ՙՎճարում ենք 100 դրամ՚ շարժման ակտիվիստների դեմ հուլիսի 29-ի լույս 30-ի գիշերը քաղաքապետարանը գործի է դրել ճանապարհային ոստիկանությանը, ԱրմԻնֆո-ի թղթակցի հետ զրույցում հաղորդել է ակտիվիստ Գոռ Առաքելյանը:

 ՙԱրմավիա՚ ընկերությունը կասեցրել է անվճարունակության ընթացակարգը: Այս մասին ԱրմԻնֆո գործակալության թղթակցին տեղեկացվել է ընկերությունից:

 ՙՀայրիկյանի գործով՚ պետական մեղադրող Արամ Ամիրզադյանն այսօրվա դատական նիստում պահանջել է ՀՀ նախագահի նախկին թեկնածու Վարդան Սեդրակյանին դատապարտել 12 տարվա ազատազրկման, ով մեղադրվում է ԱԻՄ կուսակցության առաջնորդ Պարույր Հայրիկյանի դեմ մահափորձ  ՙպատվիրելու՚ մեջ: Մահափորձը կազմակերպելու մեջ մեղադրվող Սամվել Հարությունյանի համար դատախազը պահանջեց 13 տարվա ազատազրկում, իսկ մահափորձի անմիջական կատարման մեջ մեղադրվող Խաչիկ Պողոսյանի համար` 14 տարվա ազատազրկում:

Փաստաբան Ռուբեն Մարգարյանը, ով իրականացնում է Մոսկվայում տեղի ունեցած ավտովթարից հետո ՌԴ Քրեական օրենսգրքի  264 հոդվածի 4-րդ մասով մեղադրվող և այժմ ՙՄատրոսկայա տիշինա՚ մեկուսարանում գտնվող Հրաչյա Հարությունյանի պաշտպանությունը այսօր Երևանում հանդիպել է Մարդու իրավունքների պաշտպան Կարեն Անդրեասյանի հետ:  

Ակնկալվող բարեփոխումները, թերևս, տեսանելի կլինեն միայն այն ժամանակ, երբ ոստիկանությունը կսկսի բերման ենթարկել մեր քաղաքի հայտնի պոռնիկներին, այլ ոչ թե հանրային կենսական նշանակության շահեր պաշտպանող քաղաքացիական ակտիվիստներին: Այդ մասին ասվում է ՀՀ նախագահի նախկին թեկնածու Անդրիաս Ղուկասյանի` ՀՀ ոստիկանապետ Վլադիմիր Գասպարյանին ուղղված նամակում: 

Երևանի քաղաքապետարանի դիմաց նստացույցը շարունակող ակտիվիստները մտափոխվել են քաղաքապետարանի մոտ գորգեր լվանալու հարցում:

Անհրաժեշտ է հասկանալ, թե ինչ է Հայաստանն արտաքին աշխարհի համար`անկախ պետություն, թե՞ որոշակի տարածք վերջինիս շահերի իրացման համար: Այդ մասին հուլիսի 29-ին մամլո ասուլիսի ժամանակ հայտարարել է ՙՂարաբաղ՚ կոմիտեի անդամ Աշոտ Մանուչարյանը:

 2013 թ. հուլիսի 28-ին Քարակերտ-Արտենի ուղեմասի 2803-րդ կիլոմետրին բեռնատար գնացքը բախվել է խոշոր եղջերավոր կենդանիների:  22 վագոնից շարժակազմը՝ 1738 տոննա ընհանուր քաշով, վրաերթել է 6 կով: Բախման արդյունքում վնասվել է էլեկտաքարշը, որի վերանորոգման համար գնացքը մոտ 1 ժամ կանգնել է Քարակերտ կայարանում: 

Երևանում բացվել է թեթև արդյունաբերական արտադրանքի ՙՊատրաստված է Հայաստանում՚ առաջին մասնագիտացված խանութը, ասվում է Հայաստանի արդյունաբերողների և գործարարների (գործատուների) միության հաղորդագրությունում:  ՙՀայաստանի արդյունաբերողների և գործարարների (գործատուների) միությունը հատկապես վերջին տարիներին նպատակամիտված քայլեր է կատարում մասնավորապես թեթև արդյունաբերության ոլորտը անորոշ ու երկար որոնումային թմբիրից դուրս բերելու և  հայրենական արտադրողներին զորակցելու ուղղությամբ։  

 Ռուսաստանի Ստավրոպոլի երկրամասի Գեորգևսկի շրջանի Լիսոգոր գյուղում դիմակավորված հանցագործը ներխուժել է գործարար Խաչատուր Ղազարյանի տուն և կրակ բացել նրա ընտանիքի անդամների վրա:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 410 դրամ, ԵՎՐՈ-ի առքի առավելագույն գինը`543 դրամ, իսկ ռուսական ռուբլու առքի գինը`12,5 դրամ: ԱՄՆ դոլարի վաճառքի առավելագույն գինը կազմել է 411,5 դրամ, ԵՎՐՈ-ի վաճառքի գինը` 548,5 դրամ, իսկ ռուսական ռուբլու վաճառքի գինը`12,5 դրամ:

 ՙԹրանսփերենսի ինթերնեշնլ հակակոռուպցիոն կենտրոնը՚ դիմել է Բարձրաստիճան պաշտոնատար անձանց էթիկայի հանձնաժողով: Ինչպես հաղորդում է ՙԱզատություն՚ ռադիոկայանը, ՙԹրանսփերենսի ինթերնեշնլ հակակոռուպցիոն կենտրոնի՚ գործադիր տնօրեն Վարուժան Հոկտանյանը Բաղրամյան 26 հասցեում գործող Բարձրաստիճան պաշտոնատար անձանց էթիկայի հանձնաժողովի նախագահ Էմիլ Բաբայանին հասցեագրած դիմումով խնդրել է պարզել՝ ՙներքաղաքային փոխադրավարձը բաձրացնելիս քաղաքապետ Տարոն Մագարյանը գտնվե՞լ է արդյոք շահերի բախման իրավիճակում կամ եղե՞լ է նման ռիսկ՚:

Ոստիկանության Կենտրոնական բաժնի պետին պաշտոնից ազատելը համակարգում մշտապես իրականացվող կադրային փոփոխությունների շրջանակում է և որևէ առնչություն չունի ոԲչ բողոքի ակցիաների, ոԲչ էլ ակտիվիստներին բաժին տանելու հետ, ասվում է ՀՀ ոստիկանության`ԱրմԻնֆո ստացված հաղորդագրության մեջ: 

 Ընթացիկ տարվա առաջին կիսամյակի արդյունքներով Հայաստանի խոշոր հարկատուների ցուցակը գլխավորում են ՙՀայռուսգազարդ՚, ՙԶանգեզուրի պղնձամոլիբդենային կոմբինատ՚ և ՙՂ-Տելեկոմ՚ (ապրանքային նշանը` Վիվասել-ՄՏՍ) ընկերությունները: Ցուցակը հրապարակվել է ՀՀ կառավարությանն առընթեր պետական եկամուտների կոմիտեի կողմից:  

Հաշվետու ամիսներին ՙՀայռուսգազարդ՚-ը պետական բյուջե է վճարել 19,4 մլրդ ՀՀ դրամ, ՙԶանգեզուրի պղնձամոլիբդենային կոմբինատ՚-ը՝ 12.8 մլրդ ՀՀ դրամ, իսկ ՙՂ-Տելեկոմ՚ ընկերությունը՝ 11,2 մլրդ ՀՀ դրամ: Չորրորդ տեղն զբաղեցրել է ՙԱրմենՏել՚ ընկերությունը`բյուջե վճարելով 7,5 մլրդ դրամ: Հինգերորդ տեղում է ՙԱլեքս Գրիգ՚  ընկերությունը, որը պետբյուջե է վճարել 6,7 մլրդ ՀՀ դրամ:

Հարկ է նշել, որ 2012 թ. բյուջե վճարած հարկերի գումարով առաջատար էր ՙԶանգեզուրի պղնձամոլիբդենային կոմբինատը՚, իսկ ՙՀայռուսգազարդ՚ ՓԲԸ-ն զբաղեցնում էր երկրորդ տեղը:  ՙՂ-Տելեկոմը՚ պահպանել է երրորդ տեղը ցուցակում, իսկ ահա ՙԱրմենտելը՚ հինգերորդ տեղից բարձրացել է չորրորդ տեղը, մինչդեռ ՙԱլեքս Գրիգը՚ մեկ դիրքով իջել է: 
Հատկանշական է, որ առաջատարների հնգյակին մոտեցել է ՙԳեոՊրոՄայնինգ Գոլդ՚ ընկրությունը`զբաղեցնելով յոթերորդ տեղը և բյուջե վճարելով 5,4 մլրդ դրամ գումարի հարկ: Վեցերորդ տեղում է ՙՖլեշ՚ ընկերությունը`5,6 մլրդ դրամ վճարելով պետբյուջե: ՙՀայաստանի էլեկտրական ցանցեր՚ ընկերությունը ութերորդն է`վճարելով 4,6 մլրդ դրամ:

 Երևանի քաղաքապետարանի շենքի մոտ մի քանի օր շարունակ նստացույց անցկացնող երիտասարդ ակտիվիստները մայրաքաղաքի իշխանություններից պահանջում են դադարեցնել շենքի շրջակա տարածքի ջրումը, քանի որ նման գործողությունները խոչընդոտում են բողոքի ակցիայի անցկացմանը`խախտելով իրենց սամանադրական իրավունքը: Նրանք պահանջում են նաև գիշերները չանջատել քաղաքապետարանի դիմացի լույսերը:

Հալեպից Երևան ուղևորված ավտոբուսից այսօր 5 հայ տղամարդ է առևանգվել։ Ինչպես հաղորդում է yerkirmedia.am կայքը, դեպքը տեղի է ունեցել Թուրքիայի հետ սահմանի մոտ։ Ուղևորների թվում եղել են նաև կանայք, որոնց ահաբեկիչներն ազատ են արձակել, իսկ տղամարդկանց գտնվելու վայրն անհայտ է։

ՙՉենք վճարելու 150 դրամ՚ շարժման մասնակիցները կեսօրից շարունակում են բողոքի ակցիան Երևանի քաղաքապետարանի շենքի դիմաց և մտադիր չեն դադարեցնել պիկետը, քանի դեռ իրենց պահանջները չեն կատարվել:

Նախօրեին կառավարությանը Երևանի քաղաքապետ Տարոն Մարգարյանի ներկայացրած, այսպես կոչված, ՙգաղտնի հարց՚ քննարկելու նախաձեռնությունն ընդհանուր ոչինչ չուներ վերջին ժամանակներս հասարակական տրանսպորտի ուղեվարձերի ժամանակավոր բարձրացման առնչությամբ ստեղծված իրավիճակի հետ:

Ինչպես ԱրմԻնֆո գործակալությանը հաղորդել են կառավարության մամուլի ծառայությունում, ՙգաղտնի հարցը՚ չէր առնչվում հասարակական տրանսպորտի ուղեվարձերի բարձրացմանն ու դրա հետևանքներին: Կառավարությունում հրաժարվել են հաղորդել այլ մանրամասններ:

Ինչպես ԱրմԻնֆոյին հաղորդել են ՀՀԿ աղբյուրները, իրականում Տարոն Մարգարյանի ներկայացրած ՙգաղտնի հարցն՚ առնչվում էր նրա հնարավոր հրաժարականին, սակայն կառավարությունում այդ հարցը մերժել են:

Նշենք, որ կառավարության նիստին, այսպես կոչված, ՙգաղտնի հարցեր՚ ներկայացնելու ընթացակարգ շատ հազվադեպ է կիրառվում, և այն ենթադրում է հարցի քննարկման լիակատար գաղտնիություն:

Երևանի քաղաքապետարանում գտնվող ԱրմԻնֆո-ի աղբյուրները հերքում են մամուլում տարածված լուրերն այն մասին, քաղաքապետարանի բոլոր վարչությունների ղեկավարները հրաժարական են տվել:

 Ս.թ. հուլիսի 25-ին տեղի ունեցավ ՎՏԲ-Հայաստան Բանկի` ժամանակակից լուծումներով և հաճախորդների հարմարավետ սպասարկման նպատակով  վերանորոգված 2 մասնաճյուղերի բացման հանդիսավոր արարողությունը` “Ախուրյան” մասնաճյուղ` ք. Ախուրյան, Շրջկենտրոն, “Թալին” մասնաճյուղ` ք. Թալին, Շահումյան 1 հասցեներով: