Հայաստանի բնակչության 82%-ը հիմնական դաշնակից և երկրի բարեկամ է համարում Ռուսաստանին, ՙՆորավանք՚ գիտակրթական հիմնադրամում ընթացող ՙՀԱՊԿ-ը և Եվրասիայի անվտանգությունը՚  միջազգային խորհրդաժողովի ժամանակ այդպիսի կարծիք է հայտնել ՙԻնտեգրացիա և զարգացում՚ հասարակական կազմակերպության նախագահ Արամ Սաֆարյանը:

Այն տեղեկատվությունը, որ Սիրիայի պատերազմին մասնակցած ԱՊՀ երկրների գրոհայինների պատրաստությունը գլխավորում է անձամբ Ադրբեջանի նախագահի պահպանության ծառայության պետ Բեյլար Էյուբովը, լուրջ առիթ է ՀԱՊԿ մտահոգության համար: Այդպիսի կարծիք է հայտնել Հայաստանի պաշտպանության նախարարի խորհրդական Դավիթ Ջամալյանը Երևանի ՙՆորավանք՚ գիտակրթական հիմնադրամում ընթացող ՙՀԱՊԿ-ն ու Եվրասիայի անվտանգությունը՚ միջազգային խորհրդաժողովում:

 Արցախյան ազատամարտի հրամանատարները հայտարարություն են տարածել, որում հրապարակախոս Զորի Բալայանի `ՌԴ նախագահ Վլադիմիր Պուտիին ուղղված նամակը գնահատել են որպես պետական և ազգային դավաճանություն: 

 Զաքիր Հասանովին Ադրբեջանի պաշտպանության նախարար նշանակելուց հետո հայկական զինված ուժերի հետ շփման գծում սադրանքներ հաճախակի կլինեն: Մամուլի ասուլիսում այդպիսի կարծիք է հայտնել Ադրբեջանի հայերի ասամբլեայի ղեկավար, վերլուծաբան Գրիգորի Այվազյանը: Նա կարծում է, որ սադրանքներ կձեռնարկվեն, թերևս, երկրի ներսում ժամանակավոր և կարծեցյալ կայունության ապահովման նպատակով:

 Եթե Հայաստանը վերջ չտա այս կառավարությանը, ապա կառավարությունը վերջ կտա Հայաստանին: Այսպիսի գրառում է կատարել ՙՖեյսբուքի՚ իր էջում է Հայաստանի նախկին վարչապետ, ՙԱզատություն՚ կուսակցության առաջնորդ, ՀԱԿ խմբակցության պատգամավոր Հրանտ Բագրատյանը՝ մեկնաբանելով երկրի սոցիալ-տնտեսական իրավիճակի վերջին տվյալները:

  2014 թ. ապրիլի 1-ից Երևանի աղբահանման և սանմաքրման աշխատանքները կիրականացնեն երկու կազմակերպություններ` շվեդական ՙԷկո գրուպը՚ և լիբիական ՙՍանիտեկը՚, որոնք շահել են քաղաքապետարանի հայտարարած միջազգային մրցույթը: Սա քաղաքապետարանի առաջին քայլն է դեպի աղբի վերամշակման գործարանի կառուցում: 

 Անբարոյական է, երբ ներկայիս սոցիալ-տնտեսական իրավիճակում ՀՀ նախագահ Սերժ Սարգսյանի աշխատավարձը պետք է աճի 203%-ով, ներկայիս 436 հազ.դրամից մինչև 1.323 մլն.դրամ: Այս մասին այսօր խորհրդարանական ամբիոնից հայտարարել է Հայ Ազգային Կոնգրես խմբակցության պատգամավոր Նիկոլ Փաշինյանը:

 Ռուսաստանը Լեռնային Ղարաբաղի հետ կապված որևէ խնդիր չի տեսնում ՄՄ-ին Հայաստանի անդամակցման դեպքում, հոկտեմբերի 24-ին մամլո ասուլիսի ժամանակ հայտարարել է ՀՀ-ում Ռուսաստանի դեսպանատան խորհրդական-դեսպանորդ Անդրեյ Իվանովը` պատասխանելով Հայաստանի և Լեռնային Ղարաբաղի սահմանին մաքսակետ ստեղծելու հնարավորության վերաբերյալ հարցին:

 ՙԱրմենՏել՚ ՓԲԸ-ն (ապրանքանիշը Beeline) շրջակա միջավայրի պահպանմանն ուղղված գլոբալ ծրագրի շրջանակում աջակցեց Արմավիրի մարզի Դալարիկ համայնքում բարեկարգման աշխատանքներին: Ծրագիրն իրականացվում է Հայաստանի մանուկներ հիմնադրամի և Դալարիկի համայնքապետարանի հետ համատեղ՝ նպատակ ունենալով ոչ միայն դարձնել Դալարիկ համայնքն ավելի մաքուր և գեղեցիկ, այլ նաև նպաստել պատանիների ինքնագիտակցության բարձրացմանը` ամրապնդելով սերը սեփական համայնքի նկատմամբ և պատրաստակամությունն անձնական մասնակցությամբ նպաստելու համայնքի զարգացմանը:

Մաքսային միությանն անդամակցելու Հայաստանի որոշումը կարող է հանգեցնել Հայաստանի և Եվրամիության միջև առևտրաշրջանառության կրճատման, ՙՊատասխանատու ֆինանսներ՚ թեմայով համաժողովի ժամանակ նման հայտարարությամբ է հանդես եկել Հայաստանում Գերմանիայի դեսպան Ռայներ Մորելը: 

 Եվրախորհրդարանի ՙԵվրոպական բարիդրացիության քաղաքականության մասին՚ բանաձևի Լեռնային Ղարաբաղին առնչվող դրույթները բավականին հակասական են և հարուցում են որոշակի տարակուսանք, հայտարարել է Հայաստանի խորհրդարանի փոխխոսնակ Էդուարդ Շարմաազանովը ԱրմԻնֆոյի թղթակցի հետ զրույցում:

Լեռնային Ղարաբաղը չպետք է տուժի Երևանի քաղաքականությունից ԵՄ դժգոհության պատճառով, հայտարարել է Հայաստանի հանրապետական կուսակցությունից ԱԺ պատգամավոր, Հայաստան-ԵՄ միջխորհրդարանական համագործակցության հանձնաժողովի համանախագահ Սամվել Ֆարմանյանը`ԱրմԻնֆո-ի թղթակցի հետ զրույցում մեկնաբանելով Եվրախորհրդարանի ՙԵվրոպական բարիդրացիության քաղաքականության վերաբերյալ՚ բանաձևի` Լեռնային Ղարաբաղին առնչվող դրույթները: 

Կիպրոսում ընկերություն կարելի է գրանցել նաև մեռածի անունով: Այս մասին այսօր ՀՀ խորհրդարանում հայտարարել է ՀՀ վարչապետ Տիգրան Սարգսյանը, պատասխանելով ՀԱԿ խմբակցության պատգամավոր Լևոն Զուբայանի հարցին:

ՀՀ վարչապետ Տիգրան Սարգսյանը գտնում է, որ հնարավոր է Մաքսային միությանն անդամագրվելու և Եվրոինտեգրման  գործընթացների միջև հակասությունների վերացումը: Այս մաիսն վարչապետը հայտարարել է ՀՀ խորհրդարանում, կառավարոթյանը տրվող հարցերի ընթացքում:

Հոկտեմբերի 23-ին տեղի ունեցած Եվրախորհրդարանի լիագումար լիստում ընդունվել է Եվրոպական հարևանության քաղաքականության վերաբերյալ բանաձևի նախագիծը: Ինչպես հաղորդում է ԱՊԱ գործակալությունը, բանաձևի 16 հոդվածում Եվրախորհրդարանը հիշեցրել է ՙԱրևելյան գործընկերության անդամ մեկ պետության կողմից մյուսի տարածքը զավթելու մասին՚, ինչը հանդիսանում է Եվրոպական գործընկերության հիմնադիր սկզբունքների և նպատակների խախտում: Այս համատեքստում հատկապես ընդգծվել է ԼՂՀ հակամարտության կարգավորման հարցը`ելնելով ՄԱԿ-ի ԱԽ կողմից 1993 թվականին ընդունված 4-րդ բանաձևի և ԵԱՀԿ Մինսկի խմբի հիմնադիր սկզբունքներից, որոնք ընդունվել են 2009 թվականի հունիսի 10-ին Ակվիլի համատեղ հայտարարութան մեջ:

Հոկտեմբերի 23-ին Air Armenia ընկերությունն իրականացրել է Դոնի Ռոստով-Երևան առաջին չարտերային թռիչքը: Խորհրդանշական է, որ առաջին ուղևորատար չվերթով Դոնի Ռոստովից Երևան են ժամանել հարսն ու փեսան: ՙՍտեղծվում է նոր ընտանիք, և դա խորհրդանշական է մեզ համար՚,- Երևանի ՙԶվարթնոց՚ օդանավակայանում լրագրողներին ասել է Air Armenia-ի նախագահ Վահան Հարությունյանը:

ԱրմենՏել՚  ընկերությունը (ապրանքանիշը Beeline) հայտարարում  Է ՙՀաշվարկային համակարգի փոփոխում՚ ծառայության՝ կանխավճարային համակարգից դեպի  հետվճարային համակարգ անցում սակագնի փոփոխման մասին:  

Հոկտեմբերի 23-ին, ինչպես նաև 25-27-ին Երևանում սպասվում է առանց տեղումների եղանակ: Հոկտեմբերի 24-ին շրջանների զգալի մասում սպասվում են տեղումներ: ԱԻՆ հիդրոօդերևութաբանական ծառայության տվյալներով, քամին  կլինի հյուսիս-արևմտյան` 2-5 մ/վրկ:

 Բելգիայում եւ Հոլանդիայում ԱԻՄ նախագահ Պարույր Հայրիկյանին առաջարկել են հպատակություն եւ ամբողջական բուժօգնություն: Այդ մասին հոկտեմբերի 23-ին մամուլի ասուլիսում հայտարարել է Պարույր Հայրիկյանը: 

Կոտայքի մարզում գտնվող Քարաշամբ գերեզմանոցը հնագետներին շարունակում է զարմացնել հետաքրքիր գտածոներով: Այստեղ իրականացվում է միջին բրոնզե դարի գերեզմանոցի պեղումներ, որոնց ընթացքում հայտաբերվել է, մասնավորապես, արծաթե գավաթ` մարդկանց և կենդանիների պատկերներով: