Եթե Ռուսաստանը հասկանա, որ ԵՄ հետ Ուկրաինայի, Վրաստանի և Մոլդովայի ասոցացման շուրջ պայմանավորվածությունները բացասական հետևանքներ կունենան ԱՊՀ ազատ առևտրի գոտու համար, կձեռնարկվեն համարժեք միջոցներ` ԱՀԿ կանոններին համապատասխան: Ինչպես հաղորդում է ԻՏԱՌ-ՏԱՍՍ-ը, այդ մասին հայտարարել է Ռուսաստանի արտգործնախարար Սերգեյ Լավրովը:

Հայաստանը կշարունակի օժանդակությունը Աֆղանստանում անվտանգության եւ ներազգային համերաշխության հաստատման ուղղությամբ գործադրվող միջազգային հավաքական ջանքերին: Այդ մասին հայտարարել է Հայաստանի ԱԳ նախարար Էդվարդ Նալբանդյանը հունիսի 25-ին Բրյուսելում` Աֆղանստանում անվտանգության աջակցության միջազգային ուժերին մասնակցող երկրների ԱԳ նախարարների հանդիպմանը։

Ադրբեջանը Ռուսաստանից  MTU-90M կամրջատեղադրիչներ կգնի: Այդ մասին հաղորդում է ԱՊԱ-ն` վկայակոչելով «Ուրալվագոնզավոդ» կոնցեռնը:

 Հունիսի 27-ին Եվրամիության հետ Վրաստանի ասոցացման համաձայնագրի կնքումից հետո ազգային փոքրամասնությունների, առաջին հերթին, Սամցխե-Ջավախքի հայերի հիմնական խնդիրները մոտ ապագայում հազիվ թե լուծվեն: ԱրմԻնֆո-ին այդպիսի կարծիք է հայտնել Կովկասի ինստիտուտի փոխտնօրեն Սերգեյ Մինասյանը:

Եվրախորհրդի խորհրդարանական վեհաժողովի բարձր ամբիոնից Ադրբեջանի նախագահ Իլհամ Ալիևի հայտարարություններն այնքան անտրամաբանական են ու իրականությունից կտրված, որ դրանց լուրջ վերաբերելը խիստ անլուրջ կլիներ, ԱրմԻնֆո-ի թղթակցի հետ զրույցում հայտարարել է ՀՀ ԱԺ փոխխոսնակ Էդուարդ Շարմազանովը`անդրադառնալով ԵԽԽՎ ամբիոնից Ալիևի վերջին ելույթին, որում Ադրբեջանի առաջնորդը, աղավաղելով պատմությունը, պնդում է, որ Հայաստանի տարածքը հինավուրց ադրբեջանական տարածք է:

 ReAnimania (Երևան) անիմացիոն ֆիլմերի միջազգային փառատոնի տնօրեն Վրեժ Քասունին պետությանը կոչ է արել ավելի մեծ ուշադրություն դարձնել անիմացիայի ոլորտի զարգացմանը:

Տնտեսական մրցակցության պաշտպանության պետական հանձնաժողովը չի կարծում, որ ՙՓարկինգ սիթի սերվիս՚ ընկերությունը չարաշահում է մենաշնորհային դիրքը Երևանի վճարովի ավտոկայանատեղիների շուկայում:

Հայաստանի երկրորդ նախագահ Ռոբերտ Քոչարյանի հետ համագործակցելու հեռանկարների շուրջ կարծիքները ոչ իշխանական քառյակում (ՀԱԿ, ԲՀԿ, ՀՅԴ և «Ժառանգություն») միանգամայն տարբեր են:

«Կանխենք  ԷլեկտրաԷներգիայի սակագնի հերթական բարձրացումը» քաղաքացիական նախաձեռնությունը հունիսի 28-ին հասարակական լսումներ կանցկացնի: Այդ մասին մամուլի ասուլիսում հաղորդել է նախաձեռնության անդամ Արման Ավետիսյանը:

 Հանրահայտ The Beautified Project ռոք խումբը հանդես է եկել Աֆրիկյանների տան պաշտպանությամբ, որն սպառնում են քանդել`ճանապարհի երթևելեկելի մասը լայնացնելու նպատակով:

Ադրբեջանի զինված ուժերը պատրաստ են պարտության մատնել Հայաստանին, ՙԱզերթաջին՚ հարցազրույցում հայտարարել է  Ադրբեջանի պաշտպանության նախարար Զաքիր Հասանովը, հաղորդում է Turan-ը:

Beeline–ը հայտարարում է «All in 1ե (Բոլորը 1–ում) շարժական կապի հետվճարային սակագնային փաթեթների շարքի ընդլայնման մասին։ Շարքը համալրվել է նոր «All in 1500ե սակագնային փաթեթով։

 Հայաստանի անդամակցումը Եվրասիական տնտեսական միությանը քաղաքակրթության զարգացման այլ մոդելի ստեղծման հնարավորություն է: Հունիսի 25-ին մամուլի ասուլիսում այդպիսի կարծիք է հայտնել «Ղարաբաղ» կոմիտեի անդամ, Հայաստանի առաջին նախագահի ազգային անվտանգության գծով նախկին խորհրդական Աշոտ Մանուչարյանը:

Հայաստանի Հանրապետության Ազգային անվտանգության ծառայության կողմից ձեռնարկված օպերատիվ-հետախուզական միջոցառումների արդյունքում 2013 թվականին բացահայտվել էր ադրբեջանական հատուկ ծառայությունների պարզ և պրիմիտիվ գործելաոճը, որը, այլընտրանք չունենալու պատճառով, վերջիններս որդեգրել էին օգտագործելով ինտերնետային սոցցանցերի հնարավորությունները:

ՀՀ ԱԳՆ-ը հերքում է ԶԼՄ-ների տեղեկատվությունն այն մասին, որ Բելգիայի հատուկ ծառայությունները հետաքրքրվել են այդ երկրում ՀՀ դեսպան Ավետ Ադոնցով: 

 Ներկայացուցիչների պալատի հատկացումների հանձնաժողովն ընդունել է 2015 ֆինանսական տարվա պետական, արտաքին գործառնությունների և այլ հարակից ծրագրերի (SFOPS) հատկացումների օրինագիծը, որն իր մեջ ներառում է Միացյալ Նահանգների տնտեսական, մարդասիրական և ռազմական օգնությունը Հարավային Կովկասին:

 Ֆունկցիոնալ պարտականությունների կատարումը երբեմն ենթադրում է ոստիկանների կողմից ֆիզիկական ուժի գործադրում, լրագրողներին հայտարարել է ՀՀ գլխավոր դատախազ Գևորգ Կոստանյանը`մեկնաբանելով հունիսի 23-ին Երևանում ոստիկանների և էլեկտրաէներգիայի հերթական թանկացման դեմ բողոքող ակտիվիստների միջև բախումը:

«Որոտանի ՀԷԿ» պետական ՓԲԸ բաժնետոմսերն անհրաժեշտ էր առաջարկել հանրությանը: Այս մասին այսօր Երևանում կայացած մամուլի ասուլիսում հայտարարել է հայտնի տնտեսագետ, պրոֆեսոր Թաթուլ Մանասերյանը, մեկնաբանելով «Կոնտուր Գլոբալ Հիդրոկասկադ» ամերիկյան ընկերությանը կասկադի վաճառքի վերաբարյալ ՀՀ երկրորդ նախագահ Ռոբերտ Քոչարյանի հարցազրույցը:

 Հուլիսի 1-ից մինչև դեկտեմբերի 31-ը բիզնես-վարկառուները, տեղափոխելով իրենց վարկերը Ինեկոբանկ, կարող են թեթևացնել իրենց վարկային բեռը՝ կրճատելով ամսական վճարումների չափը և ստանալով վարկավորման արդիական պայմաններ: