Arminfo.info




iDram
btn




Իսպանիայում, Ֆրանսիայում և Հայաստանում կընթանան Հովհաննես Գալստյանի ՙԼուսավոր շրջան՚ նոր ֆիլմի նկարահանումները
 Ուրբաթ, 31 Մայիսի 2013 15:01

Աշնանը Երևանում կսկսվեն հայտնի ռեժիսոր Հովհաննես Գալստյանի ՙԼուսավոր շրջան՚ նոր ֆիլմի (Հայաստան-Ֆրանսիա-Իսպանիա) նկարահանումները: Ըստ սյուժեի, 49-ամյա գրող Գաբրիելի և 45-ամյա ուռուցքաբան Մարիի համատեղ կյանքը հասել է այն փուլին, երբ կրքերն արդեն հետևում են, իսկ առջևում ապահով, հանդարտ կյանքի շրջանն է: Ամուսիններն անբաժան են, սակայն երեխաների բացակայությունը խաթարում է ընտանեկան անդորը: Գաբրիելը հաշտվել է այդ իրողության հետ, սակայն Մարին, ում միայնակության զգացումն օրեցօր սաստկանում է, որոշում է օգտագործել արհեստական բեղմնավորման միջոցով երեխա ծննդաբերելու վերջին հնարավորությունը: Մարիի այդ որոշումը սկիզբ կդնի ամուսնական զույգի համար մեծ փորձության:

Ինչպես ԱրմԻնֆոյի թղթակցի հետ զրույցում պատմել է Հովհաննես Գալստյանը, ՙԼուսավոր շրջան՚ ֆիլմի նախագիծը քննարկվել է մայիսին Կաննի կինոփառատոնի կինոշուկայի շրջանակում: Կաննի Producer's Network-ի հատուկ հյուրերի թվում էր նաև նրա գործընկեր, դիստրիբյուտոր, INSOMNIA World Sales դիստրիբյուտորական ցանցի հիմնադիր Լյուկ Նտոնգան: ՙՄենք Կաննում ՙԼուսավոր շրջան՚ ֆիլմի համատեղ աշխատանքների մասին պայմանագրի նախագիծ ենք փոխանակել: Դա սևագրության նման մի բան է, որին պետք է հավանություն տան իրավաբանները, ինչից հետո մենք կստորագրենք: Դա մեծ առաջընթաց քայլ է, քանի որ կողմերից յուրաքանչյուրը որոշակի պատասխանատվություն է ստանձնում արտադրության որոշակի մասի համար՚, - հաղորդել է նա: Ռեժիսորի ասելով, դեռ Կաննից շատ առաջ ինքը տեխնիկական համագործակցության հնարավորությունը քննարկել էր իսպանական ընկերության հետ, որն զբաղվում է ձայնով: ՙՄինչև Կաննը նրանք խնդրել էին ֆիլմի ողջ փաթեթը (սցենարը, վիզուալ նյութերն ու նման բաներ): Պատմությունը նրանց հուզեց, և նրանք առաջարկեցին որոշ տեսարաններ նկարահանել Կատալոնիայում: Մենք դա քննարկել ենք Կաննում և համաձայնության հանգել՚, - նշել է Գալստյանը: ՙԼուսավոր շրջան՚ ֆիլմը կնկարահանվի Հայաստանում, Ֆրանսիայի հարավում, ավելի կոնկրետ` Մոնպելիեի մերձակայքում և Կատալոնիայում: Նկարահանումները կսկսվեն աշնանը Երևանում: Բոլոր նկարահանումները, որոնք նախապես ծրագրված էին Նորվեգիայում, տեղափոխվել են Իսպանիա:

Ֆիլմի դերասանական կազմը հաստատված չէ. դեռ պետք է քասթինգ անցկացվի բոլոր կերպարների համար: Կընտրվեն ինչպես տեղացի, այնպես էլ արտասահմանյան դերասաններ: Մասնավորապես, Մարիի դերի համար ռեժիսորը կփորձի Վիվիեն Բոստանջյանին: Բացի այդ, նա արդեն աշխատում է Ֆրանսիան ներկայացնող դերասանուհու հետ, ով գրեթե հաստատվել է Գաբրիելի հետ փոխադարձ համակրանքով կապված Ժանետի դերակատարման համար: Գալստյանը խոստացել է մանրամասները բացահայտել օգոստոսին, երբ քասթինգն ավարտված լինի:
Հովհաննես Գալստյանի առաջին լիամետրաժ ֆիլմը` ՙԽճճված զուգահեռները՚, մրցանակ է շահել ԱՄՆ-ի, Կանադայի և Ռուսաստանի մի շարք միջազգային կինոփառատոններում: Բացի այդ, անցյալ տարի այդ ֆիլմի համար ռեժիսորը Հայաստանի ազգային կինոմրցանակի է արժանացել լավագույն դեբյուտի համար: 2011 թվականի մայիսին ՙՊարալելս ֆիլմը՚ (Հայաստան) և INSOMNIA World Sales-ը (Ֆրանսիա) ստորագրել են պայմանագիր, որի համաձայն, ՙԽճճված զուգահեռները՚ կցուցադրվի աշխարհի 40 երկրներում: Ուշագրավ է, որ դա Հայաստանի ստորագրած առաջին միջազգային դիստրիբյուտորական պայմանագիրն  է:

>>>
Հունիսի 1-ին Կասկադում կկայանա Dorians-ի բացօթյա անվճար համերգը
 Ուրբաթ, 31 Մայիսի 2013 15:00

 Վաղը` հունիսի 1-ին, Կասկադի տարածքում կկայանա Dorians խմբի բացօթյա անվճար համերգը: Այն կազմակերպվում է Երեխաների պաշտպանության միջազգային օրվան նվիրված Գաֆեսճյան արվեստի կենտրոնի ամենամյա համերգային ծրագրի շրջանակում:

Dorians-ի ելույթը կսկսվի ժամը 21:00-ին: Գոռ Սուջյանը, Գագասը, Արման Պահլեւանյանը, Արման Ջալալյանը եւ Էդգար Սահակյանը հուսով են վաղը Կասկադում հանդիպել իրենց երկրպագուներից շատերին: ՙԵվրատեսիլից վերադառնելուց հետո դեռ առիթ չենք ունեցել շփվել մեր երկրպագուների հետ, որոնց շատ ենք կարոտել եւ որոնց անչափ շնորհակալ ենք աջակցության համար: Հուսով ենք, որ Եվրատեսիլի շնորհիվ Հայաստանում ձեռք ենք բերել նաեւ նոր երկրպագուներ, որոնք վաղը առաջին անգամ կգան մեզ «կենդանիե լսելու, եւ դա շատ պարտավորեցնող է: Ուրախ ենք նաեւ, որ ելույթ ենք ունենալու երեխաների պաշտպանության օրվա կապակցությամբ եւ կփորձենք մեր երգերով վարակել նաեւ Կասկադում ներկա երեխաներին՚, - ասել են Dorians-ի անդամները:

>>>
Հայաստանում անձրևոտ հունիս է սպասվում
 Ուրբաթ, 31 Մայիսի 2013 14:58

Օդերևութաբաններն անձրևոտ եղանակ են կանխատեսում հունիսին: Ինչպես այսօր մամլո ասուլիսի ժամանակ հաղորդել է ՀՀ ԱԻՆ ՙՀայպետհիդրոմետի՚ օդերևութաբանական կանխատեսման բաժնի պետի տեղակալ Գագիկ Սուրենյանը, ամռան առաջին ամսում սպասվում են նորմայից բարձր տեղումներ: Բացառություն են կազմում Սյունիքի և Վայոց ձորի մարզերը, որտեղ անձրևները կլինեն նորմայի սահմաններում: Հունիսի առաջին 5 օրերին առանձին շրջաններում հնարավոր է կարկուտ:

Ինչ վերաբերում է Երևանին, առանձին օրերին կարելի է սպասել ջերմաստիճանի բարձրացում մինչև 30-33 աստիճան: Հունիսի 1-ին` երեկոյան ժամերին, և 2-ից 4-ը հնարավոր է կարճատև  անձրև և ամպրոպ, ամպրոպի ժամանակ` քամու ուժգնացում 15-20մ/վրկ: Հունիսի 5-ին սպասվում է առանց տեղումների եղանակ: Ցերեկային ջերմաստիճանը մայրաքաղաքում  առաջիկա 5 օրերին կկազմի 24-26 աստիճան:

>>>
Բ.Ենգիբարյան. Ազգային սոֆտվեր-լաբորատորիայի մուլտիլաթերալ ներդրումային ծրագրի ստեղծման համար կպահանջվի շուրջ 10 մլն.դոլար
 Ուրբաթ, 31 Մայիսի 2013 14:36

 Ընդհուր առումով, հայկական ազգային սոֆտվեր-լաբորատորիայի մուլտիլաթերալ ներդրումային ծրագրի ստեղծման համար կպահանջվի շուրջ 10 մլն.դոլար: Այս մասին ԱրմԻնֆո գործակալության թղթակցին տեղեկացրել է ՙՁեռնարկությունների ինկուբատոր՚ Հիմնադրամի ղեկավար Բագրատ Ենգիբարյանը:

Նրա խոսքերով, ներկայումս բանակցություններ են ընթանում մի քանի սոֆտվեր-ընկերությունների հետ` ներդրումներ ներգրավելու և լաբորատորիայի ստեղծման ուղղությամբ: Բանակցություններ են նախատեսվում նաև միջազգային դոնոր կազմակերպությունների հետ: Ըստ Ենգիբարյանի, նոր կառույցը կնպաստի տարկան շուրջ 2 հազար բարձրակարգ մասնագետների պատրաստմանը:

Նա հիշեցրել է, որ առաջիկա շաբաթվա ընթացքում Հայաստանի Ճարտարագիտական համալսարանի բազայի վրա կբացվի Հայկական ազգային ինժեներական լաբորատորիան, որը տարեկան կպատրաստի միջին հաշվով 1500 մասնագետների: Ծրագրի իրականացմանն ամերիկյան National Instruments կորպորացիան հատկացրել է 1.5 մլն. դոլար, ևս 350 հազ.դոլար կհատկացնի ՀՀ կառավարությունը, 650 հազ.դոլար` Ճարտարագիտական համալսարանը, իսկ մնացած միջոցները կհատկացնի USAID-ն:

Ենգիբարյանը պարզաբանել է, որ սոֆտվեր-լաբորատորիայի ստեղծման դեպքում մասնավոր ներդրումները կներգրավվեն մի քանի ընկերություններից: Դա կապված է այն հանգամանքի հետ, որ ԾԱ մշակման ոլորտում գոյություն ունեն մի քանի ուղղություններ, և անգամ մեկ խոշոր ընկերությունն ի վիճակի չի լինի ծածկել բոլոր ծախսերը:

Նա ընդգծել է, որ վերոնշյալ լաբորատորնիաների ստեղծումը թույլ կտա լուծել կադրերի սակավության ապրոբլեմը, ինչն, ըստ Ենգիբարյանի, կմեծացնի ոլորտի զարգացման տեմպերը: Օրինակ, մինչև 2018 թվականը ոլորտում զբաղված մասնագետների թիվը ներկայիս 9.3 հազարի համեմատ կկրկնապատկվի: Նրա տվյալներով, 2013 թվականի փետրվարի վերջին Հայաստանի ՏՏ ոլորտում գործում էր 370 ընկերություն, իսկ 2018 թվականին այդ ցուցանիշը կհասնի 1000-ի: 2012 թվականին ոլորտի պաշտոնական եկամուտները կազմել են 250 մլն.դոլար, իսկ 2018 թվականին այդ ցուցանիշը կարող է հասնել 1 մլրդ.դոլարի:

>>>
Հայացք Ստեփանակերտից. Ստատուս-քվոյի փոփոխությունը երբեք էլ չի ենթադրում Ադրբեջանին որևէ տարածքների հանձնում
 Ուրբաթ, 31 Մայիսի 2013 14:25

Խոսելով ղարաբաղյան հակամարտության կարգավորման հարցում ստատուս-քվոյի ու դրա պահպանման անհնարինության մասին, չգիտես թե ինչու շատերը դա ընկալվում են որպես Ադրբեջանին որևէ տարածքների հանձնում: Իսկ իրականում ստատուս-քվո-ի փոփոխությունը երբեք էլ չի ենթադրում որևէ տարածքների հանձնում: Այս մասին այսօր լրագրողներին հայտարարել է ԼՂՀ նախագահի աշխատակազմի Գլխավոր տեղեկատվական վարչության ղեկավար Դավիթ Բաբայանը:

ՙՍտատուս-քվոյի փոփոխությունը հակամարտությնա լուծումն է: Ադրբեջանը կընդունի Արցախը, իսկ Արցախը` Ադրբեջանը, և հարցը կլուծվի: Տարածքների հանձնումը մենք կըրականապես բացառում ենք՚,-հայտարարել է նա:

Նրա խոսքերով, հակամարտության էությունը հասկանալու համար անհրաժեշտ է վերադառնալ պրոբլեմի հիմքերին, քանի որ այն առաջացել է Արցախի մասնատման արդյունքում: Ինչպս հայտնի է, ժամանակին պատմական Արցախի միայն մի մասն ընդգրկվեց ԼՂԻՄ կազմում, և այդ իրավիճակը շարունակվեց 70 տարի, ինչն անընդունելի էր: Փորձեր արվեցին Լեռնային Ղարաբաղն անմիջապես ընդգրկել կենտրոնի, այնինքն` Մոսկվայի ենթակայության ներքո: ՙՀետագա դեպքերը ցույց տվեցին, որ այդ տարբերակը չի աշխատի, այդ ժամանակ էլ Լեռնային Ղարաբաը որոշեց ինքնորոշվել, ինչը դարձավ Ադրբեջանի կողմից Ղարաբաղի դեմ սանձազերծած ագրեսիայի պատճառը: Մարտական գործողությունների արդյունքում ստեղծվել մի իրավիճակ, որն արդեն 20 տարի պահպանվում է, և այդ տարբերակն ապացուցել է իր կենսունակությունը: Հետևաբար, 1988-ի կամ 1991-ի իրավիճակներին վերադառնալը, մեղմ ասած, իրատեսական չէ՚,-նշել է Բաբայանը:

Մեկնաբաբելով ՌԴ արտգործնախարար Սերգեյ Լավրովի վերջերս արված արտահայտությունները, Բաբայանն ընդգծել է, որ պետք չէ տառացիորեն ընդունել ռուսական արտգործնախարարի հայտարարությունը: Նման արտահայտություններ հնչեցվել են բազմաթիվ անգամ, տարբեր բարձրաստիճան անձանց կողմից: ՙԱդրբեջանի համար կարևորը տարածքների պրոբլեմն է, իսկ մեզ այլ պրբլեմներ են ահանգստացնում: Եվ պետք չէ բանակցել, այլ անհրաժեշտ է պայմանավորվել: Իհարկե, տարածքների հանձնումը մենք կտրականապես մերժում ենք: Այդ տարածքները ԼՂՀ համար հանդիսանում են անվտանգության երաշխիք, եթե հաշվի չառնենք մյուս պատմական իրողությունները: Ինչ վերաբերվում է Մոսկվային, ապա կարծում եմ, որ նա փորձում է ճնշումներ գործադրել հայկական կողմի վրա, քանի որ միշտ էլ պահպանել է չեզոք դիրք՚,-ասել է Բաբայանը:

Հիշեցնենք, որ ադրբեջանցի իր գործընկերոջ հետ համատեղ մամուլի ասուլիսում Ս.Լավրովը հայտարարել էր, որ ստատուս-քվոն անընդունելի է, ընդ որում բոլորի համար: ՙԱռաջին հերթին Ադրբեջանի, Հայաստանի ու Լեռնային Ղարաբաղում ապրողների համար, ես դրանում խորապես համոզված եմ: Ստատուս-քվոն նշանակում է ոչ միայն ադրբեջանական տարածքների վերադարձի խնդրի չլուծումը, այլ նաև Հայաստանի շրջափակումը, հետևաբար, ոչ մեկին պետք չէ համոզել այդ կարգավիճակի անընդունելիության հարցում՚,-մասնավորապես նշել է նա:

>>>
Թուխմանուկ հանքավայրը դարձել է բնապահպանների կողմից Գլխավոր դատախազություն դիմելու պատճառը
 Ուրբաթ, 31 Մայիսի 2013 14:23

 ԲնապահպաններըԳլխավոր դատախազությանը կոչ են անում զբաղվել Թուխմանուկ հանքավայրի մշակման լիցենզիայով:

Ինչպես այսօր կայացած մամուլի ասուլիսում նշել է ՙԷկոլոգիական ակադեմիա՚ ՀԿ նախագահ Գրետա Գաբրիելյանը, համաձայն 2005 թվականի ընդերքի օգտագործման թույլտվության, հանքավայրը պետք է բաց եղանակով մշակվեր 2 տարի, որից հետո լեռնահումքային ընկերությունը պետք է ներկայացներ նոր նախագիծ և անցներ հանքավայրի փակ մշակմանը: Չնայած այդ պահանջին, ՙՄերո Գոլդ՚ ընկերությունը (Global Gold Mining-ի դուստրը), բնապահպանների կարծիքով, կասկածելի ձևերով երկարաձգել է բաց մշակման լիցենզիան:

Գաբրիելյանն ուշադրություն է հրավիրել այն հանգամանքին, որ 2012 թվականի դեկտեմբերի 28-ին ՀՀ էներգետիկայի և բնական պաշարների նախարարությունը ՙՄերո Գոլդ՚ ընկերությանը տրամադրվել է լեռնահատկացման ակտ, որտեղ նշված է հանքավայրի բաց մշակման մասին: Ըստ փորձագետի, դա արվել է անօրինական ճանապարհով, քանի որ նման ակտ չի կարող տրամադրվել առանց օրենքով նախատեսված ընթացակարգերի: Ըստ Գաբրիելյանի, երկու տարում Թուխմանուկի բաց հանքավայրում չեն իրականացվել հասարակական և փորձագիտական քննարկումներ և լսումներ: Բացի այդ, 2005 թվականից մինչ օրս բացակայում են հանքավայրը բաց եղանակով մշակելու անհրաժեշտ իրավական հիմքերը: Այդ կապակցությամբ էլ բնապահպանները ՀՀ Գլխավոր դատախազությանը և Ազգային անվտանգության ծառայությանը կոչ են անում զբաղվել ստեղծված իրավիճակով:

Հիշեցնենք, որ տարեսկզբին բնապահպանների հասարակական ալյանսը և Հայաստանի կանաչների միությունը բաց նամակ էին հղել Global Gold Mining-ի ղեկավար Վան Կրիկորյանին, պահանջելով դադարեցնել ընկերության գործունեությունը Հայաստանում և փոխհատուցել հանրապետությանը պատճառված տնտեսական վնասները: Նշվում է, որ թունավոր թափոնները լցվում են Գետիկ գետակը, իսկ այնուհետև` Քասախ, Հրազդան և Արաքս գետերը: Այսինքն, Թուխմանուկ հանքավայրի մշակումը սպառնում է ոչ միայն մերձակա Մելիք գյուղին, այլ ողջ Արարատյան դաշտավայրին: Բացի այդ, քամին տարածում է այդ թափոնները, աղտոտելով արոտավայրերն ու վարելահողերը:

Ավելի վաղ, ԱրմԻնֆո գործակալության թղթակցի հետ զրույցում Global Gold Mining-ի հայկական մասնաճյուղի ղեկավար Աշոտ Պողոսյանը նշել էր, որ առաջադրված բոլոր մեղադրանքներն էլ անհիմն են: Նրա խոսքերով, Թուխմանուկ հանքավայրի տարածքում և շրջակայքում մշտապես իրականացվում բնապահպանական մոնիտորինգ, անկախ փորձագետների մասնակցությամբ: Ապրիլին ՀՀ բնապահպանության նախարարությունը բացասական փորձագիտական եզրակացություն էր տվել ՙՄերո Գոլդ՚ ընկերության նախագծի կողմից շրջակա միջավայրի ազդեցությանը, Թուխմանուկ հանքավայրում հաշվով երրորդ պաչամբարի շինարարության կապակցությամբ:

>>>
Երևանում ընթացող ԵԽԽՎ Մշտական հանձնաժողովի նիստի շրջանակներում Լեռնային Ղարաբաղի վերաբերյալ հռչակագիր է ընդունվել
 Ուրբաթ, 31 Մայիսի 2013 14:21

ԵԽԽՎ-ն լիակատար աջակցություն է հայտնում ԵԱՀԿ Մինսկի խմբի ջանքերին` Մադրիդյան սկզբունքների հիման վրա ղարաբաղյան հակամարտության խաղաղ կարգավորման շուրջ բանակցություններում: Այդ մասին ասվում է ԵԽԽՎ Մշտական հանձնաժողովի`մայիսի 31-ին Երևանում կայացած նիստի հռչակագրում:

Փաստաթղթում ընդգծվում է, որ ղարաբաղյան խնդրի խաղաղ կարգավորումը ԵԽԽՎ հանդեպ Հայաստանի և Ադրբեջանի ստանձնած պարտավորությունների մեջ է մտնում: ՙՀայաստանը և Ադրբեջանը պետք է օգտվեն Եվրոպայի խորհրդի Նախարարների կոմիտեում իրենց նախագահությունից` ԵԱՀԿ ՄԽ շրջանակներում հակամարտության կարգավորման  ինտենսիվացման նպատակով: Այդ հարցը որպես գերակայություն է դիտարկվելու ԵԽՆԿ-ում այդ երկու երկրների նախագահության ընթացքում՚,- ասվում է հռչակագրում:

ԵԽԽՎ-ն իր հերթին խորհրդարանական դիվանագիտության միջոցով երկրների միջև երկխոսության և վստահության մթնոլորտի հաստատմանն աջակցելու պատրաստակամություն է հայտնում:

Նշենք, որ ԵԽՆԿ-ում նախագահությունը մայիսի 16-ից անցել է Հայաստանին, իսկ մեկ տարի անց`անցնելու է Ադրբեջանին:

>>>
Ճարտարապետներին զայրացրել են Երևանի քաղաքապետարանի` Հանրապետության հրապարակը վերակառուցելու ծրագրերը
 Ուրբաթ, 31 Մայիսի 2013 14:15

 Ճարտարապետներին զայրացրել են Երևանի քաղաքապետարանի` Հանրապետության հրապարակը վերակառուցելու ծրագրերը: Ավելի վաղ քաղաքապետարանը հայտարարել էր հրապարակի վերակառուցման հայցակարգի նախագծի բաց մրցույթ, որի հայտերն կընդունվեն մայիսի 29-ից օգոստոսի 29-ը:

Ինչպես ԱրմԻնֆո գործակալության հետ զրույցում հայտարարել է Հայաստանի Ճարտարապետների միության ղեկավար Մկրտիչ Մինասյանը, այդ պլանները վտանգ են ներկայացնում Հանրապետության հրապարակի ամբողջությունը պահպանելու առումով: Նա չի բացառել, որ մրցույթի անցկացումը, ԱԳՆ շենքի վաճառքը, ինչպես նաև հրապարակի տակ ներգետնյա ավտոկայանատեղի շինարարության մասին լուրերը նույն շղթայի օղակներն են: Մինասյանը տեղեկացրել է, որ Հանրապետության հրապարակի վերակառուցման մասին խոսակցություններ նախկինում էլ են եղել: Ճարտարապետի համար անակնկալ էր ոչ միայն քաղաքապետարանի կողմից տարածած տեքստը, որտեղ հիմնավորվում էր մրցույթի անցկացման անհրաժեշտությունը, այլ նաև փորձագետների ժյուրիի ցանկը: ՙԵս չգիտեի այն մասին, որ ինձ կընդգրկեն ժյուրիի կազմում, և չեմ ցանկանում մասնակցել դրան՚,-ընդգծել է նա:

Իր հերթին, ՀՀ վաստակավոր ճարտարապետ Սաշուր Քալաշյանը ԱրմԻնֆո-ին հայտարարել է, որ հրապարակի վերակառուցումը հանդիսանում է կատարյալ անմտություն: ՙԵթե դատենք առողջ ձևով, դա պատկերացնել անգամ անհնար է՚,-ասել է նա: Փորձագետը չի բացառել նաև, որ իրականում նախագիծն արդեն, հավանաբար, պատրաստ է, իսկ մրցույթը հայտարարվել է այն օրինականացնելու նպատակով: Քալաշյանն ուշադրություն է հրավիրել այն փաստին, որ հրապարակի վերակառուցման գաղափարը պաշտոնապես չի քննարկվել ոչ քաղաքաշինության, որ մշակույթի նախարարություններում, և ոչ էլ քաղաքապետարանի համապատասխան հանձնաժողովներում: Ինչպես և Մինասյանը, ճարտարապետը հայտարարել է, որ ինքը թույլ չի տվել իր անունն ընդգրկել մրցույթի ժյուրիի անդամների կազմում: Քալաշյանը նաև նշել է, որ մտադիր է բոյկոտի ենթարկել հայտարարված մրցույթը:

Հիշեցնենք, որ մրցութային հանձնաժողովը կգլխավորի Նարեկ Սարգսյանը: Հրապարակի վերակառուցման անհրաժեշտության վերաբերյալ իր որոշումը քաղաքապետարանը հիմնավորել է նրանով, որ հրապարակը վերածվել է մեծ բեռնվածություն ունեցող տրանսպորտային հանգույցի, իսկ կառուցապատումների արդյունքում մերձակա տարածքներում խախտվել են հրապարակի դոմինանտի գլխավոր պայմանները:

>>>
Ռոստելեկոմն անակնկալ է մատուցել Նուբարաշենի՝ Երեխաների խնամքի և պաշտպանության գիշերօթիկ թիվ 2 հաստատությանը
 Ուրբաթ, 31 Մայիսի 2013 14:14

 Հունիսի 1-ին ընդառաջ Ռոստելեկոմը անակնկալ է մատուցել Նուբարաշենի՝ Երեխաների խնամքի և պաշտպանության գիշերօթիկ թիվ 2 հաստատությանը՝ այստեղ կառուցվել է ներքին համակարգչային ցանց, ինչի շնորհիվ ժամանակակից տեխնոլոգիաների միջոցով և անվճար հիմունքներով լայնաշերտ ինտերնետով են ապահովվելու հաստատության դասասենյակներն ու համակարգչային սրահը:

Անակնկալները Ռոստելեկոմի կողմից այսքանով չավարտվեցին և ընկերության կողմից խնամքի կենտրոնի համակարգչային կենտրոնը համալրվեց նոր համակարգիչներով, որոնց շնորհիվ թվով ավելի շատ երեխաներ կկարողանան մասնակցել դասընթացներին և զարգացնել իրենց համակարգչային հմտությունները: Երեխաների խնամքի և պաշտպանության թիվ 2 գիշերօթիկ հաստատությունն իրականացնում է սոցիալապես անապահով ընտանիքների 6-18 տարեկան երեխաների խնամքն ու դաստիարակությունը, աջակցում է նրանց իրավունքների և օրինական շահերի պաշտպանությանը, ապահովում է նրանց սննդով, հագուստով, տալիս առաջին բուժօգնությունը, ապահովում համապատասխան սանիտարահիգիենիկ պայմաններով:

Ռոստելեկոմի ծառայությունները Նուբարաշենի բնակիչներին հասանելի էին դեռ 2013թ. մարտ ամսից, և ծառայությունների բարձր որակի մասին են վկայում արդեն իսկ ծառայությունից օգտվող շուրջ 300 բաժանորդները: Ռոստելեկոմը մշտապես աջակցում է երեխաների և երիտասարդների շրջանում տեղեկատվական տեխնոլոգիաների վերաբերյալ իրազեկվածության մակարդակի բարձրացմանն ու ոլորտի համար ապագա մասնագետների ձևավորմանը:

Առաջիկայում ընկերությունը նախատեսում է նոր նախագծեր ու ծրագրեր իրականցնել ոչ միայն այս հաստատության այլ նաև մի շարք հաստատություններում, որոնք կնպաստեն երիտասարության շրջանում ինտերնետ ռեսուրսներից արդյունավետ և անվտանգ օգտվելուն:

>>>
Հայաստանում Բրազիլիայի դեսպանությունը տեղեկություններ չունի Ադրբեջանի տարածքային ամբողջականությունը պաշտպանելու վերաբերյալ բրազիլացի պատգամավորի հայտարարության մասին
 Ուրբաթ, 31 Մայիսի 2013 13:57

Հայաստանում Բրազիլիայի դեսպանությունը տեղեկություններ չունի Ադրբեջանի տարածքային ամբողջականությունը պաշտպանելու վերաբերյալ Բրազիլիայի խորհրդարանի արտաքին կապերի և ազգային պաշտպանության կոմիտեի նախագահ Նելսոն Պելեգրինոյի հայտարարության մասին: Այդ մասին ԱրմԻնֆո գործակալությանը հաղորդել են Հայաստանում Բրազիլիայի դեսպանությունում: ՙԵթե դեսպանությունը համապատասխան տեղեկատվություն ունենա, ապա պարզաբանում կտրամադրի՚, - հաղորդել են դիվանագիտական ներկայացուցչությունում:

Հիշեցնենք, որ նախօրեին ադրբեջանական ԶԼՄ-ներում տեղեկատվություն էր հայտնվել այն մասին, որ Բրազիլիայի խորհրդարանի արտաքին կապերի և ազգային պաշտպանության կոմիտեի նախագահ Նելսոն Պելեգրինոն Բաքվում հայտարարել է, թե Բրազիլիայի խորհրդարանը կընդունի բանաձև Լեռնային Ղարաբաղի հակամարտության և Ադրբեջանի տարածքային ամբողջականության ապահովման վերաբերյալ: Նրա ասելով, բանաձևի ընդունման հարցը քննարկվել է նաև Ադրբեջանի արտգործնախարար Էլմար Մամեդյարովի հետ հանդիպման ժամանակ, և որոշում է կայացվել բանաձևի մոտալուտ ընդունման մասին:

>>>
Թուրք պատգամավոր. Անկարան ցանկանում է հայ-թուրքական արձանագրությունների վավերացում
 Ուրբաթ, 31 Մայիսի 2013 13:55

Անկարան ցանկանում է հայ-թուրքական արձանագրությունների վավերացում: Այդ մասին Երևանում լրագրողներին հաղորդել է ԵԽԽՎ թուրքական պատվիրակության ղեկավար Նուրսուլա Մեմեչանը: Այդուհանդերձ, նա այդպես էլ չի պատասխանել լրագրողների այն հարցին, թե ապա ինչու Անկարան չի վավերացնում այդ փաստաթղթերը: Նա սոսկ համոզմունք է հայտնել, որ Թուրքիայի խորհրդարանի օրակարգից հանված հայ-թուրքական արձանագրությունները կվերադարձվեն: ՙԵս կարծում եմ, որ կհաջողվի կարգավորել ոչ միայն հայ-թուրքական, այլև հայ-ադրբեջանական հարաբերությունները՚, - հայտարարել է պատգամավորը:

>>>
Էդվարդ Նալբանդյան. Երևանը միջազգային հանրությանը կոչ է անում աջակցել ԵԱՀԿ Մինսկի խմբին ղարաբաղյան հակամարտության կարգավորման հարցում
 Ուրբաթ, 31 Մայիսի 2013 13:53

 Հայաստանի ԱԳ նախարար Էդվարդ Նալբանդյանը շնորհակալություն է հայտնել Եվրոպայի Խորհրդին և ԵԽԽՎ-ին Լեռնային Ղարաբաղի հակամարտության կարգավորման հարցում աջակցելու համար: Այս մասին նախարարը հայտարարել է այսօր, Երևանում ընթացող ԵԽԽՎ մշտական հանձնաժողովի և բյուրոյի նիստի ժամանակ:

ՙՀայկական կողմը միջազգային հանրությունից երբեք չի պահանջել աջակցել բացառապես իր դիրքորոշմանը: Մենք ակնկալում ենք միջազգային հանրության աջակցությունը, որն արտացոլված է այդ հայտարարություններում: Նման իրական աջակցությունը կօգնի խաղաղ կարգավորում գտնել: Հայկական կողմը նմանատիպ մոտեցում է սպասում նաև Ադրբեջանից՚,- ընդգծել է Նալբանդյանը, ընդգծելով, որ Երևանի դիրքորոշումն ամբողջությամբ համահունչ է միջազգային հանրության դիրքորոշմանը, որը սակայն, չի սատարում Բաքուն: ՙԲաքուն հայտարարում է, որ սատարում է 2009 թվականին ստորագրված փաստաթուղթը, այսինքն, դրանով Ադրբեջանը մերժում է ԵԱՀԿ ՄԽ մյուս բոլոր այն առաջարկները, որոնք հնչեցվել են 2009 թվականից հետո: Հայաստանը սատարում է շփման գոտուց դիպուկահարների հեռացման, սահմանամերձ միջադեպերի հետաքննության վերաբերյալ խմբեր ստեղծելու ուղղությամբ համանախագահների առաջարկները, իսկ Ադրբեջանը դա մերժում է՚,-հայտարարել է նախարարը, ընդգծելով, որ Բաքուն դեմ է հակամարտության խաղաղ կարգավորմանը:

Իր հերթին, ԵԽԽՎ Գլխավոր քարտուղար Ժան-Կլոդ Մինյոնը, անդրադառնալով ղարաբաղյան խնդրին, իր ելույթում հայտարարել է, որ ԵԽԽՎ-ն սատարում է հակամարտությնա խաղաղ կարգավորման ուղղությամբ ԵԱՀԿ ՄԽ ջանքերը: Նա նաև ընդգծել է խորհրդարանական դիվանագիտության կորևորությունը կողմերի միջև փոպադարձ համաձայնության և վստահության մթնոլորտի ձեռքբերման հարցում:

>>>
Ամուլսար. պատասխանատու հանքարդյունաբերություն, կայուն տնտեսական զարգացում
 Ուրբաթ, 31 Մայիսի 2013 13:33


Գեոթիմ ընկերությունը մշտապես փորձում է ապահովելբոլոր շահագրգիռ կողմերին տեղեկատվությամբ ևպատասխանել բոլոր հետաքրքրող հարցերին: Ցանկանումենք ևս մեկ անգամ անդրադառնալ ծրագրի շուրջ որոշբարձրաձայնաված խնդիրների և մտահոգությունների ևառանձնացնել մի քանի կարևոր կետ:

Գեոթիմ ընկերությունը, որին պատկանում է Ամուլսարիծրագիրը, հայաստանյան կազմակերպություն է, որըաշխատում է հայաստանյան օրենսդությանըհամապատասխան: Ընկերության 100% բաժնեմասըպատկանում է Լիդիան ինթերնեյշնլ ընկերությանը:

Լիդիան ինթերնեյշնլը բաց բաժնետիրական ընկերությունէ, որի բաժնետոմսերը պատկանում են աշխարհի տարբերերկրներում հազարավոր ներդրողների: Բոլորցանկացողները կարող են ձեռք բերել ընկերությանբաժնետոմսերը՝ ինչպես միջազգային ֆոնդային բորսայումցուցակված ցանկացած այլ ընկերության դեպքում: Լիդիանինթերնեյշնլը ցուցակված է Տորոնտոյի ֆոնդայինբորսայում: Ընկերության գլխամասը գտնվում է ՄիացյալԹագավորությունում:

Հարկ է նշել, որ Ամուլսարի ծրագիրը միջազգայիններդրումային առաջին նախագիծն է Հայաստանում, որներկայացնում է միջազգային հեղինակավորինստիտուցիոնալ ներդրումային կազմակերպությունների ևբանկերի նման ցանկ, որոնցից շատերը առաջին անգամ եններդրումներ իրականացնում Հայաստանում: Լիդիանիորոշ ինստիտուցիոնալ բաժնետերերի մասինտեղեկություններին կարող եք ծանոթանալ այստեղ:

Լիդիան ինթերնեյշնլը զգալիջանքերի շնորհիվ է կարողացելներկայացնել Հայաստանըորպես ներդրումների համարնպաստավոր ուղղություն:Աշխարհում այլ հանքայինծրագրերում նպաստավոր ներդրումներիհնարավորություններ կան Ավստրալիայում, Կանադայում,Ռուսաստանում, Բրազիլիայում, Հարավային Աֆրիկայումև այլուր: Կարծում ենք, որ նման ներդրումներ Հայաստանբերելը մեծ հաջողություն է: Այս ծրագրի հաջողությունըկմեծացնի նաև հետագայում Հայաստանի տնտեսությանտարբեր ճյուղերում միջազգային ներդրումներիհնարավորությունը:

Վստահությունը ամենաբարդ ձեռքբերվող կապիտալն է՝հատկապես տնտեսական վայրիվերումների այսժամանակներում: Մենք ուրախ ենք, որ կարողացել ենքձեռք բերել հեղինակավոր ներդրոողների վստահությունը:Այսօր թե՛ ընկերության, թե՛ երկրի համար այդվստահությունը պահպանելը նոր մարտահրավեր է:

Ընկերությունը դեռևս որևէ եկամուտ չի ստացելԱմուլսարից, և արդյունաբերությունը նախատեսվում էսկսել 2015 թվականից: 2007-ից ի վեր սակայն արդեն 50միլիոն դոլարի ներդրում է իրականացվել ծրագրում,ապահովելով բարձր վճարվող աշխատատեղեր,տնտեսական զգալի ակտիվություն և շոշափելիսոցիալական առաջընթաց շրջակա գյուղերում: Ծրագրիազդակիր համայնքներում այսօր ներգաղթ է գրանցվում:

Գեոթիմն այսօր ապահովում է ոչմիայն ավելի քան 160աշխատատեղ շրջակագյուղերում, այլև իր թիմում ունիբարձրակարգ հայաստանյանմասնագետներ՝ երկրաբանների, ինժեներներ,քարտեզագետներ, էկոլոգներ, կենսաբաններ և այլն:

Հարկ է ընդգծել, որ ֆինանասական տեսանկյունիցՀայաստանը նման նոր ներդրումային ծրագրից ավելի շատէ շահում, քան առաջնային ներդրումը ներգրավողընկերությունը: Երբ ծրագիրն արդեն սկսի եկամուտ բերել,ընկերությունը մոտավոր հաշվարկով ստանալու էարդյունահանվող մեկ ունցիա ոսկու արժեքի 24%:Մոտավորապես նույնքան՝ 22% ստանալու է պետականբյուջեն՝ միայն վաճառքից ստացված հարկերի ևռոյալթիների տեսքով: Մնացած 54%-ը կապիտալձեռքբերումներն ու գործառնական ծախսերն են, որոնց միզգալի մասը նույնպես ներդրվելու է Հայաստանում՝աշխատավարձերի, շինարարության, ծառայություններիդիմաց վճարների և այլ ծախսերի տեսքով:

Բնապահպանական մտահոգությունների մասին

Ծրագրի բնապահպանականկառավարումը օրինակելի է՝միջազգային բարձրչափանիշների և լավագույնփորձի համապատասխան:Երկրաբանահետախուզականաշխատանքների սկզբիցընկերությունը աննախադեպմիջոցներ, ժամանակ և ջանքերէ ներդրել ապահովելու, ործրագրի միջազգայինԲնապահպանական և սոցիալական ազդեցությանգնահատումը իրականացվի լավագուն միջազգայինընկերությունների կողմից և ամենաարդյունավետմիջոցառումները ներառվեն ծրագրում:

Սա ոչ միայն Լիդիանի խոշոր բաժնետերերի՝ Միջազգայինֆինանսական կորպորացիայի և Վերակառուցման ևզարգացման եվրոպական բանկի պահանջն է, սա նաևՀայաստանում իսկապես միջազգային բարձր մակարդակիհանքային ծրագիր ստեղծելու մերպատրաստակամությունն է: Ընկերության ղեկավար թիմիանդամները ունեն նման բարձրակարգ ծրագրերումաշխատելու երկարամյա փորձ այնպիսի երկրներում,ինչպիսիք են ԱՄՆ-ը, Ավստրալիան, Կանադան,Իսպանիան և այլն:

Բնապահպանական և սոցիալական ազդեցությանգնահատումը նախատեսվում է հրապարակել ավելի ուշայս տարի:

Հայաստանը կարող է ունենալ միջազգային զգալիներդրումների և հանքարդյունաբերության ոլորտի կայուն ևբնապահպանական տեսանկյունից լավ կառավարվողզարգացման հնարավորություն, որից կշահեն երկիրն ուժողովուրդը: Ժամանակակից տեխնոլոգիաները ընձեռումեն հանքային ծրագրերի լավագույն բնապահպանականկառավարման բոլոր հնարավորությունները և աշխարհումնման հարյուրավոր օրինակներ կան:

Հենց անցյալ շաբաթ Ավստալիան, որը աշխարհիառաջատար հանքարդյունաբերող և արտահանողերկրներից է արդեն երրորդ անգամ Տնտեսականհամագործակցության և զարգացման կազմակերպության“Բարեկեցիկ կյանքի” վարկանիշում առաջատարըճանաչվեց “Ամենալավ արդյունաբերական երկրների”շարքում: Ավստրալիային հետևում են Շվեդիան և մեկ այլխոշոր հանքարդյունաբերական երկիր՝ Կանադան:

Սա ապացուցում է, որ լավ կառավարվողհանքարդյունաբերությունը կարող է զգալի ներդրումունենալ տնտեսության մեջ՝ միաժամանակ ապահովելովբարեկեցություն և բնապահպանական խնդիրներիպատշաճ լուծումներ:

Ամուլսարի ծրագիրը հենց նման օրինակ է:
 
Հայկ Ալոյան
Գեոթիմ ՓԲԸ գլխավոր տնօրեն

>>>
Հայ երեխաներն այժմ կունենան Փերի Մերի և Չարչարիկ նոր հեքիաթային հերոսներ
 Ուրբաթ, 31 Մայիսի 2013 12:51

Հայ երեխաներն այժմ կունենան Փերի Մերի և Չարչարիկ նոր հեքիաթային հերոսներ, որոնք ստեղծվել են ՙ Ex- production՚ կազմակերպության կողմից:

>>>
ՀՀ դրամի փոխարժեքը ԱՄՆ դոլարի և ԵՎՐՈ-ի նկատմամբ
 Ուրբաթ, 31 Մայիսի 2013 08:10

ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 416.5 դրամ, ԵՎՐՈ-ի առքի առավելագույն գինը`542 դրամ, իսկ ռուսական ռուբլու առքի գինը`13.1 դրամ: ԱՄՆ դոլարի վաճառքի նվազագույն գինը կազմել է 418.2 դրամ, ԵՎՐՈ-ի վաճառքի գինը` 545 դրամ, իսկ ռուսական ռուբլու վաճառքի գինը`13.2 դրամ:

>>>
Էդվարդ Նալբանդյան. Երևանը սատարում է Բաշար Ասադին
 Ուրբաթ, 31 Մայիսի 2013 08:04

Իրավիճակը Սիրիայում շատ բարդ է և չի կարելի այն բնութագրել սև-սպիտակ գույներով: Այս մասին Երևանում կայացած ԵԽԽՎ նիստում հայտարարել է ՀՀ արտգործնախարար Էդվարդ Նալբանդյանը:

Նրա փոխանցմամբ, մեկ տարի առաջ Սիրիայի նախագահ Բաշար Ասադն ստացավ իր քաղաքացիների մի հատվածի աջակցությունը, և սիրիացիների այդ հատվածի կարծիքը չի կարելի անտեսել: ՙՇատ սիրիացիներ չեն սատարում ընդդիմությանը, քանի որ չգիտեն, թե ինչ տեղի կունենա նրանց գալուց հետո, մենք սատարում ենք Ասադին, քանի որ ինքն էլ մեզ է սատարում՚,-հայտարարել է նախարարը:

Միաժամանակ նա ընդգծել է, որ Սիրիայում կա հայկական մեծ համայնք և պաշտոնական Երևանը չի կարող չանհանգստանալ այդ երկրում ծավալվող իրադարձությունների առնչությամբ: Այդ առումով Նալբանդյանը նկատել է, որ արդեն Հայաստան են ժամանել 10 հազար սիրիահայեր:

Նրա խոսքերով, անհրաժեշտ է ամեն գնով Սիրիայում գտնել խաղաղության տանող ուղին և դա անհրաժեշտ է անել Ժնևյան երկրորդ կոնֆերանսի ընթացքում: ՙԺնևյան առաջին կոնֆերանստն արդյունքներ չտվեց, քանի որ դրա աշխատանքներին ներգրավված չէին Իրանը և Սաուդյան Արաբիան՚,-եզրափակել է նա:

>>>
Երևան. ԵԱՀԿ Մինսկի խումբը ՙզսպաշապիկ՚ է Բաքվի համար
 Ուրբաթ, 31 Մայիսի 2013 07:24

Թուրքիան ինքը ձախողեց Հայաստանի հետ հարաբերությունների կարգավորման գործընթացը, որը նախաձեռնել էր Երևանը, և այժմ միջազգային ճնշման ողջ ծանրությունն ընկել է Անկարայի վրա: Այդպիսի կարծիք է հայտնել փոխարտգործնախարար Շավարշ Քոչարյանը 2012 թվականի բյուջեի կատարման շուրջ քննարկումների ժամանակ:

Նա ընդսմին նշել է, որ Անկարան, նաև տարբեր երկրների ադրբեջանական համայնքների աջակցությամբ, փորձում է ըստ ամենայնի արգելակել Հայոց ցեղասպանության միջազգային ճանաչման աշխուժացած գործընթացը այդ ոճրագործության 100-ամյա տարելիցի նախաշեմին:

Անդրադառնալով ղարաբաղյան հակամարտությանը` նա ընդգծել է, որ տարբեր երկրների առանձին նահանգների և վարչական միավորների կողմից Լեռնային Ղարաբաղի ճանաչումը չափազանց կարևոր գործընթաց է ԼՂՀ միջազգային ճանաչման ճանապարհին, և դա պայմանավորված է, առաջին հերթին, Ադրբեջանի կողմից ագրեսիայով: ՙՈրքան ագրեսիվ է Ադրբեջանի դիրքորոշումը, այնքան այդ գործընթացը կաշխուժանա՚, - խոստացել է Քոչարյանը, ընդգծելով, որ ԵԱՀԿ Մինսկի խումբը զսպաշապիկ է Բաքվի համար:

>>>
2013 թվականին Առէկսիմբանկ-Գազպրոմբանկի խումբը մտադիր է զգալիորեն ակտիվացնել սպառողական վարկավորումը:
 Ուրբաթ, 31 Մայիսի 2013 07:23

2013 թվականի ընթացքում ՙԱռէկսիմբանկ-Գազպրոմբանկի խումբ՚ ՓԲԸ-ն մտադիր է զգալիորեն ակտիվացնել սպառողական վարկավորումը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, նախատեսվում է մանրածախ վարկային պորտֆելը հասցնել 20,1 մլրդ ՀՀ դրամի:

ՙՀայաստանյան բանկերը սկսեցին սպառողական կարվավորումը դիտարկել որպես ռիսկերի նվազեցման և եկամուտների ստացման միջոց, որն իր հերթին հանգեցրեց շուկայում մրցակցության սրացմանը, և հետևաբար` նոր բանկային պրոդուկտների և առաջարկների պահանջարկի ձևավորմանը՚, - գտնում է ՙԱռէկսիմբանկ-Գազպրոմբանկի խումբ՚ ՓԲԸ Մանրածախ վարկավորման բաժնի պետ` Արմեն Համբարձումյանը: ՙԱյսօր սպառողական վարկավորման շուկայում բանկերի կողմից առաջարկվող պրոդուկտները շատ չեն տարբերվում իրարից: Հիմնականում բանկերը մրցակցում են վարկերի տրամադրման ժամկետների, վարկավորման գործընթացի ավտոմատացման, ինչպես նաև պահանջվող փաստաթղթերի ցանկի կրճատման համար: Մեր բանկը մշտապես կատարելագործում է իր վարկավորման պայմանները`փորձելով առավելագույնս պարզեցնել վարկերի ձևակերպման և տրամադրման ընթացակարգը՚, - հատկանշեց Ա. Համբարձումյանը:      

Հիշեցնենք, որ 2013 թվականի առաջին եռամսյակում ՙԱռէկսիմբանկ-Գազպրոմբանկի խումբ՚ ՓԲԸ կողմից հաճախորդներին տրամադրված վարկերն ու այլ փոխառությունները կազմել են 93.9 մլրդ ՀՀ դրամ` 2012-ի նույն ժամանակահատվածի համեմատ ավելանալով 11.4 մլրդ ՀՀ դրամով կամ 14%-ով: Վարկային պորտֆելի կառուցվածքում սպառողական վարկերի մասնաբաժինը կազմել է 18.3 մլրդ ՀՀ դրամ կամ 20%, առաջին եռամսյակում գրանցելով մոտ 16% աճ:

>>>
Հայփոստը արդիականացված ևս երկու բաժանմունք է բացել Գեղարքունիքում
 Ուրբաթ, 31 Մայիսի 2013 07:20

 Մայիսի 30-ին տեղի է ունեցել Գեղարքունիքի մարզի Սարուխան եւ Նորատուս համայնքների  արդիականացված փոստային բաժանմունքների վերաբացման պաշտոնական արարողությունը:

Ինչպես ԱրմԻնֆո գործակալությանը հաղորդեցին Հայփոստի մամուլի ծառայությունից, շինարարական եւ արտաքին հարդարման աշխատանքներից բացի, այստեղ ևս նորացվել են աշխատանքային ստանդարտները, փոխվել և նորացվել են ենթակառույցները, տեղադրվել են արդի ծրագրերին համապատասխանող նոր համակարգիչներ եւ սարքավորում: Փոստային բաժանմունքը հագեցած է անվտանգության արդիական համակարգերով, տեսագրող սարքավորումով:

Հայփոստ ՓԲԸ հավատարմագրային կառավարիչ Հայփոստ Թրաստ Մենեջմենթի 2013 թ.-ի ծրագրով շարունակվում է ՀՀ փոստային կապի ազգային օպերատորի արդիականացման եւ զարգացման լայնամասշտաբ ծրագիրը, որի համաձայն մինչեւ տարեվերջ նախատեսվում է արդիականացնել եւ նոր ստանդարտներին համապատասխանեցնել 60 փոստային բաժանմունք եւ մասնաճյուղ: Ըստ նոր ծրագրի, 8 փոստային բաժանմունք կարդիականացվի Երեւանում, 52-ը`մարզերում:

Հայփոստ Թրասթ Մենեջմենթ-ն առանձնակի ուշադրություն է դարձնում մարզերում Հայփոստ-ի պատշաճ ներկայությանը, փոստային և հարակից ծառայություների զարգացմանը: Նոր ենթակառույցների եւ սարքավորման կիրառումն այսուհետ ավելի արագ և օպերատիվ փոստային, ֆինանսական և կոմերցիոն ծառայություններ մատուցելու հնարավորություն կտա Սարուխանի և Նորատուսի բնակիչներին:

Հայփոստ Թրասթ Մենեջմենթը մտադիր է Հայաստանի Հանրապետությունում զարգացնել ավանդական փոստային ծառայությունները, ներդնել ավելի ժամանակակից սուրհանդակային, ֆինանսական եւ կոմերցիոն ծառայություններ` Հայփոստը դարձնելով ազգային առաջատար փոստային օպերատոր տարածաշրջանում:

>>>
Իլհամ Ալիև. Լեռնային Ղարաբաղի հակամարտության կարգավորումը հնարավոր է միայն տարածքային ամբողջականության սկզբունքի հիման վրա
 Ուրբաթ, 31 Մայիսի 2013 07:20

Լեռնային Ղարաբաղի հակամարտության կարգավորումը հնարավոր է միայն տարածքային ամբողջականության սկզբունքի հիման վրա: Ըստ ՙԹրենդի՚, այդ մասին հայտարարել է Ադրբեջանի նախագահ Իլհամ Ալիևը Բաքվում ընթացող միջմշակութային երկխոսության 2-րդ համաշխարհային համաժողովի իր բացման խոսքում:

ՙՀակամարտության անհապաղ կարգավորումը խաղաղություն կբերի տարածաշրջան, և այդ դեպքում տարածաշրջանային գործընթացները միշտ կընթանան դրական ուղղությամբ: Ադրբեջանը պետք է վերականգնի իր ՙտարածքային ամբողջականությունը՚, - ասել է Ալիևը:

Նրա ասելով, բազմամշակութայնության զարգացումը կարևոր է յուրաքանչյուր ժողովրդի, յուրաքանչյուր պետության և, մասնավորապես, ՙէթնիկ զտումից տուժած՚ Ադրբեջանի համար: Նա հայտարարել է, թե ադրբեջանական բնակչությունը ՙարտաքսվել է՚ Լեռնային Ղարաբաղից և մերձակա շրջաններից, ՙավերվել են ադրբեջանցիների բոլոր կրոնական հուշարձանները, թալանվել է նրանց ողջ պատմական հարստությունը, որոնց ապացույցը ԵԱՀԿ երկու առաքելությունների զեկույցներն են՚: ՙԱյդ անարդարությունը շարունակվում է: Դժբախտաբար հակամարտության հանգուցալուծում չի գտնվել, և միջազգային իրավական նորմերն այդ հակամարտության առնչությամբ չեն աշխատում՚, - ասել է Ադրբեջանի նախագահը, հերթական անգամ հիշատակելով ՄԱԿ ԱԽ չորս բանաձևերը, որոնցում ՙօկուպացված տարածքներից հայկական զինված ուժերի դուրս բերման վերաբերյալ ուղղակի ուղերձներ կան՚:

>>>



Մեկնաբանվողներ
Փորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք էՓորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք է
Ծառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններԾառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ
ԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համարԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համար
Կանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ ենԿանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ են
Ռոբերտ Քոչարյան. Հայաստանում կա հասարակության որոշակի հատված, որն անկեղծորեն հավատում է, թե,  իբր, կոռուպցիայի դեմ պայքարում հավաքված միջոցները կփոխանցվեն իրենցՌոբերտ Քոչարյան. Հայաստանում կա հասարակության որոշակի հատված, որն անկեղծորեն հավատում է, թե,  իբր, կոռուպցիայի դեմ պայքարում հավաքված միջոցները կփոխանցվեն իրենց
Փաշինյան․ Պաշտոնական թվերը ապացուցում են հակաճգնաժամային միջոցառումների արդյունավետությունըՓաշինյան․ Պաշտոնական թվերը ապացուցում են հակաճգնաժամային միջոցառումների արդյունավետությունը
Ռուսաստանցի փորձագետ. Պարզվեց, որ Բելառուսի իշխանությունը չափազանց պարզունակ է բարդ հասարակության համարՌուսաստանցի փորձագետ. Պարզվեց, որ Բելառուսի իշխանությունը չափազանց պարզունակ է բարդ հասարակության համար
Արմեն Սարգսյան. «Սևրի պայմանագիրն այսօր էլ մնում է որպես կարևոր փաստաթուղթ՝ Հայկական հարցի արդարացի լուծման հասնելու հայ ժողովրդի իրավունքի մասին»Արմեն Սարգսյան. «Սևրի պայմանագիրն այսօր էլ մնում է որպես կարևոր փաստաթուղթ՝ Հայկական հարցի արդարացի լուծման հասնելու հայ ժողովրդի իրավունքի մասին»
Ամուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբԱմուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբ
Հայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակիցՀայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակից
Արարատում վթարի հետեւանքով մահացել է ԱրմԻնֆո-ի լրագրողի մայրըԱրարատում վթարի հետեւանքով մահացել է ԱրմԻնֆո-ի լրագրողի մայրը
Էդմոն Մարուքյանը մտահոգված է Ռուսաստանում հայկական համարանիշերով մեքենաների խնդրովԷդմոն Մարուքյանը մտահոգված է Ռուսաստանում հայկական համարանիշերով մեքենաների խնդրով
Դիմորդները խոստացել են բուհ ընդունվելու համար պայքարը շարունակել ամենօրյա ռեժիմովԴիմորդները խոստացել են բուհ ընդունվելու համար պայքարը շարունակել ամենօրյա ռեժիմով
Հայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիսՀայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիս
Սերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակըՍերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակը
Փնտրել ըստ օրերի