Ադրբեջանի 25-ից ավելի զոհերը բնավ պատահականություն չեն, այլ հարևան երկրում տիրող խուճապի վկայություն են: Օգոստոսի 7-ին լրագրողնեին այդպիսի կարծիք է հայտնել վարչապետ Հովիկ Աբրահամյանը:

«Հենց նման հայտարարարություններն են պարարտ հող ստեղծում` էթնիկ հիմքի վրա հանցագործությունների համար, ինչպիսին էր Հրանտ Դինքի սպանությունը», - հայտարարել է ԱԳՆ մամլո խոսնակ Տիգրան Բալայանը, Արմինֆո լրատվական գործակալության խնդրանքով մեկնաբանելով Թուրքիայի վարչապետ Ռեջեփ Թայիփ Էրդողանի վերջին խայտառակ հայտարարությունը, որով նա  վիրավորանք էր համարել իրեն հայ անվանելը։

 Ղարաբաղյան հակամարտության կարգավորումը հնարավոր է միայն Ադրբեջանի ՙտարածքային ամբողջականության՚ շրջանակներում: Այդ մասին շփման գծում տեղակայված զորամասեր այցելության ընթացքում հայտարարել է Ադրբեջանի նախագահ Իլհամ Ալիևը:

Պաշտպանության բանակի օպերատիվ տվյալների համաձայն օգոստոսի 6-ից 7-ն ընկած ժամանակահատվածում առաջնային գծի ողջ երկարությամբ հակառակորդի կողմից հրադադարի պահպանման ռեժիմը խախտվել է շուրջ 400 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 8000 կրակոց:

 ԵԱՀԿ Մինսկի խմբի համանախագահները չեն մասնակցի օգոստոսի 8-9-ը Սոչիում Ռուսաստանի նախագահի հետ Հայաստանի և Ադրբեջանի առաջնորդների հանդիպմանը: Այդ մասին ԱրմԻնֆո-ին հայտնել են ՀՀ-ում ԱՄՆ դեսպանատանը:

 Բաքվի վերջին գործողությունների հետևանքով ադրբեջանական որոշ սահմանային բնակավայրերում խուճապ և մարդկանց արտահոսք կա, կառավարության այսօրվա նիստում հայտնել է Հայաստանի պաշտպանության նախարար Սեյրան Օհանյանը:

Ամերիկացի կոնգրեսական Ադամ Շիֆֆը կոչ է արել Բաքվին դադարեցնել Լեռնային Ղարաբաղի և Հայաստանի նկատմամբ ագրեսիան:

Հայաստանում ՌԴ դեսպանատան աշխատակիցները դուրս չեն եկել ակցիայի մասնակիցների մոտ` ի պաշտպանություն ՌԴ-ում ձերբակալված հայ գործարար Լևոն Հայրապետյանի:

 Օգոստոսի 7-ին, ինչպես արդեն հաղորդվել է, ղարաբաղա-ադրբեջանական հակամարտ զորքերի շփման գծում տեղի է ունեցել ակտիվ փոխհրաձգություն, որի արդյունքում հակառակորդը կրել է կենդանի ուժի կորուստներ: Փոխհրաձգության ընթացքում հակառակորդի կողմից արձակված կրակոցից գնդակային վիրավորում է ստացել զինծառայող, 1995թ. ծնված Վիկտոր Շուբերտի Աբրաամովը:

 Օգոստոսի 6-ին և 7-ին ադրբեջանական կողմը շարունակել է խախտել հրադադարի պահմանման ռեժիմը հայ-ադրբեջանական պետական սահմանագոտու տարբեր հատվածներում` կիրառելով հրաձգային, այդ թվում` խոշոր տրամաչափի զինատեսակներ:

 Տավուշի մարզի Չինարի գյուղի բնակիչ 31-ամյա Կարեն Պետրոսյանն այսօր գերի է ընկել ադրբեջանական կողմում:

 Միջազգային հանրությունը, այդ թվում` համապատասխան մանդատ ունեցող միջազգային կազմակերպությունները, մասնավորապես, ԵԱՀԿ Մինսկի խումբը, պետք է անաչառ և համարժեք արձագանքեն Ադրբեջանի ղեկավար Իլհամ Ալիևի հայտարարություններին և ագրեսիվ քաղաքականությանը: ԱրմԻնֆո-ի թղթակցի հետ զրույցում այդ մասին հայտարարել է ԲՀԿ մամուլի քարտուղար, պատգամավոր Տիգրան Ուրիխանյանը, անդրադառնակով Ալիևի վերջին հայտարարությանն այն մասին, թե «Բաքուն կվերադարձնի իր պատմական տարածքները, այդ թվում` Երևանն ու Սյունիքը, և կվերացնի Լեռնային Ղարաբաղի բոլոր ռազմական օբյեկտները»:

 Ռուսաստանի նկատմամբ սահմանված արևմտյան պատժամիջոցները, դատելով ըստ ամենայնի, հարվածել են ոչ միայն Ռուսաստանի տնտեսությանը, այլև` Հայաստանի քաղաքական գործիչների գլուխներին: Օգոստոսի 7-ին լրագրողներին այդպիսի կարծիք է հայտնել ՀՀՇ կուսակցության վարչության անդամ Հովհաննես Իգիթյանը:

 Հայ-ադրբեջանական սահմանում լարվածության սրումը ցույց տվեց, որ Լեռնային Ղարաբաղի հակամարտությունը չի կարող կարգավորվել խաղաղ ճանապարհով, քանի որ պաշտոնական Բաքուն դեմ է դրան: Օգոստոսի 7-ին մամուլի ասուլիսում այդպիսի կարծիք է հայտնել Ադրբեջանի հայերի ասամբլեայի նախագահ Գրիգոր Այվազյանը:

Կրամիր խաչի միջազգային կոմիտեի Ադրբեջանի ներկայացուցչության աշխատակիցներն այցելել են  Ադրբեջանում գերության մեջ գտնվող զինծառայող  Հակոբ Ինջիղուլյանին: Այդ մասին հաղորդում է ԱՊԱ-ն` վկայակոչելով ԿԽՄԿ Ադրբեջանի ներկայացուցչության հասարակայնության հետ կապերի բաժնի ղեկավար Իլահա Հուսեյնովային: Նրա ասելով, այցելությունը կայացել է օգոստոսի 6-ին: ԿԽՄԿ միջոցով գերիները և նրանց ընտանիքները տեղեկատվություն են փոխանակել:

Ռուսաստանի կառավարությունը հավանություն է տվել Եվրասիական տնտեսական միությանը Հայաստանի անդամակցության շուրջ պայմանագրին, հաղորդում է ՌԴ կառավարության կայքը: Այնուհետև հարցը պետք է ներկայացվի ՌԴ նախագահի ուսումնասիրմանը:

 Հայաստանի արտակարգ իրավիճակների նախարար Արմեն Երիցյանն այսօր կառավարության նիստում Պաշտպանության նախարարությանն առաջարկել է առաջնագիծ ուղարկել նաև ԱԻՆ քաղաքացիական պաշտպանության ջոկատներ:

Հայաստանի Հանրապետության Նախագահ Սերժ Սարգսյանը օգոստոսի 8-ին աշխատանքային այցով կմեկնի Ռուսաստանի Դաշնություն, քաղաք Սոչի: Օգոստոսի 9-ին կկայանա Հայաստանի Հանրապետության Նախագահի հանդիպումը Ռուսաստանի Դաշնության Նախագահ Վլադիմիր Պուտինի հետ:

150000 դոլարանոց մեքենան Հայկազ Բաղմանյանին Ռուսաստանում ապրող մտերիմ ընկերներն են նվիրել: Օգոստոսի 6-ին լրագրողներին այդ մասին հայտարարել է Հայաստանի պաշտպանության նախարար Սեյրան Օհանյանը, պատասխանելով երկրի ԶՈՒ գլխավոր շտաբի պետի տեղակալ,  գեներալ-լեյտենանտ Հայկազ Բաղմանյանի եկամուտների աղբյուրների վերաբերյալ հարցին, որոնք նրան թույլ են տալիս երթևեկել նման թանկարժեք ավտոմեքենայով:

 Վարչապետ Հովիկ Աբրահամյանը պարապուրդի մատնված Վանաձորի քիմհամալիրի աշխատողներին խոստացել է աջակցել աշխատավարձի գծով պարտքի մարման գործում: Միևնույն ժամանակ վարչապետը նշել է, որ գործարանը մասնավոր սեփականություն է, և այդ հարցերն իր իրավասությունից դուրս են: Այդ մասին Աբրահամյանը հայտարարել է օգոստոսի 6-ին Վանաձոր այցի ընթացքում: