Հայաստանն ակտիվորեն ներգրավված է միջուկային անվտանգության խնդիրների լուծման միջազգային գործընթացներում: Այս մաիսն հայտարարել է ՀՀ նախագահ Սերժ Սարգսյանը, Հաագայում ընթացող Միջուկային անվտանգության միջազգային կոնֆերանսում: Ինչպես ԱրմԻնֆո գործակալությանը տեղեկացվել է ՀՀ նախագահի մամուլի ծառայությունից, նախագաը նշել է, որ 2013թ. մայիսին Հայաստանը վավերացրել է «Միջուկային նյութի ֆիզիկական պաշտպանության կոնվենցիայի» 2005թ. լրացումը և «Աշխատած վառելիքի և ռադիոակտիվ թափոնների կառավարման անվտանգության մասին» համատեղ կոնվենցիան:

Կոնստանցա դրամատիկական թատրոնում հաջողությամբ տեղի է ունեցել Էդգար Հիլզենրատի (Edgar Hilsenrath)ՙՀեքիաթ մահից առաջ՚ վեպի հիման վրա ներկայացման պրեմիերան, որում խոսվում է 1915 թ. Օսմանյան կայսրությունում հայերի ցեղասպանության մասին:

 Հաագայում Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպման ընթացքում Լեռնային Ղարաբաղի հարցի առնչությամբ հանդիպում անցկացնելու վերաբերյալ պայմանավորվածություն է ձեռք բերվել: Այդ մասին Тwitter-ի իր միկրոբլոգում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը։
Նա նաև նշել է, որ Հայաստանի և Ադրբեջանի առաջնորդների կառուցողականության դեպքում միջնորդները կկարողանան երկարաժամկետ խաղաղության ձեռքբերման ուղիներ գտնել: 

 Ամերիկայի հայկական ազգային կոմիտեն ԱՄՆ նախագահ Բարաք Օբամային, ինչպես նաև Կոնգրեսին կոչ է արել ճնշում գործադրել Թուրքիայի նկատմամբ` Սիրիայի հայաբնակ Քեսաբ քաղաքի վրա թուրքական գրոհները դադարեցնելու նպատակով:

Հայաստանը կմասնակցի Բաքվում ԱՊՀ անդան երկրների Գլխավոր շտաբերի պետերի կոմիտեի նիստին: Այդ մասին ԱրմԻնֆո-ին հայտնել է ՀՀ ՊՆ մամուլի քարտուղար Արծրուն Հովհաննիսյանը:

 2015 թվականին հայտնի դերասան և ռեժիսոր Սերժ Ավետիքյանը կավարտի իր «Վերջին ռաունդը Ստամբուլում» նոր անիմացիոն ֆիլմի աշխատանքները:

 Հայ կինեմատոգրաֆը զարգացման ճիշտ մոդել  է գտել, նշել է մշակույթի նախարար Հասմիկ Պողոսյանն ԱրմԻնֆոյի թղթակցի հետ զրույցում:

Ղրիմի հարցում հայ դիվանագիտությունը պետք է չեզոք դիրք պահպանի, Ռուսաստանի կամ Արևմուտքի կողմը ցանկացած թեքում հղի է Երևանի համար վտանգավոր հետևանքներով: Այսօր մամուլի ասուլիսում այդպիսի կարծիք է հայտնել քաղաքագետ Երվանդ Բոզոյանը:

 Քեսաբի իրադարձությունները պատահականություն չեն. դա Օսմանյան կայսրության քաղաքականության շարունակումն է նրա ժառանգորդների կողմից: Այդ մասին «Ֆեյսբուքի» իր էջում գրել է սիրիացի պատգամավոր Նահեփ Մահլունը:

 «Անելիք Բանկ» ՓԲԸ-ն հաճախորդների ֆինանսական հրատապ խնդիրներին արագ ու մատչելի լուծում տալու համար ներդրել է 2 նոր լոմբարդային վարկատեսակ` «Ոսկի Պլյուս» և «Ոսկու Գրավով», որոնք առանձնանում են իրենց ընձեռած ճկուն հնարավորություններով:

Վերջին 10 տարում Մեծ Բրիտանիան և շատ այլ երկրներ քարոզում են հանքարդյունաբերության թափանցիկ աշխատանքի գաղափարը: Այդ մասին հայտարարել է Հայաստանում Միացյալ Թագավորության արտակարգ և լիազոր դեսպան Քեթրին Լիչը մարտի 25-ին Երևանում հանքարդյունաբերության մարտահրավերներին և հնարավորություններին նվիրված միջազգային կոնֆերանսում իր ելույթում:

 ՀՀ Կենտրոնական բանկի Խորհուրդը «Անելիք Բանկ» ՓԲԸ-ին «ԱՎԵՐՍ» («AVERS») և «Սիգ Մանի Տրանսֆեր» արտասահմանյան վճարահաշվարկային համակարգերում մասնակցության թույլտվություն է տրամադրել, իսկ «ՎԻԷԼՎԻ ՍԵՆԹՐ» ՍՊԸ-ին՝ արտարժույթի  առուվաճառքի լիցենզիա: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, որոշումն ընդունվել է Կենտրոնական բանկի խորհրդի մարտի 25-ի նիստում:

Կուտակային կենսաթոշակների հարցում ՀՀ կառավարությունը պատրաստ է գնալ զիջումների: Այս մասին «Ազատություն» ռադիոկայանին հայտնել է ՀՀ կառավարությնա աշխատակազմի ղեկավար-նախարար Վաչե Գաբրիելյանը: «Կառավարությւոնը պատրաստ է մանրամասն քննարկել հարցը Սահմանադրական դատարանի կողմից մարտի 28-ին կայացվելիք որոշումից հետո: Կառավարույթունը պատրաստ է երկխոսությանը, իսկ երկխոսույթունը ենթադրում է փոխզիջումներ»,-պարզաբանել է նախարարը:

 ԱԺ պատվիրակությունը, որի կազմում են ՀՀԿ պատգամավորներ Սամվել Ֆարմանյանը, Արման Սահակյանը, Լևոն Մարտիրոսյանը, Նաիրա Կարապետյանը, անկախ պատգամավոր Էդմոն Մարուքյանը և «Ժառանգություն» խմբակցության պատգամավոր Թևան Պողոսյանը, այսօր մեկնել է Սիրիա` այդ երկրի հայ համայնքի վիճակին ծանոթանալու համար: Այդ մասին հաղորդել է ԱԺ խոսնակ Հովիկ Աբրահամյանը: Նա նշել է, որ հայ խորհրդարանականները, մասնավորապես, կայցելել Լաթաքիա և կծանոթանան այնտեղի հայերի խնդիրներին: Վերադառնալուն պես պատգամավորները գործընկերներին կզեկուցեն սիրիահայերի վիճակի մասին` անհրաժեշտության դեպքում կարիքավոր հայերին աջակցության նպատակով միջոցներ մշակելու նպատակով: Հիշեցնենք, որ մարտի 21-ի վաղ առավոտյան թուրքական ստորաբաժանումները չորս ուղղություններով հարձակվել են Սիրիայի սահմանամերձ Քեսաբ քաղաքի վրա, որտեղ հայեր են բնակվում: Քաղաքի բնակիչները, զգուշանալով թուրք գրոհայիններից, քաշվել են լեռները: Միջադեպի առնչությամբ հայտարարություններով հանդես են եկել ՀՅԴ-ն և ՍԴՀԿ-ն: Այդ հարցը Հաագայում իր ելույթում բարձրացրել է նաև Հայաստանի նախագահ Սերժ Սարգսյանը` միջազգային հանրությունից պահանջելով համարժեք գնահատական տալ հայերի նկատմամբ Թուրքիայի գործողություններին: Նախագահի ելույթում և հայկական ավանդական կուսակցությունների հայտարարություններում զուգահեռներ են անցկացվել հայերի նկատմամբ Թուրքիայի ներկայիս գործողությունների և 1915-23թթ. Ցեղասպանության միջև: Սիրիայում Հայաստանի դեսպանությանը Քեսաբի հայերի խնդիրները լուծելու հրահանգ է տրվել: 

Ադրբեջանը շարունակում է կոպտորեն խախտել հրադադարի ռեժիմը, համառորեն մերժելով ԵԱՀԿ Մինսկի խմբի համանախագահների կողմից ԼՂ հակամարտության խաղաղ կարգավորմանն ուղղված շարունակական կոչերը: Այդ մասին այսօր ՀՀ Ազգային Ժողովում հայտարարել է Ազգային ժողովի փոխնախագահ Էդուարդ Շարմազանովը:

Շահագործման ներկայիս տեմպերով Հայաստանի ոսկու պահուստները կբավականացնեն 25-30 տարի: Այս մասին հայտարարել է ՀՀ էներգետիկայի և բնական պաշարների նախարար Արմեն Մովսիսյանը, Երևանում ընթացող «Հայաստանի պատասխանատու լեռնահումքային արդյունաբերությունը. հնարավորություններ և մարտահրավերներ» խորագրով միջազգային կոնֆերանսում:

Հայաստանի տնտեսության աճող կախվածությունը երկրի ընդերքի անխնա շահագործումից լուրջ սպառնալիք է ազգային անվտանգությանը: Այս մասին այսօր ՀՀ խորհրդարանում հայտարարել է Հայ Ազգային Կոնգրեսի խմբակցության անդամ, պատգամավոր Լյուդմիլա Սարգսյանը: Նրա խոսքով, դա շատ վտանգավոր միտում է, ընդ որում, ինչպես տնտեսական, այնպես էլ բնապահպանական անվտանգության առումով:

Այս տարվա հոկտեմբերին Կանադայի Տորոնտո քաղաքում «Necessary Angel Theatre Company»-ի կողմից Շառլ Ազնավուրի 90-ամյա հոբելյանի առթիվ բեմադրվելու է ներկայացում` նվիրված աշխարհահռչակ շանսոնյեի կյանքին ու գործունեությանը:

Ս.թ. մարտի 24-ի «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ» ՓԲԸ խորհրդի նիստի թիվ 60 արձանագրության համաձայն` Բանկի գլխավոր գործադիր տնօրենի ժամանակավոր պաշտոնակատար է նշանակվել Նիկոլայ Հովհաննիսյանը:

Հայաստանի մի շարք հասարակական կազմակերպություններ մարտի 25-ին փորձել են խափանել հանքարդյունաբերության մարտահրավերներին և հնարավորություններին նվիրված կոնֆերանսը`կազմակերպված ՀՀ կառավարության և Համաշխարհային բանկի կողմից: