Անբարախիղճ մատակարարը ՀՀ պաշտպանության նախարարությանը պատճառել է մի քանի հարյուր հազար դոլարի վնաս:

Հայհիդրոմետը կանխատեսում է տաք դեկտեմբեր:

Նախագահ Սերժ Սարգսյանն այսօր մեկնել է Արագածոտնի մարզ, որտեղ այցելել է Սասունիկ համայնքում գտնվող «Արմենիա վայն» ընկերության գինու գործարան:

Նախօրեին ԱԺ արտաքին հարցերի հանձնաժողովի  անդամների հետ ՀՀ-ում ԱՄՆ դեսպան Ջոն Հեֆերնի 2,5 ժամ տևած գաղտնի հանդիպման ընթացքում քննարկվել են, գործնականում, Հայաստանի ներքին և արտաքին քաղաքականության օրակարգի բոլոր հարցերը:

ԼՂՀ ՊԲ օպերատիվ տվյալների համաձայն, նոյեմբերի 23-ից 29-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը խախտել է շուրջ 1000 անգամ, որի ընթացքում տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է  ավելի քան 12000 կրակոց:

Հայաստանի քննչական կոմիտեն քրեական գործ է հարուցել Եղվարդի թիվ 1  մանկապարտեզում երեխաների զանգվածային թունավորման առնչությամբ: Մանկապարտեզի գործունեությունը Ժամանակավորապես կասեցվել է. քննություն է տարվում՝ պարզելու երեխաների թունավորման պատճառները:

Քսաներորդ դարը պատմության մեջ մտավ ոչ միայն որպես տեխնոլոգիական առաջընթացի, այլև` թուրքերի կողմից հայերի, ասորիների, Պոնտոսի հույների բնաջնջման դարաշրջան: Այդ մասին լրագրողների հետ զրույցում հայտարարել է «Սպրավեդլիվայա Ռոսիա» խմբակցության ղեկավար Սերգեյ Միրոնովը` Մոսկվայում «Ցեղասպանութունը ժողովուրդների պատմական հիշողությունում և արդի տեղեկատվական պատերազմներում» միջազգային համաժողովից առաջ:

Եվրոպայի կրկնակի չեմպիոն, (1976, 1978), աշխարհի առաջնությունների կրկնակի արծաթե մեդալակիր (1976, 1978), Օլիմպիական խաղերի արծաթե մեդալակիր (1976), հրում վարժությունում աշխարհի քառակի ռեկորդակիր, սպորտի վաստակավոր վարպետ (1976) գյումրեցի Վարդան Միլիտոսյանն ստիպված է տաքսի վարել` իր ընտանիքի կարիքները հոգալու համար:

Խոցված հայկական ինքնաթիռին առնչվող միջադեպի նկատմամբ Հայաստանի պաշտպանության նախարար Սեյրան Օհանյանի դիրքորոշումը հարգանք է հարուցում, քանի որ այդ իրավիճակում նրա համար առաջնային խնդիրն անձնակազմի դիակները վերադարձնելն էր: Այդ մամսին հայտարարել է ՀՀ-ում ԱՄՆ դեսպան Ջոն Հեֆերնը լրագրողների հետ զրույցի ժամանակ:

Եվրասիական տնտեսական միության համաձայնագրից բխող տրանսպորտային հարցերին պարզաբանումներ տալու, տրանսպորտային ոլորտում նախատեսվող իրավական փոփոխությունները քննարկելու, հետագա աշխատանքներն արդյունավետ կազմակերպելու նպատակով ՀՀ տրանսպորտի և կապի նախարարությունում նոյեմբերի 28-ին տեղի է ունեցել կլոր սեղան-քննարկում, որին մասնակցել են ՀՀ տրանսպորտի և կապի նախարարի առաջին տեղակալ Արթուր Առաքելյանը, տրանսպորտի վարչության պետի տեղակալ, բեռնափոխադրումների քաղաքականության բաժնի պետ Դավիթ Մելքոնյանը, բեռնափոխադրումներ իրականացնող ընկերությունների բազմաթիվ ներկայացուցիչներ։ 

 Նոյեմբերի 27-ին «Արդշինբանկ» ՓԲԸ-ն Լոնդոնում  կայացած  հեղինակավոր  Financial Times-ի «The Banker» ամսագրի  կողմից  ճանաչվեց Հայաստանի 2014 թ. «Տարվա  բանկ»:

Նոյեմբերի 28-ին HSBC Բանկ Հայաստանը ներկայացրեց իր նոր` Mobile Bank ծառայությունը, որն արդեն գործում է HSBC խմբի ներկայությամբ ավելի քան 25 երկրներում: Վերջերս Globile Finance ամսագիրը HSBC Mobile Bank հավելվածը լավագույնը ճանաչեց աշխարհում շարժական բանկինգի գործող հավելվածների մեջ: Այսօր HSBC Բանկ Հայաստանի հաճախորդները նույնպես Հայաստանում ստացան այդ ծառայույթունից օգտվելու հնարավորություն, որն իր մեջ ընդգրկում է` աշխարհի ցանկացած կետից բանկային հաշվին 24/7 ռեժիմով շուրջօրյա մուտք, վերջին գործարքների ստուգում, ժամկետային ավանդների բացում, մեկ հաշվից մյուսին փոխանցումների իրականացում` ինչպես Հայաստանի սահմաներում, այնպես էլ արտասահմանում: Ծառայության օգտատերերը կարող են նաև ընդունել և ուղարկել հաղորդագրություններ և ծանոթանալ բանկի ծառայություններին ու պրոդուկտներին:

 Հայաստանի հանրապետական կուսակցության ներկայացուցիչները, ինչպես հանրապետության բոլոր ողջամիտ քաղաքացիները, դատապարտում են ՙՆախախորհրդարան՚ կազմակերպության ներկայացուցիչների ավտոմեքենաների հրկիզման, ինչպես նաև կազմակերպության անդամներից մեկին ծեծի ենթարկելու միջադեպերը: Այդ մասին ԱրմԻնֆո-ի թղթակցի հետ զրույցում ասել է '

 Նոյեմբերի 27-ին Վանաձոր քաղաքի Շախմատի մասնագիտացված մանկապատանեկան մարզադրպոցում տեղի ունեցավ արագ շախմատի մրցաշար, որի հաղթողները պարգևատրվեցին արժեքավոր մրցանակներով ՙՌոստելեկոմ՚ ընկերության կողմից: Առաջին երեք տեղերը գրաված մասնակիցները պարգևատրվեցին բջջային հեռախոսներով, որոնք հետագայում կօգնեն նրանց նաև առցանց մրցաշարերի մասնակցել:

 Բաքուն փորձում է սև կատվին գտնել մութ սենյակում, մինչդեռ այդ կատուն իր ծոցում է: ԱԺ փոխխոսնակ Էդուարդ Շարմազանովն այսպես է արձագանքել իր ադրբեջանցի պաշտոնակից Զիաֆեթ Ասկերովի այն հայտարարությանը, թե «հայկական «ՄԻ-24» ուղղաթիռը մոտեցել էր ադրբեջանական դիրքերին, և ադրբեջանական կողմի պատասխանը եղել է համարժեք»:

Հրաչյա Հարությունյանի հարազատները կարող են Հայաստան նրա արտահանձնման գործընթաց սկսել: Այդ մասին ԱրմԻնֆո-ի թղթակցի հետ զրույցում հայտնել է ՀՀ մարդու իրավունքների պաշտպանի աշխատակազմի բռնությունների կանխարգելման վարչության պետ Երանուհի Թումանյանցը:

Հայաստանում ԱՄՆ դեսպան Ջոն Հեֆֆերնը փակ քննարկման է մասնակցել ԱԺ արտաքին հարաբերությունների մշտական հանձնաժողովում:
Քննարկումից հետո թե’ դիվանագետը, թե’ խորհրդարանականները չեն ցանկացել լրագրողներին ներկայացնել հանդիպման մանրամասները:

 Beeline-ը հայտարարում է Գանձակ համայնքում ֆիքսված ցանցի թվայնացման աշխատանքների ավարտի մասին և ամփոփում ֆիքսված ցանցի արդիականացման 2014թ. արդյունքները: Ինչպես ԱրմԻնֆո գործակալությանը հաղորդեցին ընկերության մամուլի ծառայությունից, Գանձակ համայնքում ԶԼՄ-ների հետ հանդիպման ժամանակ Հայաստանում Beeline-ի գլխավոր տնօրեն Անդրեյ Պյատախինը լրագրողներին ներկայացրել է ֆիքսված կապի և լայնաշերտ ինտերնետի զարգացման գործում Beeline-ի ձեռքբերումները: 2014 թ. ընթացքում թվայնացվել է Հայաստանի 16 բնակավայրերի հեռախոսային ցանց. մոնտաժվել է ավելի քան 3500 հեռախոսագիծ և լայնաշերտ ինտերնետի ծառայությունների ավելի քան 1000 նոր պորտ: Ընկերության ձեռքբերումներից է նաև ֆիքսված հեռախոսակապի ծառայության սակագների նշանակալի նվազեցումը:  Սկսած 2014 թ. սեպտեմբերի 1-ից ելքային զանգերը դեպի ֆիքսված կապի հայաստանյան բոլոր օպերատորների ցանցեր, ինչպես նաև Beeline-ի ցանցում միջքաղաքային և դեպի ԼՂՀ ֆիքսված ցանց զանգերն արժեն 5 դր./րոպե: 

 Նոյեմբերի 19-ից 23-ն Orange-ի հեռախոսային կենտրոններից 750 կամավորներ հեռախոսազանգեր են կատարել ավելի քան 60,000 ընտանիքների և ձեռնարկությունների, ինչի արդյունքում գրանցվել է ավելի քան 1,370,000 եվրոյի չափ նվիրատվության խոստում, որից 1 240 000 եվրո` Ֆրանսիայից, 71 000 եվրո` Գերմանիայից, 27 000 եվրո` Շվեյցարիայից, 21 000 եվրո` Հունաստանից, 6 000 եվրո` Բելգիայից և այլն:

Ոչ իշխանական խորհրդարանական ուժերը, «Ժառանգությունից» բացի, բացասաբար են գնահատում խորհրդարանում ՀՀ նախագահ Սերժ Սարգսյանի պաշտոնանկության վերաբերյալ որոշման նախագիծ ներկայացնելու Նիկոլ Փաշինյանի նախաձեռնությունը: