ԵԽԽՎ-ում ադրբեջանական պատվիրակության ղեկավար, պատգամավոր Սամեդ Սեիդովը, հայտարարությամբ հանդես գալով Բաքվում ընթացող ԵԽԽՎ Մշտական կոմիտեի նիստում, ԵԽԽՎ փոխնախագահին մեղադրել է հայկական լոբբիին աջակցելու մեջ:

Վերջերս ընդդիմության շարքերն անցած ՙՕրինաց երկիր՚ կուսակցության պատգամավոր Կարեն Բոթոյանին սպառնացել են բիզնեսում անախորժություններով`կառավարության ծրագրին աջակցելուց հրաժարվելու դեպքում: Այդ մասին լրագրողներին հայտնել է ՕԵԿ խմբակցության ղեկավար Հեղինե Բիշարյանը` մեկնաբանելով Բոթոյանին խմբակցությունից հեռացնելու վերաբերյալ որոշումը: 

Մայիսի 23-ի ժամը 14:07-ին վերականգնվել է Հայաստան բնական գազի մատակարարումը Ինչպես տեղեկացնում է ՙԳազպրոմ-Արմենիա՚ ընկերության մամուլի ծառայությունը, այն ժամանակավորապես դադարեցվել էր մայիսի 17-ին Վրաստանի Դարյալի լեռնանցքում սողանքի հետեւանքով ՙՀյուսիս-Հարավ՚ գազատարի վրա տեղի ունեցած վթարի պատճառով: 

ՎՏԲ-Հայաստան Բանկը առևտրի, շինարարության, արտադրության, ծառայությունների տրամադրման և այլ ոլորտներում ձեռնարկատիրական գործունեություն ծավալող իր հաճախորդներին տրամադրում է «Վստահություն» վարկ, որը ընթացիկ խնդիրների լուծման և բիզնեսի զարգացման ծրագրերի իրականացման համար արագ և հարմար եղանակ է:

«Անելիք Բանկ» ՓԲԸ հաճախորդներին նոր հնարավորություններ և առավել հարմար ծառայություններ մատուցելու նպատակով ընդլայնել է դրամական փոխանցումների համակարգի ցանկը` համագործակցելով «Տանդեմ Տրանսֆերս»  վճարային համակարգի հետ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, տվյալ համակարգը  հնարավորություն է տալիս ֆիզիկական անձանց արագ, առանց հաշիվ բացելու ուղարկել եւ ստանալ դրամական փոխանցումներ ինչպես մերձավոր ու հեռավոր արտասահման, այնպես էլ փոխանցումներ իրականացնել Հայաստանի տարածքում:

 Իր ծրագիրն առաջ մղելիս իշխանությունները հույսները դնում են հարբած պատգամավորների վրա, ինչում հասարակայնությունը համոզվեց խորհրդարանում կառավարության ծրագրի շուրջ քվեարկության ժամանակ: Այդ մասին հայտարարել է ՀԱԿ խորհրդարանական խմբակցության ղեկավար Լևոն Զուրաբյանը Ազգային ժողովում ճեպազրույցի ընթացքում: Հիշեցնենք, որ խոսքը վերաբերում է ՀՀԿ պատգամավորներ Առաքել Մովսիսյանին, Վարդան Այվազյանին և Արայիկ Գրիգորյանին, որոնց լրագրողների տեսախցիկներն արձանագրել են անսթափ վիճակում խորհրդարանի նիստերի դահլիճ մտնելիս:

Այն, ինչ այսօր տեղի է ունենում Ուկրաինայում, ներառյալ Մոսկվայի կողմից Ղրիմի անջատումը և անջատական տրամարդություններն Ուկրաինայի հարավ-արևելքում, Ռուսաստանի խռովության մի մասն է` ընդդեմ գոյություն ունեցող աշխարհակարգի: Մայիսի 23-ին լրագրողներին այդպիսի կարծիք է հայտնել «Ղարաբաղ» կոմիտեի անդամ, Հայաստանի առաջին նախագահի ազգային անվտանգության հարցերի խորհրդական Աշոտ Մանուչարյանը:

Բաքվում Եվրախորհրդի խորհրդարանական վեհաժողովի նիստում Ադրբեջանի արտգործնախարար Էլմար Մամեդյարովը համոզմունք է հայտնել, որ Լեռնային Ղարաբաղի հակամարտության կարգավորման դիվանագիտական միջոցները չեն սպառվել: Այդ մասին հաղորդում է ԱՊԱ-ն:

Իմ որդի Արա Բուդաղյանի նկատմամբ ոչ մի ճնշում չի գործադրվել: Այդ մասին ԱրմԻնֆո գործակալությանը հաղորդել է Գորիսի քաղաքապետի պաշտոնի նախկին թեկնածու Արա Բուդաղյանի հայրը` Էմիլ Բուդաղյանը:

 Բաքվում ԱՄՆ դեսպան Ռիչարդ Մորնինգսթարին կանչել են Ադրբեջանի արտգործնախարարություն:

 Ռուսաստանն ավարտել է «Տե-90 Էս» տեսակի 100 տանկերի մատակարարումն Ադրբեջան, հնարավոր է նույն քանակությամբ  տանկերի երկրորդ խմբաքանակի մատակարարում Բաքու: Ինչպես հաղորդում է ԻՏԱՌ-ՏԱՍՍ-ը, «Կադեկս-2014» ցուցահանդեսի ժամանակ այդ մասին տեղեկացրել է Ռուսաստանի Դաշնության ռազմատեխնիկական համագործակցության դաշնային ծառայության (ՌՏՀԴԾ) տնօրենի տեղակալ Կոնստանտին Բիրյուլինը: «Ոողջ խմբաքանակը` հարյուր տանկ, արդեն ուղարկել ենք, ավարտել ենք մոտ մեկ ամիս առաջ»,- ասել է նա:

 Հայաստանում իշխանության ներսում շարունակվում է լուրջ պայքարը, այդպիսի կարծիք է հայտնել ՙԲարգավաճ Հայաստան՚ խմբակցությունից ԱԺ պատգամավոր Գուրգեն Արսենյանը`իր դիրքորոշումը հայտնելով ՀՀ կառավարության 2014-2017թթ. ծրագրի վերաբերյալ:

Շքեղության հարկի վերացումը վկայում է այն մասին, որ Հայաստանի նոր կառավարությունը մտադիր չէ ինչ-որ բան փոխել երկրում, այսօր մամուլի ասուլիսի ժամանակ հայտարարել է ՙԺառանգություն՚ կուսակցության փոխնախագահ Արմեն Մարտիրոսյանը:

 Նոր կառավարության հետ կապված պատրանքներ տածել պետք չէ, քանի որ այն ձևավորվել է Սերժ Սարգսյանի հանցավոր հանրապետական ռեժիմից, ով իշխանության է եկել կեղծված ընտրությունների ճանապարհով: Այդ մասին նոր կառավարության ծրագիրը քննարկելիս խորհրդարանի ամբիոնից հայտարարել է ընդդիմադիր ՀԱԿ խմբակցության ղեկավար Լևոն Զուրաբյանը:

 Ադրբեջանի պաշտպանության նախարարությունն ընդունել է ԼՂՀ հետ սահմանում հրադադարի ռեժիմի խախտման և ադրբեջանցի երեք զինվորների վիրավորման փաստը:

Հայաստանի Հանրապետական կուսակցությունը միայնակ կպայքարի հանուն երկրի կայունության և զարգացման, քանի որ գտնում է, որ կառավարության ծրագիրն արտացոլում է երկրում առկա բոլոր էական պրոբլեմների լուծումը: Այս մասին այսօր ՀՀ խորհրդարանումոմ հայտարարել ԱԺ խոսնակ Գալուստ Սահակյանը:

 Միթե՞ ընդդիմադիր քառյանը (ԲՀԿ, ՀԱԿ, ՀՅԴ և «Ժառանգություն») իշխանափոխություն իրականացնելու նպատակ է հետապնդում, լրագրողների հարցին հարցով է պատասխանել վարչապետ Հովիկ Աբրահամյանը: «Համենայն դեպս, ես այդ մասին չգիտեի», - խոստովանել է վարչապետը:

Հայաստանը բախվել է ներքին և արտաքին լուրջ մարտահրավերների, որոնք պահանջում են շուտափույթ համակարգային լուծումներ: Մայիսի 22-ին ԱԺ ամբիոնից այդ մասին հայտարարել է ընդդիմադիր ՀՅԴ խմբակցության պատգամավոր Արծվիկ Մինասյանը` արտահայտելով կուսակցության դիրքորոշումը կառավարության 2014-2017 թ. ծրագրի նկատմամբ:

Մայիսի 24-ին The Windrose հայկական հայտնի խումբը ելույթ կունենա Երևանում`Եվրոպայի օրվան նվիրված մեծ համերգի շրջանակներում: