Ոչ իշխանական չորս ուժերի կողմից կառավարությանն անվստահություն հայտնելու փաստաթղթի ուղղությամբ աշխատանքները շարունակվում են, սակայն ընդհանուր որոշում դեռ չկա, լրագրողների հետ զրույցում հաղորդել է ՀՅԴ խմբակցության ղեկավար Արմեն Ռուստամյանը:
'

 ՙԱնելիք Բանկ՚ ՓԲԸ-ն շարունակում է ընդլայնել իր կողմից մատուցվող ծառայությունների շրջանակը և նոր հնարավորություններ ընձեռել իր հաճախորդներին, որոնք այսուհետ կարող են Բանկի բոլոր մասնաճյուղերում դրամական փոխանցումներ իրականացնել և ստանալ նաև Intel Express միջազգային դրամական փոխանցումների համակարգով: Այդ մասին ԱրմԻնֆո-ին հաղորդել են բանկի մամուլի ծառայությունում: 

«Ժառանգություն» կուսակցության առաջնորդ Րաֆֆի Կ. Հովհաննիսյանն ընդունել է Միջխորհրդարանական միության բրիտանական խմբի ղեկավար Ջոն Ուիթինգդեյլին եւ խմբի անդամներ՝ Միացյալ Թագավորության Լորդերի պալատի փոխնախագահներ բարոնուհի Գլորիա Հուփերին, լորդ Ռիչարդ Ֆոլքներին, ինչպեսեւ Համայնքների պալատի անդամներ Սթիվեն Փաունդին ու Մայք Գեյփսին:

Սպենդիարյանի անվան օպերայի և բալետի ազգային ակադեմիական թատրոնի շենքի շրջակա տարածքը շարունակում է գրավել գործարար հատվածին: Օպերայի շուրջը ծառերի փոխարեն արդեն բազմաթիվ սրճարաններ են կառուցվել` ոչնչացնելով հարակից կանաչ տարածքները: Սակայն, պարզվում է, սա դեռ վերջը չէ:

Carrefour-ը Երևանում կբացվի 2014 թ.երրորդ եռամսյակում Yerevan Mall առևտրի կենտրոնի տարածքում, որի բացումը տեղի կունենա փետրվարի 21-ին: 

Փետրվարի 19-ին ՄԱԿ-ի Անվտանգության խորհրդում տեղի ունեցավ քննարկում ՙՕրենքի գերակայության ամրապնդումը` միջազգային խաղաղության և անվտանգության պահպանման հարցում՚ թեմայով, որին մասնակցեց և ելույթով հանդես եկավ ՄԱԿ-ում Հայաստանի մշտական ներկայացուցիչ, դեսպան Կարեն Նազարյանը: 

Փետրվարի 21-ին Երևանում կընթանա երթ ընդդեմ պարտադիր կուտակային կենսաթոշակային համակարգի:

Հայաստանի վարչապետ Տիգրան Սարգսյանը փետրվարի 20-ին կառավարության նիստում հանձնարարել է ստեղծել աշխատանքային խումբ բնական գազի որակն ուսումնասիրելու համար:

Ուկրաինայում առկա իրավիճակը «արևելյան գործընկերություն» ծրագրի մասնակից երկրների նկատմամբ Եվրամիության սխալ քաղաքականության արդյունք է: Մամուլի ասուլիսում այդպիսի կարծիք է հայտնել ԱԺ արտաքին հարցերի հանձնաժողովի ղեկավար Արտակ Զաքարյանը:

 Ալեքսանդր Վլադիմիրովիչ, անդրադարձե՞լ է արդյոք «ԱնելիքՌՈՒ» ՍՊԸ բաժնետերերի կազմի փոփոխությունը Anelik վճարային համակարգի զարգացման ռազմավարության վրա: Ինչպիսի՞ արդյունքների բանկը կարողացավ հասնել ԱՊՀ և ինչպես նաև հեռավոր արտասահմանում դրամական փոխանցումների շուկայում իր դիրքերն ամրապնդելու առումով և ինչպիսի՞ նպատակներ կան այդ ուղղությամբ 2014 թվականին:

Փետրվարի 20-ին Երևանի թատրոնի և կինոյի պետական ինստիտուտում կբեմադրվի «Մայրը» պիեսը, որը նվիրված է բուհի նախկին ռեկտոր Արմեն Մազմանյանի հիշատակին: Հիշեցնենք, որ նա վերջերս վախճանվեց, ծանր հիվանդությունից հետո:

Արցախի Հանրապետության Նախագահ Բակո Սահակյանը փետրվարի 19-ին  այցելել է արտաքին գործերի նախարարություն եւ մասնակցել 2013թ. գործունեության արդյունքների ամփոփմանը եւ 2014թ. աշխատանքներին նվիրված խորհրդակցությանը:Զեկույցներով հանդես են եկել արտգործնախարար Կարեն Միրզոյանը, գերատեսչության տարբեր ստորաբաժանումների պատասխանատուներ:

Տարեսկզբից Հայաստանում պարտադիր կուտակային կենսաթոշակային համակարգի ներդրումը բերել է «ստվերի» աճին: Այս մասին այսօր Երևանում կայացած մամուլի ասուլիսում հայտարարել է Հայաստանի գործատուների հանրապետական միության նախագահ Գագիկ Մակարյանը:

Պարտադիր կուտակային կենսաթոշակային համակարգն, ինքնին, լավ գաղափար է, սակայն այն Հայաստանի համար չէ: ԱրմԻնֆոյի թղթակցի հետ զրույցում այդպիսի կարծիք է հայտնել հայտնի դերասան Արման Նշանյանը:

Հրեական Հոլոքոստի «Յադ Վաշեմ» թանգարան-ինստիտուտը հետմահու «Աշխարհի ժողովուրդների բարեպաշտ» պարգևի արժանացրել ռազմական բժիշկ Հարություն Խաչատրյանին: Այդ մասին հաղորդում է Massis Post-ը: Աղբյուրի համաձայն, պարգևը հանձնվել է Հարություն Խաչատրյանի թոռնուհուն` Աննա Խաչատրյանին:

Փետրվարի 16-ին Փարիզի հայ առաքելական Սբ. Հովհաննես Մկրտիչ եկեղեցում մատուցվել է ադրբեջանցի Սաֆարովի կողմից քնած ժամանակ սպանված հայ սպա Գուրգեն Մարգարյանի հիշատակին նվիրված պատարագ: Ինչպես ԱրմԻնֆո գործակալությանը հաղորդեցին ԱԳՆ մամուլի, տեղեկատվության և հասարակայնության հետ կապի վարչությունից, հոգեւոր արարողությանը ներկա են եղել Ֆրանսիայում Հայաստանի դեսպանության, Լեռնային Ղարաբաղի ներկայացուցչության, Ֆրանսիայի հայկական կառույցների ներկայացուցիչներ եւ հայ համայնքի բազմաթիվ անդամներ։ Պատարագի ավարտից հետո մասնակիցները` Ֆրանսիայում ՀՀ դեսպան Վիգեն Չիտեչյանի, Ֆրանսիայի հայկական կազմակերպությունները համակարգող խորհրդի ղեկավար կազմի գլխավորությամբ, երթով ուղևորվել են դեպի Փարիզի Երևանյան այգի, որտեղ Կոմիտասի արձանի դիմաց տեղի է ունեցել Հայաստանի, Արցախի և ֆրանսահայերի անունից ծաղկեպսակների զետեղման արարողություն: Նույն օրն առավոտյան Գուրգեն Մարգարյանի հիշատակին նվիրված պատարագներ են մատուցվել Մարսելում, Լիոնում և հայաշատ այլ քաղաքների հայ առաքելական եկեղեցիներում:

 Ռուսաստանում միգրացիոն քաղաքականության խստացումը գործազրկության և աղքատության աճի կհանգեցնի Հայաստանում: Փետրվարի 19-ին մամուլի ասուլիսում այդ մասին հայտարարել է ՀՀ գործատուների հանրապետական միության նախագահ Գագիկ Մակարյանը:

Փետրվարի 18-ին, ժամը 11.45-ի սահմաններում ադրբեջանական ստորաբաժանումները խոշոր տրամաչափի գնդացիրներով շուրջ կես ժամ գնդակոծել են Տավուշի մարզի Վազաշեն և Պառավաքար գյուղերի միջև ընկած ճանապարհը: Այդ մասին հաղորդում է «Առավոտ» թերթը: Ընդ որում աղբյուրը նշում է, որ Հայաստանի պաշտպանության նախարարության մամուլի քարտուղարը հաստատել է այդ տեղեկատվությունը:

 Թուրքիայի իշխանություններին պարզաբանում է տրվել այն մասին, որ Չեխիայի նախագահ Միլոշ Զեմանի խոսքերը, ով Հայաստանի նախագահ Սերժ Սարգսյանի հունվարին Պրահա կատարած այցի ընթացքում Ցեղասպանություն էր որակել 1915-23 թթ. հայերի զանգվածային սպանություններն Օսմանյան կայսրությունում, արտացոլում էին նրա անձնական կարծիքը: Ինչպես հաղորդել է Չեխիայի հեռուստատեսությունը, այդ մասին պաշտոնապես հայտարարել է Չեխիայի նախագահի աշխատակազմի միջազգային բաժնի ղեկավար Գինեկ Կմոնիչեկը:

 ՙԵրբեմն լինում է ծուխ առանց կրակի, և գազի ցածր որակի առնչությամբ իմ մտավախությունները փարատվել են, բայց մենք չենք դադարեցնի ուսումնասիրությունները, քանի դեռ բողոքներ են ստացվում հանրապետության քաղաքացիների կողմից՚,- այսօր մամուլի ասուլիսի ժամանակ հայտարարել է ՙՀայաստանի սպառողների միություն՚ հասարակական կազմակերպության նախագահ Արմեն Պողոսյանը: Միությունն արձագանքել է գազի ցածր կալորիականության վերաբերյալ պարբերաբար ստացվող բողոքներին և ԶԼՄ-ների հրապարակումներին: