«Ամերիա» ընկերությունների խումբը դեկտեմբերի 6–ին Երևանում կազմակերպել էր ավանդական բարեգործական աճուրդ, և այս անգամ` «Խաղողը կյանք է» կարգախոսով, որի ընթացքում որպես լոտ ներկայացվել էին կոնյակի, գինիների, շամպայնի ընտիր տեսակներ: Աճուրդից ստացված միջոցներն «Ամերիա» ընկերությունների խումբն ավանդաբար կրկնապատկել է, ինչի արդյունքում 17 ծանր հիվանդ երեխաների բուժմանը կուղղորդվի 61 մլն դրամ:

Դեկտեմբերի 7-ին  Երևանում ընթացել է պարտադիր կուտակային կենսաթոշակային համակարգի  դեմ բողոքի հերթական ակցիան: Այս շաբաթ քաղաքացիական ակտիվիստներն արդեն իրենց կոշտ «Ոչն» ասել են ավտոմեքենաներով բողոքի ակցիայով: Այս անգամ նրանք հեծանիվներով են անցել քաղաքի կենտրոնով` անցորդներին իրազեկելով կենսաթոշակային բարեփոխման բացասական կողմերի մասին և կոչ անելով միանալ իրենց պայքարին: Հեծանիվներին ամրացված էին դրոշներ` «Ես դեմ եմ» գրությամբ: Ակցիային մասնակցել է, ընդհանուր առմամբ, մի քանի տասնյակ մարդ:

 Թուրքիայի և Հայաստանի միջև հարաբերությունների կարգավորումը կախված է Հարավային Կովկասում խաղաղության հաստատումից: Այդ մասին հայտարարել է Թուրքիայի արտգործնախարար Ահմեթ Դավութօղլուն, հաղորդում են ադրբեջանական ԶԼՄ-ները`  վկայակոչելով Habertürk հետուստաալիքը:

Տարածաշրջանային անվտանգության համար սպառնալիք է այն կողմը, որը ղարաբաղյան հակամարտության կարգավորման գործում առանձնացնում է միայն մեկը հելսինկյան հիմնարար սկզբունքներից, որոնք միջազգային հանրությունը հիմք է ընդունում խնդրի կարգավորման համար, և դա հայկական կողմը չէ: Այդ մասին ԱրմԻնֆոյի թղթակցի հետ զրույցում հայտարարել է Հայաստանի խորհրդարանի փոխխոսնակ Էդուարդ Շարմազանովը, մեկնաբանելով Ադրբեջանի արտգործնախարար Էլմար Մամեդյարովի այն հայտարարությունը, թե տարածաշրջանում խաղաղությանն սպառնացող հիմնական վտանգը հայկական զորքերի ներկայությունն է իբր ադրբեջանական տարածքներում:

Ռուսական գազի դիմաց Հայաստանի պարտքի ծավալը թվերով ֆիքսված չէր, այլ որոշվում էր բանակցությունների ընթացքում: Այս մասին հայտարարել է ՀՀ կառավարության աշխատակազմի ղեկավար-նախարար Վաչե Գաբրիելյանը, պատասխանելով «Ազատություն» ռադիոկայանի հարցին, թե ինչու տեղեկությունն այն մասին, որ Հայաստանի պարտք կազմում է 300 մլն.դոլար, միայն վերջերս հայտնի դարձավ:

Կենսաթոշակային կուտակային հիմնադրամների պարտադիր բաղադրիչի գործարկումը կխթանի Հայաստանի ֆինանսական շուկայի և կապիտալի շուկաների կառույցների զարգացումը: Նման կարծիք է արտահայտել վերջերս ՀՀ ԿԲ կողմից կենսաթոշակային հիմնադրամների ակտիվները կառավարելու լիցենզիա ստացած`«Ցե-Կվադրատ Ամպեգա Ասետ Մենեջմենտ» ընկերության գլխավոր գործադիր տնօրեն Արման Վարդանյանը:

 Սևծովյան տնտեսական համագործակցության գագաթնաժողովին մասնակցելու նպատակով դեկտեմբերի 12-ին Երևան կժամանի Թուրքիայի արտգործնախարար Ահմեդ Դավութօղլուն: Այս մասին հաղորդում է թուրքական Todays'Zaman գործակալությունը: Իր այդ մտադրության մասին նախարարը հայտարարել էր Կիևում:

Ամերիա ընկերությունների խումբը բարեգործական աճուրդի և մասնավոր նվիրատվությունների միջոցով 3 տարում ֆինանսավորել է 50 երեխաների բուժումը: Անհրաժեշտ միջոցները հավաքելու նպատակով անց են կացվել բազմաթիվ աճուրդներ: 2012 թվականի դեկտեմբերի 11-ին կայացած 3-րդ աճուրդի արդյունքներն այսօր կայացած մամուլի ասուլիսում ներկայացրել է Ամերիա ընկերությունների խմբի զարգացման գծով տնօրեն Տիգրան Ջրբաշյանը:

Նա նշել է, որ միայն 2012 թվականին նյութական օգնություն է ցուցաբերվել 22 երեխայի, իսկ ընթացիկ տարում նախատեսվում է օգնել 17 ևս երեխայի: 2012 թվականի աճուրդից մինչ օրս հաջողվել է հավաքել մոտ 100 մլն.դրամ, ուղդելով միջոցները հիվանդ երեխաների բուժմանը: Մասնավորապես, անցյալ տարվա աճուրդի ընթացքում, որը տեղի ունեցավ «Փորձենք զարդարել երեխաների կյանքը» նշանաբանի ներքո, հաջողվել է հավաքել մոտ 35 մլն.դրամ, որը հետագայում կրկնապատկվել է Ամերիա խմբի կողմից, ավելացնելով 8 մլն.դրամ:

«Նախագծի շրջանակներում մենք համագործակցում ենք որոշ հիմնադրամների հետ: Այսպես, իդիոպատիկ արտրիտով տառապող 5 երեխաների մենք օգնել ենք «Երեխաներ առանց ցավի» հիմնադրամի միջոցով, ուղղելով այդ նպատակին 13.3 մլն.դրամ: «Նվիրիր կյանք» հիմնադրամը օնկոլոգիական և հեմատալոգիական հիվանդություններ ունեցող 6 երեխաների բուժման նպատակով փոխանցել է 33.2 մլն.դրամ, որոնցից մի քանիսը բուժման կուրսն անցել են Գերմանիայում: «Օգնիր» հիմնադրամը լեյկոզով հիվանդ 6 երեխաների բուժմանն է փոխանցել մոտ 10.4 մլն.դրամ: «Օգնենք հայ երեխաներին» և «Էդի» հիմնադրամները փոխանցել են 3.7 մլն.դրամ: Բացի այդ, տարբեր հիմնադրամների գումարներով բուժում են ստացել ուռուցքով և օնկոլոգիական այլ հիվանդություներով երեխաներ: 2013 թվականին Ամերիա խումբը բարեգործական նպատակներով փոխանցել է մոտ 21 մլն.դրամ, որի 1 մլն.դրամը փոխանցվել է Ամերիա Խմբի աշխատակիցների կողմից»,- նշել է Տ.Ջրբաշյանը:

Նրա խոսքերով, գաղափարների նորամուծության առումով յուրաքանչյուր հաջորդ աճուրդ տարբերվում է նախորդից: Այսպես, առաջին աճուրդում ներկայացվել էին մանկատների և գեղարվեստական դպրոցների երեխաների աշխատանքները, երկրորդում` ճարտարապետների, դերասանների և հայտնիների աշխատանքներ, երրորդում` նկարիչների աշխատանքներ: Իսկ չորրորդ աճուրդը տեղի կունենա այս տարվա դեկտեմբերի 6-ին, որտեղ կներկայացվեն ալկոհոլային խմիչքների (կոնյակ, գինի, շամպայն) բացառիկ ընտիր տեսակներ:

Նշենք, որ «Ամերիա» ընկերությունների խումբը հանդիսանում է Հայաստանի ֆինանասական շուկայի բանկային և խորհրդատվական ծառայությունների ոլորտի ամենաագրեսիվ զարգացող ֆինանսական խմբերից մեկը: Խմբի կողմից տրամադրվող խորհրդատվական և ֆինանսական ծառայությունների փաթեթը հարթակ է ստեղծում Հայաստանի տարբեր սոցիալ-տնտեսական և գործարար շրջանների հաճախորդների համալիր ֆինանսական աջակցության համար: Խմբի կազմում են`Ամերիաբանկը, «Ամերիա» խորհրդատվական ընկերությունը և «Ամերիա Ասետ Մենեջմենտ» ներդրումային ընկերությունը:

Խորհրդարանի ՀՀԿ խմբակցությունը տապալել է կառավարությունում կոռուպցիայի մասին ՀԱԿ հարցմանն առնչվող որոշումը:

 Ինչպես ասվում է ԱրմԻնֆո գործակալությանը տրամադրված Ոստիկանության հաղորդագրությունում, օպերատիվ- հետախուզական միջոցառումների արդյունքում իրավապահները պարզել են, որ Երևանի բնակիչ Հովհաննես Ս.-ն սեռական կրքերը բավարարելու նպատակով www.odnoklassniki.ru, www.vkontakte.ru և www.skype.com սոցիալական ցանցերի միջոցով ծանոթացել է 10-ից 15 տարեկան, հատկապես արական սեռի երեխաների հետ, վարել անառողջ սեռական հետաքրքրություն առաջացնող խոսակցություններ, ներկայացրել և տրամադրել մանկական պոռնկագրական բնույթի տեսանյութեր: Օգտվելով երեխաների միամտությունից` նա խաբեությամբ համոզել է ոմանց մերկանալ վեբ-տեսախցիկի առջև և նկարահանել է նրանց: Համացանցում հիմնականում ներկայացել է որպես «Հովո» և հանդես եկել՝ «ELEN», «Allen Minasyan»,  «HOVHANNES @ SYUZKA» անուններով: 

 ՀՀ ԱԺ «Բարգավաճ Հայաստան» խմբակցության անդամ Տիգրան Ուրիխանյանն այսօր կայացած նիստում հետաքրքրվել է, թե արդյո՞ք կառավարության անդամներից որևէ մեկը կատարել է կենսաթոշակային կամավոր վճարներ, եթե պարտադիր կենսաթոշակային համակարգն այդքան գրավիչ է:

Հայաստանի սպառողների համար ռուսական գազի սակագինը չի փոխվի: Այդ մասին լրագրողներին հայտարարել է ՀՀ նախագահի աշխատակազմի ղեկավար Վիգեն Սարգսյանը:

 Դեկտեմբերի 4-ի ժամը 12.00-ի դրությամբ ՀՀ բոլոր միջպետական և միջհամայնքային ավտոճանապարհները հիմնականում անցանելի են: Դժվարանցանելի է Սոթք-Քարվաճառ ճանապարհահատվածը:

ՀՀ ԱԻ նախարարությունը տեղեկացնում է, որ Երևան-Սևան ավտոճանապարհի Հրազդան քաղաքի հատվածում, Երևան-Մեղրի ավտոճանապարհին (Տիգրանաշեն գյուղի հատված),Գեղարքունիքի մարզի Գավառ-Սևան ճանապարհահատվածին, Լոռու մարզի Ապարան-Վանաձոր ավտոճանապարհի Սպիտակի ոլորանների հատվածը, Վանաձոր-Գյումրի (Ջաջուռ գյուղի հատված) ավտոճանապարհին, Սյունիքի մարզի բոլոր ճանապարհներին ինչպես նաև Սելիմի լեռնանցքում առկա է մերկասառույց: Իրականացվում են ճանապարհահների մաքրման և մշակման աշխատանքներ: ՀՀ ԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթևեկել ձմեռային անվադողերով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է միայն թեթև մարդատար տրանսպորտային միջոցների և մինչև 30 տեղանոց միկրոավտոբուսների համար` անվաշղթաների կիրառման դեպքում:

Դեկտեմբերի 4-ի գիշերը Սյունիքի և Վայոց ձորի մարզերում սպասվում է ձյուն, 5-8-ը սպասվում է առանց տեղումների եղանակ:  Քամին հյուսիս-արևմտյան` 5-10 մ/վրկ:

 Հայաստանի խորհրդարանը դեկտեմբերի 4-ի նիստում 46 «կողմ» և 54 «դեմ» ձայներով մերժել է կուտակային կենսաթոշակային համակարգի պարտադիր բաղադրիչն առնվազն մեկ տարով հետաձգելու վերաբերյալ որոշման նախագիծը, որը ներկայացրել էին ԲՀԿ, ՀՅԴ, «Ժառանգություն» և ՀԱԿ խմբակցությունները:

Կառավարությունում կոռուպցիայի վերաբերյալ Հայ ազգային կոնգրես խորհրդարանական խմբակցության նախապատրաստած փաստաթուղթը, որը հիմնված է այնպիսի կազմակերպությունների ուսումնասիրությունների վրա, ինչպես` ՀԲ, ԱՄՀ, Transparency International, Gallup International, ցույց է տալիս, որ Հայաստանում կոռուպցիան համակարգային բնույթ է կրում: Այդ մասին Ազգային ժողովի ամբիոնից հայտարարել է ՀԱԿ խմբակցության ղեկավար Լևոն Զուրաբյանը: 

 Այսօր Հայաստանի հարյուրավոր քաղաքացիներ փողոց են դուրս եկել` բողոքելով պարտադիր կուտակային կենսաթոշակային համակարգի վերաբերյալ օրենքի դեմ: 

Ամերիկահայ կազմակերպությունները «սևեռուն ուշադրություն են դարձնում Հայաստանի արտաքին քաղաքականության որոշումներին և արագորեն համախմբում են իրենց աջակիցներին ընդդեմ Հայաստանի կառավարության, եթե Սփյուռքի խմբերը գտնում են, որ կառավարությունը չի գործում Հայաստանի լավագույն շահերից ելնելով: Ինչպես գրում է «Կալիֆորնիա Կուրիեր» թերթի հրատարակիչ և խմբագիր Հարութ Սասունյանը, այդ մասին ասվում է  Հայաստանում ԱՄՆ նախկին դեսպան Մարի Յովանովիչի «գաղտնի» զեկույցում, որը հրապարակել է «Վիկիլիքսը»:

 Լեռնային Ղարաբաղը խայծ է, որով Ռուսաստանը կփորձի Ադրբեջանին ներգրավել Մաքսային միության կազում, այսօր մամլո ասուլիսի ժամանակ հայտարարել է ՙԺառանգություն՚ կուսակցության քարտուղար Ստեփան Սաֆարյանը: