Վայրի բնության և մշակութային արժեքների պահպանման հիմնադրամը (FPWC) և հիմնադրամի գլխավոր գործընկեր ՎիվաՍել-ՄՏՍ-ը ներկայացրել են «Այլընտրանքային էներգիա» ծրագրի շրջանակում համատեղ իրականացվող հերթական նախագծի արդյունքները` այս անգամ Ծովագյուղ համայնքում:
Ինչպես ԱրմԻնֆո
գործակալությանը հաղորդեցին «ՎիվաՍել-ՄՏՍ» ընկերությունից, նախագծի շրջանակում համայնքում տեղադրվել է արևային ջրատաքացուցիչ, արևային վահանակներ և արևային «էլեկտրական հովիվ», որը պաշտպանում է գյուղի ընտանի կենդանիներին և նորատունկ այգիները գիշատիչներից և կրծողներից: Միջոցառումն անցավ ՎիվաՍել-ՄՏՍ-ի գլխավոր տնօրեն Ռալֆ Յիրիկյանի, FPWC-ի հիմնադիր Ռուբեն Խաչատրյանի, Ծովագյուղ համայնքի ղեկավար Վահրամ Գևորգյանի և տեղաբնակների մասնակցությամբ:
Համայնքի մանկապարտեզում տեղադրված արևային ջրատաքացուցիչը ջեռուցման էներգաարդյունավետ և բնապահպանական տեսանկյունից արդարացված միջոց է: Այս համակարգը ձմռանը 50-60%-ով նվազեցնում է ջեռուցման ծախսը, իսկ ամռանը` 100%-ով տաք ջրի ծախսը: Բացի այդ, տեղադրվել են նաև արևային վահանակներ, որպեսզի արևային ջրատաքացուցիչի ղեկավարման համակարգն իր պոմպով ընդհանրապես չօգտագործի էլեկտրաէներգիա:
Արևային ջեռուցման և ջրատաքացուցիչ համակարգն ունի ջրատաքացուցիչ 6 կոլեկտոր, յուրաքանչյուրը՝ վակուումային 30 խողովակով (ընդհանուր՝ 180 հատ): Հայաստանում, ի դեպ, 70մմ տրամագծով վակուումային խողովակներն առաջին անգամ են գործարկվում (մինչ այժմ շահագործվող խողովակների տրամագիծը չի գերազանցել 58մմ-ը) և առավել արդյունավետ են: Վակուումային մեկ խողովակի երկարությունը 2.1մ է: Համակարգն ունի նաև 500 լիտր տարողությամբ երկկոնտուր ջերմափոխանակիչ բաք, ինչպես նաև ղեկավարման համակարգ` իր պոմպով:
Վայրի կենդանիների ներխուժումները կանխելու համար գյուղը կստանա նաև արևային երկու «էլեկտրական հովիվ»` արտադրված ոլորտի առաջին և ամենահեղինակավոր Գալագեր կազմակերպության կողմից: Արևային էներգիայով գործարկվող էլեկտրական ցանկապատն ընտանի կենդանիներին կպաշտպանի գայլերից և այլ գիշատիչներից: Այս արդյունավետ և նորարար լուծումն արդեն մի քանի տասնամյակ կիրառվում է աշխարհի տարբեր երկրներում:
«Բնությունն ինքն է հուշում մարդկությանը, որ կան էներգիա ստանալու ավելի հեշտ և մատչելի տարբերակներ, որոնցից մենք կարող ենք օգտվել: Ինչու՞ գնալ ծախսատար և շրջակա միջավայրին վնաս պատճառող ճանապարհով, եթե կարելի է օգտվել արևի էներգիայից: Զարգացող երկրների համար առավել ևս այլընտրանքային էներգիայի աղբյուրների օգտագործումը կարևոր է, քանի որ դա տնտեսապես շահավետ տարբերակ է: Էլեկտրաէներգիայի համար վճարվող գումարը կարելի է օգտագործել կենսական այլ խնդիրներ լուծելու և կյանքի պայմանները բարելավելու նպատակով: Հայաստանում այդ առումով առավել խոցելի են մարզերը, հատկապես այն բնակավայրերը, որտեղ ձմեռն ավելի երկար է և խստաշունչ, հետևաբար` մեծ են ջեռուցման ծախսերը: Մենք աջակցում ենք «Այլընտրանքային էներգիա» ծրագրին, որովհետև այն ուղղված է երկու կարևոր հարցի լուծմանը` շրջակա միջավայրի պահպանությանը և գյուղական համայնքների բնակիչների բարեկեցությանը նպաստելուն»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
Գեղարքունիքի մարզի Ծովագյուղ համայնքը հիմնադրվել է 1828թ.-ին և ներկայումս ունի 4318 բնակիչ: Բնակչության մեծ մասը գաղթել է Արևմտյան Հայաստանի Արազափ գյուղից: Էլեկտրաէներգիայի ծախսը լուրջ մարտահրավեր է այս համայնքում, որտեղ տնտեսությունները պարբերաբար տուժում են գայլերի, այլ գիշատիչների և կրծողների ներխուժումներից: «Այլընտրանքային էներգիա» նախագծի իրականացումը Ծովագյուղ համայնքում կլուծի մի շարք հրատապ խնդիրներ՝ միևնույն ժամանակ առաջարկելով տեղացիներին բնապահպանական այլընտրանքային միջոցներ և ժամանակակից կանաչ տեխնոլոգիաներ օգտագործելու հնարավորություն:
«Այլընտրանքային էներգիա» ծրագրի նպատակն է կանխարգելել շրջակա միջավայրի աղտոտումը` հնարավորություն ընձեռելով օգտագործել այլընտրանքային էներգիայի աղբյուրներ: Տասն ամիս տևողությամբ ծրագիրը, որն իրականացվելու է Գեղարքունիքի (Վահան և Ծովագյուղ) և Արարատի (Պարույր Սևակ, Շաղափ, Լանջանիստ և Ուրցաձոր) մարզերի վեց համայնքներում, պարունակում է երկու բաղադրիչ` դասընթացներ տեղաբնակների համար և աջակցություն` համայնքներին այլընտրանքային էներգիայի աղբյուրների օգտագործման բնագավառում (արեգակնային ջեռուցման համակարգ, էլեկտրական ցանկապատեր, LED փողոցային լուսավորություն): Քանի որ Հայաստանն ունի արևային էներգիայի մեծ պաշար՝ այլընտրանքային էներգիայի և էներգախնայող տեխնոլոգիաների ներդրումը կարող է բարձրացնել տվյալ համայնքների տնտեսությունների էներգետիկ արդյունավետությունը և նպաստել բնապահպանական ու սոցիալական խնդիրների լուծմանը: Ծրագիրը հավակնում է դառնալ Վայրի բնության և մշակութային արժեքների պահպանման հիմնադրամի (FPWC) և ՎիվաՍել-ՄՏՍ-ի երկարաժամկետ համագործակցության նոր ձևաչափ` բնապահպանության և բնական ռեսուրսների կայուն օգտագործման բնագավառում: Կողմերը մեծապես կարևորում են բնության պահպանության ոլորտում նորագույն տեխնոլոգիաների օգտագործումը, որն իր հերթին կնպաստի շրջակա միջավայրի պահպանությանը, էներգախնայողության բարձրացմանը և համայնքների զարգացմանը:
Վայրի բնության և
մշակութային արժեքների պահպանման հիմնադրամի առաքելությունն է Հայաստանի բացառիկ բնական ժառանգության պահպանությունը: Աշխատելով վայրի բնության պահպանության, բնապահպանական կրթության և
համայնքային զարգացման խաչմերուկում՝ հիմնադրամը կարևորում է գյուղական բնակչության ներգրավումը Հայաստանի կայուն առաջընթացում: Հիմնադրամի գործունեությունն ուղղված է մարդ-վայրի բնություն հակամարտության և
դրա
հետևանքների նվազեցմանը, ինչը նախապայման է
Հայաստանի դրական զարգացման:
Forecast: After losing in Libya and Greece, Turkey may try to spill over to the East
Alexander Iskandaryan: Today`s aggravation in Nagorno-Karabakh was not an accident
Analyst: The Kura River is the next strategic area for Armenia
Paris: French authorities are doing everything possible to resume dialogue between Armenia and Azerbaijan
Yerevan called on the leader of Azerbaijan to soundly and without painful emotions perceive the situation in the zone of the Karabakh conflict
Robert Kocharyan spoke for the development of new approaches to regional security issues
Expert: Mnatsakanyan`s visit to Washington on the eve of the elections is the result of the absence of the agenda
Gagik Tsarukyan accused Nikol Pashinyan of having mental health disorder
Bright Armenia will nominate Arkady Khachatryan for the post of head of the parliamentary committee on financial, credit and budgetary affairs
Forecast: While Armenia and Artsakh are threatened with destruction, it is premature to talk about any document
Baroness Cox: The world owes a great debt to the people of Artsakh, maintaining the priority of faith and freedom for the rest of the World
Robert Kocharyan: There is a certain part of society in Armenia that sincerely believes that the funds raised allegedly in the fight against corruption will be transferred to them
Nikol Pashinyan: Official data confirm the effectiveness of anti-crisis measures
Russian expert: Power in Belarus turned out to be too simple for a complex society
President of Armenia: The Treaty of Sevres even today remains an essential document for the right of the Armenian people to achieve a fair resolution of the Armenian issue
View from Moscow: Many in Russia sincerely believe that Armenia is governed from Soros office, not from Pashinyan`s one
Mother of ArmInfo journalist died in road accident in Ararat 
Edmon Marukyan is concerned about the problem of cars with Armenian license plates in Russia
