Չորեքշաբթի, 9 Հունվարի 2013 12:29
Ոստիկանության կայքում տեղադրվել է ՀՀ ընտրողների նոր ցուցակը:
Ընտրողների ցուցակում տվյալները ստուգելու նպատակով կարելի է այցելել նաև Կենտրոնական ընտրական հանձնաժողովի կայքը՝ www.elections.am կամ տեղամասային կենտրոններ: Ընտրողների ցուցակում անճշտություններ հայտնաբերելիս, դրանք վերացնելու համար, մինչև 2013 թ. փետրվարի 13-ը կարելի է դիմում ներկայացնել ՀՀ ոստիկանության անձնագրային և վիզաների վարչություն կամ հաշվառման վայրի անձնագրային ծառայություն:
Անձնագրային ծառայությունը դիմումը ստանալուց հետո` 5 օրվա ընթացքում, սակայն քվեարկության օրվանից ոչ ուշ, քան 4 օր առաջ, ՀՀ ընտրական օրենսգրքով սահմանված բավարար հիմքերի առկայության դեպքում ընտրողների ցուցակում կատարվելու է անհրաժեշտ փոփոխություններ կամ ուղղումներ` այդ մասին գրավոր տեղեկացնելով դիմած քաղաքացուն։ www.elections.am համացանցային կայքում հրապարակված ընտրողների ցուցակը տեղադրվել է որոնման, իսկ www.police.am կայքում` ներբեռնելու հնարավորությամբ: Ընտրողների ցուցակում ընդգրկվում են քվեարկության անցկացման օրը 18 տարին լրացած և բնակչության պետական ռեգիստրում հաշվառում ունեցող ՀՀ քաղաքացիները: Հարցեր առաջանալու դեպքում կարելի է զանգահարել 010-53-32-73 հեռախոսահամարով:
Մեկնաբանելով այս տեղեկատվությունը`ՙԺառանգություն՚ կուսակցության քարտուղար Ստեփան Սաֆարյանը ֆեյսբուքյան իր էջում գրել է, որ Հայաստանում ընտրողների թիվը կրկին ավելացել է. ՙՀայաստանի ՙընտրողների՚ թիվը կրկին ավելացել է ... 6 ամսվա ընթացքում 25.000-ով: Կամ ՙընտրողների՚ խմբաքանակ են ներկրել, կամ էլ որոշ ՙպադոշ՚ ընտրողներ, չնայած անբարենպաստ սոցիալ-տնտեսական պայմաններին, բակտերիայի նման բազմացել են Մեր երկրում ամոթը իսպառ մեռել է: Կապ չունի, որ երկիրը լքածների թիվը այս տարի էլ գերազանցել է երկիր մտածների թվին: Միևնույնն է, ընտրողների ռեգիստրը տրաքում է: Վստահ եղեք, մեռելոցից հետո ընտրողների թիվը դեռ էլի կաճի: Դիմացեք, ժողովուրդ՚,- կոչ է անում Սաֆարյանը:
Նշենք, որ 2012 թ. մայիսի 6-ին կայացած խորհրդարանական ընտրությունների ընտրացուցակներում ընդգրկված էր 2 482 593 ընտրող, մինչդեռ երկրի բնակչության ընդհանուր թիվը կազմում է 2,9 մլն մարդ: >>>
|
Չորեքշաբթի, 9 Հունվարի 2013 12:27
Հայաստանի ազգային մրցունակության հիմնադրամը 2013 թվականի հունվարի 8-13-ին տեղական զբոսաշրջային ընկերությունների հետ համատեղ Հայաստանը ներկայացնում է Նիդեռլանդների Ուտրեխտ քաղաքում տեղի ունեցող ՙVakantiebeurs' 2013՚ միջազգային զբոսաշրջային ցուցահանդեսին:
Հեղինակավոր այս ցուցահանդեսին այս տարի մասնակցում են զբոսաշրջային ոլորտի շուրջ 1400 ներկայացուցիչներ: Հայկական տաղավարը այցելուների ու մասնակիցների կողմից աննախադեպ հետաքրքրության է արժանանում: Նիդեռլանդները դարձել է Հայաստանի զբոսաշրջության խթանման թիրախային կարևոր ուղղություններից մեկը: Հայաստանի և Արցախի գրավիչ և բազմաբնույթ զբոսաշրջային նկարագրի ձևավորման նպատակով Հայաստանի ազգային մրցունակության հիմնադրամի հրավերով 2012թ.-ին Հայաստան և Արցախ էր այցելել հոլանդական առաջատար ՙBNN՚ հեռուստաընկերության լրագրողական խումբը, որը հատուկ ֆիլմ էր պատրաստել հայկական ազգային և հոգևոր ժառանգության վերաբերյալ, որը ցուցադրվել է Նիդերլանդների Թագավորությունում ամենահեղինակավոր ՙChannel 3 Travels՚ հեռուստահաղորդաշարով։
Հաշվի առնելով հոլանդացի զբոսաշրջիկների կողմից հայկական զբոսաշրջային արդյունքների նկատմամբ ձևավորված պահանջարկը և դրանով պայմանավորված զբոսաշրջային հոսքերի աճի հանգամանքը՝ հարկ է նշել, որ Ուկրաինայի միջազգային ավիաուղիների (UIA) կողմից այս տարվա գարնանից նախատեսվելիք Երևան-Ամստերդամ-Երևան Կիևի միջոցով տրանզիտային կանոնավոր (շաբաթական 4 անգամ) չվերթները կսպասարկեն զբոսաշրջային աճող հոսքերը: Նախատեսվում է, որ երկկողմանի ուղևորության տոմսի արժեքը կկազմի շուրջ 370 եվրոյին համարժեք դրամ: Զբոսաշրջային խմբերի համար կգործեն հատուկ սակագներ: Այդ մասին տեղեկացնում է Հայաստանի ազգային մրցունակության հիմնադրամի Հանրային կապերի գրասենյակը: >>>
|
Չորեքշաբթի, 9 Հունվարի 2013 12:26
Հայաստանին հարկավոր է ազատվել երեք նախագահների`Լևոն Տեր-Պետրոսյանի, Ռոբերտ Քոչարյանի և Սերժ Սարգսյանի ՙեռապետությունից՚, անհրաժեշտ է վերջ դնել նրանց դարաշրջանին և գտնել նոր անձանց: Այդ մասին այսօր մամլո ասուլիսի ժամանակ հայտարարել է Հայաստանի դեմոկրատական կուսակցության նախագահ Արամ Սարգսյանը:
Նա գտնում է, որ Հայաստանը վաղուց քաղաքական զարգացման նոր փուլ թևակոխելու կարիք ունի, իսկ դրա համար երկրին պետք են որակապես նոր գործիչներ: Ըստ որում, Սարգսյանը գտնում է, որ համապատասխան ներուժ դրա համար կա:
Առաջիկա նախագահական ընտրությունները քաղաքական գործիչը շատ տարօրինակ է համարում`այն առումով, որ այս կամ այն քաղաքական թիմը ներկայացնող քիչ թե շատ կայացած քաղաքական գործիչները չեն մասնակցում մրցապայքարին: Եվ նրանց փոխարեն այնպիսի լուրջ և պատասխանատու պաշտոնի, ինչպիսին պետության ղեկավարի պաշտոնն է, հավակնում են քաղաքական ասպարեզում որևէ փորձ չունեցող, հասարակությանն անհայտ անձինք: >>>
|
Չորեքշաբթի, 9 Հունվարի 2013 10:50
Այսօրվա դրությամբ Հայաստանի բնակչության 52 տոկոսը հետևում է երկրում առկա քաղաքական իրավիճակին, նրանց 32 տոկոսը կմասնակցի փետրվարի 18-ին կայանալիք նախագահական ընտրություններին, 28 տոկոսն արդեն կողմնորոշվել է ընտրության հարցում, իսկ 24 տոկոսն առայժմ որոշում չի կայացրել: Այդ մասին հունվարի 9-ին մամուլի ասուլիսում հայտարարել է ՙՍոցիոմետր՚ սոցիոլոգիական կենտրոնի տնօրեն Ահարոն Ադիբեկյանը:
ՙԵլնելով անցյալ տարվա դեկտեմբերին անցկացված հարցման արդյունքներից` կարելի է ասել, որ ՀՀ գործող նախագահ Սերժ Սարգսյանը կհավաքի ձայների 20,5 տոկոսը, Րաֆֆի Հովհաննիսյանը` 5,5 տոկոսը, Պարույր Հայրիկյանը` 1,5 տոկոսը, իսկ ընտրողների 0,5 տոկոսը դեռ չի կողմնորոշվել: Սակայն հարցումն անցկացվել մինչև Հրանտ Բագրատյանի թեկնածության առաջադրումը՚, - նշել է սոցիոլոգը:
Ընդ որում նա ընդգծել է, որ գործող նախագահի համար լուրջ մրցակից չի տեսնում, շտապելով ավելացնել, թե երկրորդ տեղի համար պայքար կծավալվի Րաֆֆի Հովհաննիսյանի և Հրանտ Բագրատյանի միջև, երրորդ տեղը կզբաղեցնի Պարույր Հայրիկյանը, իսկ մնացած թեկնածուները սոսկ խեղկատակներ են քաղաքական ասպարեզում: ՙԱյդ մարդիկ չեն պատկերացնում, թե ինչ է քաղաքականությունը, և ես կարծում եմ, որ նրանք անհրաժեշտ գումար չունեն ողջ հանրապետությունում 900 շտաբ բացելու և լուրջ աշխատանք իրականացնելու համար: Հարցման արդյունքների համաձայն, առաջիկա ընտրություններում Սերժ Սարգսյանը կստանա ընտրողների ձայների 72 տոկոսը, Րաֆֆի Հովհաննիսյանը` 20 տոկոսը, Պարույր Հայրիկյանը` 3 տոկոսը, մնացած բոլոր թեկնածուները չեն հաղթահարի 1 տոկոսի շեմը՚, - ընդգծել է Ադիբեկյանը:
Նրա ասելով, չափազանց կարևոր դեր կխաղան նաև եղանակային պայմաններն ընտրության օրը, ամեն ինչ կախված կլինի այն բանից, թե որքան լավ կաշխատեն փոխադրամիջոցները: Միևնույն ժամանակ նա հաղորդել է, որ եթե բնակչության 35 տոկոսը մասնակցի ընտրություններին, ապա մասնակցությունը կարելի է համարել նորմալ: Հարցմանը մասնակցել է 1420 մարդ ողջ հանրապետությունից:
Հիշեցնենք, որ նախագահի պաշտոնի համար առաջադրվել է 15 թեկնածու, որոնցից երեքը` գործող նախագահ Սերժ Սարգսյանը, նախկին վարչապետ Հրանտ Բագրատյանը և Րաֆֆի Հովհաննիսյանն առաջադրվել են, համապատասխանաբար, ՀՀԿ-ից, ՙԱզատություն՚ կուսակցությունից և ՙԺառանգություն՚ կուսակցությունից: Մնացած 12-ն ինքնառաջադրված են: Նրանց թվում են ԱԻՄ նախագահ Պարույր Հայրիկյանը, ՙԱզգային համաձայնություն՚ կուսակցության նախագահ Արամ Հարությունյանը, ԼՂՀ նախկին արտգործնախարար Արման Մելիքյանը, ԲՀԿ անդամ Ռուբեն Այվազյանը, անկուսակցական Տարոն Աբրահամյանը, Առաջադիմական սոցիալիստական կուսակցության նախագահ Ռոբերտ Ահարոնյանը, քաղաքագետ Անդրիաս Ղուկասյանը, էպոսագետ Վարդան Սեդրակյանը, ՙՔաշաթաղ՚ հասարակական կազմակերպության նախագահ Ռոբերտ Սիմոնյանը, կենսաթոշակառու Պավլիկ Սարգսյանը, գործազուրկ Մհեր Հայրապետյանը և Ազգային մամուլի ակումբի նախագահ Նարինե Մկրտչյանը: >>>
|
Չորեքշաբթի, 9 Հունվարի 2013 10:32
Երևանի առևտրային բանկերից ԱրմԻնֆո գործակալությանը տրամադրված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը կազմել է 405,5 դրամ 1 դոլարի դիմաց, եվրոյի առքի առավելագույն գինը` 530,5 դրամ 1 եվրոյի դիմաց, իսկ ռուսական ռուբլու առքի գինը`13,3 դրամ 1 ռուբլու դիմաց: ԱՄՆ դոլարի վաճառքի նվազագույն գինը կազմել է 407 դրամ 1 դոլարի դիմաց, եվրոյի վաճառքի գինը կազմել է 534 դրամ 1 եվրոյի դիմաց, իսկ ռուսական ռուբլու վաճառքի գինը`13,34 դրամ 1 ռուբլու դիմաց: >>>
|
Չորեքշաբթի, 9 Հունվարի 2013 10:30
Հայաստանի նախագահի պաշտոնի հնարավոր ութ թեկնածուներից մեկը, որոնք ավելի վաղ 8 մլն դրամի չափով ընտրագրավի վճարման անդորրագիր չէին ներկայայցրել, ՙԱզգային համաձայնություն՚ կուսակցության առաջնորդ Արամ Հարությունյանը հունվարի 8-ին վճարել է ընտրագրավը: Այդ մասին հաղորդել է ԿԸՀ մամուլի ծառայությունը:
Հիշեցնենք, որ նախագահի պաշտոնի համար առաջադրված 15 թեկնածուներից ընդամենը ութն է ընտրագրավ վճարել. պետության գործող նախագահ, ՀՀԿ առաջնորդ Սերժ Սարգսյանը, ԱԻՄ նախագահ Պարույր Հայրիկյանը, ՙԺառանգություն՚ կուսակցության առաջնորդ Րաֆֆի Հովհաննիսյանը, ՙԱզատություն՚ կուսակցության առաջնորդ Հրանտ Բագրատյանը, ՙՓախստականներն ու միջազգային իրավունքը՚ քաղաքացիական հասարակության ցանցի քաղաքական հարցերի գծով խորհրդական, ԼՂՀ նախկին արտգործնախարար Արման Մելիքյանը, գործազուրկ էպոսագետ Վարդան Սեդրակյանը և ՙՀայ-ռադիոյի՚ տնօրեն Անդրեաս Ղուկասյանը: Նախօրեին ԿԸՀ նիստում ընտրագրավ չվճարած թեկնածուները հարց էին բարձրացրել այդ պահանջի հակասահմանադրականության մասին: ԿԸՀ որոշմամբ բոլոր թեկնածուներին տրվել է 48 ժամ` ընտրագրավ վճարելու համար: Եթե դա չարվի, ապա նրնանց թեկնածությունը չի գրանցվի: >>>
|
Չորեքշաբթի, 9 Հունվարի 2013 10:26
Կրթության և գիտության նախարարությունը պատրաստ է ընդառաջել մարզերի ուսանողներին, որոնց համար ձյան առատ տեղումները կարող են խնդիրներ հարուցել քննական շրջանում:
Կրթության և գիտության նախարար Արմեն Աշոտյանը ՙՖեյսբուքի՚ իր էջում նշել է, որ ձյան առատ տեղումները մտահոգություն են հարուցում երկրի մարզերում բնակվող ուսանողների շրջաններում, քանի որ կարող են խոչընդոտ դառնալ մայրաքաղաքի բուհերում քննություններ հանձնելիս: ՙԹող մարզերի այն ուսանողները, որոնք ձյան տեղումների պատճառով չեն կարողացել մասնակցել քննություններին, չանհանգստանան: Անհրաժեշտության դեպքում նախարարությունը պատրաստ է աջակցել բուհերում ծագած խնդիրների լուծմանը՚, - ընդգծել է նա: >>>
|
Չորեքշաբթի, 9 Հունվարի 2013 10:25
Տղամարդու մասնատված դիակ է հայտնաբերվել ՙԴալմայի այգիներ՚ առևտրի կենտրոնին հարող տարածքում:
Ինչպես հաղորդում է Ոստիկանության մամուլի ծառայությունը, հունվարի 4-ին ոստիկանության Մալաթիայի բաժնում մի քաղաքացուց ահազանգ է ստացվել, որ որդին` 1965 թ. ծնված Արա Հունանյանը, հունվարի 3-ին, ժամը 14.00-ին, դուրս է եկել տնից և չի վերադարձել: Ձեռնարկված օպերատիվ-հետախուզական միջոցառումների արդյունքում հունվարի 8-ին, ժամը 17.50-ին, Երևան քաղաքի Կուրղինյան փողոցի թիվ 2/4 շենքին հարակից ՙԴալմայի այգիներ՚ այգեգործական ընկերության տարածքում, Սերգո Ե.-ին պատկանող տնակի հետնամասում, հայտնաբերվել է Արա Հունանյանի դիակը` մասնատված վիճակում: Նշանակվել է դատաբժշկական փորձաքննություն: Ձեռնարկվում են միջոցառումներ Սերգո Ե.-ին հայտնաբերելու և դեպքի հանգամանքները պարզելու ուղղությամբ: Ոստիկանության Մալաթիայի բաժնում հարուցվել է քրեական գործ ՀՀ քրեական օրենսգրքի 104 հոդվածի 1-ին մասի հատկանիշներով: Կատարվում է նախաքննություն: >>>
|
Չորեքշաբթի, 9 Հունվարի 2013 10:24
Ավարտվել է Վազգեն Խաչիկյանի նկատմամբ նախաքննությունը, ով կալանավորվել էր ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պաշտոնատար, պատասխանատու աշխատակիցների կողմից չարաշահումներ թույլ տալու դեպքի առթիվ քննվող քրեական գործի շրջանակներում:
Ինչպես հաղորդում է ՀՀ ոստիկանության մամուլի ծառայությունը, ՀՀ ոստիկանության քննչական գլխավոր վարչության հատկապես կարևոր գործերով քննության վարչությունում կատարված նախաքննության ընթացքում 2013 թ. հունվարի 8-ի դրությամբ հարցաքննվել են 8300 անձիք, այդ թվում` ՀՀ սոցիալական ապահովության պետական ծառայության և այդ ծառայության ստորաբաժանումների աշխատակիցներ, կենսաթոշակառուներ, վերջիններիս հարազատներ ու հարևաններ:
Ընդհանուր առմամբ՝ քրեական գործով որպես մեղադրյալ ներգրավվել են 53 անձինք /2-ը` հետախուզվող/: Նրանցից 13-ի նկատմամբ որպես խափանման միջոց է կիրառվել կալանավորումը: Հանցագործությամբ պետությանը պատճառված վնասը կազմում է 376.716.903 ՀՀ դրամ, որից վերականգնվել է 51.773.902 ՀՀ դրամը: Մեղադրական եզրակացությամբ դատարան են ուղարկվել 9 քրեական գործեր 28 անձանց վերաբերյալ: Երեք անձի նկատմամբ քրեական հետապնդումը դադարեցվել է համաներման ակտի կիրառման հիմքով, իսկ 4 անձի նկատմամբ` քրեական պատասխանատվության ենթարկելու վաղեմության ժամկետները լրանալու հիմքով: >>>
|
Չորեքշաբթի, 9 Հունվարի 2013 10:23
Չնայած ձյան առատ տեղումներին՝ ՙՀարավկովկասյան երկաթուղի՚ ՓԲԸ-ն աշխատում է բնականոն ռեժիմով: Ներկա պահին կատարվում են երկաթուղային գծերի մաքրման և անխափան երկաթուղային հաղորդակցության ապահովման համար անհրաժեշտ աշխատանքներ:
Ինչպես հաղորդում է ընկերության մամուլի ծառայությունը, երեկ ձնամաքրման աշխատանքներ են տարվել Նուռնուս-Ծովագյուղ, Գյումրի-Անի, Գյումրի-Ղալթախչի, Մայիսյան-Ջաջուռ հատվածներում: Ձնամաքրման աշխատանքներ են կատարել մոտ 200 երկաթուղային և 3 ձնամաքրող մեքենա, որից 2-ը աշխատում էին Գյումրիում, իսկ 1-ը՝ Սևանում: Այսօր ձնամաքրման աշխատանքները կշարունակվեն: Մասնավորապես, Գյումրիում եղանակային պայմանների վատթարացման պատճառով՝ տեղում աշխատելու են արդեն 3 ձնամաքրող մեքենա, իսկ Սևանում աշխատանքը կշարունակի հատուկ տեխնիկայի մեկ միավոր: Հաշվի առնելով, որ մի շարք ավտոմայրուղիները փակ են, ուղևորա- և բեռնափոխադրումների զգալի մասը տեղափոխվել է երկաթուղի: Մասնավորապես, էլեկտրագնացքների լրացուցիչ չվերթներ են նշանակվում բոլոր ուղևորներին տեղափոխելու նպատակով: ՙՀԿԵ՚ ՓԲԸ բեռնատար գնացքներն աշխատում են համաձայն գրաֆիկի: Չվացուցակին համապատասխան աշխատում է ինչպես Երևան-Թբիլիսի-Երևան միջազգային ուղևորատար գնացքը, այնպես էլ ներհանրապետական էլեկտրագնացքները: >>>
|
Չորեքշաբթի, 9 Հունվարի 2013 10:23
Երևանի Րաֆֆու 49 հասցեում գտնվում է միստիկական մի շենք, որը ՙփրկել է՚ ինքնսպանության փորձ կատարած երկու աղջիկների կյանքերը, ովքեր ցած են նետվել այդ շենքի 12-րդ հարկից:
Ինչպես գրում է ՙՀայկական ժամանակ՚ թերթը, աղջիկները ոչ միայն ողջ են մնացել, այլև, նույնիսկ, լուրջ վնասվածք չեն ստացել: Նախօրեին հայտնի է դարձել, որ հունվարի 4-ին Հարավ-Արևմտյան թաղամասի Րաֆֆու 49 շենքի 12-րդ հարկի պատշգամբից ինքնասպանության նպատակով ցած է նետվել 23-ամյա Գ.Մ-ն: Նա, բարեբախտաբար, ողջ է մնացել և գտնվում է ՙՄալաթիա՚ բժշկական կենտրոնում: Բժիշկների հավաստմամբ, ընդամենը 3-4 օրից նա այնտեղից դուրս կգրվի: Այս տարվա մարտին նույն շենքի միևնույն հարկից նետվելու միջոցով դարձյալ ինքնասպանության փորձ էր կատարել 21-ամյա Հ.Ա-ն` Գ.Մ.-ի հարևանուհին, սակայն նա նույնպես ողջ էր մնացել: >>>
|
Չորեքշաբթի, 9 Հունվարի 2013 10:22
Մոր և մանկան առողջության պահպանման ԳՀԻ տնօրեն Գեորգի Օկոևը մեկնաբանել է Աշտարակի բնակիչ Կարապես Կարապետյանի մեղադրանքը, ով կասկած է հայտնել իր կնոջ երիկամը հեռացնելու անհրաժեշտության առնչությամբ:
Ինչպես նշվում է Առողջապահության նախարարությունից ԱրմԻնֆո գործակալությանը տրամադրված Օկոևի մեկնաբանությունում, Նունե Մաղաքյանի վիրահատությունը կատարվել է պետպատվերի սահմաններում, որի համար կա համապատասխան հիմնավորում` հաստատված դատական քննության ընթացքում: Վիրահատության ծավալի ընդարձակման և հանդիպող բարդությունների մասին Ն.Մաղաքյանը տեղեկացված է եղել (կա համապատասխան անդորրագիր), և այն, որ կատարված վիրահատության ընացքում բարդությունները իրոք բարդություններ են, այլ ոչ թե բժշկական սխալ, հաստատված է ՀՀ տարածքում անցկացված բազմաթիվ դատա-բժշկական քննությունների արդյունքներով: Ն.Մաղաքյանի և նրա ամուսնու կողմից նյութերը ուղարկվել է անկախ դատա-բժշկական քննության` Գերմանիա, և այնտեղից ստացվել է եզրակացություն, որ վիրահատության ծավալը ընտրված է ճիշտ և եղած դեպքը միանշանակ համարվում է տվյալ միջամտությանը բնորոշ բարդություն, այլ որ թե բժշկական սխալ: Գ.Օկոևի հավաստմամբ, տվյալ եզրակացությունը կա Ն.Մաղաքյանի մոտ, ինչպես նաև դատական գործերում: Վերականգնողական վիրահատության ընթացքում Ն.Մաղաքյանը և նրա ամուսինը հրաժարվել են երիկամի պահպանման հետագա միջամտություններից և պնդել են երիկամի հեռացմանը: Կան համապատասխան գրառումներ բժշկական փաստաթղթերում: Տվյալ գործը քննվել է Կենտրոն և Նորք-Մարաշ վարչական շրջանների ընդհանուր իրավասության դատարանում, որը կայացրել է վճիռ Նունե Ռազմիկի Մաղաքյանի հայցը մերժել անհիմն լինելու հիմքով (նայիր համապատասխան կայքը): >>>
|
Երեթշաբթի, 8 Հունվարի 2013 16:32
Հայտնի ակորդեոնահար Մարիո Ստեֆանո Պիետրոդարկին կրկին ելույթ կունենա Երևանում: Համերգը տեղի կունենա Ա. Խաչատրյանի անվան ֆիլհարմոնիայի մեծ դահլիճում, որտեղ հունվարի 14-ին երաժիշտը հանդես կգա Հայաստանի երիտասարդական նվագախմբի հետ միասին:
Մարիո Ստեֆանո Պիետրոդարկին սկսել է ակորդեոն նվագել 9 տարեկանում` հետագայում մասնագիտանալով բանդոնեոնի վրա: 1993-2001թթ. նա ուսանել է Ֆ.Ֆենարոլիի անվան քաղաքացիական երաժշտական դպրոցում (Լանչիանո, Իտալիա)` Ս.Կալիստայի և Ց.Չակչարետտայի ղեկավարությամբ: 2007թ. նա ավարտել է first-class degree Ս.Սեսիլիայի երաժշտական ակադեմիայում (Հռոմ, Իտալիա): Նա վարպետության դասեր է վերցրել Իտալիայում և արտերկրում: >>>
|
Երեթշաբթի, 8 Հունվարի 2013 16:30
ՀՀ առողջապահության նախարարությունը տեղեկացնում է, որ Ամանորյա տոնական օրերին հանրապետության տարածքում բնակչության շրջանում բոտուլիզմի, սննդային և ալկոհոլային թունավորման, ինչպես նաև սննդային գործոնով պայմանավորված աղիքային վարակիչ հիվանդությունների դեպքեր չեն արձանագրվել:
Միաժամանակ, ՀՀ առողջապահության նախարարությունը ևս մեկ անգամ հորդորում է հետագայում սննդային թունավորումների և սննդային գործոնով պայմանավորված աղիքային վարակիչ հիվանդությունների առաջացման ու տարածման կանխարգելման նպատակով զերծ մնալ ժամկետանց, ոչ սառնարանային պայմաններում պահպանված, անբավարար ջերմային մշակման ենթարկված սննդամթերքի և պատրաստի կերակրատեսակների, ինչպես նաև տնային պայմաններում պատրաստված պահածոների օգտագործումից: Հետտոնական օրերին խորհուրդ է տրվում նախապատվությունը տալ թեթև, անյուղ ապուրներին, բանջարեղենից պատրաստված կերակրատեսակներին և մրգերին: >>>
|
Երեթշաբթի, 8 Հունվարի 2013 16:29
Հայաստանի համախառն արտաքին պարտքը 2012 թվականի երրորդ եռամսյակում աճել է 3%, կամ $ 212.62 մլն, կազմելով 2012 թվականի հոկտեմբերի 1-ին կազմելով $7536.66 մլն: Համախառն արտաքին ակտիվներն այդ օրվա դրությամբ կազմել են $4888.60 մլն դոլար, եռամսյակային կտրվածքով կրճատվելով 4,9%, կամ $229.22 մլն: Արդյունքում` զուտ արտաքին պարտքը հաշվետու ժամանակահատվածում նվազել է 0.6%, կամ $ 16.6 մլն. կազմելով $2648,06 մլն:
Ըստ ՀՀ ֆինանսների նախարարության տվյաների, որոնք ԱրմԻնֆո գործակալությանն են տրամադրվել ՀՀ Ազգային վիճակագրական ծառայությունից, արտաքին համախառն պարտքի 41.87%-ը` ¥3155.43 մլն.դոլար, ամբողջությամբ երկարաժամկետ վարկեր¤ կազմել է պետական համակարգի բաժինը, 23.92%-ը` ¥1803.14 մլն.դոլար, որից 1027.35 մլն.դոլարը` երկարաժամկետ վարկեր, 668.99 մլն.դոլարը` կանխիկ դրամական միջոցներ և ավանդներ¤ առևտրային բանկերի բաժինը, 12.54%-ը` ¥945.23 մլն.դոլար, որից 692.21 մլն. դոլար` երկարաժամկետ վարկերը, 183.3 մլն.դոլար` կարճաժամկետ վարկերը¤ մասնավոր հատվածի բաժինը, 9.7%-ը` ($ 731.18 մլն, որից ավելի քան 81,4%` երկարաժամկետ վարկեր) դրամավարկային կարգավորման մարմինների բաժինը, իսկ 11,96%-ը` ($ 901.67 մլն) օտարերկրյա ուղղակի ներդրումները: Ընդ որում, առևտրային բանկերի գծով կարճաժամկետ վարկերի գծով պարտքը եռամսյակային կտրվածքով կրճատվել է 21.3%, մինչև $ 86,46 մլն, իսկ երկարաժամկետ վարկերի ծավալներն աճել են 5%, մինչև 1027,35 մլն.դոլար:
Ըստ ֆինանսների նախարարության տվյալների, 2012 թվականի հունվարի 1-ի դրությամբ համախառն արտաքին պարտքը կազմել է $ 7393.57 մլն (եռամսյակային աճը` 1.2%), համախառն արտաքին ակտիվները` $ 4814.46 մլն (եռամսյակային աճը` 1.3%), ինչի արդյունքում, զուտ արտաքին պարտքը կազմել է $ 2579,11 մլն (եռամսյակային աճը` 1%): 2012 թվականի հուլիսի 1-ին համախառն արտաքին պարտքի կազմել է $ 7324.04 մլն (եռամսյակային աճը` 2.1%), համախառն արտաքին ակտիվները` $ 4659.38 մլն (եռամսյակային աճը` 0.6%), ինչի արդյունքում, զուտ արտաքին պարտքը կազմել է $2664.66 մլն (եռամսյակային աճը` 4,6%): >>>
|
Երեթշաբթի, 8 Հունվարի 2013 13:16
Հայաստանի մայրաքաղաքում շարունակվում է գյուղատնտեսկան շուկաները սուպերմարկետների վերածելու ինտենսիվ գործընթացը, ինչն ավելի է խորացնում վաճառքի ծավալների անկումը ագրարային շուկաներում: Այսպես, ըստ Ազգային վիճակագրական ծառայության տվյալների, վերջին 5 տարիներիկտրվածքով գյուղատնտեսական շուկաների մասնաբաժինը մանրածախի ընդհանուր շրջանառության ծավալներում 2.7%-ից նվազել է մինչև 1.5%:
Առևտրի ծավալը գյուղատնտեսական շուկաներում, 2012 թվականի հունվար-նոյեմբերին հասնելով 16.9 մլրդ դրամի ($ 42.1 մլն), տարեկան կտրվածքով, կրճատվել է 17.5%, իսկ խանութներում (ներառյալ սուպերմարկետները) մանրածախի ծավալի տարեկան աճը կազմել է 3.9%, հասնելով 746,3 մլրդ դրամի ($ 1.9 մլրդ): Միայն 2012 թվականի նոյեմբերին մանրածախի ծավալը խանութներում և գյուղատնտեսական շուկաներում ցուցադրեց համապատասխանաբար` 5% և 5.6% աճ ¥2011-ի նոյեմբերի համեմատ խանութներում արձանագրված աճը կազմեց 6.5%, իսկ գյուղատնտեսական շուկաներում անկումը կազմեց` 11.7%): Բայց նույնիսկ նոյեմբերի աճի պայմաններում, առևտրի ծավլներով գյուղատնտեսական շուկաներն էապես զիջում են խանութներին: Մանրածախ առևտրի կազմում 2012 թվականի նոյեմբերին խանութների բաժինը կազմել է 65.5%, 2011 թվականի 53.1%-ի փոխարեն:
Ըստ վիճակագրության, 2012 թվականի հունվար-նոյեմբերինբ ներքին ապրանքաշրջանառությունը Հայաստանում տարեկան կտրվածքով աճել է 3.4%, մինչև 1.85 տրլն.դրամ ($ 4.5 մլրդ), միայն նոյեմբերին աճելով 2%: Ապրանքաշրջանառության ընդհանուր ծավալներում մեծածախ առևտրի բաժինը 2012 թվականի հունվար-նոյեմբերին կազմել է 34.1% կամ 630 մլրդ դրամ ($ 1.6 մլրդ), տարեկան կտրվածքով աճելով 4,7%, իսկ միայն նոյեմբերին` 2,9%: Տրանսպորտային միջոցների առևտրի բաժինը կազմել է 4.2%, կամ 77 մլրդ դրամ ($ 191.8 մլն), տարեկան կտրվածքով աճելով 11.3%, իսկ միայն նոյեմբերին` 4.1%:
Առևտրի կազմում առյուծի բաժինը կազմումել է մանրածախը` 61.7%, կամ 1.14 տրլն. դրամ ($ 2.8 մլրդ), տարեկան կտրվածքով աճելով 2.2%, իսկ միայն նոյեմբերին` 1.4%: Ընդ որում, մանրածախ առևտրի կազմում սպառողական ապրանքների շուկաների բաժինը կազմել է 8.7% կամ 98.9 մլրդ դրամ (տարեկան անկումը` 4,5%, միայն նոյեմբերին` 8.6%), իսկ կրպակների բաժինը` 3,1% կամ 35.9 մլրդ դրամ (տարեկան անկումը` 13.6%, իսկ նոյեմբերի անկումը` 3%):
Նշենք, որ 2012 թ հունվարի 1-ի դրությամբ Հայաստանում եղել է 13,6 հազ.խանութ, որից 9.2 հազարը կենտրոնացած է Երևանում, ապահովելով մանրածախի ընդհանուր շրջանառության 90%-ը, իսկ գյուղատնտեսական շուկաների թիվը կազմել է 30, որից 11-ը գտնվում է Երևանում, պահովելով մանրածախի ընդհանուր շրջանառության 80%-ը: >>>
|
Երեթշաբթի, 8 Հունվարի 2013 13:11
Իսպանացի հայտնի երգիչ Խուլիո Իգլեսիասը ելույթ կունենա Երևանում: Համերգը տեղի կունենա մարտի 18-ին Կարեն Դեմիրճյանի անվան մարզահամերգային համալիրում:
Խուլիո Իգլեսիասն ամենհայտնի իսպանալեզու կատարողն է, ով վաճառել է ավելի քան 300 մլն ձայնասկավառակ: Իր ստեղծագործական ողջ կարիերայի ընթացքում երգիչը ձայնագրել է ավելի քան 50 ալբոմ, որոնցից վերջինը` Julio Iglesias "1", լույս է տեսել 2011 թվականին:
>>>
|
Երեթշաբթի, 8 Հունվարի 2013 13:09
Ամանորյա տոներին՝ հունվարի 1-ից 7-ը, ՙՀարավկովկասյան երկաթուղի՚ ՓԲԸ-ն փոխադրել է 7,5 հազար ուղևոր: 560 մարդ դարձել են Երևան-Թբիլիսի-Երևան միջազգային գնացքի ուղևորներ, իսկ ներհանրապետական էլեկտրագնացքների ծառայություններից օգտվել են ավելի քան 7 հազար ուղևոր:
Նոր տարվա առաջին օրերին հատկապես պահանջված էին ներհանրապետական երթուղիները: Մասնավորապես, բոլոր ուղևորներին փոխադրելու համար երեկ նշանակվել էր Գյումրի-Երևան լրացուցիչ էլեկտրագնացք:
ՀԿԵ-ն հետևողական աշխատանքներ է տանում ուղևորափոխադրումների ծավալվերի ավելացման ուղղությամբ: Այս նպատակով թարմացվում է երկաթուղու շարժակազմը, բարելավվում է հարմարավետությունն ու ուղևորների սպասարկման որակը, ինչպես նաև մեծանում է գնացքների արագությունը: >>>
|
Երեթշաբթի, 8 Հունվարի 2013 13:05
Այսօր Ադրբեջանի կողմից միջազգային ասպարեզում ղարաբաղյան հակամարտությունն աբխազական և հարավօսական հակամարտությունների հետ նույնականացնելու մշտական փորձերի միտում է նկատվում, բայց Երևանը պետք է ամեն կերպ խոչընդոտի դրան, քանի որ այդ հակամարտությունները տարբեր ծագում ունեն, մամլո ասուլիսի ժամանակ այդպիսի կարծիք է հայտնել քաղաքագետ Ալեքսանդր Մանասյանը:
ՙԻ՞նչ է արել Հայաստանը`միջազգային ասպարեզում այդ հակամարտությունները տարբերակելու նպատակով: Ցավոք, այսօր այդ ուղղությամբ որևէ քայլ չի ձեռնարկվում՚,- ընդգծել է Մանասյանը:
Մեկնաբանելով օրերս տարածված տեղեկատվությունը, որ վրաց պատրիարք Իլյա Երկրորդն իբր նույնպես փորձել է նույնականացնել այդ հակամարտությունները`հայտարարելով, որ Լեռնային Ղարաբաղը եղել և մնում է Ադրբեջանի անքակտելի մասը այնպես, ինչպես Հարավային Օսիան և Աբխազիան միշտ պատկանել են Վրաստանին`փորձագետը նշել է. ՙԳոյություն ունի երեք հնարավոր տարբերակ`կամ վրաց պատրիարքն անձնական հանդիպման ժամանակ այդ խոսքերն ասել է, որպեսզի շողոքորթի Կովկասի մահմեդականների առաջնորդ Ալլահշուքյուր Փաշազադեին`հուսալով, որ այդ խոսքերը չեն հրապարակվի, կամ նրա խոսքերն աղավաղվել են, կամ նա ընդհանրապես նման հայտարարություններ չի արել՚: >>>
|
Երեթշաբթի, 8 Հունվարի 2013 13:05
Հայաստանը Եվրատեսիլ-2013-ում ներկայացնելու ցանկություն հայտնած առաջին կատարողը երգիչ Նիկ Եգիբյանն է: Youtube-ում նրա ՙRelease Us՚ երգի օգտին արդեն շուրջ 3 հազար դիտում է գրանցվել: Հանրապետությունից մասնակցի ընտրությունը նախատեսվում է իրականացնել ներքին կարգով`Հայաստանի հանրային հեռուստատեսության հանձնաժողովի կողմից: 2012 թվականին Հայաստանը հրաժարվել է մասնակցել Բաքվում անցկացված Եվրատեսիլին, ինչի հետ կապված`տուգանվել է Եվրոպայի հեռարձակողների միության կողմից: Եվրատեսիլ-2013-ը տեղի կունենա մայիսի 14-18-ը Շվեդիայում: Երգի մրցույթին կմասնակցի 39 երկրի ներկայացուցիչ: Այս տարի Եվրատեսիլին մասնակցությունից հրաժարվել են Բոսնիան և Հերցեգովինան, Պորտուգալիան, Սլովակիան և Թուրքիան: >>>
|