«Ամուլսարի» հանքավայրից ոսկու արտահանման տարեկան ներուժը «Գեոթիմ» ընկերության կողմից գնահատվում է 200-250 մլն.դոլար: Այս մասին լրագրողներին հայտարարել է ՀՀ էկոնոմիկայի նախարար Կարեն Ճշմարիտյանը:

Արդյունագործական ճնշման մեծացումը կարող է կրկին վատթարացնել իրավիճակը Սևանում, ԱրմԻնֆո-ին այդպիսի կարծիք է հայտնել ՀՀ ԳԱԱ Կենդանաբանության եւ հիդրոէկոլոգիայի գիտական կենտրոնի տնօրեն Բարդուխ Գաբրիելյանը:

Երևանի Կարեն Դեմիրճյանի անվան մարզահամերգային համալիրը հանվել է աճուրդի 19,350 մլրդ դրամ ($46,8 մլն) մեկնարկային գնով: Հայտերի ներկայացման ժամկետը լրանում է մայիսի 29-ին:Այս մասին տեղեկանում ենք ՀՀ ԱՆ Դատական ակտերի հարկադիր կատարման ծառայության կայքից։

 Արթուր Ջավադյանը 6 տարով վերընտրվեց ՀՀ Կենտրոնական բանկի նախագահի պաշտոնում: ՀՀ խորհրդարանում  կայացած քվեարկությունից հետո ԱԺ Հաշվիչ հանձնաժողովի նախագահ Սուքիաս Ավետիսյանը հայտարարել է, որ քվեարկությանը մասնակցել է 79 պատգամավոր, իսկ Ջավադյանի օգտին է քվեարկել է 77 խորհրդարանական:

 Երևանում Միկոյանի արձանի տեղադրումը մեր հասարակության ուշադրությունը կարևոր խնդիրներից շեղելու հերթական փորձ է, ԱրմԻնֆո-ին այդպիսի կարծիք է հայտնել ՀԱԿ կուսակցության վարչության անդամ, հասարակական գործիչ, հայտնի բժիշկ Վահան Վարդապետյանը` մեկնաբանելով խորհրդային հայտնի քաղաքական գործչի արձանը կանգնեցնելու նախաձեռնությունը: 

 Գոյություն ունեցող ընտրական համակարգի պարագայում Հայաստանում ընտրութունների միջոցով իշխանափոխությունն անհնար է դառնում, այսօր խորհրդարանում հայտարարել է ՀՅԴ խմբակցության ղեկավար Արմեն Ռուստամյանը:

 Հայաստանը գրավիչ երկիր չէ ներդրումային տեսակետից, լրագրողների հետ զրույցում հայտարարել է ՀՀ ֆինանսների նախարար Գագիկ Խաչատրյանը:

Կոնվերս Բանկում մեկնարկել է «Ապագայի թիմ» ուսումնական ծրագիրը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ծրագրի շրջանակներում 25 եռանդուն երիտասարդներ, ովքեր հաղթահարել են նախընտրական փուլերը, մասնակից են դարձել Կոնվերս Բանկի առաջատար մասնագետների կողմից մշակված հատուկ 1,5 ամիս տևողությամբ դասընթացներին: 

Ըստ ՀՀ Կենտրոնական բանկի տվյալների, վերջին 6 տարիներին Հայաստանից ոչ պաշտոնական ճանապարհով արտահանվել է 6 մլրդ.դոլար: Այս մասին այսօր ՀՀ խորհրդարանում հայտարարել է ՀԱԿ խմբակցությնա ղեկավար Լևոն Զուրաբյանը, հարցն ուղղելով ՀՀ ԿԲ նախագահ Արթուր Ջավադյանին, նրա վերընտրման կապակցությամբ:

  Մարզահամերգային համալիրի շենքի աճուրդով վաճառքը պոտենցիալ ռիսկեր չի կրում, հայտարարել է Հայաստանի ճարտարապետների միության ղեկավար «Մկրտիչ Մինասյանը ԱրմԻնֆո-ի թղթակցի հետ զրույցում:

Հայաստանին չի հաջողվել նախատեսված ժամկետում Ռուսաստանից վարկ ներգրավել ԱԷԿ ծառայության ժամկետը երկարաձգելու համար:

Ռոման Բալայանի նոր ֆիլմը կկոչվի «Մենք քո կողքին ենք»: Այդ մասին ԱրմԻնֆո-ի թղթակցի հետ զրույցում պատմել է ինքը` ռեժիսորը: Նկարահանման ստույգ ժամկետները դեռ հայտնի չեն: Սցենարը գրվել է դեռ 1990 թվականին: Ավելի վաղ այն կոչվում էր «Պահապան հրեշտակ»,  մինչև որ Լյուկ Բեսոնը նկարահանեց «Հրեշտակ-Ա» ֆիլմը: Զուգադիպությունից խուսափելու նպատակով Բալայանն ստիպված է եղել որոշ փոփոխություն կատարել սցենարում:

Մադրիդյան սկզբունքների վեց տարրերը ղարաբաղյան հիմնախնդրի պարտադիր լուծում չեն:  Ինչպես հաղորդում է «Ազատությունը», այդ մասին լրագրողներին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը` Լեռնային Ղարաբաղի ղեկավարության հետ հանիպումից հետո:

 Մայիսի 21-ին «Նաիրիտ» գործարանի աշխատակիցները մտադիր են դարձյալ բողոքի ակցիաներ կազմակերպել` պահանջելու  աշխատավարձի գծով պարտքերի վճարում: Ակցիաները նախաձեռնել է «Կամք» շարժումը, որի հիմնադիր Արտաշես Ավետիսյանը բոլորին կոչ է արել միանալ «Նաիրիտի» աշխատակիցների արդար պահանջին: Նա նշել է, որ բողոքավորները պահանջում են իրական քայլեր գործարանի աշխատակիցներին աշխատանքով ապահովելու հարցում և ուշացած աշխատավարձերի վճարում: «Մեզ պետք չեն իշխանությունների սուտ խոստումները, քանի որ դատարկ խոստումներով ընտանիք չես կերակրի: Ամեն ինչ գործով ապացուցեք», - նշել է Ավետիսյանը:

Ադրբեջանում մարդու իրավունքների խախտումը, ժողովրդավարական ազատությունների և քաղաքացիական հասարկության  ճնշումը վնաս են հասցնում Վաշինգտոնի և Բաքվի հարաբերություններին և հակասում են պաշտոնական Բաքվի շահերին: Ըստ «Թուրանի», այդ մասին հայտարարել է Ադրբեջանում ԱՄՆ դեսպան Ռիչարդ Մորնինգսթարը «Ռադիո Ազատության» ադրբեջանական ծառայության հետ հարցազրույցում:

2009 թվականի հայ-թուրքական արձանագրությունները «մեռել նե», իսկ տեղեկատվական քարոզչությունը Հայոց ցեղասպանության 100-ամյա տարելիցի նախաշեմին աշխուժացել է, գրում է իտալական Osservatorio Balcani e Caucaso վերլուծական կենտրոնը` «Հայաստան. նոր հույսեր և նոր մտավախություններ» հոդվածում:

Հայաստան  բնական գազի մատակարարումը, որը մայիսի 17-ին  ժամանակավորապես դադարեցվել էր  Վրաստանի տարածքում մայրուղային գազատարի վրա տեղի ունեցած վթարի պատճառով, դեռ չի վերականգնվել: Այդ մասին` ԱրմԻնֆո-ի թղթակցին հաղորդել են «Գազպրոմ Արմենիա» ՓԲԸ մամուլի ծառայությունից: Վթարի մասին Հայաստանի գազային ընկերությանը տեղեկացրել էր Վրաստանի գազափոխդրման ընկերությունը:

Ղրիմում Ռուսաստանի գործողություններից հետո հակամարտության կարգավորման անհրաժեշտությունն ավելի արդիական է դարձել, հայտարարել է Ադրբեջանում ԱՄՆ դեսպան Ռիչարդ Մորնինգսթարը «Ռադիո Ազատության» հրապարակած հարցազրույցում, հաղորդում է «Թուրանը»:

 «Վերնիսաժի» մոտ կրակոցներ արձակած տղամարդը ձերբակալվել է:

ԵԱՀԿ Մինսկի խմբի ամերիկացի համանախագահ Ջեյմս Ուորլիքը Լեռնային Ղարաբաղի հակամարտության կողմերին կոչ է արել համատեղ օգտագործել Սարսանգի ջրամբարը: Այդ մասին մայիսի 19-ին Twitter սոցցանցի իր էջում գրել է ինքը`Ուորլիքը: