Մեր ունեցած տեղեկությունների համաձայն, Ուկրաինա-ԵՄ բանակցություններում գրեթե չի բարձրացվել ֆինանսական հարց, մասնավորապես` Յուլիա Տիմոշենկոյի ազատության համար դրամական սակարկություն: Հենց այդ պատճառով եվրոպական քաղաքական գործիչներն ու դիվանագետներն այժմ այդպես զարմացած են, քանի որ ցանկության դեպքում այդ հարցը կարող էր քննարկվել վերջին մեկուկես տարում: Այդպիսի կարծիք է հայտնել Ռազմավարական հետազոտությունների ազգային ինստիտուտի տարածաշրջանային մասնաճյուղի (Օդեսա) առաջատար գիտաշխատող Աննա Շելեստը` առցանց հարցազրույցում պատասխանելով ԱրմԻնֆոյի հարցին:

Եվրախորհրդարանի նախագահ Մարտին Շուլցը խորը հիասթափություն է հայտնել Վիլնյուսի գագաթնաժողովում ասոցացման համաձայնագրի ստորագրումից Ուկրաինայի և Հայաստանի հրաժարվելու  առնչությամբ: Այդ մասին հաղորդում է Fakty.ua-ն:

 Համաշխարհային  բանկի և կառավարության կողմից արոտավայրերի անապատացման դեմ պայքարի համար հատկացված 20 մլն դոլարը նպատակին չի ծառայում, հայտարարել է Հանրային խորհրդի գյուղատնտեսության և բնապահպանության հարցերի հանձնաժողովի անդամ Ստեփան Խոյեցյանը:

Ղրիմը իրոք ցավոտ թեմա է Ուկրաինայի համար: Եվ այստեղ երկու հարց կա. ՌԴ սևծովյան նավատորմը և Ղրիմի թաթարական բնակչությունը: Այդպիսի կարծիք է հայտնել Ռազմավարական հետազոտությունների ազգային ինստիտուտի տարածաշրջանային մասնաճյուղի (Օդեսա) առաջատար գիտաշխատող Աննա Շելեստը, առցանց հարցազրույցում պատասխանելով ԱրմԻնֆոյի այն հարցին, թե Մոսկվայի և Կիևի միջև բանակցություններում ինչ դեր է խաղում Ղրիմի հարցը:

 Այսօր Լիտվայի մայրաքաղաք Վիլնյուսում բացվում է Արևելյան գործընկերության երկրների երկօրյա գագաթնաժողովը, որին կմասնակցեն 34 պետությունների, մասնավորապես, ԵՄ 28 երկրների և «Արևելյան գործընկերության» մասնակից վեց երկրների` Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի ներկայացուցիչներ: Վիլնյուսի գագաթնաժողովը կընթանա Եվրախորհրդի նախագահ Խերման Վան Ռոմպեյի նախագահության ներքո,  ով Եվրահանձնաժողովի նախագահ Ժոզե Մանուել Բարոզուի հետ միասին միջոցառմանը կներկայացնի Եվրամիությունը: Հանդիպմանը կմասնակցեն նաև ԵՄ արտաքին գործերի և անվտանգության քաղաքականության գծով գերագույն ներկայացուցիչ Քեթրին Էշթոնը, Եվրախորհրդարանի նախագահ Մարտին Շուլցը, ԵՄ ընդլայնման և հարևանության եվրոպական քղաքականության գծով հանձնակատար Շտեֆան Ֆյուլեն:

 Անհրաժեշտության դեպքում Հայաստանում տեղակայված 102-րդ ռուսական ռազմաբազան, երկկողմ համաձայնագրերով ամրագրված պարտավորությունների համաձայն,  կպաշտպանի ՀՀ անվտանգությունը, որն իր հերթին Արցախի անվտանգության երաշխավորն է: Այդ մասին նոյեմբերի 27-ին Ադրբեջանի հետ սահմանին կազմակերպված մամլո ասուլիսի ժամանակ հայտարարել է Հայաստանի պաշտպանության նախարար Սեյրան Օհանյանը` պատասխանելով ագրեսիայի դեպքում Հայաստանում տեղակայված 102-րդ ռուսական ռազմաբազայի ներգրավմանն առնչվող հարցին:
 
Նախարարը նաև անհրաժեշտ չի համարում Հայաստանում երկրորդ ռուսական ռազմակայանի տեղակայումը: Նրա խոսքով, 102-րդ ռազմաբազան հայկական կողմի հետ միասին շատ լավ կատարում է իր առջև դրված խնդիրները:
 
Նրա խոսքով, Հայաստանը Լեռնային Ղարաբաղի Հանրապետության անվտանգության երաշխավորն է, և հայկական զինված ուժերը ԼՂՀ Պաշտպանության բանակի հետ միասին կշարունակեն պաշտպանել Արցախի սահմանները: Մեկնաբանելով նաև ԼՂՀ-ում ռուս խաղաղապահների հնարավոր տեղակայմանը վերաբերյալ լուրերը` Օհանյանը նշել է, որ արցախյան սահմանները պաշտպանում են հայ զինվորները, ովքեր ԼՂՀ-ում շատ լավ կատարում են իրենց վրա դրված խնդիրը:

 Cascade Consultants ընկերությունը ներկայումս մշակում է Հայաստանի շուկայի համար նորություն հանդիսացող HR-մենեջմենտի մեթոդներ: այս մասին հայտարարել է Հայաստանի HR-մենեջերների ասոցիացիայի նախագահ և Cascade Consultants ընկերության ղեկավար Արփի Կարապետյանը, մեկնաբանելով ԱրմԻնֆո գործակալության համապատասխան հարցը:

 Նախագահ Սերժ Սարգսյանի հրավերով դեկտեմբերի 2-ին պետական այցով Հայաստանի Հանրապետություն կժամանի Ռուսաստանի Դաշնության Նախագահ Վլադիմիր Պուտինը: 

 Հայաստանի քաղաքացիների 64 տոկոսը Մաքսային միությանն անդամակցելու իշխանությունների որոշման կողմնակից են: Այդ մասին նոյեմբերի 27-ին մամուլի ասուլիսում հայտարարել է Հայաստանում GALLUP International association ներկայացուցչության ղեկավար Արամ Նավասարդյանը:

Հայաստանի տրանսվեստիտներն սկսել են աստիճանաբար էքսպանսիայի ենթարկել Երևանի տարածքները, հայտարարել է «Մենք» շարժման ղեկավարի տեղակալ Սևան Աղաջանյանը:

 Հայ ծրագրավորողները, ի նշան կենսաթոշակային կուտակային պարտադիր համակարգի դեմ բողոքի, համակարգչային մկներ են կախել ՀՀ խորհրդարանի ցանկապատի վրա:

Հայաստանում HR-մենեջմենտը գտնվում է ինտենսիվ զարգացման փուլում: Նոյեմբերի 22-23-ը Աղվերանում տեղի ունեցած` HR-մենեջերների գործունեության հիմնական ուղղություններին վերաբերվող տարածաշրջանային 2-րդ կոնֆերանսում աս մասին հայտարարել է Հայաստանի HR-մենեջերների ասոցիացիայի նախագահ և Cascade Consultants ընկերության ղեկավար Արփի Կարապետյանը, մեկնաբանելով ԱրմԻնֆո գործակալության համապատասխան հարցը:

Նոյեմբերի 22-23-ը Աղվերանում տեղի է ունեցել HR-մենեջերների գործունեության հիմնական ուղղություններին վերաբերվող տարածաշրջանային 2-րդ կոնֆերանսը: Կոնֆերանսին մասնակցել են Հայաստանի, Վրաստանի և այլ երկրների HR-մասնագետներ և մենեջերներ: Միջոցառման կազմակերպիչն է Հայաստանի HR-մենեջերների ասոցիացիան, Cascade Consultants խորհրդատվական ընկերության հետ համատեղ:

Նոյեմբերի 18-25-ը Բնապահպանական տեսչությունն իրականացրել է մի շարք ստուգումներ, որոնց արդյունքում 600 հազար դրամ ընդհանուր գումարի վարչական տուգանքի մասին 8 որոշում է կայացվել: Բացի այդ, շրջակա միջավայրին հասցված վնասը գնահատվել է 139.25 հազար դրամ: Այդ մասին հաղորդում է ՀՀ բնապահպանության նախարարությունը:

Հայտնի է դարձել, թե ինչ փաստաթղթեր են ստորագրվելու նոյեմբերի 28-29-ը Վիլնյուսում կայանալիք Արևելյան գործընկերության երրորդ գագաթնաժողովի ընթացքում:

Ղազախստանի «Շախտյորը» ևս 2 տարով պայմանագիր է կնքել Հայաստանի հավաքականի 25-ամյա գրոհող կիսապաշտպան Գևորգ Ղազարյանի հետ: Ղազարյանը ամռան թրանսֆերային պատուհանի ժամանակ վարձակալության իրավունքով Կարագանդայի ակումբ էր տեղափոխվել  Դոնեցկի «Մետալուրգից»: Իսկ այժմ կարագանդացիները վերջնականապես «Մետալուրգից» գնել են Ղազարյանի թրանֆերը: 

ՖԻՖԱ-ի նոյեմբերյան վարկանշային աղյուսակում Հայաստանը 716 միավորով 38-րդ տեղից կբարձրանա մինչև 34-րդ տեղը: Այդ մասին ասվում է ռուսական ԶԼՄ-ների կանխատեսումներում: Դրանք առնչվում են աշխարհի ազգային հավաքականների նոր վարկանշային աղյուսակի բովանդակությանը, որը ՖԻՖԱ-ն կհրապարակի նոյեմբերի 28-ին:

 «Ցեղակրոն» կուսակցության առաջնորդ Շանթ Հարությունյանը ճաղերի հետևում է հայտնվել այն պատճառով, որ մարտահրավեր է նետել Հայաստանի իշխանական համակարգին: Այսօր մամուլի ասուլիսում այդպիսի կարծիք է հայտնել «Ղարաբաղ» կոմիտեի անդամ, Հայաստանի առաջին նախագահի ազգային անվտանգության հարցերով նախկին խորհրդական Աշոտ Մանուչարյանը:

ԱՄՆ Հայլենդի Քաղաքային խորհուրդը բանաձև է ընդունել Լեռնային Ղարաբաղի Հանրապետության անկախությունը ճանաչելու մասին  եւ դիմել է Կոնգրեսին եւ ԱՄՆ նախագահին`  կոչ անելով պաշտպանել ժողովրդավար և անկախ Լեռնային Ղարաբաղի ինքնորոշման իրավունքը: Ինչպես հաղորդում է ԱՄՆ-ում ԼՂՀ ներկայացուցչությունը, բանաձևում նաև աջակցություն է հայտնվնում ԼՂՀ կառուցողական ներգրավմանը միջազգային հանրության ջանքերին, որոնք նպատակաուղղված են անվտանգության հարցերի արդար եւ երկարատեւ լուծմանը ռազմավարական կարեւոր այդ տարածաշրջանում:

 Ադրբեջանի ընդամենը մեկ սխալ քայլը կարող է հանգեցնել այնպիսի իրադարձությունների, որոնք կարող են հավասարազոր լինել Ռուսաստանի կողմից Հարավային Օսիայի և Աբխազիայի  ճանաչմանը, այսինքն`  Լեռնային Ղարաբաղի անկախության: Այդ մասին SalamNews-ին հայտարարել է Ադրբեջանի միլլի մեջլիսի ազգային անվտանգության և պաշտպանության կոմիտեի անդամ Զախիդ Օրուջը: Մեկնաբանելով Բաքվի արտաքին քաղաքական գծի վրա Վիլնյուսի գագաթնաժողովի ազդեցության հնարավորթյունը`  խորհրդարանականը նշել է, որ Ադրբեջանի եվրատլանտյան տարածություն մտնելու գաղափարի բարձրաձայնումն իսկ իրենց «կարող է թողնել  առանց Լեռնային Ղարաբաղի»: Այդ առնչությամբ Օրուջը կոչ է արել ուշադրություն դարձնել Մոսկվայի ուղերձներին: