ՆԱՏՕ-ն կշարունակի Լեռնային Ղարաբաղի հակամարտության կարգավորմանն ուղղված իր ջանքերը: Ըստ ԱՊԱ-ի, ՆԱՏՕ-ի խորհրդարանական վեհաժողովի «Ռոուզ-Ռոուտ» 86-րդ սեմինարի ժամանակ այդ մասին հայտարարել է կառույցի նախագահ Հյու Բեյլին: Սեմինարը նվիրված էր «Հարավային Կովկաս. մարտահրավերներ և հնարավորություններ» թեմային:

Լեռնային Ղարաբաղի հակամարտության շուրջ պահպանվող ստատուս-քվոն չի կարող երկար շարունակվել: Միջազգային հանրությունը պետք է հնարավորինն անի միջազգային սկզբունքների հիման վրա Լեռնային Ղարաբաղի հակամարտության կարգավորման համար: Ըստ ԱՊԱ-ի, այդ մասին հայտարարել է Եվրահանձնաժողովի նախագահ Ժոզե Մանուել Բարոզուն ԱԴԱ համալսարանում «Եվրամիություն-Ադրբեջան. նոր հնարավորություններ և մարտահրավերներ» թեմայի շուրջ ելույթի ժամանակ: Եվրահանձնաժողովի նախագահն ընդգծել է, որ Լեռնային Ղարաբաղի հակամարտությունը ցավոտ խնդիր է Ադրբեջանի համար: «Չնայած հրադադարի ռեժիմի հաստատումից 20 տարի է անցել, դեռեւս խաղաղություն չկա: Մենք ցանկանում ենք, որ կողմերը խաղաղ համաձայնության գան եւ աջակցում ենք ԵԱՀԿ Մինսկի խմբի գործունեությանն այդ ուղղությամբ: Մենք պետք է հնարավորինն անենք` հարցը միջազգային սկզբունքների հիման վրա լուծելու համար», - նշել է նա:

 Սիրիայի կառավարական զորքերն ազատագրել են հայաբնակ Քեսաբը, որը մարտի 21-ին գրավել էին իսլամական զինյալները: Այդ մասին հաղորդում է asbarez.com-ը:

 Հունիսի 6-14-ը Երևանում ընթացել է  Արամ Խաչատրյանի անվան 10-րդ հոբելյանական մրցութը` դաշնամուրի գծով:

Եթե Արևմուտքը փակի Ուկրաինայով ռուսական գազի մատակարարումը դեպի Եվրոպա, ապա Ռուսաստանը կձեռնարկի համարժեք գործողություններ, կշրջափակի հաղորդակցությունը Կովկասում: Հունիի 13-ին մամուլի ասուլիսում այդպիսի կարծիք է հայտնել «Ղարաբաղ» կոմիտեի անդամ, Հայաստանի առաջին նախագահի ազգային անվտանգության գծով նախկին խորհրդական Աշոտ Մանուչարյանը:

Հայաստանում ռուսաց լեզվի կարգավիճակի և Ռուսաստանի կողմից հանրապետությանը տրամադրվող անվտանգության երաշխիքների միջև կապի մասին «Ռուսաստանն այսօր» միջազգային գործակալության ղեկավար Դմիտրի Կիսելյովի հայտարարությունն ուղղակի շանտաժ է, հայտարարել է ՀՅԴ խմբակցության քարտուղար Աղվան Վարդանյանն Ազգային ժողովում կայացած ճեպազրույցում:

 «Ոսկե ծիրան» 11-րդ միջազգային կինոփառատոնը կբացի Սերգեյ Փարաջանովի վերականգնված «Նռան գույնը» ժապավենը: Այդ մասին հաղորդել է փառատոնի ծրագրերի տնօրեն Միքայել Ստամբոլցյանը հունիսի 13-ին կայացած մամուլի ասուլիսում:

«Անելիք Բանկ» ՓԲԸ-ն հնարավորություն է ընձեռում իր հաճախորդներին ունենալ ավելի հետաքրքիր հանգստյան օրեր` նոր ներդրված «Ճամփորդական» վարկի միջոցով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Ճամփորդական» վարկերը տրամադրվում են մինչև 1,5 մլն ՀՀ դրամ արժողությամբ ուղեգրային փաթեթներ ձեռք բերելու նպատակով, առավելագույնը 2 տարի մարման ժամկետով:

 Գերմանացի դիվանագետ Հերբերտ Սալբերը նշանակվել  է Հարավային Կովկասի գծով ԵՄ նոր հատուկ ներկայացուցիչ: Այդ մասին հաղորդել է ԵՄ արտաքին գործերի և անվտանգության քաղաքականության գերագույն ներկայացուցիչ Քեթրին Էշթոոնը:

Հայաստանի խորհդրարանում կրքեր են բորբոքվել նախօրեին Հայաստանում ռուսաց լեզվի կարգավիճակի և Ռուսաստանի կողմից հանրապետությանը տրամադրվող անվտանգության երաշխիքների միջև ուղղակի կապի վերաբերյալ «Ռոսիա սեվոդնյա» միջազգային գործակալության ղեկավար Դմիտրի Կիսելյովի հայտարարության շուրջ:

 Արտաքին քաղաքականության ասպարեզում Հայաստանի ղեկավարությունն այլևս խուսավարելու հնարավորություն չունի, և դա պայմանավորված է, առավելապես, օբյեկտիվ գործոններով: ԱրմԻնֆո-ին այդպիսի կարծիք է հայտնել «Նոր ժամանակներ» կուսակցության առաջնորդ Արամ Կարապետյանը:

Հունիսի 11-ին Երևանում մեկնարկել է «Սատարման երթ» ակցիան, որը կազմակերպել է «Դեմ եմ» քաղաքացիական նախաձեռնությունը: Ակցիայի մասնակիցները սատարում են այն աշխատողներին, որոնց վրա գործատուները ճնշումներ են իրականացնում, չընդունելով կուտակային կենսաթոշակային համակարգից հրաժարվելու վերաբերյալ նրանց դիմումները: Ակցիան ուղեկցվում է «Ոչ թալանին», «Մենք ենք մեր երկրի տերերը» բացականչություններով:

 Հայ-ադրբեջանական սահմանին լարվածության թուլացման համար անհրաժեշտ է վստահության մթնոլորտ ստեղծել, հեռացնել դիպուկահարներին և միջադեպերի միջազգային հետաքննություն անցկացնել: Այդ մասին հայտարարել է ՀՀ պաշտպանության նախարար Սեյրան Օհանյանը`պատասխանելով պատգամավորների հարցերին:

Այսօր Հայաստանում չկան երկրի սոցիալ-տնտեսական վիճակից գոհ մարդիկ: Այդպիսի կարծիք է հայտնել ՙԲարգավաճ Հայաստան՚ խմբակցությունից ԱԺ պատգամավոր Միքայել Մելքումյանը` խոսելով Հայաստանի 2013 թ. բյուջեի կատարման կառավարության հաշվետվության վերաբերյալ: 

Հունիսի 11-ին ՀՀ խորհրդարանում խորհրդակցություններ են տեղի ունեցել վերջերս կառավարող կոալիցիայից դուրս եկած ՙՕրինաց երկիր՚ խմբակցության, ՙԲարգավաճ Հայաստանի՚ և ՙԺառանգության՚ միջև: 

 Եվրասիական տնտեսական միությանը Հայաստանի անդամակցումից և Ուկրաինայի կողմից ԵՄ հետ Ասոցացման համաձայնագրի տնտեսական մասի ստորագրումից հետո երկու երկրների միջև կարող են առևտրային բնույթի որոշակի հարցեր առաջանալ, սակայն դրանք լուծելի են, այսօր մամուլի ասուլիսի ժամանակ այդպիսի կարծիք է հայտնել ՀՀ-ում Ուկրաինայի դեսպան Իվան Կուխտան: 

Ազգային ժողովում «ՀՀ 2013թ. պետական բյուջեի կատարման տարեկան հաշվետվությունը հաստատելու մասին» որոշման նախագծի քննարկումը լավ հնարավորություն է գնահատելու նախկին վարչապետ Տիգրան Սարգսյանի գործունեությունը, ով 6 տարի գլխավորել է հանրապետության կառավարությունը: Այդ մասին ԱԺ ամբիոնից հայտարարել է ՀԱԿ խմբակցության պատգամավոր Նիկոլ Փաշինյանը:

ԱՄՆ «Հազարամյակի մարտահրավերներ» կորպորացիան դադարեցրել է Հայաստանի ֆինանսավորումը` երկրում առկա կոռուպցիոն սխեմաների առնչությամբ: Հունիսի 11-ին Ազգային ժողովում այդ մասին հայտարարել է ԲՀԿ խմբակցության պատգամավոր Նաիրա Զոհրաբյանը` վկայակոչելով իր հավաստի աղբյուրները:

 Ադրբեջանը փորձում է սրել իրադրությունը շփման գծում, ինչը չափազանց վտանգավոր է : Այդ մասին ԱրմԻնֆո գործակալությանը հայտարարել է Պաշտպանության նախարարի մամուլի քարտուղար Արծրուն Հովհաննիսյանը:

Ամբողջ 2014 թ. ընթացքում մենք ականատես ենք լինում արցախա-ադրբեջանական սահմանին լարվածության ուժգնացմանը: Երասխում վերջին փոխհրաձգությունը ցույց տվեց, որ անակնկալներ պետք է սպասել անգամ պատերազմի տարիներին խաղաղ մնացած նախիջևանյան սահմանի հատվածում: Ձեր կարծիքով, ինչո՞վ է բացատրվում, մասնավորապես, լարվածության ընդհանուր ուժգնացման տեղափոխումը դեպի սահմանի այս հատված:  

Ես բազմիցս նշել եմ, որ մեր տարածաշրջանում ուժերի ներկա հաշվեկշռի պայմաններում Ադրբեջանը չի կարող ինքնուրույն կերպով պատերազմ սանձազերծել: Սակայն առկա հաշվեկշռի խախտման և իր համար նպաստավոր պայմաններ առաջանալու պարագայում Ադրբեջանը փորձելու է ուժի միջոցով խլել ոչ միայն Արցախը, այլև ավելի հեռուն գնալ: