբի ակտիվիստ Դավիթ Սանասարյանը դիմել էր Ավան եւ Նոր Նորք վարչական շրջանների ընդհանուր իրավասության դատարան` Ռուբեն Հայրապետյանի կողմից իր բարի համբավին, պատվին, արժանապատվությանը եւ գործարար համբավին պատճառված վնասի հատուցման պահանջով: Ըստ հայցվորի, Ռուբեն Հայրապետյանը Nouvelles d’Armenie ամսագրին տված հարցազրույցում անվայելուչ վիրավորանք, զրպարտություն և սպառնալիք է հնչեցրել Դավիթ Սանասարյանի հասցեին, ինչով արատավորել է իր պատիվն ու արժանապատվությունը: Ռ.Հայրապետյանը, մասնավորապես, Սանասարյանին անվանել է ՙճիճու, որը մինչեւ մահ վախենալու է իրենից՚: >>>
|
Հինգշաբթի, 13 Հունիսի 2013 08:59
Երևանի առևտրային բանկերից ԱրմԻնֆո գործակալությանը տրամադրված տվյալների համաձայն, տարադրամի փոխանակման բանկային կետերում այսօր ԱՄՆ 1 դոլարի առքի առավելագույն գինը կազմել է 411,5 դրամ 1 դոլարի դիմաց, եվրոյի առքի առավելագույն գինը` 549 դրամ 1 եվրոյի դիմաց, իսկ ռուսական ռուբլու առքի գինը`12,7 դրամ 1 ռուբլու դիմաց: ԱՄՆ դոլարի վաճառքի նվազագույն գինը կազմել է 413 դրամ 1 դոլարի դիմաց, եվրոյի վաճառքի գինը կազմել է 549 դրամ 1 եվրոյի դիմաց, իսկ ռուսական ռուբլու վաճառքի գինը`12,8 դրամ 1 ռուբլու դիմաց: >>>
|
Չորեքշաբթի, 12 Հունիսի 2013 15:45
Ցանկացած անձ կարող է օֆշորային գոտում ստեղծել ընկերություն, օրինակ, Նիկոլ Փաշինյանի անունով, չունենալով դրա համար թույլտվություն: Նման օրինակները համաշխարհային պրակտիկայում բազմաթիվ են: Այս մասին այսօր ՀՀ խորհրդարանի ամբիոնից հայտարարել է ՀՀ վարչապետ Տիգրան Սարգսյանը, պատասխանելով ՀԱԿ խմբակցության պատգամավոր Նիկոլ Փաշինյանի հայտարարությանն այն մասին, որ ՀՀ վարչապետը օֆշորային գոտում բացել է ընկերություն, օգտագործելով Ամերիաբանկի 10 մլն.դոլարը:
Ինչպես նշել է վարչապետը, այս առիթով համապատասխան պարզաբանումներ արդեն տրվել են: ՙԵս երբեք և ոչ մի տեղ ընկերություններ չեմ ստեղծել և համապատասխան թույլտվություններ չեմ տվել՚,-ընդգծել է վարչապետը: ՙՎերջին 20 տարիներին իմ գործունեությունը կենտրոնացված է եղել ֆինանսական ոլորտում, և փողերի լվացման դեմ պայքարի մեխանիզմներն սկսվեցին կիրառվել իմ անմիջական մասնակցությամբ: Դա ինձ հիմք է տալիս պնդելու, որ ես մի փոքր ծանոթ եմ այնպիսի հասկացությունների, ինչպիսիք են` օֆշորային գոտին և փողերի լվացումը: Ինչո՞ւմ են ինձ մեղադրում: Որ ես օֆշորային գոտում ստեղծել եմ ինչ-որ համակարգ, որպեսզի խլեմ հայ գործարարի բիզնեսը, կիրառելով սխեման, ինչի շնորհիվ, իբր, ինձ պետք է փոխհատուցեին ֆինանսական ռեսուրսներով: Ֆինանսական համակարգին տեղյակ ցանկացած անձ կհասկանա, որ տվյալ պարագայում խոսքը գնում է լիակատար անհեթեթությանմ մասին՚,-շարունակել է վարչապետը, հավելելով, որ այս պատմությունն ունի այլ նպատակներ և ուղղված է իրեն վարկաբեկելուն: Նա հիշեցրել է, որ ավելի վաղ խոսվում էր Իսպանիայում, Միջերկրական ծովի ափին գտնվող ինչ-որ տան մասին, իբր բանկերի փակման նպատակն այդ բանկերի սեփականատեր դառնալն էր: ՙՊարզվում է, որ ես հանդիսանում եմ նաև Նաիրիտի սեփականատերը՚,-նշել է վարչապետը:
Հիշեցնենք, որ մեկ օր առաջ Փաշինյանը, հղում կատարելով հայկական լրատվամիջոցների հրապարակումներին, նշել էր, որ Հայաստանի առևտրային բանկերից մեկից տարօրինակ կերպով անհետացել է 10 մլն.դոլար, որի մի մասը հետագայում վերադարձվել է բանկին, իսկ մյուս մասը կորել է: Ընդ որում, ըստ Փաշինյանի, այդ կասկածելի գործարքում նշվոմ է վարչապետի և Հայ Առաքելական եկեղեցում Արարատյան թեմի առաջնորդ, արքեպիսկոպոս Նավասարդ Կճոյանի անունները: Նախօրեին հաղորդվել էր, որ վարչապետի կողմից Գլխավոր դատախազությանն ուղարկված հայտարարությունն արդեն փոխանցվել է Ոստիկանությանը` ստուգումների նպատակով: Ինչպես ավելի վաղ հաղորդվել էր, վարչապետը հայտարարություն էր ներկայացրել Hetq.am կայքում հրապարակված` ՙՈվ Փայլակ Հայրապետյանին զրկել է գույքից.օֆշորային եռյակ՚ հրապարակման կապակցությամբ: Ի դեպ, վարչապետը դատախազությանն է տրամադրել կայքում հրապարակված նյութի ֆոտո-պատճենը, խնդրելով ուսումնասիրել և հետաքննել հրապարակված նյութը: Միաժամանակ, վարչապետը հաղորդել էր, որ ոչ Կիպրոսում, և ոչ էլ օֆշորային այլ գոտիներում ոչ ոքի չի գրանցել և ոչ ոքի չի լիազորել իր անունից գրանցել որևէ կազմակերպություն: Իսկ համաձայն նշված հրապարակման, Կիպրոսում գրանցված WLISPERA HOLDINGS LIMITED ընկերության բաժնետերերն են հանդիսանում ՀՀ վարչապետ Տիգրան Սարգսյանը, Արարատյան թեմի առաջնորդ, արքեպիսկոպոս Նավասարդ Կճոյանը և ալմաստի բիզնեսով զբաղվող Աշոտ Սուքիասյանը: >>>
|
Չորեքշաբթի, 12 Հունիսի 2013 15:42
Իսպանիայի արտգործնախարարությունը պատասխանել է Ադրբեջանի հղած նոտային, որի պատճառն իսպանացի օպերային երգչուհի Մոնսերատ Կաբալիեի՝ Արցախի Հանրապետություն կատարած այցն էր:
Ինչպես հաղորդում է ԱՊԱ գործակալությունը, Իսպանիայի արտգործնախարարության հաղորդագրության մեջ նշված է, որ նման այցերը մասնավոր նախաձեռնություն են և չեն ազդում հարցի վերաբերյալ Իսպանիայի պաշտոնական դիրքորոշման վրա: Հայտարարության մեջ նաև ասված է, որ Իսպանիան աջակցում է Ղարաբաղյան հակամարտության կարգավորմանն ուղղված միջազգային հանրության ջանքերին՝ միաժամանակ ընդունելով միջազգային իրավունքի սկզբունքները:
Նշենք, որ հունիսի 4-ին հանրահայտ երգչուհի Մոնսերատ Կաբալիեն այցելել էր Արցախի Հանրապետություն, ինչի կապակցությամբ էլ Ադրբեջանի ԱԳՆ-ն բողոքի նոտա էր հղել Իսպանիային, երգչուհուն հայտարարելով` ՙպերսոնա նոն գրատա՚ : >>>
|
Չորեքշաբթի, 12 Հունիսի 2013 15:41
Հովհաննես Թումանյանի հեքիաթները կբեմարվեն քրեոլական հնչեղությամբ:
Նախաձեռնությունն սկսվել է այս տարի, երբ Ֆրանսիայի Ռոն-Ալպ տարածաշրջանը հայտարարեց Հայաստանի հետ համատեղ աշխատանքային ծրագրերի առաջարկների մրցույթ: Ֆրանսիայում գործող ՙՍաթէ-Աթղը՚ թատերական միությունը ցանկություն է հայտնել մասնակցելու այդ մրցույթին` հայկական հեքիաթների բեմադրությամբ: Բեմադրվել են Հովհաննես Թումանյանի հեքիաթները` ՙԱնխելքը մարդը՚, ՙՍուտասանը՚, ՙՄի կաթիլ մեղրը՚, ՙԲարեկենդանը՚« ՙԿիկոսի մահը՚, ՙՔաջ Նազարը՚: Այս մասին ասուլիսում հայտարարեց նախագծի պատասխանատու և ղեկավար, բեմադրիչ Սաթենիկ Խաչատրյանը: Նա նաև տեղեկացրեց, որ համագործակցության շրջանակներում հունիսի 15-ից հուլիսի 15-ը սույն բեմադրությունը ներկայացվելու է Հայաստանում:
Բեմադրության մեջ հանդես է գալիս ծագումով Կարիբյան կղզիներից դերասան-երաժիշտ Յաննիկ Լուին: ՙԵս Հովհաննես Թումանյանին բացահայտել եմ Սաթիի հետ համատեղ աշխատանքի շնորհիվ: Բացահայտելով Թումանյանին` հասկացա, որ նա մի արվեստագետ է, որը լայն մտահորիզոն է ունեցել ու համոզված եմ, որ երկրում էլ այդ հեքիաթները պատմելու լինենք, կհասկանան, որ համաշխարհային մեծության գործեր են՚,- ասաց Յաննիկ Լուին: Որպես կերպար, շատ է սիրում Քաջ-Նազարին:
Ծրագիրը կընթանա երկու փուլով. համագործակցություն հայաստանյան երկու պետական թատրոնների հետ` Երևան և Գորիս քաղաքներում և բեմադրության ցուցադրություն Սիսիան, Վարդենիս, Սևան, Գավառ, Վանաձոր և Գյումրի քաղաքներում:
Նախատեսվում է մեկ շաբաթյա համատեղ աշխատանք Գորիսի և Երևանի պետական թատրոնների հետ: Աշխատանքը կընթանա հետևյալ սկզբունքով. յուրաքանչյուր թատրոնի երեք դերասանների հետ կաշխատեն մեկ շաբաթ, որի արդյունքում կիրականացնեն Թումանյանի հեքիաթների համատեղ մի բեմադրություն, որն էլ կհանձնեն հանդիսատեսի դատին:
Ներկայացման մեջ հայերեն ժողովրդական երգերից զատ հնչում է նաև կարիբյան ազգային երգ երաժշտություն: Հեքիաթները եռալեզու են` ֆրանսերեն, հայերեն եվ քրեոլ /Կարիբյան կղզիների պետական լեզուն/: >>>
|
Չորեքշաբթի, 12 Հունիսի 2013 15:39
ՙԵրևան ջուր՚ ՓԲԸ առաջարկում է ջրամատակարարման սակագինը նվազեցնել 1 խմ դիմաց ներկայիս 174.059 դրամից մինչև 166.044 դրամ` հաշվի առնելով ԱԱՀ: Այդ մասին ԱրմԻնֆոյի թղթակցին հաղորդել են ընկերության մամուլի ծառայությունում:
ՙԵրևանջուր՚ ՓԲԸ հայտ է ներկայացրել Հայաստանի հանրային ծառայությունները կարգավորող հանձնաժողովի քննարկմանը: Ընկերությունում նշել են, որ վարձակալության պայմանագրով մինչև 2016 թիվը ջրամատակարարման սակագինն ամեն տարի ենթակա է վերանայման և պետք է նվազի: Սակագինը հաշվարկելիս հաշվի են առնվում ինֆլյացիան, էլետրաէներգիայի գինը, արժույթի փոխարժեքի տատանումները և ջրի սպառման ծավալները: Առաջարկվող 1 խմ դիմաց 166.044 դրամ սակագինը միասնական է և ներառում է խմելու ջրի և ջրահեռացման սակագինը: 2012 թվականի հուլիսից Երևանում ջրի սակագինը նվազեցվել էր 0.006 դրամով:
Հիշեցնենք, որ 2006 թվականի հունիսի 1-ից ջրամատակարարման և ջրահեռացման ծառայությունների կառավարումն իրականացնում է ՙԵրևան ջուր՚ ՓԲԸ-ն, որն ընդգրկված է Veolia Environnement ընկերությունների խմբում: >>>
|
Չորեքշաբթի, 12 Հունիսի 2013 13:23
ՄՖԿ-ն և ՎԶԵԲ-ը խրախուսում են և հետևում են, որ Լիդիանն ու Գեոթիմը կիրառեն ամենաբարձր բնապահպանական և սոցիալական չափանիշները Ամուլսարի ծրագրում:
>>>
|
Չորեքշաբթի, 12 Հունիսի 2013 09:55
2014 թվականի աշխարհի առաջնության ընտրական փուլի B խմբում Դանիայի հավաքականի հետ Կոպենհագենի Փարքեն մարզադաշտում կայացած խաղի 27-րդ վայրկյանին Հայաստանի հավաքականի ռմբարկու Յուրա Մովսիսյանը Արազ Օզիլիսի փոխանցումից հետո սկիզբ դրեց դանիացիների ջախջախմանը 4:0 հաշվով:
Արդեն խաղի 15-րդ րոպեին Գևորգ Ղազարյանը կարող էր կրկնապատկել հաշիվը, սակայն գնդակը կպավ Դանիայի հավաքականի դարպասի ձողին: Այդուհանդերձ, 19-րդ րոպեին հաշիվը դարձավ 0-2: Տուգանային հրապարակի մատույցներից գեղեցիկ գոլի հեղինակ դարձավ Արազ Օզբիլիսը` Վալերի Ալեքսանյանի երկար փոխանցումից: Երկրորդ կեսին (58-րդ րոպեին) Յուրա Մովսիսյանը և Հենրիխ Մխիթարյանը (82-րդ րոպեին) խփեցին 3-րդ և 4-րդ գոլերը` ջախջախիչ պարտության մատնելով դանիացիներին
Դանիայի հավաքականի գլխավոր մարզիչ Մորտեն Օլսենն իր թիմի ջախջախիչ պարտությունը որակել է որպես իր կյանքի ամենավատ օրը: ՙԱռայժմ պարզ չէ, թե ինչու այդքան վատ խաղացինք, սակայն դա 100 տոկոսով իմ սխալն է: Մեր խաղում շատ բան այնպես չընթացավ, իսկ ֆուտբոլիստները չկարողացան ցուցադրել իրենց մակարդակը: Ես իրոք չեմ ցանկանում պարզաբանել այս ձախողումը: Դա, պարզապես, սարսափելի էր՚. հայտարարել է Օլսենը: Հայաստանի հավաքականի գլխավոր մարզիչ Վարդան Մինասյանն իր հերթին հայտարարել է, որ թիմը կխաղա բոլոր մնացած հանդիպումներում հաղթելու համար, ինչը հավաքականին հնարավորություն կընձեռի պայքարել խմբից դուրս գալու համար: ՙՄալթայի հետ խաղից հետո ընկճվածություն կար, բայց մենք այսօր տեսանք այն հավաքականը, որին ցանկանում ենք տեսնել միշտ: Այս արդյունքը պատահականություն չէր, քանի որ առաջին երկու գոլերից հետո դանիացիները գրոհի նետվեցին, և մենք ստացանք ազատ տարածությւուն: Չափազանց կարևոր էր արագ գոլը, քանի որ դա մրցակցին ստիպեց առաջ նետվել: Ես չեմ հավատում պատահականությանը: Նույնիսկ Մալթայի հետ խաղի արդյունքը պատահականություն չէր: Այդ ամենում կա օրինաչափություն: Ինձ համար կարևոր է ոչ թե արդյունքը, այլ թիմի ոգին՚, - հայտարարել է Մինասյանը: Վարդան Մինասյանի սաներն իրենց հաջորդ հանդիպումը կանցկացնեն սեպտեմբերի 6-ին Պրահայում` Չեխիայի հավաքականի հետ: >>>
|
Չորեքշաբթի, 12 Հունիսի 2013 09:53
Երևանի քաղաքապետարանը հայտարարել է Երևան քաղաքի Բրազիլիայի, Աշխատանքի, Սասունցի Դավթի, Ֆրանսիայի, Ռուսաստանի հրապարակների հայեցակարգային նախագծի հանրապետական ճարտարապետական բաց մրցույթ, որին կարող են մասնակցել Հայաստանում գործող անհատ ճարտարապետներ, դիզայներներ, քանդակագործներ, ճարտարապետներից և հարակից մասնագետներից կազմված ստեղծագործական խմբեր և ճարտարապետական ստեղծագործական արվեստանոցներ: Հայտերն ընդունվում են հունիսի 10-ից մինչև նոյեմբերի 15 ներառյալ: Մրցույթի արդյունքներով յուրաքանչյուր հրապարակի վերաբերյալ համապատասխանաբար ներկայացված հայեցակարգային առաջարկություններից ընտրված երեք լավագույնները կպարգևատրվեն 1-ին տեղի համար՝ 1մլն դրամով, 2-րդ տեղի համար՝ 500.000 դրամով, 3-րդ տեղի համար՝ 250.000 դրամով:
Հիշեցնենք, որ մայիսի վերջին քաղաքապետարանը համանման մրցույթ էր հայտարարել Հանրապետության հրապարակի վերակառուցման համար, ինչն անմիջապես վրդովմունք էր հարուցել ճարտարապետների շրջանում: Նշվել է, որ այդ ծրագրերը վտանգ են ներկայացնում Հանրապետության հրապարակի ամբղջության պահպանման համար: Բացի այդ, կարծիքներ են հնչել, որ այդ մրցույթի անցկացումը, ԱԳՆ շենքի վաճառքը և հրապարակի տակ ստորգետնյա կայանատեղի կառուցման վերաբերյալ լուրերը մեկ շղթայի օղակներ են: Ճարտարապետները մտավախություն ունեն, որ մրցույթի արդյունքում Հանրապետության հրապարակի շենքերի վրա կարող են վերին հարկեր կառուցվել: >>>
|
Չորեքշաբթի, 12 Հունիսի 2013 09:51
Երևանի առևտրային բանկերից ԱրմԻնֆո գործակալությանը տրամադրված տվյալների համաձայն, տարադրամի փոխանակման բանկային կետերում այսօր ԱՄՆ 1 դոլարի առքի առավելագույն գինը կազմել է 409,5 դրամ 1 դոլարի դիմաց, եվրոյի առքի առավելագույն գինը` 544 դրամ 1 եվրոյի դիմաց, իսկ ռուսական ռուբլու առքի գինը`12,6 դրամ 1 ռուբլու դիմաց: ԱՄՆ դոլարի վաճառքի նվազագույն գինը կազմել է 411 դրամ 1 դոլարի դիմաց, եվրոյի վաճառքի գինը կազմել է 548 դրամ 1 եվրոյի դիմաց, իսկ ռուսական ռուբլու վաճառքի գինը`12,7 դրամ 1 ռուբլու դիմաց: >>>
|
Չորեքշաբթի, 12 Հունիսի 2013 09:50
Հունիսի 12-ին` ազգային հերոս Մոնթե Մելքոնյանի զոհվելու 20-րդ տարելիցի օրը, մի խումբ քաղաքացիներ լուռ ակցիա են անցկացրել Հայաստանի նախագահի նստավայրի դիմաց։ Ակցիայի մասնակիցներն իրենց ձեռքին ունեին մեծ, սև պաստառ, որի վրա գրված էր. ՙԴուք ուրացել եք Մոնթեի արյունը՚: Լուռ ակցիան շարունակվել է մեկ և կես ժամ: Ընդ որում ակցիայի մասնակիցներն այդպես էլ չեն պարզաբանել դրա էությունը:
Մոնթե Մելքոնյանը ծնվել է 1957 թվականի նոյեմբերի 25-ին ԱՄՆ-ում: 1980 թվականից անդամագրվելով Հայաստանի Ազատագրության Հայ Գաղտնի Բանակին՝ կարճ ժամանակում դարձել է նրա ղեկավարներից մեկը: 1991 թվականի սեպտեմբերին նա մեկնել է Արցախ: 1992 թվականին Վազգեն Սարգսյանի առաջարկով ստանձնել է Մարտունու շրջանի շտաբի պետի պարտականությունը: Նրա ղեկավարությամբ Մարտունին դարձավ ամենապաշտպանված ու ամենամարտունակ շրջանը: 1993-ի մարտ-ապրիլ ամիսներին նրա ղեկավարությամբ ազատագրվեց նաև Քարվաճառը: ԼՂՀ զինված ուժերի փոխգնդապետ Մոնթե Մելքոնյանը զոհվել է 1993-ի հունիսի 12-ին Մարզիլի գյուղի մոտ: Թաղված է ՙԵռաբլուրում՚: Մոնթե Մելքոնյանը հնագիտության պրոֆեսոր էր և տիրապետւմ էր 8 լեզուների: >>>
|
Երեթշաբթի, 11 Հունիսի 2013 11:49
Ամառային ուղևորափոխադրումների բացման նախօրեին՝ հունիսի 10-ի դրությամբ, արդեն գնվել է Երևան-Բաթումի-Երևան երթուղում աշխատող ՙԱրմենիա՚ ֆիրմային գնացքի 344 տոմս: Անցյալ տարվա հետ համեմատ դիտվում է տոմսերի պահանջարկի ակնհայտ աճ. 2012 թվականին հունիսի 10-ի դրությամբ վաճառվել էր 200 տոմս:
Իսկ հունիսի 15-ին մեկնող այս սեզոնի առաջին ՙԱրմենիա՚ ֆիրմային գնացքի 84 տոմսերն արդեն գնված են: Անցյալ տարի առաջին գնացքի համար վաճառվել էր 77 տոմս: ՙՀարավկովկասյան երկաթուղի՚ ՓԲԸ Երևան-Բաթումի-Երևան ֆիրմային գնացքն աշխատում է ամեն տարի՝ հունիսի 15-ից մինչև հոկտեմբերի 1-ը: Անցած տարի գնացքի ուղևորների թիվը գերազանցեց 50 հազարը >>>
|
Երեթշաբթի, 11 Հունիսի 2013 11:42
Իրանական կողմը պատրաստ է աջակցել ղարաբաղյան հակամարտության կարգավորմանը, եթե Հայաստանն ու Ադրբեջանը հանդես գան համապատասխան դիմումով: Այդ մասին այսօր հայ լրագրողներին հայտարարել է Հայաստանում Իրանի դեսպան Մոհամադ Ռեիսին:
Նրա ասելով, ԻԻՀ դեմ է հակամարտության ռազմական լուծմանը և ակնկալում է, որ խնդիրը կկարգավորվի բացառապես խաղաղ բանակցությունների ճանապարհով: Նա համոզված է, որ տարաձայնությունների հաղթահարման լավագույն ճանապարհը երկխոսությունն է հակամարտող կողմերի միջև: >>>
|
Երեթշաբթի, 11 Հունիսի 2013 11:40
Ադրբեջանի և Թուրքիայի արտգործնախարարներ Էլմար Մամեդյարովը և Ահմեթ Դավութօղլուն Բաքվում քննարկել են Հարավային Կովկասում առկա իրավիճակը, ղարաբաղյան հակամարտության կարգավորման գործընթացը: Ինչպես հաղորդում են ադրբեջանական ԶԼՄ-ները, կողմերը հաստատել են երկու երկրների փոխադարձ աջակցությունը միջազգային կազմակերությունների շրջանակում:
Պաղեստինին առնիվող միջազգային դոնորական խորհրդաժողովին մասնակցելու նպատակով Բաքու ժամանակ Դավութօղլուն ավելի վաղ լրագրողներին հայտարարել էր, թե Թուրքիան պաշտպանում է ՙԱդրբեջանի տարածքային ամբողջականությունը՚ և այսուհետև դիվանագիտական ջանքեր կգործադրի ղարաբաղյան հակամարտությունը միջազգային նորմերի հիման վրա կարգավորելու համար: >>>
|
Երեթշաբթի, 11 Հունիսի 2013 11:38
Ելնելով Երևան-Երասխ ավտոմայրուղում երթևեկության նշանների տեղաբաշխման տրամաբանությունից` ստեղծվում է տպավորություն, որ Հայաստանի ավտոճանապարհների վարչությունը դրանով իսկ, պարզապես, լրացուցիչ ՙգործ՚ է ստեղծում Ճանապարհային ոստիկանության համար: ԱրմԻնֆո գործակալությանն այդպիսի կարծիք է հայտնել ավտովարորդների իրավունքների պաշտպանության ՙԱքիլլես՚ կենտրոնի նախագահ Էդուարդ Հովհաննիսյանը` մեկնաբանելով Երևան-Երասխ ավտոմայրուղում ստեղծված ոչ նորմալ իրավիճակը:
Վերջին ժամանակներս միջպետական նշանակության Երևան-Արտաշատ ավտոմայրուղու 30 կմ երկարությամբ Երևան-Երասխ հատվածում ՙճանապարհային աշխատանքների անցկացման՚ պատրվակով տառացիորեն շաղ են տրված նշաններ, որոնք երթևեկության արագությունը սահմանափակում են մինչև 50 կմ/ժ: Մինչ այդ թույլատրելի արագությունը կազմում էր միանգամայն ընդունելի և անվտանգ 90 կմ/խ: Այն վարրոդներին, ովքեր հանդգնում են անտեսել նշանները և երթևեկել թեկուզ 52 կմ/ժ արագությամբ, անմիջապես կանգնեցնում են և տուգանում հանդիպակաց գծում նրանց դարանակալած ճանապարհային ոստիկանները: Ճանապարհներին նման խեղկատակության դեմ վարորդների բոլոր փաստարկներին ի պատասխան իրավապահ ոստիկանները անբեկանելիորեն մատնանշում են նշանները, որոնց ներկը դեռ չի չորացել: Իրականում այդ տեղամասի ոչ մի հատվածում աշխատանք չի իրականացվում: Շինարարական տեխնիկան կանգնած է միայն երթևեկության երկու հանդիպակաց ուղիների բաժանարար գծի 2-3 կետում: Բուն աշխատանքները, ըստ էության, եթե անգամ իրականցվում են, ապա, բացառապես, այդ ուղու վրա, որը նախատեսվում է ընդլայնել:
ՙԵթե անմիջականորեն երթևեկելի մասում շինարարավերանորոգման աշխատանքներ չեն անցկացվում, առնվազն, անհասկանալի է այն տրամաբանությունը, որի համաձայն, այդ նշանները հայտնվում են: Ես անպայման իրավիճակը կպարզեմ Տրանսպորտի և կապի նախարարության ՙՀայաստանի ավտոճանապարհների վարչության տնօրեն Հենրիկ Քոչինյանից, քանի որ այդ իրադրությունն արդեն անցնում է բոլոր կարելի և անկարելի սահմանները: Դա, պարզապես, անթույլատրելի է և ոչ նորմալ՚, - նշել է իրավապաշտպանը:
Նշենք, որ ԱրմԻնֆոյի թղթակկցի հետ զրույցում մի ոստիկան, ում անունը չենք հիշատակի` իր իսկ շահերից ելնելով, հաղորդել է. ՙՄեզ էլ այնքան դուր չի գալիս այն, ինչ մեզ ստիպում են անել, սակայն, ինչ արած, աշխատանքը մնում է աշխատանք: Նրա ասելով, Ճանապարհային ոստիկանության շարքային աշխատակիցներն իրենք էլ հասկանում են, որ միջպետական մայրուղում երթևեկության թույլատրելի արագությունը մինչև 50 կմ/ժ սահմանափակելը օրը ցերեկով կողոպուտ է հիշեցնում, սակայն ոչինչ անել չեն կարող` ՙհրաման է արձակվել վերևից՚:
Նշենք նաև, որ հենց այսօր առավոտյան նույն Արտաշատ մուտք գործելիս հենց անորակ ասֆալտե ծածկույթի հետևանքով տեղի է ունեցել ճանապարհատրանսպորտային պատահար: ՙՎԱԶ՚ մակնիշի մարդատար ավտոմեքենան, ընկնելով ավտոմայրուղու կենտրոնում գոյացած վիթխարի ջրափոսը և կորցնելով կառավարումը, բախվել ճանապարհի վրա կառուցված կամրջի հենասյուներին: Դատելով շտապ օգնության երկու մեքենաների առկայությունից` տուժած մեքենայի ուղևորներին ու վարորդին, ակնհայտորեն, միայն վախով գլուխներն ազատել չի հաջողվել: >>>
|