Ադրբեջանի ազգային անվտանգության նախարարությունը և այդ երկրի Գլխավոր դատախազությունը հանդես են եկել լրագրող Ռաուֆ Միրկադիրովի գործի առնչությամբ համատեղ հայտարարությամբ, որում, մասնավորապես, ասվում է, որ առկա էին ՙՀայաստանի հատուկ ծառայությունների հետ Ռաուֆ Միրկադիրովի գիտակցված համագործակցության հիմնավոր կասկածներ՚, ինչի առնչությամբ նա ձերբակալվել էր ընթացիկ տարվա ապրիլի 19-ին, իսկ ապրիլի 21-ին կալանավորվել`Ադրբեջանի ՔՕ 274 հոդվածի համաձայն: 

17-ամյա Սմբատ Ցականյանի մահվան առնչությամբ Հայաստանի պատասխանը չի ուշանա, ԱրմԻնֆո-ի հետ զրույցում հայտարարել է Հայաստանի պաշտպանության նախարարի մամուլի քարտուղար Արծրուն Հովհաննիսյանը: 

Նախօրեին,  «Ոսկե ծիրան XI միջազգային փառատոնի» շրջանակներում կայացավ Աննա Մելիքյանի «Աստղ» ֆիլ,ի երևանյան պրեմիերան: Այս տարի ֆիլմը պարգևատրվելռուսաստանյան «Կինոտավր»  XXV բաց կինոփառատոնում, լավագույն ռեժիսորի և լավագույն դերասանուհու (Սեվերիա Յանուշաուսկայտե) անվանակարգերում: «Ոսկե ծիրան» կինոփառատոնում ֆիլմի ներառված է «Հայկական համայնապատկեր» մրցութային ծրագրում:

Beeline–ը հայտարարում է լավագույն գաղափարի մրցույթ ուղղված My Beeline Armenia բջջային հավելվածի կատարելագործմանը։ Ինչպես ԱրմԻնֆո գործակալությանը տեղեկացվել է Ընկերության ծառայությունից, մրցույթին կարող են մասնակցել ինչպես բովանդակային այնպես էլ ծրագրային ապահովմանն ուղղված առաջարկներն, իսկ լավագույն գաղափարի հեղինակը  Beeline–ի կողմից որպես մրցանակ կստանա Samsung Galaxy S4 հեռախոս։  Մասնակիցներն իրենց առաջարկները կարող են ուղարկել [email protected] էլեկտրոնային հասցեին մինչև սույն թվականի օգոստոսի 31–ը։

 ԱՐԱՐԱՏԲԱՆԿԸ  փոքր և միջին ձեռնարկություններին վարկավորելու նպատակով  10 մլն ԱՄՆ դոլար  է ներգրավել The OPEC Fund for International Development (OFID) ֆինանսական կազմակերպությունից: Վարկային պայմանագրի շրջանակներում բանկը կտրամադրի մինչեւ 500 000 ԱՄՆ  դոլար  սահմանաչափով վարկեր արտադրության, սպասարկման, առևտրի և  գյուղատնտեսության ոլորտներում գործունեություն ծավալող ՓՄՁ-ներին:  Շրջանառու միջոցների համալրման, կապիտալ ներդրումների, հիմնական միջոցների ձեռքբերման նպատակով վարկերը կտրամադրվեն մինչև  չորս  տարի  մարման ժամկետով` 10-11 տոկոս դրույքաչափով: Այս մասին ԱրմԻնֆո գործակալությանը տեղեկացվել է ԱՐԱՐԱՏԲԱՆԿԻ մամուլի ծառայությունից:

«Ազգային Հիփոթեքային Ընկերություն» ՎՎԿ ՓԲԸ-ն 2011 թվականից ի վեր տեղաբաշխել է ավելի քան 10 մլրդ.դրամ ծավալով 11 թողարկումների պարտատոմսեր: Այս մասին այսօր կայացած մամուլի ասուլիսում հայտարարել է Ընկերության գործադիր տնօրեն Մհեր Եդիգարյանը: Ընկերության առաջին 9 տրանշերի պարտատոմսերը եղել են կարճաժամկետ, իսկ վերջին երկուսը` միջնաժամկետ:

Մաքսային միությանն անդամակցելու Հայաստանի որոշման, ինչպես նաև պատճառների մասին, որոնք դրդել են վերջինիս գնալ դրան, բազմիցս խոսվել է ամենաբարձր մակարդակով, այդ մասին ասված է նաև Հայաստանի արտգործնախարարության տարեկան հաշվետվության մեջ, ԱրմԻնֆո-ի թղթակցի խնդրանքով Կարլ Բիլդտի հայտարարությանը, թե Մոսկվան ստիպել է Երևանին հրաժարվել ԵՄ հետ Ասոցացման համաձայնագրից, այսպես է արձագանքել ՀՀ ԱՆ մամուլի քարտուղար Տիգրան Բալայանը:

Նշենք, որ ավելի վաղ ՀՀ նախագահ Սերժ Սարգսյանը, բացատրելով Մաքսային միության օգտին Երևանի ընտրության պատճառը, մասնավորապես, հայտարարել էր. ՙԴա չի նշանակում, թե Հայաստանն ընտրություն է կատարել Եվրոպայի և Մաքսային միության միջև: Այդ որոշումն ընդունվել է` տնտեսական, ինչպես նաև երկրի ռազմական անվտանգության նկատառումներից ելնելով: Որոշումն ընդունվել է `Հայաստանի զարգացման նպատակով՚:

Շվեդիայի ԱՆ ղեկավարը, մասնավորապես, հայտարարել է. ՙՎրաստանը, Մոլդովան և Ուկրաինան ակտիվորեն առաջ են ընթանում եվրաասոցացման հարցում, իսկ Հայաստանը որոշել է միանալ Մաքսային միությանը: Սակայն, Երևանն այլընտրանք չուներ, քանի որ Մոսկվան երկրի իշխանություններին ընտրության առջև է կանգնեցրել: Նրան ստիպել են՚:

Մոսկվան ստիպել է Երևանին հրաժարվել ԵՄ հետ Ասոցացման համաձայնագիրն ստորագրելու մտադրությունից: Այդ մասին Վաշինգտոնում հայտարարել է Շվեդիայի ԱՆ ղեկավար Կարլ Բիլդտը:

ՙՎրաստանը, Մոլդովան և Ուկրաինան ակտիվորեն առաջ են ընթանում եվրաասոցացման հարցում, իսկ Հայաստանը որոշել է միանալ Մաքսային միությանը: Սակայն, Երևանն այլընտրանք չուներ, քանի որ Մոսկվան երկրի իշխանություններին ընտրության առջև է կանգնեցրել: Նրան ստիպել են՚,-նշել է դիվանագետը: Նաև նաև կասկած է հայտնել Եվրամիության ՙԱրևելյան գործընկերության՚ ծրագրին մասնակցելու Ադրբեջանի իշխանությունների անկեղծության առնչությամբ`ավտորիտար ռեժիմի պատճառով: ՙԱյնտեղ ավտորիտար քաղաքական կառավարում է, ինչը խնդիրներ կստեղծի մեզ համար՚,- հայտարարել է նա:

Հուլիսի 16-ին Մոսկվայում ձեռբակալվել է հայազգի գործարար, բարերար Լևոն Հայրապետյանը: Այս առիթով հայտարարությամբ է հանդես եկել Արցախի հերոս Արկադի Տեր-Թադևոսյանը (Կոմանդոս):

Նրա կարծիքով, ՙայս ակցիայի նպատակն է ստվեր գցել հայ-ռուսական բարեկամության վրա, կասկածի տակ դնել Եվրասիական Միությանը Հայաստանի անդամակցության հարցը՚ և որոշ չափով խոչընդոտել Արցախի բանակի կառուցմանը: ՙԹվարկվածը հանգեցնում է Լևոն Հայրապետյանի ձերբակալության քաղաքական պատվերի մտքին՚,- նշում է Կոմանդոսը: Նրա խոսքով, կատարվածը խորապես զարմացրել է հայտնի հայ բարեգործին լավ ճանաչող բոլոր մարդկանց: ՙՄիակ պետությունն աշխարհում, որը հիմքեր ուներ դժգոհ լինելու Լևոն Հայրապետյանի գործունեությունից, հանդիսանում է Ադրբեջանի հանրապետությունը, որի ղեկավարությունը մշտապես մեծ խանդով է վերաբերում հայկական պետությունների հաջողություններին՚ – հայտարարում է ազատամարտիկը: Նրա խոսքով, Ադրբեջանն իր նավթադոլարներն օգտագործում է սեփական խնդիրները սովորական կաշառքի միջոցով լուծելու համար, ինչը միջազգային տերմինաբանության մեջ ստացել է «խավիարային դիվանագիտությունե անվանումը: ՙՑավոք, Ռուսաստանի որոշ կառույցներում, այդ թվում նաև Անվտանգության դաշնային ծառայությունում, դեռևս աշխատում են անազնիվ մարդիկ, ովքեր պատրաստ են «երեսուն արծաթիե դիմաց հանդես գալ իրենց երկրի շահերի դեմ: Իսկ այն, որ ՆԱՏՕ-ի և Ռուսաստանի միջև ուժեղ հայկական պետությունների առկայությունը բխում է Ռուսաստանի դաշնության շահերից, համոզված եմª ոչ մեկի մոտ կասկած չի հարուցում՚,- ասված է Տեր-Թադևոսյանի հայտարարության մեջ:

Հիշեցնենք, որ ՌԴ Անվտանգության դաշնային ծառայության աշխատակիցները նախօրեին ձերբակալել են հայկական սփյուռքի ամենահարուստ ներկայացուցիչներից մեկին`Լևոն Հայրապետյանին: Այդ մասին հայտնել է ՙՌոսբալթ՚ գործակալությունը`վկայակոչելով ռուսական հատուկ ծառայությունների աղբյուրը:

Արցախի Հանրապետության Նախագահ Բակո Սահակյանը հուլիսի 16-ին ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
 
Ինչպես տեղեկացնում է ԼՂՀ նախագահի աշխատակազմի տեղեկատվության գլխավոր վարչությունը, հանդիպմանը քննարկվել են ադրբեջանա-ղարաբաղյան հակամարտության կարգավորման բանակցային գործընթացում, ինչպես նաեւ Լեռնային Ղարաբաղի եւ Ադրբեջանի զինված ուժերի շփման գծում տիրող իրավիճակին վերաբերող մի շարք հարցեր: Երկրի ղեկավարը վերջերս ադրբեջանական դիվերսիոն խմբի ներթափանցումը ԼՂՀ տարածք համարել է պաշտոնական Բաքվի կողմից հերթական սադրիչ ու ահաբեկչական գործողություն, որը լուրջ հարված է հասցնում բանակցային գործընթացին եւ միջնորդ երկրների ջանքերին` հավելելով, որ այն պետք է համապատասխան գնահատականի արժանանա միջազգային հանրության կողմից:

 Կենտրոն և Նորք-Մարաշ համայնքների դատարանի որոշումը, որով Ilur.am-ին և «Հրապարակ»-ին պարտադրվում է բացահայտել իրենց սեփական աղբյուրները, հանդիսանում է Հայաստանում խոսքի ազատությունը սահմանափակելու կոպիտ փորձ: Այս մասին ԱրմԻնֆո գործակալության թղթակցի հետ զրույցում հայտարարել է Հայաստանի առաջին Օմբուդսմեն, «Ընդդեմ իրավական կամայականության» հասարակական կազմակերպության գործադիր տնօրեն Լարիսա Ալավերդյանը:

Ադրբեջանական դիվերսիան և լարվածության աճը ղարաբաղյան և ադրբեջանական զինված ուժերի շփման գծում ստատուս-քվոյի պահպանման անհնարինության վերաբերյալ ամերիկացի համանախագահ Ջեյմս Ուորլիքի հայտարարությունների հետևանքն է, այսօր մամուլի ասուլիսի ժամանակ այդպիսի կարծիք է հայտնել Հայաստանի առաջին օմբուդսմեն Լարիսա Ալավերդյանը:

Հայաստանը մինչև 2014 թ. օգոստոսի վերջը ՙՌոսնեֆտ՚ ընկերության աշխատանքային խմբից սպասում է հանրապետության տարածքում սինթետիկ կաուչուկի արտադրության նոր գործարանի կառուցման նախագծի իրականացման առնչությամբ իր տեսլականին: Այդ մասին ԱրմԻնֆո գործակալությանը հարցազրույցում հայտնել է ՀՀ էներգետիկայի և բնական պաշարների փոխնախարար Իոսիֆ Իսայանը: 

Հայաստանը 100%-ով կատարել է էներգետիկայի ոլորտին առնչվող պահանջները Մաքսային միությանն անդամակցելու համար: Այդ մասին ԱրմԻնֆո գործակալությանը հարցազրույցում հայտնել է ՀՀ էներգետիկայի և բնական պաշարների փոխնախարար Իոսիֆ Իսայանը: 

Մինչև 2014 թ. հոկտեմբեր Հայաստանը կքննարկի և կհաստատի 2015 թ. ռուսական նավթամթերքի առանց մաքսատուրքի մատակարարումների նոր ինդիկատիվ բալանսը: Այդ մասին ԱրմԻնֆո գործակալությանը հարցազրույցում հայտնել է ՀՀ էներգետիկայի և բնական պաշարների փոխնախարար Իոսիֆ Իսայանը: 

Beeline–ը հայտարարում է ՙԶրուցենք՚ ծառայության գործարկման մասին, որը ֆիզիկական անձ հանդիսացող կանխավճարային հաշվարկային համակարգի բաժանորդներին հնարավորություն է ընձեռում 30 օր անսահմանափակ խոսել Beeline բջջային ցանցի ներսում՝ վճարելով 990 դրամ։ 

 ՌԴ Անվտանգության դաշնային ծառայության աշխատակիցները ձերբակալել են հայկական սփյուռքի ամենահարուստ ներկայացուցիչներից մեկին`Լևոն Հայրապետյանին:

 ՙԴուրս մեր գրպանից՚ նախաձեռնությունը Հայաստանի վարորդներին կոչ է անում տուգանքներ չվճարել ՃԵԿ խախտման համար, այլ դատական կարգով բողոքարկել դրանք:

Անկայուն իրավիճակը Թուրքիայի հարավային սահմաններին առավել ակտուալ է դարձնում հարևանների, մասնավորապես` Իսրայելի և Հայաստանի հետ Անկարայի հարաբերությունների կարգավորման հարցը: Այդ մասին ԱՄՆ Սենատում լսումների ժամանակ հայտարարել է Թուրքիայում դեսպանի պաշտոնի թեկնածու Ջոն Բասը:

Ադրբեջանցի դիվերսանտների ընտանիքները դիմել են Կարմիր խաչի միջազգային կոմիտեին: