ՀՀ տրանսպորտի և կապի նախարարությունը տեղեկացնում է, որ հունվարի 20–ին` ժամը 09.30–ի դրությամբ, հանրապետության ողջ  տարածքում առանց տեղումների եղանակ է:

 Շնորհիվ Հայաստանի Հանրապետության կառավարությանն առընթեր պետական եկամուտների կոմիտեի մաքսային ծառայության աշխատակիցների արհեստավարժ գործողությունների, հունվարի 17-ին Մեղրիի մաքսատանը Պարսկաստանից Հայաստանի տարածքով տարանցիկ դեպի Վրաստան ուղևորվող բեռնատարի զննման արդյունքում, հատուկ հարմարեցված թաքստոցում հայտնաբերվել է առանձնապես խոշոր չափերի`927 կգ հերոին տեսակի թմրամիջոց: Նման քանակի թմրամիջոց տարածաշրջանում հայտնաբերվում է առաջին անգամ:

 ՀՀ ֆինանսների նախարարության ֆինանսական վերահսկողության տեսչության տարածած տեղեկատվության մեջ ներկայացված փաստերը չեն արտացոլում իրականությունը, ասվում է Պետական եկամուտների կոմիտե հայտարարության մեջ: 

 Ի՞նչ սկզբունքային փոփոխություններ են, Ձեր կարծիքով, տեղի ունեցել Հարավային Կովկասի անվտանգության համակարգում վերջին 5 տարում:

 Հունվարի 18-ին Ազատության հրապարակում պարտադիր կուտակային կենսաթոշակային համակարգի ներդրման դեմ կայացած հանրահավաքի հիմնական նորությունն այն է, որ առաջամարտիկները քաղաքացիական ակտիվիստներն էին, մինչդեռ քաղաքական գործիչներին ոչինչ չէր մնում, քան ընթանալ շարժման նավարկուղով, ԱրմԻնֆո-ի թղթակցին այդպիսի կարծիք է հայտնել  Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը: 

 Մաքսային միույթանը Հայաստանի միացման որևէ լուրջ ռիսկ ներկայիս անդամ երկրների համար չկա, ՙԷքսպերտ՚ ամսագրին այդպիսի կարծիք է հայտնել Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոն:

Հրանտ Դինքի սպանության կազմակերպիչները պետք է դատարանի առջև կանգնեն: Ինչպես նշվում է ԵԱՀԿ կայքում, այդ մասին հայտարարել է ԵԱՀԿ մամուլի ազատության հարցերով ներկայացուցիչ Դունյա Միյատովիչը: 

2014 թվականի հունվարի 1-ից ներդրված պարտադիր կուտակային կենսաթոշակային համակարգը պետական ռէկետ է: Այս մասին հունվարի 18-ին հայտարարել է «Բարգավաճ Հայաստան» կուսակցության խմբակցության ներկայացուցիչ Նաիրա Զոհրաբյանը, ելույթ ունենալով ոչ իշխանական կուսակցությունների կողմից կազմակերպված «Ես դեմ եմ» հանրահավաքում:

ՎՏԲ-Հայաստան Բանկը վարկային ներդրումների ծավալով 2013 թվականին ամրապնդել է առաջատարի իր դիրքերը համակարգում: Համաձայն բանկի հրապարակած ֆինանսական հաշվետվության, տրամադրված վարկերի և այլ փոխառությունների ծավալը 2014 թվականի հունվարի 1-ին կազմել են 217.2 մլրդ.դրամ, տարեկան աճը` 38.2%: Միևնույն ժամանակ, հաշվետու ժամանակահատվածում բանկն ավելացրել է ներդրումներն արժեթղթերում, ինչպես նաև բանկերի և մյուս ֆինանսական կազմակերպութոյւնների հանդեպ պահանջների գծով: Արդյունքում, բանկի ակտիվները 2013 թվականին աճեցին 41.8%, կազմելով 299.7 մլրդ.դրամ:

 Արմատական փոփոխությունների համար Հայաստանում հարկավոր է հասարակության և քաղաքական ուժերիկոնսոլիդացում: Այս մասին հունվարի 18-ին հայտարարել է «Ժառանգություն » կուսակցության խմբակցության ներկայացուցիչ Ռուբեն Հակոբյանը, հանդես գալով ոչ իշխանական կուսակցությունների կողմից կազմակերպված «Ես դեմ եմ» հանրահավաքում:

 Կենսաթոշակային կուտակային պարտադիր համակարգի դեմ հանդես եկող ակցիայի մասնակիցները երթով ուղղվեցին դեպի Հայաստանի Սահմանադրական դատարանի շենք: Ինչպես դեպքի վայրից հաղորդում է ԱրմԻնֆո գործակալության թղթակիցը, ակցիայի մասնակիցները մտադիր են ՍԴ շենքի մոտ կարդալ իրենց պահանջները, մասնավորապես, պահանջել կասեցնել կենսաթոշակային կուտակային պարտադիր համակարգի գործողությունը, իսկ այնուհետև այն ճանաչել որպես հակասահմանադրական:

 HSBC Բանկ Հայաստանը 8.009 մլրդ.դրամ զուտ շահույթով հանդիսանում է համակարգի 2013 թվականի առաջատարը, ապահովելով 7.3% տարեկան աճ: Արդյունքում, բանկի կուտակված շահույթը 2013 թվականին աճեց 26.4%, մինչև 20.1 մլրդ.դրամ, ինչն էլ իր հերթին ավելացրեց ընդհանուր կապիտալը 16.3%, մինչև 41.3 մլրդ.դրամ:

ԻԻՀ նկատմամբ միջազգային պատժամիջոցների մեղմացումից հետո Իրանի հետ հարաբերությունները խորացնելու Ռուսաստանի մտադրությունը ներգրվում է հայկական Հյուսիս-Հարավ ռազմավարական, քաղաքատնտեսական նախագծում: ԱրմԻնֆոյին այդպիսի կարծիք է հայտնել «Այլընտրանք» հետազոտական կենտրոնի ղեկավար, տ.գ.դ., պրոֆեսոր  Թաթուլ Մանասերյանը:

 Նանա Մարտիրոսյան: Պետական գործչի հիշատակի մասին քաղաքական գործիչների հոգածությունը պետք է առաջին հերթին դրսեւորվի ոչ թե այցելություններով նրա շիրիմին, այլ իր քաղաքական ժառանգության հանդեպ հոգատար վերաբերմունքով, ասվում է ՀՀ երկրորդ նախագահ Ռոբերտ Քոչարյանի գրասենյակի հաղորդագրության մեջ` ի պատասխան ՀՀ կրթության և գիտության նախարար, ՀՀԿ փոխնախագահ Արմեն Աշոտյանի հարցին, թե քանի անգամ է երկրորդ նախագահն այցելել Անդրանիկ Մարգարյանի շիրիմին: 

ՙՊետական գործչի հիշատակի մասին քաղաքական գործիչների հոգածությունը պետք է առաջին հերթին դրսեւորվի ոչ թե այցելություններով նրա շիրիմին, այլ իր քաղաքական ժառանգության հանդեպ հոգատար վերաբերմունքով: Ծավալված բանավեճի էությունն այն էր, որ առանձին պաշտոնյաներ, ձգտելով արդարացնել այսօրվա խնդիրները, փորձում էին վերագնահատել նախորդ իշխանության տնտեսական քաղաքականության արդյունքները: Խոսքը հիմնականում 2001-2007 թվականների մասին է:

Նախագահ Քոչարյանը կարող էր պարզապես լուռ մնալ, հիմք ընդունելով այն, որ ըստ Սահմանադրության՝ տնտեսության պատասխանատուն կառավարությունն է: Բայց նա պաշտպանեց այդ ձեռքբերումները ոչ միայն եւ ոչ այնքան իր համար, այլ նաեւ այն թիմի համար, որը երկարամյա աշխատանքով կերտել է այդ ձեռքբերումները: Խոսքը վարչապետի, նախարարությունների, Երեւանի եւ այլ քաղաքների քաղաքապետարանների, տասնյակ հազարավոր շինարարների մասին է, որոնք ոչ թե փուչիկ էին փչում, այլ բարեկարգում էին երկիրը: Այդ ՙփուչիկներից՚՝ ճանապարհներից, կամուրջներից, թունելներից, բարեկարգված թատրոններից ու թանգարաններից, այսօր օգտվում են բոլորը, այդ թվում՝ մոռացկոտ պաշտոնյաները:

Ցավոք, այդ ձեռքբերումներն այսօր պետք է պաշտպանել նաեւ այն երիտասարդ հանրապետականների ոտնձգություններից, որոնց կարիերան սկսվել է Անդրանիկ Մարգարյանի օրոք եւ նրա շնորհիվ՚,- ասվում է հաղորդագրության մեջ:

EY ընկերությունը թողարկել է Հայաստանում աշխատավարձերի և հատուցումների 2013թ. ուսումնասիրության հաշվետվությունները: Այդ մասին ԱրմԻնֆո-ին հաղորդել են ընկերության մարքեթինգի ծառայությունում:

Հակոբ Ինջիղուլյանի ազգակցականները հունվարի 16-ին հանդիպել են Կարմիր Խաչի Միջազգային կոմիտեի երևանյան գրասենյակի ղեկավար Սառա Էպրեխտի հետ: Այս մասին ԱրմԻնֆո գործակալության հետ զրույցում տեղեկացրել է Կարմիր խաչի երևանյան գրաաենյակի կոմունիկացիաների գծով ծրագրերի ղեկավար Զառա Ամատունին:

 ՀՀ երկրորդ նախագահ Ռոբերտ Քոչարյանն իր հարցազրույցում օբյեկտիվ և արդարացի է գնահատել Հայաստանում տիրող իրավիճակը: Այսօր կայացած մամուլի ասուլիսում նման կարծիք է արտահայտել ԲՀԿ-ից նախկին պատգամավոր, տնտեսագետ Վարդան Բոստանջյանը:

Հայաստանի և Ադրբեջանի ԱԳՆ ղեկավարներ Էդվարդ Նալբանդյանը և Էլմար Մամեդյարովը հաջորդ շաբաթ կհանդիպեն Փարիզում: Այս մասին է հաղորդում Տրենդ գործակալությունը, հղում կատարելով սեփական դիվանագիտական աղբյուրներին:

Հունվարի 15-ին, «Ոսկե ծիրան» միջազգային կինոփառատոնի գլխավոր տնօրեն Հարություն Խաչատրյանը փառատոնի 10-րդ տարեդարձի հոբելյանական հուշամեդալով պարգևատրեց ՀՀ-ում Ֆրանսիայի արտակարգ և լիազոր դեսպան Անրի Ռենոյին, ի նշան երախտիքի՝ դեսպանության կողմից այս փառատոնին ցուցաբերած օժանդակության:

 Նախախորհրդարանը կոչ է անում չաջակցել «Հայաստան» հիմնադրամին և ստեղծել այլընտրանքային Համազգային հիմնադրամ, որի գլխավոր նպատակը կլինի նպաստել Հայաստանում պետական կառավարման յուրային համակարգի ձևավորմանը: Այս մասին է ասված Նախախորհրդանի կողմից տարածած մամուլի հաղորդագրության մեջ: