ՙՑեղակրոն՚ կուսակցության առաջնորդ  Շանթ Հարությունյանի նկատմամբ նշանակվել է դատահոգեբուժական փորձաքննություն, ԱրմԻնֆոյին հաղորդել են Հայաստանի ոստիկանության հասարակայնության հետ կապերի վարչությունից: 

 Air Armenia ավիաընկերությունը բացել է Երևան-Սանկտ Պետերբուրգ ուղիղ չվերթ, հաղորդել է ՙՀյուսիսային մայրաքաղաքի օդային դարպասներ՚ ՍՊԸ, որը կառավարում է Սանկտ Պետերբուրգի ՙՊուլկովո՚ օդանավակայանի ենթակառուցվածքը: Հաղորդման մեջ նշվում է, որ չվերթերը կիրականացվեն շաբաթը մեկ անգամ` շաբաթ օրերը: Առաջին չվերթն իրականացվել է նոյեմբերի 16-ին: Երևանից Սանկտ Պետերբուրգ թռիչքի տևողությունը 3 ժամ 35 րոպե է:

Ճապոնիայի բիզնես-հանրությունը շատ թույլ պատկերացումներ ունի Հայաստանի մասին, ընհանրապես, մասնավորապես, հայկական տնտեսության նորուժի մասին: ԱրմԻնֆո գործակալության թղթակցի հետ զրույցում նման կարծիք է արտահայտել Ճապոնիայում Հայաստանի դեսպան Հրանտ Պողոսյանը: Նրա խոսքերով, Հայաստանի և Ճապոնիայի փոխհարաբերությունները հիմնված են փոխադարձ հարգանքի վրա, սակայն, հաճախ ասոցացվում են նաև հավի ու ձվի հետ կապված հավերժական դիլեմայի հետ:

 Յունիբանկը բարձրացրել է “Շահավետ+” ժամկետային ավանդի տարեկան տոկոսադրույքները, դրանով իսկ ֆիզիկական անձանց համար ապահովելով ավանդի առավել բարձր եկամտաբերություն: 

 Մոսկվայի Մ.Լոմոնոսովի անվան պետական համալսարանի (ՄԳՈւ) երևանյան մասնաճյուղի բացումը Հայաստանը կդարձնի տարածաշրջանի ուսումնական կենտրոն: Այսօր Աղվերանում ընթացող սեմինարի ընթացքում այս մասին հայտարարել է ՀՀ կրթության և գիտության նախարար Արմեն Աշոտյանը: 

 ՙՆոյեմբերի 17-ին ՀՀ ԱԺ արտաքին հարաբերությունների մշտական հանձնաժողովի և ՌԴ Պետդումայի՝ Անկախ Պետությունների Համագործակցության գործերով, եվրասիական ինտեգրման և հայրենակիցների հետ կապերի կոմիտեի կողմից համատեղ անցկացված նիստի ավարտին  ընդունվել է հայտարարություն:

Ավտոճանապարհներին եւ Երեւանի փողոցներում տեղադրած արագաչափերը, տեսախցիկները եւ վճարովի կանգառները, որ, իբր, կոչված են նպաստելու անվտանգ երթեւեկության ապահովմանը, ըստ պաշտոնական վիճակագրության, ոչ մի նմանօրինակ դրական արդյունք չեն արձանագրել, ընդհակառակը՝ վերջին 4 տարում ճանապարհատրանսպորտային պատահարների եւ դրանցում զոհերի թիվը տարեցտարի աճել է, ասվում է Հայ ազգային կոնգրեսի` ԱրմԻնֆո ստացված հայտարարության մեջ:

 Վարդան Պետրոսյանը քննչական մեկուսարանից տեղափոխվել է ՙՔանկոր՚ սիրտ-անոթային բժշկական կենտրոն, որտեղ լրացուցիչ ստուգում կանցնի: Նախնական տեղեկատվության համաձայն, նրա առողջական վիճակին ոչինչ չի սպառնում: 

Ամբողջությամբ պրոֆեսիոնալ բանակին անցնելն առաջիկա տարիներին իրատեսական չէ: Այս մասին այսօր հայտարարել է ՀՀ պաշտպանության նախարար Սայրան Օհանյանը,  Ֆիզիկական կուլտուրայի պետական ինստիտուտի ուսանողների և դասախոսական կազմի հետ հանդիպմանը:

 ՀՀ գյուղատնտեսության նախարար Սերգո Կարապետյանն այսօր աշխատանքային այցով մեկնել  է հանրապետության երեք խոշոր հավկիթ  արտադրող ընկերություններ:

ՌԴ նախագահ Վլադիմիր Պուտինը նախատեսում է դեկտեմբերի սկզբին այցելել Հայաստան, Մոսկվայում մամլո ասուլիսի ժամանակ հաղորդել է ՌԴ արտաքին քաղաքական գերատեսչության ղեկավար Սերգեյ Լավրովը:

 Արևելյան գործընկերների հետ հարաբերություններում Եվրամիությունը պետք է կենտրոնանա մարդու իրավունքների վրա և սկզբունքային մոտեցում ցուցաբերի վերջիններիս հետ հարաբերությունները խորացնելիս: Այդ մասինհայտարարել է Human Rights Watch իրավապաշտպան կազմակերպությունը:

Մաքսային միությանը Հայաստանի անդամակցությունը երկրի`ռուբլու գոտի մտնել չի ենթադրում, նոյեմբերի 18-ին հայտարարել է Հայաստանի կառավարության աշխատակազմի ղեկավար-նախարար Վաչե Գաբրիելյանը`պատասխանելով լրագրողների հարցերին: ՙՆման ենթադրություններն ուղղակի անհեթեթ են՚,- ասել է նա: 

 «Ընդդեմ կենսաթոշակային 5% պարտադիր վճարիե նախաձեռնությունը պահանջում է կենսաթոշակային կուտակային պարտադիր համակարգը հանրապետությունում ներդնելու կապակցությամբ անցկացնել հանրաքվե: Այս մասին այսօր կայացած մամուլի ասուլիսում հայտարարել է նախաձեռնության անդամ Հայկ Ավետիսյանը:

 Արցախյան պատերազմի վետերան, Թալինի ջոկատի նախկին հրամանարատար, ՙԱզգի փրկություն՚ կուսակցության առաջնորդ Սարգիս Կարապետյանը որոշել է լուծարել կուսակցությունը և պետությանը վերադարձնել իր մարտական պարգևները: Այդ մասին նա հայտարարել է այսօր կայացած մամուլի ասուլիսում:

 ՀՀ կրթության և գիտության նախարար Արմեն Աշոտյանը քննադատել է Բաց հասարակության ինստիտուտի`կրթության ոլորտին առնչվող ուսումնասիրությունը, որում, մասնավորապես, նշվում է, որ Հայաստանի կրթության ոլորտում որակի խնդիր կա:

 Այսօր ՀՀ Ազգային անվտանգության ծառայության շենքի մոտ ակցիա է տեղի ունեցել` ի պաշտպանություն ՙՑեղակրոն՚ կուսակցության առաջնորդ Շանթ Հարությունյանի, որ ձերբակալվել էր նոյեմբերի 5-ին Ազատության հրապարակում տեղի ունեցած իրադարձությունների հետ կապված: Նրանց խոսքով, իրենք տեղեկություններ ունեն, որ Հարությունյանին որոշել են տեղափոխել հոգեբուժական հիվանդանոց: 

 Հայաստանի նախագահ Սերժ Սարգսյանի ներկայությունը Ղարաբաղում անցկացված լայնամասշտաբ զորավարժություններին նշանակում է`ՙպատրաստվելով բանակցությունների` պատրաստ լինել կռվի՚, ԱրմԻնֆո-ին այդպիսի կարծիք է հայտնել ռուսաստանցի քաղաքական վերլուծաբան Սերգեյ Մարկեդոնովը `կանխատեսելով Սարգսյան-Ալիև նախատեսվող հանդիպման  արդյունքները:   

ՙՀայաստանի եւ Ադրբեջանի Նախագահների սպասվող հանդիպումից հաշված օրեր առաջ ադրբեջանական զինված ուժերը կրակ են բացում սահմանապահ բնակավայրի ուղղությամբ՝ քանիցս խախտելով հրադադարի ռեժիմը եւ համառորեն մերժելով ԵԱՀԿ ՄԽ համանախագահների՝ ԼՂ հակամարտության խաղաղ կարգավորմանն ուղղված կոչերն ու շարունակական ջանքերը՚, - հայտարարել է ՀՀ ԱԺ փոխնախագահ, ՀՀԿ մամուլի քարտուղար Էդուարդ Շարմազանովը՝ անդրադառնալով նոյեմբերի 16-ին ադրբեջանական զինված ուժերի կողմից Տավուշի մարզի Վազաշեն գյուղի ուղղությամբ ճանապարհով ընթացող քաղաքացիական մեքենաների գնդակոծությանը:

 ՙԱրմենՏել՚ ընկերությունը (ապրանքանիշը Beeline) հայտարարում  է Դիլիջան քաղաքում  3G ցանցի արդիականացման աշխատանքների ավարտի մասին: Ժամանակակից սարքավորումների տեղադրման արդյունքում 3G-ծածկույթն ընդլայնվել է գրեթե 30 քմ. կիլոմետրով, իսկ  ծածկույթի որակնը`  երեք անգամ: