Անանասով աղցան

Beeline-ը հայտարարում է հատուկ ամանորյա ակցիայի անցկացման մասին ֆիքսված կապի բաժանորդների համար: 2015 թ. հունվարի 1-ին բոլոր միջքաղաքային զանգերը Beeline-ի ֆիքսված ցանցից դեպի ՀՀ և ԼՂՀ ֆիքսված ցանցեր կարժենան 0 դրամ:  

ՙՏարեվերջին Beeline-ը ներկայացրեց մի շարք անակնկալներ հաճախորդների համար: Ֆիքսված կապի բաժանորդներին մեր հերթական նվերը նրանց հնարավորություն կընձեռի հունվարի 1-ին շնորհավորել իրենց մտերիմներին ու հարազատներին Հայաստանում և Արցախում միանգամայն անվճար: Սրտանց շնորհավորում եմ Beeline բաժանորդներին գալիք տոների կապակցությամբ և մաղթում, որ 2015 թվականը նրանց պարգևի ավելի շատ հաճելի անակնկալներ, նորանոր ձեռքբերումներ և հաղթանակներ՚, - նշել է Հայաստանում Beeline-ի լխավոր տնօրեն Անդրեյ Պյատախինը: Նշենք, որ Հայաստանում ֆիքսված հեռախոսակապի թվայնացման ցուցանիշը գերազանցում է 87%-ը, իսկ լարային ենթակառուցվածքի ընդհանուր երկարությունն ավելի քան 8500 կմ է:

2014 թ. ընթացքում թվայնացվել է Հայաստանի 16 բնակավայրերի հեռախոսային ցանց. մոնտաժվել է ավելի քան 3500 հեռախոսագիծ և լայնաշերտ ինտերնետի ծառայությունների ավելի քան 1000 նոր պորտ: Ընկերության ձեռքբերումներից է նաև ֆիքսված հեռախոսակապի ծառայության սակագների նշանակալի նվազեցումը:  Սկսած 2014 թ. սեպտեմբերի 1-ից Beeline ֆիքված ցանցից միջքաղաքային և դեպի ԼՂՀ ֆիքսված ցանց ելքային զանգերն արժեն 5 դրամ/րոպե:

ՎՏԲ-Հայաստան Բանկը, հաշվի առնելով հաճախորդների շրջանում մեծ պահանջարկը, ներդրել է ՙՀեռախոս բանկ՚ ծառայություն իրավաբանական անձանց ու անհատ ձեռներեցների համար: Ինչպես ԱրմԻնֆո-ին հայտնել են բանկի մամուլի ծառայությունում, ֆիզիկական անձանց ծառայությունը մատուցվում է մի քանի տարի:

ՙՀեռախոս-բանկ՚ ծառայությունը բանկային հաշիվների հեռակառավարման ժամանակակից համակարգ է, որի միջոցով հաճախորդը կարող է բանկի աշխատանքային ժամերին ցանկացած վայրից զանգահարել Բանկի տեղեկատվական ծառայություն 87-87 հեռախոսահամարով և, անցնելով համապատասխան նույնականացում, ստանալ ցանկացած տեղեկատվություն իր հաշիվների և գործող պայմանների վերաբերյալ, իրականացնել անկանխիկ գործարքներ:

ՙՀեռախոս-բանկ՚ ծառայությունն ակտիվացնելու համար անհրաժեշտ է ներկայացնել դիմում-հայտ և ստանալ համակարգից օգտվելու համար անհրաժեշտ գաղտնաբառ:Իրավաբանական անձինք և անհատ ձեռներեցները ՙՀեռախոս-բանկ՚ համակարգով կարող են ստանալ տեղեկատվություն իրենց բոլոր  հաշիվների  մնացորդների  մասին: Ֆիզիկական անձանց հասանելի է հաշվի մնացորդի հարցում,  իրականացրած գործարքների վերաբերյալ հարցում, հաճախորդի հաշվին փոխանցումների  իրականացում (ներբանկային, միջբանկային ՀՀ տարածքում Unistream, Moneygram, Tandam Transfers, Anelik, Inter Express, Intel Express, Sigue Money Transfers, Ria Money Transfer դրամական փոխանցման համակարգերով, ինչպես նաև SWIFT համակարգով միջազգային փոխանցումներ), հաշիվների միջև  անկանխիկ  արժութափոխարկային գործառնությունների իրականացում, կոմունալ  վճարումների  կատարում, վարկերի  անկանխիկ  մարում, ավանդային հաշիվների համալրում կոնտակտային  տվյալների խմբագրում օպերատորի կողմից:

ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

Բանկերը շարունակում են արտարժույթի միջբանկային շուկայում ԿԲ-ից գնել ողջ ծավալը`փոքր գործառնություններ իրականացնելով արտարժույթի բորսայական հարթակում, ինչը չի զսպում դրամն արժեզրկումից: Այսօր Հայաստանի արտարժույթի միջբանկային շուկայում Կենտրոնական բանկի կողմից առաջարկված 2 մլն. դոլարը մասնակիցները գնել են ամբողջությամբ`468,08 դրամ/$1 միջին կշռված (ինդիկատիվ) փոխարժեքով, իսկ նվազագույն սահմանային փոխարժեքը կազմել 467,25 դրամ/$1: Ըստ որում, ՆԱՍԴԱՔ ՕԷՄԷՔՍ Արմենիա բորսայում դեկտեմբերի 27-ին իրականացվել է $400 հազարի գործարք`470 դրամ/$1 փոխարժեքով:

Ընդհանուր առմամբ, ամենօրյա միջամտությունների ընթացքում` դեկտեմբերի 8-27-ը ներառյալ, արտարժույթի միջբանկային շուկայում Կենտրոնական բանկը մասնակից-բանկերին վաճառել է 54.7 մլն դոլար, ընդ որում, դեկտեմբերի 8-12-ը` օրական 6 մլն.դոլար, իսկ դեկտեմբերի 15-17-ը` օրական 4 մլն.դոլար, դեկտեմբերի 20-ին վաճառել է 1.7 մլն. դոլար, 22-ին`1 մլն.դոլար, դեկտեմբերի 23-27-ը` 2-ական մլն.դոլար: Այդ ընթացքում ինդիկատիվ փոխարժեքը 456,63 դրամից փոփոխվել է մինչև 570,58 դրամ /դոլար, այնուհետև դեկտեմբերի 20-ին
իջել է մինչև 446.76 /դոլար, բայց դեկտեմբերի 22-ից բարձրացել է`դեկտեմբերի 27-ին կազմելով 468,08 դրամ/$1, իսկ նվազագույն սահմանային փոխարժեքը` 455 դոլարից մինչև 567,65 դրամ /դոլար, որից հետո դեկտեմբերի 20-ին իջել է մինչև 445 դրամ/դոլար, բայց դեկտեմբերի 27-ին բարձրացել է մինչև 467,25 դրամ/$1:

Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվել է 45%, այնուհետև, դեկտեմբերի 18-20-ն արժեվորվել 25%, իսկ դեկտեմբերի 22-ին կրկին սկսել է արժեզրկվել: Մասնավորապես, դեկտեմբերի 27 –ին`16:00-ին դրամի փոխարժեքը դոլարի նկատմամբ կազմել է 470 դրամ/դոլար, եվրոն` 574 դրամ / եվրո, ռուսական ռուբլին` 8,7  դրամ /ռուբլի: Համեմատության համար նշենք, որ դեկտեմբերի 20-ին մանրածախ շուկայում այդ փոխարժեքները համապատասխանաբար կազմել են` 455 դրամ / դոլար, 555 դրամ /եվրո և 7.8 դրամ / ռուբլի, դեկտեմբերի 17-ի`570 /դոլարի, 712 դրամ /եվրոյի և 8,6 մլրդ դրամ / ռուբլու համեմատ: Բանկերի օպտիմալ փոխարժեքները դեկտեմբերի 27-ին կազմել է` դոլարի համար – առավելագույն առքը - 463 դրամ / դոլար իսկ նվազագույն վաճառքը - 469 դրամ / դոլար, եվրոյի համար` առավելագույն առքը – 565 դրամ / եվրո, նվազագույն վաճառքը - 573 դրամ /եվրո և ռուբլու համար` առավելագույն առքը – 8,42  դրամ / ռուբլի և նվազագույն վաճառքը – 8,9 դրամ/ռուբլի:

Արտարժույթի միջբանկային շուկայում ՀՀ Կենտրոնական բանկը միջամտոմ է դեկտեմբերի 8-ից, արժույթի շուկայում հավասարակշռությունը վերականգնելու, արտարժույթի փոխարժեքի տատանումները մեղմելու և շուկայում ստեղծված իրավիճակը նորմալացնելու նպատակով: Նախատեսվում է, որ ԿԲ աստիճանաբար կփոքրացնի միջամտոթյան ծավալները, մինչև շուկայում դրամի փոխարժեքի հավասարակշռության ձևավորումը: Մասնավորապես, դեկտեմբերի 8-12-ն ամենօրյա միջամտությունների ծավալը կազմել է 6 մլն.դոլար, որից հետո, որից հետո` 4 մլն.դոլար, իսկ այնուհետև` 2 մլն.դոլար օրական: Դրան զուգահեռ, դեկտեմբերի 17-ին ԿԲ խստացրեց արտարժույթով ներգրավված միջոցների պարտադիր պահուստավորման նորմատիվը` 12%-ից մինչև 24%, ընդ որում, բանկերը ՙպահուստային՚ միջոցները ԿԲ-ում ամբողջությամբ կտեղաբաշխեն ՀՀ դրամով: Իսկ մինչ այդ, դեկտեմբերի 3-ին ԿԲ լոմբարդային ռեպորները 10.25%-ից բարձրացրեց մինչև 21%: ԿԲ կուլմինացիոն քայլը դարձավ դեկտեմբերի 23-ին վերաֆինանսավորման տոկոսադրույքի բարձրացումը` 6.75%-ից մինչև 8.5%:

Նշենք, որ մանրածախ արտարժույթի շուկայում դեկտեմբերի 27-ին`ժամը 16:00-ին, փոխանակման կետերում դոլարի առք/վաճառքի փոխարժեքը կազմել է 465/475  դրամ / դոլար, եվրոն` 564/584  դրամ / եվրո, իսկ ռուսական ռուբլին` 8,3/9,1  դրամ / ռուբլի: ՆԱՍԴԱՔ ՕԷՄԷՔՍ Արմենիա ֆոնդային բորսայում հունիսից մինչև դեկտեմբերի 27-ը ներառյալ կատարված արտարժութային գործարքների ծավալը կազմել է 406.6 մլն.դոլար, իսկ փոխարժեքը 407.14 դրամ/դոլարից ցատկել է մինչև 560 դրամ / դոլար, որից հետո իջել մինչև 442.44 դրամ /դոլար, ինչից հետո դեկտեմբերի 20-ից կրկին բարձրացում է դիտվել`դեկտեմբերի 27-ին հասնելով 470 դրամ/$1-ի: Այդ ծավալներից, ի դեպ, 117 մլն.դոլարի գործարքները տեղի են ունեցել միայն նոյեմբերին: Արտարժույթի միջբանկային շուկան դեկտեմբերի 1-5-ը ցուցադրեց աննախադեպ բարձր ցուցանիշ` 59.3 մլն դոլար, որից հետո, սկսած դեկտեմբերի 8-ից, սկսվել են Կենտրոնական բանկի ամենօրյա միջամտությունները:

Պրն. Ուրիխանյան, ԲՀԿ-ն աջակցել է ԵՏՄ-ին Հայաստանի անդանակցությանը: Որքանո±վ է այդ որոշումը հիմնավորված այսօր`ռուսական տնտեսությունում դրամատիկ իրավիճակի պայմաններում:

Ռուսաստանի տնտեսությունում դժվարությունները եղել են միշտ, հիմա էլ կան և հետագայում էլ կլինեն: Խոսելով Եվրասիական տնտեսական միությանը մեր երկրի անդամակցության մասին`պետք է հաշվի առնել մի շարք հանգամանքներ, մասնավորապես`սեփական անվտանգությունն ապահովելու Հայաստանի իրական հնարավորությունները: Ես հաճախ եմ հանդիպում եվրոպացի գործընկերների հետ և պետք է նշեմ, որ երբ խոսքը վերաբերում է անվտանգության հարցերին, եվրոպացիները լայն ժպիտով են պատասխանում դրանց: Միակ ուժային կենտրոնը, որը պատրաստ է իր վրա վերցնել այդ խնդիրը, Ռուսաստանն է:

Էլ չեմ խոսում ԵՏՄ-ին անդամակցության տնտեսական բաղադրիչի մասին: Դա թե’ էներգետիկ ոլորտում համագործակցությունն է, թե’ էներգապաշարների գները, թե’ շատ այլ գործոններ, օրինակ`170-միլիոնանոց եվրասիական շուկա հայկական ապրանքների արտահանման հնարավորությունը: Չմոռանանք նաև Ռուսաստանում աշխատող և տրանսֆերտների կայուն հոսք ապահովող մեր հայրենակիցների մասին: Ռուսաստանում աշխատող մեր համաքաղաքացիներին համապատասխան կարգավիճակով ապահովելը, միգրացիոն խնդիրների լուծումը կարևոր գործոն էին`հօգուտ ԵՏՄ-ին անդամակցման: Միաժամանակ միջազգային գործընթացները, այդ թվում`Ձեր հիշատական բարդությունները ռուսական շուկայում, չեն կարող չանդրադառնալ Հայաստանի ներսում տիրող իրավիճակի վրա:

Եվ որքանո±վ է ՀՀ կառավարությունը պատրաստ դրանց:

Դա ավելի շուտ հռետորական հարց է, քանի որ մենք տեսնում ենք, որ երկրի ղեկավարության ձեռնարկած միջոցներն ակնհայտորեն համարժեք չեն գոյություն ունեցող մարտահրավերներին: ՙԲարգավաճ Հայաստանը՚ բազմիցս քննադատել է ղեկավարության տնտեսական քաղաքականությունը: Այսօր առաջին հերթին անհրաժեշտ է զարգացնել տնտեսության իրական հատվածը, իսկ կառավարության գործողությունները հաճախ իրավիճակային բնույթ են կրում: Այս պայմաններում լուրջ մտավախություններ ունեմ, որ գնաճի միտումը շարունակվելու է, և  գնալով ավելի շատ քաղաքացի իր վրա կզգա տնտեսական և քաղաքական լճացման ՙհմայքները՚:

Խոսենք ներքաղաքական գործընթացների մասին: Ո±ր փուլում է հիմա գտնվում համաժողովրդական շարժման շտաբերի ձևավորումը:
 
ՀՀ ԱԺ ոչ իշխանական խմբակցությունների եռյակի նախաձեռնած`համաժողովրդական շարժման կառույցների ձևավորման գործընթացն այդքան նկատելի ու այդքան հաճելի չէ բողոքական ընտրազանգվածին, որքան զանգվածային ակցիաները, հանրհավաքները և երթերը, սակայն այդ շտաբերի ձևավորումն անհրաժեշտություն է: Այդ խնդրի լուծումն անհամեմատ մեծ ռեսուրսներ, մեծ կազմակերպվածություն է պահանջում, քան հրապարակային միջոցառումների անցկացումը: Շտաբերի ձևավորումն անշնորհակալ գործ է, քանի որ այն որոշ չափով հասարակայնության աչքից հեռու է: Բայց դա այն հիմքն է, որի վրա հենվելու է շարժումը, եթե մենք ցանկանում ենք վերջնական նպատակի հասնել: Իսկ վերջնական նպատակը համակարգային բարեփոխումներն են երկրի քաղաքական և տնտեսական կյանքում, իշխանափոխությունը:

Խոսելով իշխանափոխության մասին`ԲՀԿ-ն նախընտրում է լռել նախագահի հրաժարականի մասին: Որքանո±վ է հնարավոր իշխանափոխությունը`առանց այդ իշխանության գլխավոր գործող անձի փոփոխման:

Մենք արդեն նախանշել ենք համակարգային իշխանափոխության մեր գերակայությունը`առանց որևէ սահմանափակման և բացառությունների: Բոլոր այն մարդիկ, պաշտոնատար անձինք, ովքեր չեն կարող տնտեսական աճ, մեր քաղաքացիների բարեկեցության մակարդակի բարձրացում ապահովել, պետք է կառավարման ղեկը հանձնեն նրանց, ովքեր կարող են լուծել այդ խնդիրը:

Ի±նչ կանի ԲՀԿ-ն, եթե համախոհներն արմատական գործողություններ պահանջեն: Արդյո±ք ծրագրեր կան այդ դեպքում:

ՙԱրմատական գործողությունները՚ առաձգական հասկացություն է: Պետք է հասկանալ, թե ինչ նկատի ունենք, և ընդհանրապես ի±նչ նպատակ են հետապնդում այդ գործողությունները:

Օրինակ` երթ դեպի Բաղրամյան 26...

Նման միջոցները չպետք է ինքնանպատակ լինեն: Կարծում եմ, որ քաղաքական և պետական համակարգի բարեփոխման, իշխանափոխության ցանկացած նախաձեռնություն ձախողման դեպքում սպառնում է շատ ավելի ծանր հետևանքներով: Հետևաբար`եռյակի գործողությունները պետք է կշռադատված և մտածված լինեն:

Դիվերսիաները մեր գործելաոճը չեն, և արցախցի զինվորականները երբեք դրանց չեն դիմել և նման մեթոդներով հարցեր չեն լուծել: Այդ մասին ասվում է ԼՂՀ նախագահի մամուլի քարտուղար Դավիթ Բաբայանի հայտարարության մեջ:

Ադրբեջան կոչվող հարևան երկրի ցմահ նախագահ Իլհամ Ալիևը կրկին սուր է ճոճել: Ինչպես հաղորդում են ադրբեջանական ԶԼՄ-ները, «Հեյդար» մզկիթի բացմանն Ալիևը, մասնավորապես, իր ցեղակիցների անունից ցանկություն է հայտնել ապրելու Լեռնային Ղարաբաղում և այլ «պատմական հողերում` նկատի ունենալով Հայաստանի տարածքը:

Վայրի բնության և մշակութային արժեքների պահպանման հիմնադրամը (FPWC) և հիմնադրամի գլխավոր գործընկեր ՎիվաՍել-ՄՏՍ-ը ներկայացրել են «Այլընտրանքային էներգիա» ծրագրի շրջանակում համատեղ իրականացվող հերթական նախագծի արդյունքները` այս անգամ Ծովագյուղ համայնքում:

 Հայաստանն ունի բավականաչափ պահուստներ, կամք և ցանկություն, որպեսզի երկրում ֆինանսական անկայունություն չլինի, հայտարարել է Հայաստանի նախագահ Սերժ Սարգսյանը` նախօրեին ՀՀ կենտրոնական բանկում Ամանորի և Սուրբ Ծննդյան տոների կապակցությամբ կազմակերպված ընդունելության ժամանակ անդրադառնալով արժութային շուկայում վերջին շրջանում տեղի ունեցած զարգացումներին, տնտեսության վրա դրանց ազդեցությանը, այդ ընթացքում հաջողությամբ ձեռնարկված միջոցառումներին և առաջիկա ծրագրերին: Ինչպես հաղորդում է ՀՀ նախագահի մամուլի գրասենյակը, Սերժ Սարգսյանը կարևորել է դժվարին իրավիճակներում միասնական ուժերով առկա մարտահրավերներին դիմակայելը, հիշեցնելով նախորդ ճգնաժամի ժամանակ ՀՀ բանկային համակարգի արդյունավետ և հաջող գործունեությունը, այն դեպքում, երբ այդ նույն ժամանակ մի շարք այլ երկրների բանկային համակարգերում մեծ խնդիրներ առաջացան: Սերժ Սարգսյանն ընդգծել է, որ այսօր կան բոլոր հնարավորությունները՝ առկա խնդիրները լուծելու և ֆինանսական կայունությունը պահպանելու համար:

Ինեկոբանկը ստեղծել է կայուն և վստահելի հարաբերություններ Symbiotics և responsAbility հիմնադրամների հետ դեռևս 2010 թվականից և վերջին 4 տարին ընթացքում արդեն տեղաբաշխել է այս ֆինանսական կառույցներից ստացված շուրջ 50մլն. ԱՄՆ դոլարին համարժեք ֆինանսական միջոցներ: Ինչպես ԱրմԻնֆո-ին հայտնել են բանկի մամուլի ծառայությունում, ստացված միջոցները նույնպես կուղղվեն միկրո ձեռնարկությունների ֆինանսավորմանը:

ՙՆոր ներգրավված միջոցները հնարավորություն են ընձեռում Ինեկոբանկին ընդլայնել տնտեսության մասնավոր հատվածի ֆինանսավորման հնարավորությունները` նպաստելով վերջինիս կայուն զարգացմանը: Միևնույն ժամանակ մենք բարձր ենք գնահատում միջազգային ֆինանսական կառույցների հետ մեր համագործակցությունը, որը տալիս է հնարավորություն դիվերսիֆիկանելու մեր ներգրավված միջոցների աղբյուրները տեղական շուկայի և միջազգային ռեսուրսների միջև: Սա բանկի կայության ևս մեկ երաշխիք է՚, - նշել է Ինեկոբանկի գործադիր տնօրենի տեղակալ Արամ Բալոյանը:

2014թ. ընթացքում Ինեկոբանկի վարկային պորտֆելը աճել է 23.5%-ով, ավանդների պորտֆելըª 19.5%-ով, իսկ ակտիվներըª 10.8%-ով: Ներկայումս Ինեկոբանկը համագործակցում է շուրջ 30 միջազգային ֆինանսական հաստատությունների հետ ներառյալ IFC, DEG, EBRD, BSTDB, EFSE, OeEB, ADB և այլոք:

Ինեկոբանկ ՓԲԸ-ն հիմնադրվել է 1996 թվականին և հանդիսանում է Հայաստանի ֆինանսական ծառայությունների շուկայում դինամիկ զարգացող ունիվերսալ բանկ: Ինեկոբանկի նպատակն է խթանել մասնավոր հատվածի զարգացումը` հանդես գալով որպես հուսալի և ազնիվ գործընկեր ու խորհրդատու` միկրո, ՓՄՁ և անհատ հաճախորդների համար:

ՌԴ կառավարությունը հավանություն է տվել Հայաստանին 270 մլն դոլարի վարկ տրամադրելու նախագծին: Վարկը կտրամադրվի 15 տարի մարման ժամկետով`ՀԱԷԿ շահագործման ժամկետը երկարաձգելու աշխատանքների ֆինանսավորման նպատակով: Այդ մասին ԱրմԻնֆո-ին հայտնել են Կառավարության մամուլի ծառայությունում:

Ավելի վաղ հաղորդվել էր, որ ըստ վարկային պայմանագրի, հայկական կողմը ՌԴ վարկը պետք է օգտագործի ապրանքների մատակարարման, ինչպես նաև ՀԱԷԿ գործող երկրորդ էներգաբլոկի շահագործման ժամկետը 2016 թվականից մինչև 2026 թվականը երկարաձգելու համար իրականացվող աշխատանքների նպատակով: Հայաստանը վարկը կօգտագործի 2014-2018 թվականներին և պարտավոր է այն մարել 10 տարում, տարեկան 3% տոկոսադրույքով` յուրաքանչյուր կես տարի իրականացնելով հավասար տրանշներով վճարումներ: Վարկի առաջին մարումը կիրականացվի 2019 թվականի հունվարի 15-ին: ՌԴ վարկը կտրմադրվի ռուբլիով: Նշված վարկի բացի, Ռուսաստանը Հայաստանին կտրամադրի նաև $30 մլն դրամաշնորհ:

2014 թ. աչքի է ընկել սահմանին իրավիճակի աննախընթաց սրացմամբ և բանակցային գործընթացի ավելի շատ տեղապտույտով: Կիսվեք 2015 թ Ձեր կանխատեսումով:

Ղարաբաղա-ադրբեջանական սահմանին իրավիճակի օգոստոսյան սրացումը հազիվ թե  առանձնահատուկ էր հակամարտության ժամանակագրությունում: Թեև զինծառայողների մահը և ռազմական հզոր տեխնիկայի ոչնչացումը, անշուշտ, արտակարգ պատահարներ են: Եվ նման պատահարներն անբարենպաստ հանգամանքներում կարող են կողմերի կողմից լայնամասշտաբ ռազմական գործողությունների վերսկսման խթան հանդիսանալ:

Հայաստանում կանխատեսվում է առանց տեղումների տաք եղանակ:

Ռուսաստանի կառավարության օրակարգում է ներառվել Հայաստան Հանրապետություն գազի, նավթամթերքի և չմշակված բնական ալմաստի մատակարարումների ոլորտում համագործակցության վերաբերյալ Ռուսաստանի Դաշնության կառավարության և Հայաստանի Հանրապետության կառավարության միջև համաձայնագրին կից արձանագրության ստորագրման մասին նախագիծը:

Ինչպես հայտնում է ՌԴ կառավարության պաշտոնական կայքը, համաձայնագրով նախատեսվում է Ռուսաստանից Հայաստան գազի, նավթամթերքի և չմշակված բնական ալմաստի մատակարարում`ներքին սպառման համար անհրաժեշտ քանակով, առանց արտահանման մաքսատուրքերի գանձման: Արձանագրությամբ առաջարկվում է նշված ապրանքների համար արտահանման մաքսատուրքերի չգանձման ռեժիմի գործողության ժամկետը երկարացնել 2015 թ. հունվարի 1-ից մինչև 2015 թ. դեկտեմբերի 31-ը:

Ռուսաստանը և Հայաստանն օրերս ստորագրել են Հայկական ԱԷԿ-ի երկրորդ էներգաբլոկի շահագործման ժամկետները երկարաձգելու վերաբերյալ միջկառավարական համագործակցության համաձայնագիր:

Ա.Սպենդիարյանի անվան Օպերայի և Բալետի Ազգային Ակադեմիական Թատրոնում կայացավ նախատոնական համերգ, որն ամփոփեց և նշանավորեց 2014 թվականի ընթացքում ՎիվաՍել-ՄՏՍ-ի և Օպերայի աջակցման հիմնադրամի միջև համագործակցությունը:

ՙՎիեննա ալա՚ խորագրով համերգի ընթացքում ելույթ ունեցան Օպերային թատրոնի սիմֆոնիկ նվագախումբը, մեներգիչները և հատուկ այս միջոցառման համար հրավիրված գերմանաբնակ հանրահայտ երգչուհի Հրաչուհի Բազենցը (երաժշտական ղեկավար և դիրիժոր Կարեն Դուրգարյան, ով նաև հանդիսանում է Հիմնադրամի հիմնադիր և հոգաբարձուների խորհրդի նախագահ): Հնչեցին կոմպոզիտորներ Յոզեֆ Շտրաուսի, Յոհան Շտրաուսի, Ֆ. Սուպեի, Ֆ. Լեհարի և Լ. Կալմանի ստեղծագործությունները:

2014 թվականի ընթացքում ՎիվաՍել-ՄՏՍ-ի կողմից տրամադրած 24 միլիոն դրամի աջակցության շնորհիվ Օպերայի աջակցման հիմնադրամը կազմակերպել է 28 միջոցառում` զգալի ակտիվություն մտցնելով ինչպես մայրաքաղաքի, այնպես էլ մարզերի մշակութային կյանքում. ձևավորվեցին ՙՕպերային արվեստը կրթօջախներում՚, ՙՕպերային արվեստը սահմանամերձ գոտիների զորամասերում՚, ՙՀեքիաթն է կանչում՚ նոր նախագծերը, իսկ արդեն ձևավորված ՙՀամերգ ճեմասրահում՚ և ՙՕրկեստր պլյուս՚ նախագծերը զգալիորեն զարգացան և արժանացան հանդիսատեսի բարձր գնահատականի:

ՙՕպերան ազգային արժեք է: Հայկական օպերան այն թատրոնն է, որտեղ ձևավորվել են օպերային արվեստի միջազգային չափանիշներին համապատասխանող տաղանդավոր կատարողներ, ում աշխարհահռչակ անունները լսելով մեք հպարտությամբ ենք լցվում: ՎիվաՍել-ՄՏՍ-ը ջանում է իր ուժերի ներածին չափով նեցուկ լինել օպերային թատրոնի հետագա զարգացման գործին: Մենք ցանկանում ենք մեր արվեստագետների համար ստեղծել այնպիսի պայմաներ, որպեսզի նրանք հնարավորինս արագ ու անարգել հասնեն բարձունքների, շարունակեն գրավել իրենց վերապահված դերը միջազգային գեղարվեստական ասպարեզում, ինչպես նաև շարունակեն կերտել վառ կերպարներª  օպերային երգացանկը հարստացնելով իրենց տպավորիչ ու անմոռաց կատարումներով՚,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Ժողովրդական կամավորական դրուժինայի անդամները Նոյակերտում ձերբակալել են գյուղացիների մասին տեղեկատվություն կորզել փորձող Թուրքիայի քաղաքացու:

Ինչպես ԱրմԻնֆո-ին հայտնել են Հայաստանում ՌԴ-ի Անվտանգության դաշնային ծառայության սահմանապահ վարչության մամուլի ծառայությունում, միջադեպը տեղի ունեցել դեկտեմբերի 23-ին:

Դեպքի վայր ժամանած Արտաշատի սահմանապահ ջոկատի աշխատակիցները պարզել են, որ ձերբակալվածը 1976 թ. ծնված Թուրքիայի Հանրապետության քաղաքացի է, ով այդ առավոտ ՙԱգարակ՚ անցակետով օրինական կերպով ժամանել է Հայաստանի տարածք:

Թուրքիայի քաղաքացին Նոյակերտ ժամանելը բացատրում է հեռու բարեկամների որոնումներով:

Նրա ժամանման իրական նպատակների մասին տեղեկատվությունը կստուգեն Հայաստանի իրավասու մարմինները:

Հայաստանի արտարժույթի միջբանկային շուկայում Կենտրոնական բանկի կողմից առաջարկված 2 մլն. դոլարը մասնակիցները գնել են ամբողջությամբ: Ինչպես ԱրմԻնֆո գործակալությանըւ տեղեկացվել է ՀՀ Կենտրոնական բանկի մամուլի ծառայությունից, միջին կշռված (ինդիկատիվ) փոխարժեքը կազմել է 459.29 դրամ/դոլար, իսկ նվազագույն սահմանային փոխարժեքը կազմել է 457.76 դրամ/դոլար: Հատկանշական է, ՆԱՍԴԱՔ ՕԷՄԷՔՍ Արմենիա բորսայում բանկերն այսօր իրականացրել են 1.1 մլն.դոլարի գործարք, 460.34 դրամ/դոլար միջին կշռված փոխարժեքով:

Հայաստանում Ռուսաստանի Անվտանգության դաշնային ծառայության սահմանապահ վարչության աշխատակիցները ձերբակալել են Ախուրիկ բնակավայրի շրջանում հայ-թուրքական սահմանն ապօրինաբար հատելու փորձ կատարած օրինախախտին:

Ինչպես ԱրմԻնֆո-ին հայտնել են Հայաստանում ՌԴ-ի Անվտանգության դաշնային ծառայության սահմանապահ վարչության մամուլի ծառայությունում, միջադեպը տեղի ունեցել դեկտեմբերի 22-ին:

Հայաստանի բնակիչը հարազատների հետ վեճից հետո փորձել է ապօրինի հատել Թուրքիայի հետ սահմանը, սակայն աշխատել է սահմանի պահպանության տեխնիկական միջոցներից ահազանգի ազդանշանը:

Դեպքի վայր ժամանած սահմանապահների խումբը հայտնաբերել է սահմանախախտի հետքերը: Անհայտ անձը փորձել է մոլորության մեջ գցել սահմանապահներինª ճանապարհը հաղթահարելով մեջքով դեպի առաջ:

Սակայն, օրինախախտը ձերբակալվել է Հայաստանի պետական սահմանից 150 մետր հեռավորության վրա: Նրա մոտ անձը հաստատող փաստաթղթեր չեն հայտնաբերվել:

Սահմանի խախտման պատճառների բացահայտման ժամանակ ձերբակալվածը նշել է, որ հյուր է գնացել հարազատներին և նրանց հետո կենցաղային վեճից հետո որոշել է ցուցադրաբար հեռանալ Թուրքիա:

Որոշ ժամանակ անց հարազատները ներկայացրել են ձերբակալվածի փաստաթղթերը և հաստատել նրա ինքնությունը:

Սիրիայի հայաբնակ Քեսաբ քաղաքում իրավիճակը կայուն է և հանգիստ, հայտնում է Հալեպի ՙԳանձասար՚ թերթը: