Լոռու մարզի Չկալով գյուղը 250 տարվա պատմություն ունի: Համայնքում առկա հիմնախնդիրներից մեկը խմելու ջրի համակարգի բացակայությունն է: Բնակիչներն օգտվում են գյուղի կենտրոնում գտնվող միակ աղբյուրից, որն արդեն սակավաջուր է դարձել: Կենցաղավարության տարրական պայմաններից օգտվելու համար` ջուր կրողներն աղբյուրի մոտ են լինում վաղ առավոտից մինչև ուշ գիշեր:

ՎՏԲ-Հայաստան Բանկը 2014թ. երրորդ եռամսյակի տվյալներով զբաղեցնում է առաջին տեղը Հայաստանի բանկերի շրջանում վարկային ներդրումների ծավալով: Ինչպես ԱրմԻնֆո-ին հայտնել են բանկի մամուլի ծառայությունից, բանկի վարկային պորտֆելը երրորդ եռամսյակում կազմել է 224,3 մլրդ դրամ: Տարվա սկզբի համեմատ այդ ցուցանիշն աճել է 3.3%:

 ReAnimania անիմացիոն ֆիլմերի VI միջազգային փառատոնը ՙՖոլիմաժ՚ ֆրանսիական խոշորագույն ստուդիայի ֆիլմերի առանձին ծրագիր է պատրաստել: Փառատոնի հյուրերի թվում է ստուդիայի կոմպոզիտոր  Սերժ Բասեթը, ով վերջին 30 տարիներին երաժշտութուն է ստեղծում լիամետրաժ և կարճամետրաժ մուլտֆիլմերի համար:

 Հայոց ցեղասպանության գլխավոր կազմակերպիչներից մեկի` Ջեմալ Փաշայի թոռը` Հասան Փաշան, իր հերթական հոդվածում շոշափել է Թուրքիայում հայերի, քրդերի և շիաների կյանքի թեման, որոնք ստիպված են թաքցնել սեփական ինքնությունն ու  ազգային պատկանելությունը:

Հղիության նպաստների համակարգում օրենսդրական փոփոխությունները կհանգեցնեն Հայաստանում ծնելիության մակարդակի նվազման հերթական ալիքի, մինչդեռ երկրում առանց այդ էլ առկա  են ժողովրդագրական խնդիրներ: Այդ մասին հայտարարել է ՕԵԿ խմբակցության ղեկավար Հեղինե Բիշարյանը` ժամանակավոր անաշխատունակության նպաստների մասին օրենքում փոփոխությունների հարցի շուրջ լսումների ընթացքում: 

Ադրբեջանական դիվերսիոն-հետախուզական խմբի անդամ Շահբազ Գուլիևը հոկտեմբերի 27-ին Ստեփանակերտում ընթացող դատավարության ընթացքում ներկայացրել է Լեռնային Ղարաբաղի Շահումյանի շրջանի բնակիչ Սմբատ Ցականյանի սպանության որոշ մանրամասներ: Նրա ասելով, ինքը Դիլհամ Ասկերովի և Հասան Հասանովի հետ միասին անցնում էին շրջանով, և Սմբատ Ցականյանի առևանգման պահը ինքը չի տեսել: Տղային սպանելու գաղափարը ծնվել է Ասկերովի գլխում: Գուլիևը նաև պնդել է, թե սպանության պահը նույնպես չի տեսել: Նրա ասելով, ինքը լսել է  կրակոց, շրջվելով, տեսել է, որ տղան պառկած է ճանապարհի մեջտեղում: Գուլիևի ասելով, ինքը չի տեսել, թե ով է կրակել: Ուշագրավ է, որ քննության տվյալներով, զենքը եղել է խլացուցիչով: Գուլիևի ասելով, Հասանովն ու Ասկերովը վիճաբանել են, բայց ինքը չգիտի, թե ինչի շուրջ: 

Ֆրանսիայի, Ադրբեջանի և Հայաստանի նախագահների փարիզյան հանդիպման նախօրեին կալանավորված իրավապաշտպաններ Լեյլա և Արիֆ Յունուսների դուստրը` Դինարան, բաց նամակ է հղել Ֆրանսիայի նախագահ Ֆրանսուա Օլանդին, որում կոչ է արել աջակցել իր ծնողների ազատ արձակմանը:

 Ֆրանսիայի նախագահ Ֆրանսուա Օլանդի հրավերով աշխատանքային այցով Փարիզում գտնվող նախագահ Սերժ Սարգսյանն այսօր Ելիսեյան պալատում հանդիպում է ունեցել Ֆրանսուա Օլանդի հետ: Հայաստանի և Ֆրանսիայի նախագահները քննարկել են հայ-ֆրանսիական հագեցած օրակարգին վերաբերող հարցերի լայն շրջանակ, անդրադարձել նաև տարածաշրջանային և միջազգային արդի խնդիրներին ու մարտահրավերներին: Սերժ Սարգսյանը շնորհակալություն է հայտնել Նախագահ Օլանդին` ԵԱՀԿ Մինսկի խմբի համանախագահությունում Ֆրանսիայի դերակատարման և ԼՂ հիմնախնդրի կարգավորմանն ուղղված փարիզյան հանդիպման նախաձեռնության համար:

Փարիզում սկսվել է Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի հանդիպումը: Այս մասին Twitter-ի իր միկրոբլոգում գրել է ՀՀ նախագահի մամուլի խոսնակ Արման Սաղաթելյանը£

Այսօր Հայաստանի ղեկավարությունը հարգանքի տուրք է մատուցել 1999 թ. հոկտեմբերի 27-ին Ազգային ժողովում տեղի ունեցած ոճրագործության զոհերի հիշատակին: 

Արարատյան դաշտավայրի անօրինական արտեզյան հորերի փակումը թույլ կտա տարեկան տնտեսել ավելի քան 360 մլն.խոր.մետր ջուր: Այս մասին այսօր կայացած մամուլի ասուլիսում հայտարարել է Հ բնապահպանության փոխնախարար Խաչիկ Հակոբյանը:

Իսրայելական Haaretz պարբերականն անդրադարձել է Իսրայելի կողմից Ադրբեջանին զենք վաճառելու թեմային, անընդունելի համարելով ռազմական տեխնիկայի վաճառքը ցեղասպանություն իրականացրած երկրին:

  Թուրքիայի մշակույթի և զբոսաշրջությաննախարարությունը ցանկանում է արագացնել հայկական պատմական Անի քաղաքի ավերակները UNESCO-ի համաշխարհային ժառանգության  ցանկում ընդգրկելու գործընթացը: Ինչպես հաղորդում է Ermenihaber պորտալը, այս մասին հայտարարել է Թուրքիայի մշակույթի և տուրիզմի նախարար Օմեր Չելիքը:

 Ելիսեյան պալատը հրապարակել է Հայաստանի, Ֆրանսիայի և Ադրբեջանի նախագահների բարձր մակարդակով հանդիպումների ժամանակացույցը: Ինչպես հաղորդում է ֆրանսիական լրատվամիջոցները, հոկտեմբերի 27-ին, Փարիզի ժամանակով ժամը 11:00-ին Ֆրանսիայի նախագահ Ֆրանսուա Օլանդը ղարաբաղյան հակամարտության կարգավորման շուրջ կբանակցի Իլհամ Ալիևի, իսկ ժամը 12.15-ին` Սերժ Սարգսյանի հետ:

 Հոկտեմբերի 27-ին Ստեփանակերտում սկսվում է ադրբեջանական հետախուզական-դիվերսիոն խմբի երկու անդամների գործով դատավարությունը:

Չեմ կարծում, թե այսօր Հայաստանում իշխանափոխություն իրականացնելու հիմքեր կան, լրագրողների հետ զրույցում հայտարարել է ԱԺ փոխնախագահ Հերմինե Նաղդալյանը` անդրադառնալով ՙԱզատության՚ հրապարակում նախօրեին տեղի ունեցած հանրահավաքում ոչ իշխանական քառյակի առաջնորդների ելույթներին:

Ըստ որում, նա ավելացրել է, որ ընդդիմադիր առաջնորդների ելույթներում որևէ նոր բան չկար: ՙՍկզբունքային տարբերություններ հոկտեմբերի 10-ին կայացած նախորդ հանրահավաքից չկային` բացառությամբ այն բանի, որ ելույթ ունեցավ ԲՀԿ առաջնորդ ագիկ Ծառուկյանը՚,- նշել է ԱԺ փոխնախագահը:

Նրա խոսքով, Հայաստանում, անշուշտ, բազմաթիվ խնդիրներ են կուտակվել, որոնք երկրում դժգոհ զանգվածի առկայության պատճառ են հանդիսանում: Եվ այդ համատեքստում Նաղդալյանն ավելացրել է, որ ընդդիմադիր գործընկերների իրավունքն է` աշխատել դժգոհ զանգվածի հետ և բարձրացնել նրանց ձայնը: Միաժամանակ նա համոզված է, որ կառավարող կուսակցությունը և կառավարությունն իրենց պարտավորություններն ունեն`քայլ առ քայլ լուծել երկրում առկա խնդիրները:

Ոչ իշխանական քառյակի /ՀԱԿ, ՙԲարգավաճ Հայաստան՚, ՙԺառանգություն՚, Հայաստանի ժողովրդական կուսակցություն/ նախօրեի հանրահավաքում որևէ սենսացիոն կամ արտառոց բան չի հնչել, ԱրմԻնֆո-ին այդպիսի կարծիք է հայտնել ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:

Նրա խոսքով, միակ պիկանտ պահը նրանց ելույթներում ՀԱԿ առաջնորդ, առաջին նախագահ Լևոն Տեր-Պետրոսյանի պատմած անեկդոտներն էին: ՙՏեր-Պետրոսյանն, ըստ երևույթին, գիտակցելով որ տաղտկալի ելույթներով արդեն զանգվածներին չես զբաղեցնի, որոշել է փոքր-ինչ արտասովոր քայլի դիմել՚,- նշել է Շարմազանովը:

Անդրադառնալով ՙԲարգավաճ Հայաստան՚ կուսակցության առաջնորդ ագիկ Ծառուկյանի ՙերկար սպասված՚ ելույթին` նա նշել է, որ նրա հայտարարությունում նույնպես որևէ նշանակալից բան չկար. ՙՄարդն ասաց, որ մեզ մայդաններ պետք չեն, և շտապել նույնպես պետք չէ՚:

Նշենք, սակայն, որ Ծառուկյանը, չնայած քաղաքական որոշ ուժերի թերահավատությանը, այնուամենայնիվ, իր ելույթում հայտարարել է Հայաստանում իշխանափոխության և վաղաժամկետ ընտրությունների անհրաժեշտության մասին:

Խոսելով այն մասին, թե արդյոք Հայաստանում վաղաժամկետ քաղաքական գործընթացների հիմքեր կան` Շարմազանովը հայտարարել է, որ ՀՀԿ-ն իշխանության ղեկին է գտնվում ընտրություններում արդար հաղթանակի հիման վրա և մտադիր է այդ ղեկին մնալ մինչև ընտրական օրենսդրությամբ ամրագրված ժամկետի ավարտը: ՙԻ դեպ, ընտրություններում մեր արդար հաղթանակն արձանագրել են միջազգային բոլոր դիտորդները: 23 տարի շարունակ ընդդիմությունը հանրահավաքներ է անցկացնում, քննադատում իշխանությանը,  պահանջում վաղաժամկետ ընտրություններ`նորմալ է՚,- ասել է նա:

Եվրասիական տնտեսական միությանը Հայաստանի միացումը ռազմավարական ճիշտ որոշում է, լրագրողների հետ զրույցում հայտարարել է Հայաստանում Ռուսաստանի դեսպան Իվան Վոլինկինը:

ՙԲայց դա ամենևին չի նշանակում, թե փակ են այլ երկրների հետ համագործակցության դռները: Ռուսաստանն իր հարաբերություններն ունի Եվրամիության հետ, և դա նորմալ է, երբ պետությունը բազմակողմ համագործակցություն է զարգացնում: Կարևոր է, որպեսզի դրանք ի վնաս ԵԱՏՄ հարաբերությունների չլինեն՚,- ընդգծել է դիվանագետը:

Մեկնաբանելով ներքաղաքական զարգացումները երկրում, և ինչպես դրանք կարող են ազդել երկրի արտաքին քաղաքական ուղեգծի վրա` դիվանագետը նշել է, որ ընդդիմության ելույթներից հետևում էր, որ գրեթե բոլորը հանդես են գալիս ԵԱՏՄ-ում Հայաստանի կարգավիճակի պահպանման օգտին:

ՙԱյսինքն` ոչ ոք դեմ հանդես չի գալիս` բացառությամբ, հավանաբար, մեկից՚,- նշել է նա: Միաժամանակ նա հրաժարվել է գնահատական տալ ոչ իշխանական ՙքառյակի՚ առաջնորդների ելույթներին` նշելով միայն, որ դրանց զգալի մասը վերաբերել է ԵԱՏՄ-ին:

Հայաստանը դեմ է, որպեսզի ղարաբաղյան կարգավորման քննարկումները դուրս հանվեն ԵԱՀԿ Մինսկի խմբի ձևաչափից: Այս մասին այսօր Երևանում կայացած մամուլի ասուլիսում հայտարարել է ՀՀ արտգործանախախ Էդվարդ Նալբանդյանը, մեկնաբանելով Եվրոպայի Խորհրդի Խորհրդարանական ասամբլեայում Լեռնային Ղարաբաղի զեկույցի գծով նախապատրաստությունները: