Հայաստանի քաղաքացիական ավիացիայի գլխավոր վարչություն ընդունում է, որ Air Armenia ընկերության`շուկա դուրս գալուց հետո տոմսերի գները Հայաստանում նվազել են`այն ուղղություններով, որոնցով ընկերությունն սկսել է թռիչքներ իրականացնել:

ՙԱյո, ընդունում եմ, որ Հայաստանում ավիատոմսերի գների նվազումը կապված է Air Armenia ընկերության կողմից թռիչքների իրականացում սկսելուց հետո: Նրանք ճիշտ են ասում, ժամանակային կտրվածքով դա այդպես է: Երբ նրանք սկսեցին տոմսեր վաճառել դեպի Մոսկվա, գները կտրուկ նվազեցին, նույնը տեղի ունեցավ Արաբական Միացյալ Էմիրություններ ուղղությամբ՚,- ԱրմԻնֆո-ի թղթակցին ասել է ՔԱԳՎ պետ Արտյոմ Մովսեսյանը: Միաժամանակ նա նշել է, որ գների իջեցումը չի կարելի դեմփինգ համարել, քանի որ տոմսերի գներն ինքնարժեքից ցածր չեն, և ընկերությունները եկամուտներ են ստանում:

Հիշեցնենք, որ 2013 թ. դեկտեմբերին Air Armenia ընկերութան տնօրեն Արսեն Ավետիսյանն ԱրմԻնֆո-ին հարցազրույցում հայտարարել էր, որ ավիատոմսերի գների իջնելն ուղղակիորեն կապված է Air Armenia ընկերության թռիչքների, այլ ոչ թե Հայաստանի ղեկավարության կողմից «բաց երկրնքիե քաղաքականություն հայտարարելու հետ: Նրա խոսքով, այն բանից հետո, երբ Air Armenia սկսեց տոմսերի վաճառքը Երևան-Մոսկվա-Երևան ուղղությամբ, ռուսական Աէրոֆլոտ և S7 ընկերություններն իսկույն իջեցրեցին գները 40%-ով: Աննախադեպ ցածր գներ ձևավորվեցին նաև դեպ Դոնի Ռոստով, Կրասնոդար և Սոչի ուղղություններով, և կրկին այն բանից հետո, երբ Air Armenia-ն սկսեց տոմսեր վաճառել այդ ուղղություններով: Նշենք, որ Air Armenia ընկերությունն իր ուղին սկսել է 2003 թվականին` բացառապես որպես օդային բեռնափոխադրող ընկերություն, և միայն Արմավիայի սնանկացումից հետո սրընթաց կերպով մուտք գործեց օդային ուղևորափոխադրումների շուկա: Առաջին ուղևորատար չարտերային չվերթն ընկերությունն իրականացրեց հոկտեմբերի 23-ին դեպի Դոնի Ռոստով, իսկ առաջին կանոնավոր չվերթը` հոկտեմբերի 27-ին դեպի Մոսկվա: Ներկայումս ընկերությունն ունի 2 ինքնաթիռ` Boeing 737-500 և Airbus320:

Ամերիաբանկն ակտիվների գծով ամրապնդել է առաջատարի իր դիրքերը, 2013 թվականին արձանագրելով մոտ 30% աճ մինչև 315.1 մլրդ դրամ, վարկային պորտֆելի 20 տոկոսանոց աճի շնորհիվ: Ըստ բանկի հրապարակած ֆինանսական հաշվետվությունների, հաճախորդներին տրամադրվաշ վարկերի և այլ փոխատվությունների ծավալը (ներառյալ լիզինգը) 2014 թվականի հունվարի 1-ին կազմել է 1 172.6 մլրդ դրամ, որտեղ լիզինգի մասնաբաժինը կազմել է 2.7 մլրդ դրամ: Ֆակտորինգային գործարքների ծավալը 2013 թվականին աճել է ավելի քան 2 անգամ, մինչև 3.6 մլրդ.դրամ:

Հայաստանում անցկացված ընտրություններն ընդհանուր առմամբ լավ էին կազմակերպված, սակայն եղել են հաղորդումներ ընտրողների նկատմամբ ճնշումների վերաբերյալ: Այդ մասին ասվում է Human Rights Watch իրավապաշտպան կազմակերպության ամփոփիչ զեկույցում:

Զեկույցում նշվում է, որ միջազգային դիտորդները փետրվարին կայացած նախագահական ընտրությունները համարել են ՙընդհանուր առմամբ լավ կազմակերպված՚, սակայն միաժամանակ նշել են ԵԱՀԿ և Եվրախորհրդի չափանիշների ՙորոշ լուրջ խախտումներ՚, ինչպես` ընտրողներ նկատմամբ ճնշումներ, վարչական ռեսուրսի օգտագործում և իշխանական թեկնածուների վստահված անձանց միջամտություն: Նշվում է նաև, որ Երևանի ավագանու ընտրություններում դիտվել են ձայների գնման, բազմակի քվեարկության և կառավարամետ ակտիվիստների կողմից դիտորդներին ահաբեկելու դեպքեր:

Նշվում է նաև, որ 2013 թ. ընթացքում Հայաստանում դիտվել են հավաքների ազատության իրավունքի խախտման և ակտիվիստների վրա հարձակման դեպքեր: Զեկույցում հիշատակվում է ակտիվիստների վրա հարձակման մի քանի դեպքի, այդ թվում`ՙՑեղակրոն՚ կուսակցության առաջնորդ Շանթ Հարությունյանի ձերբակալման մասին: ՙՀարությունյանը հայտարարել է, որ ոստիկանությունում ֆիզիկական բռնության է ենթարկվել, սակայն որևէ հետաքննություն այդ հայտարարության առնչությամբ չի իրականացվել՚,- նշում են զեկույցի հեղինակները:

Զեկույցում ասվում է, որ Հայաստանում ձերբակալվածների նկատմամբ կտտանքներ են կիրառվում: ՙԿալանավայրերում խոշտանգումներն ու դաժան վերաբերմունքը մշտական բնույթ են կրում, իսկ Հայաստանում խոշտանգումների սահմանումը չի համապատասխանում միջազգային չափանիշներին, քանի որ չի ներառում պետական պաշտոնյաների կողմից իրականացված հանցագործությունները։ Իշխանությունները հաճախ հրաժարվում են հետաքննել խոշտանգումների մասին հաղորդումները կամ տուժածներին ստիպում են հետ վերցնել իրենց բողոքները՚,- ասվում է զեկույցում:

 Երևանի ՙԶվարթնոց՚ օդանավակայանի հին ուղևորատար տերմինալի շենքը ենթակա է քանդման, այսօր մամուլի ասուլիսի ժամանակ ասել է ՔԱԳՎ պետ Արտյոմ Մովսեսյանը:

Նրա խոսքով, կոնցեսիոների հնգամյա մաստեր-պլանն այդ շենքի պահպանում չի նախատեսում: Մինչդեռ, ավելացրել է նա, քննարկվում է վերջինիս տարածքում ճարտարապետական այգի ստեղծելու տարբերակը: Նման այգու ստեղծման գաղափարը դեռ դեկտեմբերի 26-ի կառավարության նիստում հնչեցրել է ՀՀ վարչապետ Տիգրան Սարգսյանը, երբ կառավարությունը հաստատել է ՙԶվարթնոց՚ օդանավակայանի կոնցեսիոների ներկայացրած 2013-2017թթ. մաստեր-պլանը:

Վարչապետն անդրադարձել է օդանավակայանի կլոր մասնաշենքի քանդման կոնցեսիոների առաջարկին: Մասնաշենքի պահպանումը խիստ ծախսատար է, պահանջում է 15-20 մլն դոլարի ներդրում: Բայց քանի որ մեր ճարտարապետներն այդ կառույցը համարում են սովետական շրջանի մոդեռնիստական ճարտարապետության արժեքավոր նմուշ, Տիգրան Սարգսյանը քաղաքացիական ավիացիայի գլխավոր վարչության պետի միջոցով դիմել է կոնցեսիոներին` խնդրելով հարցը նորից քննարկել: Վարչապետը ողջամիտ է համարել այդ տարածքում այգի հիմնելու առաջարկը. այգում կարող են տեղադրվել ճարտարապետական հետաքրքիր լուծում ունեցող այլ կոթողներ ևս, որոնք գրավիչ կլինեն զբոսաշրջիկների համար:

Արդշինինվեստբանկը 2014 թվականի հունվարի 1-ի դրությամբ վերականգնել է կուտակված շահույթի գծով առաջատարի իր դիրքերը, արձանագրելով 22.5 մլրդ դրամ ծավալ, տարեկան աճը` 38,9 %: Ըստ բանկի կողմից հրապարակված ֆինանսական հաշվետվությունների, դա բանկին հնարավոր է տվել ընդհանուր կապիտալը մեծացնել 23.5%, մինչև 44,2 մլրդ դրամ և երրորդ տեղից բարձրանալ երկրորդ տեղ:

Հունվարի 29-31-ը Երևանում կկազմակերպվի ՙԵվրասիական ԶԼՄ–ներ. առաջխաղացման տեխնոլոգիաներ և կոնտենտի ձևավորում՚ երիտասարդ լրագրողների դպրոց:

Գործազրկության նպաստի վերացումը ճիշտ միջոց էր գործազրկության դեմ պայքարելու համար: Այսօր կայացած մամուլի ասուլիսում նման կարծիք է արտահայտել ՀՀ աշխատանքի և սոցիալական հարցերի նախարար Աարտեմ Ասատրյանը:

 Սիրիայի նախագահ Բաշար Ասադը Թուրքիային մեղադրել է ահաբեկիչների միջոցով Սիրիայի քրիտոնյա բնակչությանը ոչնչացնելու մեջ:

. Ես կհպարտանայի, եթե համարվեի երկրում իրականացվող կենսաթոշակային բարեփոխումների «կնքահայրը»: Այսօր կայացած մամուլի ասուլիսում նման հայտարարությամբ է հանդես եկել ՀՀ աշխատանքի և սոցիալական հարցերի նախարար Աարտեմ Ասատրյանը:

 «2014 թվականի մարտին «ԱրմենՏելի» հաճախորդների համար հասանելի կլինի հավելվածը, որը հնարավորություն կընձեռի մեկ սեղմումով կառավարել ընկերության այնպիսի ծառայություններ, ինչպիսիք են, օրինակ. հաշվեկշռի ստուգումը, սակագնի փոփոխությունը, ռոումինգի միացում/անջատումը և այլն», - հաղորդել է «ԱրմենՏելի» գլխավոր տնօրեն Անդրեյ Պյատախինը նախօրեին կայացած գործնական սեմինարի ընթացքում:

 ԱԺ ՀԱԿ խմբակցության պատգամավոր, Հայաստանի նախկին վարչապետ Հրանտ Բագրատյանը facebook-ի իր էջում գրառում է կատարել պարտադիր կուտակային կենսաթոշակային համակարգի վերաբերյալ:

Հայաստանից «Եվրատեսիլ 2014» մրցույթի մասնակից Արամ Mp3-ն ելույթ կունենա մայիսի 6-ին Կոպենհագենում` առաջին կիսաեզրափակիչ փուլի առաջին մասում:

2014 թվականի հունվարի 1-ից Ռուսաստանի հետ առանց վիզային ռեժիմի պետությունների, այդ թվում՝ Հայաստանի քաղաքացիները կարող են այդ երկրի տարածքում մնալ իննսուն օրերի ընթացքում՝ յուրաքանչյուր 180 օրը մեկ:

ունվարի 18-ից 19-ը Ծաղկաձորում տեղի ունեցավ ՙMobile Developer Day՚ խորագրով գործնական համաժողովն, որը կազմակերպվել էր ՙՏեխնոլոգիական Զարգացման Կենտրոն՚ հիմնադրամի կողմից՝ ՙԱրմենՏել՚ ընկերության (ապրանքանիշը՝ Beeline) աջակցությամբ։ Համաժողովին, որը նվիրված էր տեղական բջջային բովանդակության զարգացմանը և ձևավորմանը, մասնակցեցին բջջային բովանդակության առաջատար մշակող–ծրագրավորողներ, լրագրողներ և բիզնեսի ներկայացուցիչներ։

 Արդշինինվեստբանկը զգալիորեն ակտիվացրել է ֆինանսական ինստիտուտներից միջազգային ներգրավումները, որոնց ընդհանուր ծավալը 2013 թ. կազմել է $19.5 մլն և 3.4 մլն եվրո: Ինչպես ԱրմԻնֆո-ին հաղորդել են բանկի մամլո ծառայությունից, World Business Capital-ից (WBC) հաշվետու տարում ներգրավվել է $ 10.0 մլն, Asian Development Bank- (ADB)` $ 6.0 մլն, Atlantic Forfaitierungs-ից` 2.9 մլն եվրո, Citibank-ից` $ 2.3 մլն,Ռոսսելխոզբանկ-ից` $ 1.2 մլն, Landesbank-ից` 0.5 մլն եվրո: 

 Արցախի և Ադրբեջանի զինված ուժերի շփման գծում ադրբեջանական դիվերսիան Բաքվի հակահայկական քաղաքականության հետևանքն է, այսօր հայտարարել է ՀՀ ԱԺ փոխխոսնակ Էդուարդ Շարմազանովը

Հունվարի 27-ին ՙԱրամ Խաչատրյան՚ համերգասրահում Հայաստանի պետական երիտասարդական նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ, հանդես կգա համերգային ծրագրով՝ նվիրված Միքայել Թարիվերդիևին։ 

Ավարտվել է զինված ուժերի N զորամասում շարքային Վանիչկա Հովակիմյանի մահվան փաստի առթիվ նշանակված ծառայողական քննությունը, որի արդյունքում պատասխանատվության կենթարկվի 5 սպա:

Հունվարի 20-ին Երևանում տեղի ունեցավ Հայաստանի և Արցախի արտաքին գործերի նախարարներ Էդվարդ Նալբանդյանի և Կարեն Միրզոյանի հանդիպումը։ 

 Հունվարի 19-ի լույս 20-ի գիշերը ժամը 23:50-ից մինչև 00:15-ի սահմաններում ղարաբաղա-ադրբեջանական հակամարտ զորքերի շփման գծի հյուսիսարևելյան (Ջրաբերդ) և հարավարևելյան (Կորգան) ուղղություններում արձանագրվել են հակառակորդի դիվերսիոն խմբերի ներթափանցման միաժամանակյա փորձեր: Ինչպես տեղեկացնում է ԼՂՀ ՊՆ մամուլի ծառայությունը, ԼՂՀ զինված ուժերի առաջապահ ստորաբաժանումները հավաստանշելով ադրբեջանական դիվերսիոն խմբերի գործողությունները, երկու ուղղություններում էլ անցել են կազմակերպված պաշտպանության և հակառակորդին պատճառելով զգալի մարդկային և նյութական կորուստ՝ հետ շպրտել իր ելման դիրքերը: Բռնկված փոխհրաձգության արդյունքում հակառակորդի կողմից ստացած հրազենային վիրավորումից՝ հյուսիսարևելյան ուղղությամբ տեղակայված մարտական դիրքում իր առջև դրված մարտական խնդիրը արիաբար կատարելու ժամանակ զոհվել է կրտսեր սերժանտ Արմեն Լևոնի Հովհաննիսյանը::