Մարտի 22-ին, ցերեկը, Երևանում մեկնարկել է կենսաթոշակային կուտակային պարտադիր համակարգի ներդրման դեմ հանրահավաքը, որը կազմակերպել է «Դեմ եմ» քաղաքացիական նախաձեռնությունը:

 ՙՀրապարակ՚ թերթը խտացրել է գույները երկրի բանկերի ղեկավարների հետ ՀՀ նախագահի հանդիպման առնչությամբ: Ինչպես ԱրմԻնֆո-ին հաղորդել է Հայաստանի առաջատար բանկերից մեկի ղեկավարը, պետության ղեկավարը բանկիրներին ճաշ-հանդիպման է հրավիրել մոտ մեկ շաբաթ առաջ, երբ դեռ խոսք չկար ռուսաստանցի մի շարք գործարարների և ՙՌոսիա՚ բանկի նկատմամբ պատժամիջոցների մասին: 

ՀՀ բնապահպանության նախարար Արամ Հարությունյանն ընդունել է ՙՀայ ձկնաբույծների միավորում՚ հ/կ-ի մի խումբ ձկնաբույծների, ովքեր ընդունելության խնդրանքով դիմել էին նախարարին՝ իրենց հուզող մի շարք հարցեր քննարկելու և պարզաբանումներ ստանալու ակնկալիքով: 

Ինչպես տեղեկացնում է նախարարության մամուլի ծառայությունը, հանդիպմանը ներկա գտնվող ՙՀայ ձկնաբույծների միավորում՚ հ/կ-ի նախագահ Արմեն Բունիաթյանը կազմակերպությունում ընդգրկված 60 ձկնաբույծների անունից նախարար Արամ Հարությունյանին հայտնել է ոլորտում առկա խնդիրների լուծման վերաբերյալ իրենց մոտեցումները և առաջարկությունները: Մասնավորապես՝ ներկայացրել է առաջարկ, ըստ որի իրենք պատրաստ են մեկ լիտր ջրով աճեցնել 300 կգ ձուկ՝ այդ կերպ 50 տոկոսով կրճատելով Արարատյան արտեզյան համակարգից վերցվող ջրի քանակը:

Ողջունելով ձկնաբույծների առաջարկը՝ բնապահպանության նախարարը հայտնել է, որ պետության կողմից միավոր ձկան արտադրման համար ջրօգտագործման նորմեր սահմանելը էական քայլ կլինի Արարատյան հարթավայրի խորքային ջրերն խնայողաբար օգտագործելու ուղղությամբ, ինչի համար անհրաժեշտ է ստեղծել միջգերատեսչական աշխատանքային խումբ:

Ձկնաբույծները նախարարին են փոխանցել իրենց գործունեության հետ կապված որոշ մտահոգություններ, մասնավորապես՝ ջրօգտագործման թույլտվությունների, ձկնաբուծական գործունեություն ծավալելու հավասար պայմանների և ձկնաբուծությամբ զբաղվելու համար լիցենզիաներ տալու՝ գործադիրի նախաձեռնության վերաբերյալ:

Բնապահպանության նախարար Արամ Հարությունյանը անդրադառնալով բարձրացված հարցերին՝ հավաստիացրել է, որ Նախարարությունը իր լիազորությունների սահմաններում օժանդակում է ձկնաբույծներին, բայց ակնկալում է նաև վերջիններիս աջակցությունն ապօրինի խորքային հորերի լուծարման հարցում, քանի որ արտեզյան ջրերի ռացիոնալ օգտագործումից է կախված հենց այդ ձկնաբուծական տնտեսությունների երկարաժամկետ աշխատանքը: Ջրօգտագործման թույլտվությունների խնդրի վերաբերյալ Արամ Հարությունյանը հայտնել է, որ անհատական աշխատանք է տարվում յուրաքանչյուր դիմումատուի հետ, իսկ ջրօգտագործման թույլատվության ուշացման պատճառը բացառապես ջրօգտագործողների կողմից համապատասխան կարգերով նախատեսված պահանջների չկատարելն է:
Կողմերը եկել են այն եզրահանգման, որ պետական լիազոր մարմնի և տնտեսվարողների գործողությունների մեկտեղման շնորհիվ է միայն հնարավոր գտնել փոխադարձ ընդունելի լուծումներ, և այդ ուղղությամբ աշխատանքները շարունակելու համար առաջարկել են ոլորտին առնչվող բոլոր գերատեսչությունների հետ համատեղ հանդիպումներ կազմակերպել:

 Ղրիմի միացմամբ Ռուսաստանն էապես թուլացրեց Թուրքիայի դիրքերը տարածաշրջանում: Մամուլի ասուլիսում այդպիսի կարծիք է հայտնել «Նորավանք» գիտակրթական հիմնադրամի տնօրեն, քաղաքագետ Գագիկ Հարությունյանը: Նրա ասելով, կար իրական սպառնալիք, որ Ղրիմից, ավելի ստույգ, Սևաստոպոլի ռազմակայանից Ռուսաստանի հեռանալու դեպքում սևծովյան ավազանում կգերիշխեր թուրքական նավատորմը` չխոսելով արդեն թերակղզու նկատմամբ Անկարայի վաղեմի նկրտումների մասին:

«ՎՏԲ Բանկ» ԲԲԸ ամբողջ ծավալով գնել է «ՎՏԲ-Հայաստան Բանկ» ՓԲԸ հավելյալ թողարկված արժեթղթերը` 7 մլրդ ՀՀ դրամ արժողությամբ: Ինչպես ԱրմԻնֆո գործակալությանը հաղորդեցին «ՎՏԲ-Հայաստան Բանկի» մամուլի ծառայությունից, արդյունքում` «ՎՏԲ-Հայաստան Բանկ» ՓԲԸ կանոնադրական կապիտալը կազմել է 20,8 մլրդ ՀՀ դրամ: «ՎՏԲ Բանկ» ԲԲԸ մասնաբաժինը «ՎՏԲ-Հայաստան Բանկ» ՓԲԸ կապիտալում մնացել է անփոփոխ` 100%:

«Անելիք Բանկ» ՓԲԸ ավանդային պորտֆելը սույն թվականի մարտի 1-ի դրությամբ կազմում է ավելի քան 33.1 մլրդ ՀՀ դրամ, որը 28.8%-ով ավել է նախորդ տարվա նույն ժամանակահատվածի համեմատ: Ինչպես ԱրմԻնֆո գործակալությանը հաղորդեցին բանկի մամուլի ծառայությունից,  ֆիզիկական անձանցից ներգրաված ավանդային պորտֆելն անցած տարվա համեմատ ավելացել է 14.8%-ով` կազմելով շուրջ 27 մլրդ ՀՀ դրամ:

 ՙԱյնպես է պատահում, որ ժամանակի և իրադարձությունների թոհուբոհի մեջ տարբեր երևույթներ ունենում են տարընկալումներ, բայց ժամանակի մեծությունը կայանում է նաև նրանում, որ ժամանակի ընթացքում ամեն ինչ հստականում է, տարընկալումները վերանում են և ամեն ինչ ընկնում է իր տեղը՚: Այդ մասին, ինչպես հաղորդում է ՙԱզատություն՚ ռադիոկայանը, հայտարարել է Հայաստանի նախագահ Սերժ Սարգսյանը` անդրադառնալով ուկրաինացի ռեժիսոր Ելենա Ֆետիսովայի՝ մշակույթի գործիչներին Հայաստանի պետական մրցանակների հանձնման արարողությանը մասնակցելուց հրաժարվելու փաստին:

ՙԱյսօր առավոտյան տիկին Ելենա Ֆետիսովայից ստացել եմ նամակ, որում նա շատ հարգալից կերպով շարադրում է Երևան չժամանելու իր դրդապատճառները: Ես իր գործընկերների միջոցով իրեն կփոխանցեմ մրցանակը, և իր ցանկությամբ, մրցանակի դրամական բաղադրիչը կուղղենք բարեգործական միջոցառումների՝ այն կրկնապատկելով Նախագահի հիմնադրամից՚, - նշել է Սերժ Սարգսյանը:

ՙՀասկանում եմ տիկին Ֆետիսովայի դրդապատճառները, ուզում եմ դիմել և հարգարժան տիկնոջը, և Ուկրաինայի ժողովրդին՝ ասելով, որ մենք եղբայրական ժողովուրդներ ենք և այդ եղբայրության, բարեկամության մասին են վկայում հազարավոր փաստեր, Լվովի միջնադարյան տաճարներից սկսած մինչև այսօրվա Հայաստանում գործող ուկրաինական համայնքի ակտիվ դիրքորոշումը: Մենք դարեր շարունակ ուս ուսի կռվել ենք միասին զավթիչների դեմ, մենք հազարավոր փառավոր էջեր ունենք պատմության, այդպես եղել է, և այդպես էլ շարունակվելու է: Այնպես է պատահում, որ ժամանակի և իրադարձությունների թոհուբոհի մեջ տարբեր երևույթներ ունենում են տարընկալումներ, բայց ժամանակի մեծությունը կայանում է նաև նրանում, որ ժամանակի ընթացքում ամեն ինչ հստականում է, տարընկալումները վերանում են և ամեն ինչ ընկնում է իր տեղը: Մեկ անգամ ևս կրկնում եմ, որ ուկրաինացիները մեր եղբայրներն են, այնպես որ, խնդրում եմ գործընկերներին մրցանակը փոխանցել տիկնոջը՚, - հավելել է Սերժ Սարգսյանը:

ՙՓարաջանով՚ ֆիլմի սցենարի հեղինակ, պրոդյուսեր և ռեժիսոր Ֆետիսովան Կիևից երկլեզու՝ ռուսերենով և անգլերենով բաց նամակ է հղել Սերժ Սարգսյանին, որում նշում է, թե պայմանավորված Ղրիմում անցկացված հանրաքվեի վերաբերյալ Հայաստանի առաջնորդի արտահայտած դիրքորոշմամբ՝ իր մասնակցությունն այդ մրցանակաբաշխությանը անհնար է, իսկ իր դրամական պարգևը խնդրում է փոխանցել հայ որբ երեխաների կարիքները հոգալու համար:

Հայաստանում Ուկրաինայի դեսպան Իվան Կուխտան գտնվում է Երևանում և հանդիպումներ է անցկացնում: Այդ մասին ԱրմԻնֆո-ին հաղորդել են Հայաստանում Ուկրաինայի դեսպանատանը:

Նշենք, որ ՙԻնտերֆակսը՚, վկայակոչելով Ուկրաինայի ԱՆ տեղեկատվական քաղաքականության վարչության ղեկավար Եվգենի Պերեբիյնիսին, հաղորդել է, որ Ուկրաինան խորհրդակցությունների նպատակով հետ է կանչել Հայաստանում իր դեսպան Իվան Կուխտային: ՙՈրոշում է կայացվել խորհրդակցությունների նպատակով հետ կանչել Հայաստանում Ուկրաինայի դեսպանին՚,- հայտարարել է Պերեբիյնիսը լրագրողների հետ հանդիպման ժամանակ: Միաժամանակ նա ավելացրել է, որ Ուկրաինայի իշխանություններն սպասում են Ղրիմի առնչությամբ Հայաստանի պաշտոնական դիրքորոշմանը: Ավելի վաղ այդ առնչությամբ բողոքի նոտա է հանձնվել Ուկրաինայում ՀՀ դեսպան Անդրանիկ Մանուկյանին:

Նշենք, որ Հայաստանի նախագահ Սերժ Սարգսյանը և Ռուսաստանի Դաշնության նախագահ Վլադիմիր Պուտինը հեռախոսազրույցի ժամանակ արձանագրել են, որ
Ղրիմի հանրաքվեն ազատ կամարտահայտման միջոցով ժողովուրդների ինքնորոշման իրավունքի իրացման հերթական օրինակ է, ինչը հարուցել է
Կիևի դժգոհությունը:

Ուկրաինայում Հայաստանի դեսպան Անդրանիկ Մանուկյանը հրավիրվել է այդ երկրի ԱՆ, որտեղ նրան բողոքի նոտա է հանձնվել: Այդ մասին ԱրմԻնֆո-ին հաղորդել է ՀՀ ԱՆ մամուլի քարտուղար Տիգրան Բալայանը:

Ինչպես հաղորդում են ուկրաինական ԶԼՄ-ները`վկայակոչելով այդ երկրի արտաքին քաղաքական գերատեսչությունը, Ուկրաինայի ԱՆ-ը բողոքի նոտա է հանձնել Ուկրաինայում Հայաստանի դեսպանին`Ղրիմի առնչությամբ Երևանի դիրքորոշման մասին հայտարարելու խնդրանքով:

ՙՄենք դիմել ենք Հայաստանին, որպեսզի երկիրը պաշտոնապես ու հրապարակավ հայտնի, որ չի ճանաչում Ղրիմի անեքսիան՚,- ասել է Ուկրաինայի փոխարտգործնախարար Դանիիլ Լուբկիվսկին£

«Փարաջանով» ֆիլմի համառեժիսոր Ալյոնա Ֆետիսովան բոյկոտել է Հայաստանի Պետական մրցանակը, Ղրիմի հանրաքվեի նկատմամբ հանրապետության դիրքորոշման կապակցությամբ:

ՀՀ նախագահ Սերժ Սարգսյանը դարձավ առայժմ Հարավային Կովկասի երկրներից միակ նախագահը, ով սատարեց Ղրիմի հանրաքվեին, այն անվանելով ազգերի ինքնորոշման իրավունքի իրականացում: Այս մասին է ասված ռուսաստանյան քաղաքագետ Ստանիսլավ Տարասովի հոդվածում, որը տպագրել է ИА REX գործակալությունը:

 Գերմանական «TÜV Rheinland» միջազգային հեղինակավոր ընկերությունն արդեն հինգերորդ տարին անընդմեջ իրականացրեց հերթական տարեկան աուդիտ` ստուգելու Ամերիաբանկի գործունեության համապատասխանությունը ISO 9001:2008 Որակի կառավարման միջազգային ստանդարտին:

Հանրապետական կուսակցությունը չի դիմել ու հազիվ թե դիմի խորհրդարանական ոչ իշխանական ուժերի (ԲՀԿ, ՀԱԿ, ՅԿԴ, «Ժառանգություն») նախաձեռնությանը` Ազգային Ժողովի օրակարգում կառավարության անվստահության հարցն ընդգրկելու կապակցությամբ, լրագրողների հետ հանդիպմանը հայտարարել է ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:

Հանդուրժողականության ընկալումները Իլհամ Ալիևի մոտ տարբերվում է մնացած քաղաքակիրթ աշխարհի ընկալումներից, գտնում է ՀՀ խորհրդարանի փոխխոսնակ, ՀՀԿ մամուլի քարտուղար Էդուարդ Շարմազանովը:

  Ամերիաբանկը հիփոթեքային վարկավորման ժամկետը երկարաձգում է մինչև 15 տարի: Այս մասին ԱրմԻնֆո գործակալության հետ հարցազրույցում հաղորդել է Ամերիաբանկի ֆիզիկական անձանց վարկավորման բաժնի ղեկավար Լիանա Աղայանը, հիշեցնելով, որ նախկինում հիփոթեքային վարկերը տրամադրվում էին մինչև 10 տարի ժամկետով: Ի դեպ, վարկավորման կանխավճարի չափերն սկսվում են ձեռք բերվող բնակարանի շուկայական արժեքի 5%-ից:

 Ամերիաբանկը միկրո-բիզնեսի ներկայացուցիչների համար ներդրել է մինչև 5 մլրդ.դրամ առանց գրավի վարկեր, առանց վարկի սպասարկման միջնորդավճարների և ժամկետից շուտ մարման դիմաց գանձվող տույժերի: Այս մասին ԱրմԻնֆո գործակալության հետ հարցազրույցում հաղորդել է Ամերիաբանկի մանրածախ բիզնեսվարկավորման բաժնի ղեկավար Արփինե Մայիլյանը, ճշգրտելով, որ վարկը տրամադրվում է մինչև 3 տարի մարմանմ ժամկետով:

Համահայկական բնապահպանական ճակատը (ՀԲՃ) շրջակա միջավայրի անվտանգության դեմ ուղղված հանցագործություններ կատարելու մասին հաղորդում է ներկայացրել ՀՀ գլխավոր դատախազ Գ. Կոստանյանին:

 Պաշտոնական Ստեփանակերտը կշարունակի քաղաքական կոնսուլտացիաներն Արցախի անկախության ճանաչման ուղղությամբ: Ժամանակը կգա, և միջազգային հանրությունը կճանաչի Լեռնային Ղարաբաղի ինքնիշխանությունը: Այս մասին հայտարարել է Արցախի Հանրապետության վարչապետ Արա Հարությունյանը Նոր Գետաշեն գյուղի բնակիչների հետ հանդիպման ժամանակ: 

 Պաշտպանության ոլորտում բարեվարքության ամրապնդման և կոռուպցիայի դեմ պայքարի ծրագրի իրականացման շրջանակներում ՀՀ ՊՆ ռազմական ոստիկանության հատուկ օպերատիվ բաժնի և քննչական ծառայության կողմից համատեղ ձեռնարկված օպերատիվ-հետախուզական միջոցառումների և քննչական գործողությունների արդյունքում 2014 թվականի մարտի 19-ին ժամը 17.10-ին Նոր-Նորքի զինվորական կոմիսարիատի զորակոչային բաժանմունքի պետի աշխատասենյակում քաղաքացի Գ.Վ.-ի կողմից առանձնապես խոշոր չափի՝  3900 ԱՄՆ դոլար գումար  կաշառք  ստանալուց անմիջապես հետո ձերբակալվել է Նոր-Նորքի զինվորական կոմիսար, գնդապետ Ռաֆայել Ռուբենի Զախարյանը: