Վերջին շաբաթներին դիտվող հավկիթների թանկացման շրջանակում Երևանի խանութներում հայտնվել են 75 դրամ արժողության հավկիթներ: Ընդ որում թանկացել է տեղական բոլոր արտադրողների արտադրանքը:

Ձեր կարծիքով, արդյո՞ք Ռուսաստանի նախագահ Վլադիմիր Պուտինի  Ադրբեջան կատարած այցը կնշանավորվի Ադրբեջանի և, ինչու չէ նաև, տարածաշրջանի նկատմամբ Մոսկվայի նոր ռազմավարության սկիզբը: Որո՞նք են դրա հիմնական ուղղությունները: Գոյություն ունի տեսակետ, որ Ռուսաստանի նախագահն այցելեց Բաքու, այդ թվում նաև, իր ադրբեջանական գործընկերոջն առաջիկա նախագահական ընտրությունների նախաշեմին աջակցելու նպատակով: Ի՞նչ կարող է Բաքուն Մոսկվային առաջարկել նման աջակցության դիմաց եթե, իհարկե, դա այդպես է:

 Լիտվայի նախագահ Դալյա Գրիբաուսկայտեն որոշել է հետ  կանչել  ՙհեռախոսային սկանդալի՚ մասնակիցներին` դեսպաններ Արտուրաս Ժուրաուսկասին և Ռյանատաս Յուշկային Ադրբեջանից եւ Հունգարիայից:

Մարմնավաճառության դեմ հայ ոստիկանների պայքարը շարունակական բնույթ է  ստացել: Այդ մասին նշվում է Ոստիկանության տարածած հաղորդագրությունում:

 Հայաստանի նախագահի եղբայրը` ոչ անհայտ Սաշիկ Սարգսյանը, ում, ըստ շրջող լուրերի, պատկանում է Երևանում տեղադրված արագաչափերի միջոցով վարորդներին տուգանելու ՙբիզնեսը՚, որոշել է ընդլայնել իր ՙձեռնարկությունը՚: Ինչպես գրում է ՙՉորրորդ ինքնիշխանությունը՚, օրերս Սաշիկ Սարգսյանը համապատասխան կենտրոնին հրահանգել է օրական 10 հազար վարորդի տուգանել: 

Օգոստոսի 28-ին հյուսիսային ուղղությամբ տեղակայված զորամասերից մեկի պահպանության տեղամասի մարտական դիրքերից մեկում հակառակորդի կողմից արձակված գնդակից վիրավորում է ստացել զինծառայող, 1994թ. ծնված Արշակ Լազրի Մկրտչյանը: Ինչպես հաղորդում է ԼՂՀ  ՊՆ  մամուլի ծառայությունը, վիրավորում ստացած զինծառայողի վիճակը բավարար է:  Միջադեպի հետ կապված մանրամասները պարզելու համար տարվում է քննություն:

Որքան քիչ ժամանակ է մնում նոյեմբերին Վիլնյուսում Հայաստանի կողմից ԵՄ հետ ազատ առևտրի ¥DCFTA ¤ և Ասոցացման համաձայնագրերի նախաստորագրումից, այնքան աճում է ստորագրմանը նախապատրաստվող փաստաթղթի շուրջ լարվածությունը: Ստորագրմանը նախապատրաստվող 1500 էջանոց այդ փաստաթղթի բովանդակությունն այդպես էլ, չբացահայտված պատճառներով, չի հրապարակվում: Հետևաբար, վերլուծելով հայկական, ռուսական, իսկ մասնակիորեն նաև եվրոպական, փորձագետների միջև ընթացող վիճաբանությունները, ստիպված ես լինում ետ մղվել ոչ թե համաձայնագրի կոնկրետ կետերից, այլ դրա աշխարհաքաղաքական ընդհանուր համատեքստից: Ընդ որում, ստիպված ես լինում ընդունել, որ այդ մեթոդաբանությունը մի շարք օբյեկտիվ պատճառներով ավելի արդյուանվետ և բեղմնավոր գտնվեց, քան` ՙincognita՚ գրիֆի ներքո թաքնված DCFTA և Ասոցացման համաձայնագրերի հնարավոր վերլուծությունը:

Հայաստանի և ԵՄ միջև բանակցությունների սկզբից ի վեր այդ փաստաթղթերի շուրջ բանակցային գործընթացի ֆոնն աճեց իրականությանը հակասող բազմաթիվ առասպելներով: Դրանցից ամենագլխավորը հայաստանյան իշխանությունների և քաղաքագետների կողմից հնարած որոշակի առասպելն էր, որի համաձայն, ԵՄ հետ համաձայնագրերի նախաստորագրումը ոչ մի կերպ չի հակասում Ռուսաստանի հետ հարաբերություններին: Իսկ իրականւոթյունը, հաշվի առնելով վերջին իրադարձությունները, խոսում է ճիշտ հակառակի մասին: Առաջին հերթին խոսքը գնում է Երևանի վրա ուժգնացող ճնշումների մասին, որտեղ Ռուսաստանը, իսկ մասնակիորեն նաև Եվրոպան, կիրառում են առաջին հայացքից երկրորդական թվացող գործոններ: Առայժմ ճնշումներն իրականացվում են անվերջ դիսկուսիաների միջոցով, որոնց մասին արդեն նշվեց: Այդ բանավեճերի մասնակիցների կողմից, որոնք ընթանում են ինչպես Երևանի ու Մոսկվայի, այնպես էլ հենց Երևանում` ռուսամետ և արևմտամետ փորձագետների միջև, բերվում են ամեն տեսակի, բացառությամբ իրականությանը համապատասխանող արգումենտներ: Իրավիճակը պարզելու համար առաջարկում ենք մի քանի տարբերակ, կապված Եվրոպայի և Եվրատլանտան միության, ինչպես նաև Ռուսաստանի կողմից Հայաստանի շուրջ իրականացվող խաղերի մոտիվացման հետ:

Ստացվում է, որ Հայաստանի ասոցացված անդամության շուրջ իրարանցումն ընդգրկում է ավելի գլոբալ աշխարհաքաղաքական տարածքներ, քան ՙԱրևելյան գործընկերությանն՚ ընդգրկված 6 երկրների տարածքներն են: ՙՍառը պատերազմի՚ ավարտից հետո Եվրատլանտյան համագործակցությունը, կտրուկ փոխոխվող իրավիճակում, ձեռնամուխ եղավ նոր ՙանվտանգության գոտու՚ ստեղծմանը, ենթադրելով նաև մերձակա երկրների ինտեգրումը: Հատկանշանական է, որ ի տարբերություն շրջանառվող առասպելների, որոնց համաձայն, այդ ինտեգրման հիմքում ընկած է էկոնոմիկան, ինչպես նաև կոմունիկացիաները և նավթատարները, իրականում, դրա հիմքում ընկած է եվրոպական անվտանգությունը, ինչում, անկասկած, շահագրգռված է ԱՄՆ: Այս տրամաբանության շրջանակներում ՙԱրևելյան գործընկերության՚ երկրների հետ ԵՄ Ասոցացումը, կասկած չի հարուցում, որ հանդիսանում է ԱՊՀ 6 երկրների, այդ թվում նաև Հայաստանի, վրա արևմտյան քաղաքականության ազդեցության քաղաքական փաստաթուղթ: Մասնավորապես, Հարավային Կովկասի առնվազն 2 երկրների հետ այսօր ձևավորվում է ԵՄ և ՆԱՏՕ-ի քաղաքականության նոր ձևաչափ: Եվ այդ ձևաչափը, գոնե տվյալ պատմական փուլում, պարտադիր չի համարում Հայաստանի և Վրաստանի անդամակցությունն այդ կառույցներին: Ստացվում է, որ հատկապես այստեղ է Բրյուսելի ու Վաշինգտոնի գլխավոր մոտիվացիան` գործընկերության անհատական Ծրագրում, և այսօր այդ ծրագիրը, պարզապես, ամրապնդվում է տնտեսական նոր ձևաչափով` Ասոցացման և DCFTA համաձայնագրերի տեսքով:

Հասկանալի է, որ իրերի նման դասավորությունը Ռուսաստանին չի կարող գոհացնել: Ընդ որում, ոչ միայն տխրահռչակ և միանգամայն բնական ու իրեն արդարացված կայսերական հավակնությունների, այլ նաև սեփական անվտանգության առումով: Միայն պայթյունավտանգ Հյուսիսային Կովկասի առկայությունը, որն ուժգնորեն բորբոքվում է Վաշինգոտնի, Թուրքիայի և Քաթարի ու Սաուդյան Արաբիայի վահաբիստների կողմից, շատ բանի մասին է խոսում: Եվ այդ տարածաշրջանին հարևան Վրաստանն ու Հայաստանն, ընդգրկվելով անվտանգության արևմտյան համակարգին, ավելի կուժգնացնեն Մոսկվայի մտավախությունները: ՙԵվրոպական գործընկերոթյան՚ գաղափարը ԵՄ կողմից առաջարկվել է Ռուսաստանի ՙհին ընկերոջ՚` Լեհաստանի միջոցով, Ռուսաստանի կողմից ետխորհրդային տարածքների նկատմամբ ինտեգրացիոն հավակնությունների ամենաթեժ փուլում: Հաշվի առնելով, որ Ուկրաինան վաղուց մղվում է դեպի Եվրոպա, և որին Ռուսաստանն արդեն չի կարողանում պահել նույնիսկ գազային շանտաժով, այդ գաղափարն, անկասկած, հաջող ավարտվելու շանսեր ունի: Այս համատեքստում, Մաքսային միություն ստեղծելու Ռուսաստանի ծրագիրը, որը հեռանկարում կվերածվի Եվրասիական միության, հանդիսանում է Եվրատլանտյան համագործակցության կողմից սեփական արեալն ընդլայնելու քաղաքականությանը դիմակայելու բնական փորձ: Տարբերությունը միայն նրանում է, որ եթե ելցինյան Ռուսաստանի ժամանակ այդ ընդլայնումը տեղի էր ունենում կոպիտ ձևով, նախկին Վարշավյան պայմանագրի երկրներին ՆԱՏՕ-ի անդամ դարձնելն արագացնելով, ապա այսօր դա արվում է ՙsoft power՚ շրջանակներում, ՙտնտեսական՚ ինտեգրացիոն նախագծերի միջոցով:

Պետք է ընդունել, որ եվրաինտեգրումը, ինչպես նաև եվրասիական ինտեգրումը, Հայաստանին կարող են որոշակի տնտեսական դիվիդենտներ բերել: Այս առումով DCFTA ստորագրումը, ինչպես նաև ԵՄ կողմից 3-4 մլրդ.եվրոյի օգնության խոստումները, իրոք, Հայաստանի համար գրավիչ են: Երևանի դիրքորոշումը հիմնականում հենվում է այն բանի վրա, որ ԵՄ հետ ասոցացվելով Հայաստանը կընթանա դեպի տնտեսական բարգավաճում: Սակայն, ոչ մի հաշվարկ չկա, թե ինչպես կազդի DCFTA-ն Հայաստանի շուկայի և ներդրումային ուղղություն ունեցող տնտեսության վրա, հատկապես եվրոպական զարգացած և մրցունակ շուկա դուրս գալուց հետո: Իսկ արդյունաբերության և գյուղատնտեսության ոլորտներում Եվրոպայի հետ մրցակցելու մասին խոսելն անիմաստ է: Հետևաբար, տպավորություն է ստեղծվում, որ ոչ մի ասոցիացիա, և ոչ էլ DCFTA, գործնականում ի վիճակի չեն տնտեսական աճ ապահովել տնտեսության իրական հատված չունեցող Հայաստանին: Պատասխան չունի նաև մյուս հարցը` արդյո՞ք Հայաստանին ձեռնտու կլինի Մաքսային միությունը: Պարզ է, որ այս հարցերի պատասխանները չունի նաև կառավարությունը, ինչպես նաև երկրի քաղաքական ղեկավարությունը: Պատգամավորների հետ անգամ off records ռեժիմով շփումները ցույց են տալիս, որ խորհրդարանական մեծամասնությունը, հաստատ, չի տիրապետում թեմային, ոչինչ չգիտի և ոչինչ չի էլ կարող հասկանալ: Այս առումով կարելի է համաձայնվել այն փորձագետների հետ, որոնց մոտ տպավորություն է ստեղծվում, որ Հայաստանը կամ ակտիվ երկխոսությոն չունի Ռուսաստանի հետ, կամ այն առկա է ամենաբարձր մակարդակով, երբ մի ամբողջ ժողովրդի ճակատագիրը որոշում է մեկ մարդ, որի վրա ավելի հեշտ է ճնշելը: Ընդ որում, նրանք գտնում են, որ, ցանկացած պարագայում, թե մեկը, և թե մյուսն անընդունելի են, քանի որ նման պայմաններում արտաքին խաղացողները չգիտեն, թե ինչ սպասեն այդպիսի Հայաստանից, և ինչպիսի անակնկալներ կարող է մատուցել Հայաստանի իշխանությունը: Ինչը կոմպլիմենտար հակվածություն ունեցող հայաստանյան իշխանությունների նկատմամբ առաջացնում է տոտալ անվստահության:

Ի դեպ, նման անվստահություն և անհանգստություն գոյություն ունի նաև Երևանում, ընդ որում, ինչպես Արևմուտքի, այնպես էլ Ռուսաստանի հանդեպ: Հատկապես այս հանգամանքն է, առաջին հերթին, ստիպում հանրապետության իշխանություններին հակակշիռներ փնտրել Մոսկվայի և Բրյուսելի միջև:  Օրերս այս անվստահությունն ու անհանգստությունն առաջին անգամ բացեիբաց արտահայտվեց ԱԳՆ փոխնախարար Շավարշ Կարապետյանի կողմից: Դիվանագետը, մեկնաբաբելով Մոսկվայի հայտարարությունն այն մասին, որ Ադրբեջանին զենք վաճառելն ընդամենը բիզնես է և ցանկացած երկրի իրավունքը, հիշեցրեց, որ ՙԵվրամիության հետ Ասոցացման համաձայնագրի ստորագրումը նույնպես հանդիսանում է զուտ բիզնես, այն դեպքում, երբ զենքի վաճառքը միշտ էլ ունենում է քաղաքական ենթատեքստ՚: Քոչարյանի պատասխաններում ևս մեկ նշանակալից հայտարարություն հնչեց, պատասխանելով  հարցին, թե ձգտո՞ւմ է արդյոք Հայաստանը դառնալ ԵՄ անդամ: ՙԱյլ բան է, երբ մենք խոսում ենք Ասոցացման համաձայնագրի կամ DCFTA մասին: Այդ դեպքում դու չես կորցնում քո անկախությունը, կարող ես որոշումներ ընդունել սեփական մաքսային քաղաքականության վերաբերյալ: Բայց դու կորցնում ես քո որոշակի անկախությունն այդ հարցերը լուծելիս, երբ դառնում ես մաքսային ընդհանուր համակարգի անդամ՚,-ընդգծել է փոխնախարարը: 

ՎՏԲ-Հայաստան Բանկի աջակցությամբ հաշմանդամությունուն ունեցող երեխաների համար նախատեսված ՙԷլեն՚ պանսիոնատում օգոստոսի 25-ին տեղի է ունեցել ճամբարի փակումը:

 Սեպտեմբերին Հայաստանի թատրոնները կբացեն նոր թատերաշրջանը, որը հանդիսատեսին կուրախացնի պրեմիերային ներկայացումներով:

 Հայերին միշտ էլ հաջողվել է կրել լավագույն հագուստները, հատկապես կոշիկները, բայց ներկա գլոբալացվող աշխարհում դժվար է դառնում ժողովրդական այդ արհեստների պահպանումը: Zara, Hugo Boss, Levi’s, Armani և այլ համաշխարհային հանրահայտ բրենդներն ամբողջովին մթնեցնում են տեղական անհայտ ապրանքանիշերին, վտանգի տակ դնելով դարավոր ավանդույթների հետագա կենսունակությունը: Հայաստանի ժամանակին լայն զարգացած թեթև արդյունաբերությունը մատնվեց մոռացության, չնայած, որ ի վիճակի էր կերակրել, իսկ ժամանակին կերակրել է, հարյուր հազարավոր ընտանիքների: Այս ոլորտի վերածնման մասին իշխանություններն սկսեցին խոսել միայն 2010 թվականից, և միայն այժմ մեզ են հասնում այդ մոռացված խոստումների թույլ արձագանքները: Մթության մեջ լույսի մի փոքր շող հանդիսացավ վերջերս Երևանում բացված «Made in Armenia» խանութը, որը միավորում է մի քանի հայկական բրենդերի: Այդ ոչ մեծ խանութը, եթե հավատանք հիմնադիրներին, պետք է դառնա թեթև արդյունաբերոթյան ոլորտի ձեռքբերումների սկիզբը, վերածնելով արհեստների արդեն վաղուց մոռացված, բայց դեռևս պահպանվող, ավանդույթները: 

ԱՄՆ մի քանի հարված կհասցնի Սիրիային, իսկ Մերձավոր արևելքում այդ ՙզբոսանքների՚ հետևանքներն ստիպված կլինի մարսել Իսրայելը: ԱրմԻնֆոյի թղթակցի հետ զրույցում այդպիսի կարծիք է հայտնել իսրայելցի հայտնի քաղաքագետ, հրապարակախոս Ավիգդոր Էսկինը:

 Հայաստանի իշխանությունները քննարկումներ են սկսել երկրի Սահմանադրության փոփոխության շուրջ, և չի բացառվում, որ քննարկումների արդյունքում ՀՀԿ-ում որոշում կայացվի՝ առաջարկել անցում խորհրդարանական հանրապետության: ՙԱզատություն՚ ռադիոկայանի հետ զրույցում այդ մասին ասել է ԱԺ պետաիրավական հարցերի մշտական հանձնաժողովի նախագահ, ՀՀԿ գործադիր մարմնի անդամ Դավիթ Հարությունյանը:

 Լրագրող և քաղաքացիական ակտիվիստ Արգիշտի Կիվիրյանի գործով կզբաղվի Հատուկ քննչական ծառայությունը: Գլխավոր դատախազության մամուլի քարտուղար Սոնա Տռուզյանի ասելով, Կիվիրյանի եւ ոստիկանների միջեւ տեղի ունեցած միջադեպի առնչությամբ հարուցված քրեական գործը եւ բոլոր նյութերը գլխավոր դատախազի հանձնարարությամբ ուղարկվել են Հատուկ քննչական ծառայություն:

 Հայաստանի ոստիկանության շենքի մոտ տեղի է ունեցել քաղաքացիական ակտիվիստների բողոքի ակցիա` ընդդեմ վերջին օրերին Կոմիտասի փողոցում ոստիկանության կիրառած ճնշումների: Ցուցարարների ձեռքին կան պաստառներ, որոնց վրա գրված է. ՙԱղոթքի փոխարեն օրենք կարդացեք՚, ՙՀերիք է լպստեք օլիգարխների կոշիկները՚: 

Յունիբանկը շարունակում է հաջողությամբ իրագործել ընդհանուր վարկային պորտֆելում փոքր և միջին բիզնեսի վարկերի բաժինն ավելացնելու ռազմավարությունը: Ինչպես ԱրմԻնֆո գործակալությանը հաղորդեցին բանկի մամուլի ծառայությունից,  31.07.13թ. դրությամբ Յունիբանկի վարկային պորտֆելը կազմել է ավելի քան 102 մլրդ դրամ, որից 52 մլրդ դրամը բաժին է ընկել բիզնես վարկերին: Փոքր և միջին բիզնեսին տրամադրված վարկերի պորտֆելը գերազանցել է 38 մլրդ դրամը` կազմելով ընդհանուր վարկային պորտֆելի 37%-ը: 

 Պետությունը հաճախ փորձում է միջամտել Փաստաբանների պալատի գործունեությանը, այսօր մամուլի ասուլիսում հայտարարել է Հայաստանի փաստաբանների պալատի նախագահի թեկնածու Արա Զոհրաբյանը: Նրա ասելով, Փաստաբանների պալատի նոր ղեկավարի առջև խնդիր է դրվում հնարավորինս չեզոքացնել այդ միջամտությունը և ապահովել իրավաբանների անկախությունը:

 Քաղաքացիական ակտիվիստների նկատմամբ Ոստիկանության գործողություններն ապօրինի  են հավասարեցվում են մարդկանց առևանգման: Այդ մասին օգոստոսի 27-ին մամուլի ասուլիսում հայտարարել է Հելսինկյան ասոցիացիայի Վանաձորի գրասենյակի ղեկավար Արթուր Սաքունցը: Նրա ասելով, ոստիկանությունը զոհին շփոթում է հանցագործի հետ,և ավելին, փաստորեն, քողարկում է օրինախախտներին:

 Ի պաշտպանություն Ծածկած շուկայի ստեղծվել է ՙԱզատագրենք հուշարձանն օլիգարխից՚ հասարակական շարժումը: Հիշեցնենք, որ Ծակած շուկայի սեփականատերն օլիգարխ-պատգամավոր Սամվել Ալեքսանյանն է:

499 երեխաներ իրենց ամառային արձակուրդն անցկացրել են ՙՀարավկովկասյան երկաթուղի՚ ընկերության հովանու ներքո գործող ՙԳուգարք՚ ճամբարում: Անցյալ տարի ճամբարն ընդունել էր 374 երեխա: Այս տարի ՙՀԿԵ՚ ՓԲԸ-ն իր վրա է վերցրել ոչ միայն սեփական աշխատողների երեխաների, այլ նաև Կարապենցի անվան Երևանի թ.6 դպրոցի աշակերտների, հայոց մեծ բանաստեղծ և գրող Հովհաննես Թումանյանին նվիրված շարադրությունների մրցույթի հաղթողների հանգստի կազմակերպումը: Երեխաների համար անցկացվել են  տարաբնույթ մշակութային և ժամանցային, սպորտային միջոցառումներ, իսկ Ռոսսոտրուդնիչեստվո գործակալության հայաստանյան ներկայացուցչության հետ համաձայնագրի շրջանակներում կազմակերպվել է նաև ռուսաց լեզվի ամառային Պուշկինյան դպրոց: Առանց ուշադրության չեն մնացել նաև ՀԿԵ-ի աշխատողները: Սևանի ափին գտնվաղ ՙԻագորա՚ հանգստի գոտում իրենց հանգիստն են անցկացրեցին 432 աշխատող, իսկ մինչև սեզոնի ավարտ նրանց թիվը կհասնի 450-ի: 

Քաղաքացիական ակտիվիստ և լրագրող, ARMENIA Today լրատվավերլուծական գործակալության համակարգող Արգիշտի Կիվիրյանը Ոստիկանության գործողությունները համարում է սադրանք և իր դեմ գործ սարքելու փորձ: Այդ մասին նա հայտարարել է ԱրմԻնֆոյի թղթակցին: