ACBA-Credit Agricole Bank-ը, «Հայաստան» Համահայկական հիմնադրամը և World Vision Armenia-ի հայկական ներկայացուչությունն ստորագրել են եռակողմ համագործակցության պայմանագիր, որի շրջանակներում Գավառի մանկատան երեխաների համար կգործարկվի համատեղ  բարեգործական կրթական նախագիծը: Հունիսի 30-ին պայմանագիրն ստորագրել են ACBA-Credit Agricole Bank-ի գլխավոր գործադիր տնօրեն Հակոբ Անդրեասյանը, «Հայաստան» Համահայկական հիմնադրամի տնօրեն Արա Վարդանյանը և World Vision Armenia-ի տնօրեն Ժիրայր Էդիլյանը:

 Ղարաբաղյան հակամարտության կարգավորման շուրջ բանակցային գործընթացում ոչ մեծ առաջընթաց կա, ՙԱմերիկայի Ձայնի՚ հայկական ծառայությանը հարցազրույցում հայտարարել է Հայաստանում ԱՄՆ դեսպան Ջոն Հեֆֆերնը:

Ավելի քան երեսուն Beeline աշխատակից մասնակցեցին դոնորների կամավոր ակցիային։ 2014թ–ի հունիսի 26-ին և 27-ին ՀՀ ԱՆ «Պրոֆ. Ռ.Հ. Յոլյանի անվան Արյունաբանական Կենտրոն»–ում Beeline աշխատակիցները հանձնեցին արյուն Արյունաբանական կենտրոնում բուժում ստացող երեխաներին օգնելու համար։

 ՅՈՒՆԵՍԿՈ-ն այն կազմակերպությունը չէ, որը որոշում է`լավաշը հայկակա՞ն է, թե ոչ: Այս մասին ԱրմԻնֆո գործակալության թղթակցի հետ զրույցում հայտարարել է «Հայկական խոհարարության ավանդույթների պահպանման և զարգացման» ՀԿ նախագահ Սեդրակ Մամուլյանը:

Վարչական դատարանը չի ընդունել Աֆրիկյանների տան գործով քաղաքապեռտարանի և կառավարության որոշումն առոչինչ ճանաչելու վերաբերյալ հայցը: Հայցը «SOS Կպահպանենք Աֆրիկյանների ակումբի շենքը» նախաձեռնության անունից ներկայացրել էր Հայաստանի Հելսինկյան կոմիտեն և «Urbanlab Yerevan» ՀԿ-ն:

Ժառանգություն» կուսակցության անդամ, պատգամավոր Զարուհի Փոստանջյանը նախագահ Սերժ Սարգսյանին ծննդյան 60-ամյակի կապակցությամբ յուրովի շնորհավորանք է հղել:

Հուլիսի 16-ին Հայաստանում կանցկացվի տոլմայի IV փառատոնը: Ավանդույթի համաձայն, այն տեղի կունենա Սարդարապատի հուշահամալիրի մոտ`ՙՈսկե ծիրան՚ միջազգային կինոփառատոնի շրջանակներում:

 Պատվիրատուն՝ «Հարավկովկասյան երկաթուղի» ՓԲԸ-ն, որը գտնվում է 0005, ք.Երևան, Տիգրան Մեծի պողոտա 50 հասցեում, հայտարարում է էլեկտրատեխնիկական նյութերի և կոնտակտային ցանցի համար նյութերի մատակարարման համար գնանշման հարցում:

Պատվիրատուն՝ «Հարավկովկասյան երկաթուղի» ՓԲԸ-ն, որը գտնվում է 0005, ք.Երևան, Տիգրան Մեծի պողոտա 50 հասցեում, հայտարարում է հատուկ ինքնագնաց շարժակազմի պահեստամասերի մատակարարման համար գնանշման հարցում:

 Ադրբեջանի նախագահ Իլհամ Ալիևը, հունիսի 28-ին ելույթ ունենալով Բաքվում ԵԱՀԿ ԽՎ 23-րդ նստաշրջանում, ՙադրբեջանական տարածքների օկուպացման՚ վերաբերյալ հին երգն է երգել: Ինչպես հաղորդում է Trend-ը, սկզբում Ալիևը գանգատվել է միջազգային իրավունքի դրույթների իրականացման ՙընտրովի մոտեցումից՚:

Ղարաբաղյան հակամարտության կարգավորման շուրջ բանակցությունները պետք է շարունակվեն, հայտարարել է Նյու-Ջերսի նահանգից հանրապետական կոնգրեսական Քրիստոֆեր Սմիթը:

 ԵԱՀԿ Մինսկի խումբը ղարաբաղյան հակամարտության կարգավորման ուղղությամբ լուրջ քայլեր չի ձեռնարկել: ԱՄՆ և Ռուսաստանի առավել ակտիվ մասնակցության դեպքում հակամարտությունը վաղուց կարգավորվել էր: Այդ մասին Բաքվում հայտարարել է Թուրքիայի Եվրամիության հարցերով նախարար Մևլութ Չավուշօղլուն, հաղորդում է Trend-ը:ՙՀակամարտությունը պետք է կարգավորվի որքան հնարավոր է շուտ՚,- ասել է նախարարը:

Նա նշել է, որ Ուկրաինայի իրավիճակը հետևանք էր այն բանի, որ Օսիայի, Աբխազիայի և Լեռնային Ղարաբաղի հակամարտությունները չեն կարգավորվել: 
ՙԱյսօր Ղրիմի հարցն է բարձրացել: Նման սառեցված հակամարտությունները վտանգ են ներկայացնում Եվրոպայի կայունության համար՚,- ավելացրել է Չավուշօղլուն: 

Ադրբեջանի պաշտպանության նախարար, գեներալ-գնդապետ Զաքիր Հասանովը հայկական կողմի գնդակոծություններին տասնապատիկ պատասխան տալու հրաման է տվել: 

 Եթե անհրաժեշտություն լինի, նորից կգնանք կռվելու` հանուն խաղաղության պահպանման, Եռաբլուրում լրագրողների հետ զրույցում հայտարարել է Հայաստանի պաշտպանության նախարար Սեյրան Օհանյանը:

Տավուշի մարզի միջազգային հայրենակցական միավորումը դիմել է  ՄԱԿ-ի Հայաստանի գրասենյակի ղեկավար պրն. Բ. Բուզետտոին, ԵԱՀԿ Երևանյան գրասենյակի ղեկավար, դեսպան  պրն. Ա. Խորոկինին և Կարմիր խաչի միջազգային կոմիտեի Հայաստանի պատվիրակության ղեկավար տկն. Ս. Էպրեխտին`կապված ադրբեջանական զինված ուժերի կողմից սահմանամերձ հայկական գյուղերի մշտական գնդակոծությունների հետ: 

ՙՄիջազգային կազմակերպություների հարգարժան ներկայացուցիչներ,Տավուշի մարզի միջազգային հայրենակցական միավորումը, լինելով Ադրբեջանի հետ ամենաերկար սահման ունեցող մարզի խնդիրներով զբաղվող ամենախոշոր կազմակերպությունը, պարտավորված է զբաղվելու սահմանային խնդիրներով:Հաշվի առնելով Ձեր ներկայացրած միջազգային կազմակերպությունների լիազորություններն ու առաքելությունները ս/թ մարտ ամսին դիմել ենք Ձեզ, խնդրելով ճնշումներ գործադրել Ադրբեջանի իշխանությունների վրա` դատապարտելով կատարվող անմարդկային վերաբերմունքը գերիների նկատմամբ: Մինչ այսօր Ձեր կողմից չենք ստացել որևէ արձագանք, որի համար ցավում ենք: Եվս մեկ անգամ դիմում ենք Ձեզ, խնդրելով և պահանջելով վերոնշյալ խնդրից բացի հրատապ միջոցառումներ ձեռնարկել կասեցնելով Ադրբեջանի կողմից զինադադարի ռեժիմի  խախտման դեպքերը: Արբեջանի ղեկավարությունը, օգտվելով Ձեր անգոծությունից, սկսել են գնդակոծել սահմանային գյուղերը, նույնիսկ հունիսի 26-ին կրակ են բացել Մովսես գյուղի շրջանավարտների ուղղությամբ: Այս անգամ ևս Ձեր կողմից միջոցառումներ չձեռնարկելու դեպքում մենք պատրաստակամ ենք սկսել հասարակական մեծ շարժում Ձեր չկատարած աշխատանքների դեմ: Նախապես  տեղեկացնում ենք նաև, որ խաղաղ ճանապարհով հաջողություն չգրանցելու դեպքում պարտադրված ենք և ունենք հնարավորություն խնդիրը լուծել ուժային եղանակով` Ադրբեջանին համապատասխան ոճով. Համախմբելով ողջ աշխարհի տավուշցիների հնարավորությունները, կհիմնադրենք  ՏԱՎՈՒՇԻ ՍԱՀՄԱՆԱՊԱՀ ԿԱՄԱՎՈՐԱԿԱՆ ԲՐԻԳԱԴ: Բրիգադի անդամները վճռական կլինեն Տավուշին միացնել նախկին հայկանան Ղազախի շրջանը` վերջնականորեն լուծելով Ադրբեջանի հետ ունեցած խնդիրները Տավուշի մասով՚,- ասվում է դիմումի մեջ: 

ՙԿանխենք էլեկտրաէներգիայի թանկացումը՚ քաղաքացիական նախաձեռնությունը կոչ է անում Հայաստանի քաղաքացիներին հուլիսի 1-ին`10.30-ին, մասնակցել ՀՀ Հանրային ծառայությունները կարգավորող հանձնաժողովի շենքի մոտ բողոքի ակցիային, քանի որ հենց այդ օրը տեղի է ունենալու ՀԾԿՀ նիստը, որի ընթացքում սակագների բարձրացման վերաբերյալ որոշում է կայացվելու: 

Քաղաքական և քաղաքացիական ուժերը պետք է համատեղ ջանքերով հասնեն Հայաստանում իշխանափոխության, այսօր լրագրողներին հայտարարել է ՙԺառանգություն՚ կուսակցության առաջնորդ Րաֆֆի Հովհաննիսյանը:

Հայաստանի ազգային շահն արտահերթ նախագահական և խորհրդարանական ընտրություններ է պահանջում, այսօր լրագրողներին հայտարարել է ՙԺառանգություն՚ կուսակցությունից պատգամավոր Զարուհի Փոստանջյանը:

ԵԱՀԿ ԽՎ-ում Հայաստանի պատվիրակության ղեկավար Արտաշես Գեղամյանը Բաքվում ընթացող հանդիպման ժամանակ Ադրբեջանի իշխանություններին կոչ է արել բանակցություններ սկսել Ստեփանակերտի հետ, հաղորդում է ԱՊԱ-ն: