Վաշինգտոնը չի մեկնաբանում Լեռնային Ղարաբաղում ադրբեջանցի դիվերսանտների նկատմամբ դատավարությունը: Այդ մասին հայտարարել է Պետդեպարտամենտի մամուլի խոսնակ Ջեն Փսակին հոկտեմբերի 28–ին ճեպազրույցի ժամանակ:

Հայաստանում Ուկրաինայի դեսպան Իվան Կուխտան հերքել է Երևան-Սիմֆերոպոլ ուղիղ չվերթի բացման մասին լուրը: Այդ մասին նա հայտարարել է այսօր մամուլի ասուլիսի ժամանակ:

 Թուրքիան Մեծ Բրիտանիայի արժեքավոր գործընկերն է ՆԱՏՕ-ի շրջանակներում, Երևանում մամուլի ասուլիսի ժամանակ հայտարարել է Հայաստանում Մեծ Բրիտանիայի դռսպան Քեթրին Լիչը`մեկնաբանելով Թուրքիայի քաղաքականությունը Հայոց ցեղասպանության ճանաչման հարցում: ՙ

Ազգային ժողովում բյուջետային լսումների ընթացքում ՙԺառանգությունից՚ պատգամավոր Զարուհի Փոստանջյանը համոզմունք է հայտնել, որ հաջորդ տարի Հայաստանում արտահերթ խորհրդարանական և նախագահական ընտրություններ են սպասվում, ինչի առնչությամբ ԿԸՀ ղեկավար Տիգրան Մուկուչյանից հետաքրքրվել է, թե որքան գումար է նախատեսված բյուջեով 2015 թ. արտահերթ ընտրական  գործընթացների կազմակերպման համար:

 Եվրոպան կշարունակի Հայաստանի հետ համագործակցությունը, այսօր մամուլի ասուլիսի ժամանակ  հայտարարել է Հայաստանում Գերմանիայի դեսպան Ռայներ Մորելը:
'ՙԴժվար է պատասխանել նաև այն հարցին, թե արդյոք նոր ինտեգրացիոն միությունը տնտեսապես ավելի շահավետ կլինի. պետք է սպասել ու տեսնել: Ամեն դեպքում  Եվրոպան կշարունակի Հայաստանի հետ համագործակցությունը՚,- ընդգծել է Մորելը:
ՙԿարծում եմ, որ ստեղծված իրավիճակում գյուղատնտեսական ոլորտում Հայաստանի համար կարող են նոր հեռանկարներ բացվել ռուսական շուկայում՚,- նշել է դիվանագետը: Նա ավելացրել է, որ պատժամիջոցներն ուղղված չեն ռուս ժողովրդի դեմ, դրանք Ուկրաինայում ճգնաժամի խաղաղ կարգավորումն ապահովելու նպատակ են հետապնդում: -լ-

ՀՀ կառավարությունը պատրաստ է աշխատել քաղաքական ուժերի, այդ թվում`ընդդիմության հետ: Ավելին, համատեղ աշխատանք տեղի է ունենում օրենսդիր մարմնում, դա ակնհայտ է: Այդ մասին լրագրողներին հայտարարել է կառավարության աշխատակազմի ղեկավար-նախարար, ՀՀԿ անդամ Դավիթ Հարությունյանը:

 ՙՀայկական ժամանակ՚ թերթը գրում է. ՙԲՀԿ-ական մեր աղբյուրները հայտնում են, որ ՀԱԿ կուսակցության լիդերները հոկտեմբերի 24-ի հանրահավաքից առաջ ԲՀԿ նախագահ Գագիկ Ծառուկյանին փորձել են համոզել, որ հանրահավաքից հետո նստացույց սկսեն: Ծառուկյանը, սակայն, կտրականապես դեմ է արտահայտվել այդ գաղափարին: Նստացույցին կողմ է եղել նաև ՙԺառանգությունը՚: 

Փարիզում Սարգսյան-Ալիև հանդիպումը կարելի է բնորոշել որպես օգտակար, անկեղծ և կառուցողական, Ֆրանսիայի, Հայաստանի և Ադրբեջանի նախագահների Փարիզում հոկտեմբերի 27-ին կայացած հանդիպումից հետո լրագրողների հետ զրույցում ասել է ԱԳ նախարար Էդվարդ Նալբանդյանը: 

 Բոլոր այն խոսակցությունները, որ Ռուսաստանի իշխանությունները ԵՎրասիական տնտեսական միության ստեղծումով ցանկանում են վերականգնել ԽՍՀՄ-ը, անհիմն են: Այսօր Ռուսաստանում հիմարներ չկան: Այսօր Երևանում Հայաստանի Քաղաքագետների ասոցիացիայի կողմից կազմակերպված տեսակոնֆերանսի ընթացքում նման կարծիք է արտահայտել Նյու-Յորքի Ժողորդավարության և համագործակցության ինստիտուտի տնօրեն Անդրանիկ Միհրանյանը:

2015 թ. պետբյուջեի նախագծի խորհրդարանական քննարկումների ժամանակ ՙԺառանգությունից՚ պատգամավոր Զարուհի Փոստանջյանը ֆինանսների փոխնախարար Պավել Սաֆարյանից հետաքրքրվել է Եվրասիական տնտեսական միությանը ՀՀ անդամակցման հնարավոր հետևանքների մասին: 

 Beeline-ը Մանկական զարգացման հիմնադրամի հետ համատեղ հայտարարում են Արարատի մարզի Այնթափ համայնքի մանկապարտեզում և Նոր Խարբերդի թիվ 2-րդ դպրոցում «Beeline երեխաների զարգացման անկյունների» բացման մասին:

ՎիվաՍել-ՄՏՍ-ը շարունակում է անակնկալ մատուցել «Խոսում է քաղաքը» և «Անձնական» սակագնային պլանների «Հատուկ» փաթեթի ակտիվ բաժանորդներին: Հիշեցնենք, որ տարեսկզբին հայտարարված «365» խաղարկությունն իրականացվում է  «մեկական սմարթֆոն` յուրաքանչյուր օրվա համար» սկզբունքով:

Orange-ի բոլոր խանութներում հեռախոսների վերանորոգման ծառայություն մատուցելուց, ինչպես նաև հեռախոսասարքերի վերանորոգման կարգավիճակը ցանկացած պահին առցանց ստուգելու հնարավորությունից բացի՝ Orange-ն այժմ Հյուսիսային պողոտա 1 հասցեում տեղակայված իր խանութում տրամադրում է  հեռախոսների, պլանշետների և ինտերնետ մոդեմների արագ վերանորոգման և վերանորոգված սարքավորումների առաքման ծառայություններ: Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, առանձին դեպքերում գործում է «Վերանորոգում հաճախորդի ներկայությամբ» ծառայությունը:

Երեւանում ներկայացվել է «Հայաստանի եւ ԵՄ միջեւ վիզային ռեժիմի ազատականացման շուրջ համաձայնագրի» դիտարկման հաշվետվությունը:

 Անհնար է փոխզիջումների մասին խոսել Բաքվի կողմից «զենք ճոճելու» պայմաններում: Լրագրողների հետ զրույցում այդ մասին հայտարարել է ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:

Հայաստանում բնակվող Ուկրաինայի 354 քաղաքացիներ հայտ էին ներկայացրել մասնակցելու Ուկրաինայի Գերագույն ռադայի ընտրություններին, քվեարկել է 102 մարդ: Այդ մասին հայտարարել է Հայաստանում Ուկրաինայի դեպսան Իվան Կուխտան ԱրմԻնֆո-ի թղթակցի հետ զրույցում:

Երևանը նշում է Անիմացիայի միջազգային օրը: Վերջինիս համար յուրօրինակ հարթակ է հանդիսացել ReAnimania անիմացիոն ֆիլմերի VI միջազգային փառատոնը: Այսօր փառատոնի շրջանակներում կարելի է, մասնավորապես, տեսնել 2009-2013 թթ. նկարահանված հայկական լավագույն մուլտֆիլմերը, ինչպես նաև 2012 թ. ՙՕսկար՚ մրցանակի առաջադրված ՙՓարիզցի կատու՚ ֆրանսիական մուլտֆիլմը: 

Ինչպես այսօր մամուլի ասուլիսի ժամանակ նշել է ReAnimania-ի տնօրեն Վրեժ Քասունին, Անիմացիայի միջազգային օրը նաև այդ ոլորտում կարևոր խնդիրների մասին բարձրաձայնելու լավ առիթ է: Հայաստանի համար դա որակյալ կադրերի պակասն է, ինչպես նաև անիմացիայի ոլորտում պետական միջոցների բաշխման հարցերը:

Touch FX անիմացիոն ստուդիայի տնօրեն Վահե Սարգսյանն ընդգծել է, որ Հայաստանում մուլտիպլիկացիայի զարգացման մեծ ներուժ կա: ՙՄենք ունենք մեր ավանդույթները, մեր պատմությունը, և դրա վրա կարելի է ու հարկավոր է հենվել՚,- ասել է նա: ՙՄենք պետք է արտադրանք տանք, որը կարող է հետաքրքիր լինել աշխարհին: Կարծում եմ, որ հետաքրքրություն կարող են առաջացնել Հայաստանի պատմության վրա հիմնված ֆիլմերը՚,- նշել է Սարգսյանը:

ReAnimania անիմացիոն ֆիլմերի VI միջազգային փառատոնը մեկնարկել է հոկտեմբերի 25-ին:

 2014թ. հոկտեմբերի 19-ին հայաստանյան տեղեկատվական կայքերում տարածվել է հրապարակում այն մասին, որ նույն օրը` ժամը 19:45-ի սահմաներում, Երևանի Սայաթ-Նովա փողոցի Ֆրանսիական հրապարակին հարող հատվածում ոստիկանության ծառայողները կանգնեցրել են ՙՆախախորհրդարանի՚ քարտուղարության անդամ, ԱՍԱԼԱ-ի վետերան Ալեք Ենիգոմշյանի հարևան Վահրամ Գաբրիելյանի վարած ավտոմեքենան և քաշելով մեքենայից դուրս բերել Ալեք Ենիգոմշյանին: Չնայած այն հանգամանքին, որ վերջինս մի քանի անգամ կրկնել է, որ կույր է և չի տեսնում, ոստիկանության ծառայողները նույն ավտոմեքենայով վարորդի հետ մեկնել են` Ալեք Ենիգոմշյանին թողնելով փողոցի բանուկ հատվածում` վտանգի մեջ:

Դեպքի առթիվ ՀՀ հատուկ քննչական ծառայությունում` ՀՀ քրեական օրենսգրքի 128-րդ հոդվածի 2-րդ և 309-րդ հոդվածի 1-ին մասերով հարուցվել է քրեական գործ:Կատարվում է նախաքննություն:

 Փարիզի Մարինյի պալատում ավարտվել են Ֆրանսիայի Նախագահ Ֆրանսուա Օլանդի նախաձեռնությամբ հոկտեմբերի 27-ին ԼՂ հիմնահարցի կարգավորմանն ուղղված բանակցությունները: 

Ինչպես տեղեկացնում է ՀՀ նախագահի մամուլի գրասենյակը, Ֆրանսիայի նախագահի հետ առավոտյան կայացած առանձնազրույցներից հետո Հայաստանի և Ադրբեջանի նախագահները բանակցություններ են վարել ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցիչ Անջեյ Կասպրշիկի մասնակցությամբ, ապա տեղի է ունեցել Սերժ Սարգսյանի և Իլհամ Ալիևի առանձնազրույցը: Բանակցությունների արդյունքներն ուշ երեկոյան ամփոփվել են նախագահներ Ֆրանսուա Օլանդի, Սերժ Սարգսյանի, Իլհամ Ալիևի և ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ջեյմս Ուորլիքի (ԱՄՆ), Պիեռ Անդիոյի (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկի համատեղ հանդիպման ժամանակ: Խաղաղ բանակցություններում առաջընթաց արձանագրելու համար հանդիպման մասնակիցները կարևորել են ԵԱՀԿ Մինսկի խմբի համանախագահության շրջանակներում երկխոսության շարունակումը և վստահության ամրապնդման ուղղությամբ ջանքերը: Ընդգծվել է հակամարտության խաղաղ կարգավորման այլընտրանքի բացակայությունը: Պայմանավորվածություն է ձեռք բերվել կողմերի միջև շարունակել բարձր մակարդակի բանակցությունները:

Ֆրանսիայի նախագահի պաշտոնական կայքն իր հերթին հայտնում է, որ Հայաստանի և Ադրբեջանի առաջնորդների հետ հանդիպման ընթացքում Օլանդը նշել է, որ ղարաբաղյան հակամարտության գոտում ներկայիս ստատուս-քվոն հուսալի չէ: Նա երկու երկրների ղեկավարներին կոչ է արել քաղաքական կամք ցուցաբերել, մի կողմ թողնել հակասությունները և հայկական ու ադրբեջանական հասարակություններին նախապատրաստել ղարաբաղյան խնդրի կարգավորման վերաբերյալ խաղաղության մեծ համաձայնագրի ստորագրմանը:

Իրանական Մեհրաբադի օդանավակայանում արտակարգ վայրէջք է կատարել Թեհրան-Երևան չվերթն իրականացնող ինքնաթիռը: