Վարչապետ Տիգրան Սարգսյանն ընդունել է Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեին: Ինչպես ԱրմԻնֆո գործակալությանը հաղորդեցին կառավարության տեղեկատվության և հասարակայնության հետ կապերի վարչությունից,  վարչապետ բարձր է գնահատել ԵՄ-ի ֆինանսական և տեխնիկական օժանադակությամբ մեր երկրում իրականացվող ծրագրերը և նշել է, որ Հայաստանը շահագրգռված է Եվրոպական միության հետ փոխգործակցության զարգացմամբ, տարբեր բնագավառներում ժողովրդավարական բարեփոխումների իրականացման շարունակականությամբ և խորացմամբ:

Այդ համատեքստում, Տիգրան Սարգսյանը և Շտեֆան Ֆյուլեն քննարկել են Հայաստան-ԵՄ հարաբերություններին առնչվող հարցերի լայն շրջանակ, անդրադարձել համագործակցության հեռանկարներին և ուղղություններին: Զրուցակիցները մտքեր են փոխանակել տեղի ունեցող ինտեգրացիոն գործընթացների շուրջ: Շտեֆան Ֆյուլեն նշել է, որ ԵՄ-ը հարգում է իր գործընկերների ազատ ընտրությունը և պատրաստ է դիտարկել երկկողմ համագործակցության շուրջ մոտեցումներն ու մտքերը, որոնք ուղղված կլինեն հետագա կապերի զարգացմանն ու ընդլայնմանը:

 Սեպտեմբերին 12-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանը հանդիպել է ճանաչողական այցով Ստեփանակերտ ժամանած ԳԴՀ խորհրդարանի՝ Բունդեսթագի պատգամավոր, արտաքին հարաբերությունների մշտական հանձնաժողովի անդամ Յուրգեն Կլիմկեի հետ։ 
Ինչպես ԱրմԻնֆո գործակալության տեղեկացվել է ԼՂՀ ԱԳՆ մամուլի ծառայությունից,  ողջունելով Յուրգեն Կլիմկեի այցը ԼՂՀ` Կարեն Միրզոյանը նշել է, որ գերմանացի խորհրդարանականին լավ հնարավորություն է ընձեռվել ծանոթանալու ԼՂՀ-ում առկա դրական գործընթացներին և ստանալու իրեն հետաքրքրող հարցերի պատասխանները։ 

Կարևորելով վերջին շրջանում տարբեր երկրների ներկայացուցիչների հաճախակի դարձաց այցերը Արցախ` Կարեն Միրզոյանն ընդգծել է դրանց նշանակությունն արտաքին աշխարհում Արցախի մասին լիարժեք և համակողմանի տեղեկատվության տարածման և միջազգային գործընթացներում ԼՂՀ ինտեգրման գործում։

Հանդիպման ընթացքում Կարեն Միրզոյանը ներկայացրել է Ադրբեջանի և Լեռնային Ղարաբաղի միջև հակամարտության կարգավորման գործընթացի ներկա փուլը։ Անդրադարձ է կատարվել նաև մի շարք փոխադարձ հետաքրքրություն ներկայացնող հարցերին։

 Սեպտեմբերի 12-ին ՀՀ ԱԳ նախարար Էդվարդ Նալբանդյանը հանդիպեց ԵՄ Ընդլայնման և Եվրոպական հարևանության քաղաքականության հարցերով հանձնակատար Շտեֆան Ֆյուլեի հետ, որը Երևան է ժամանել Արևելյան գործընկերության մասնակից երկրների ԱԳՆ ղեկավարների ոչ ֆորմալ գագաթնաժողովին մասնակցելու նպատակով:

Ինչպես ԱրմԻնֆո գործակալության տեղեկացվել է ՀՀ ԱԳՆ մամուլի ծառայությունից,  զրուցակիցները շարունակեցին ս.թ. սեպտեմբերի 5-ին Բրյուսլեում կայացած քննարկումները, կարևորեցին Վիլնյուսի գագաթաժողովին ընդառաջ Երևանում Արևելյան գործընկերության երկրների արտգործնախարարների և կրթության նախարարների ոչ պաշտոնական հանդիպման անցկացումը: Նախարար Նալբանդյանը վերահաստատեց Հայաստանի ցանկությունը բոլոր հնարավոր ուղղություններով շարունակել Եվրամիության հետ փոխգործակցությունը:

Հիշեցնենք, որ 2013 թվականի նոյեմբերին Վիլնյուսում տեղի կունենա Եվրամիության և ԵՄ ՙԱրևելյան հարևանություն՚ ծրագրի անդամ երկրների գագաթնաժողովը, որի ընթացքում ակնկալվում է մի քանի երկրների, այդ թվում նաև Հայաստանի, կողմից Ասոցացման, ինչպես նաև ՙԽորը, համապարթակ և ազատ առևտրի գոտու՚ վերաբերյալ համաձայնագրերի նախաստորագրումը:

Սակայն, սեպտեմբերի 3-ին ՌԴ նախագահ Վլադիմիր Պուտինի հետ բանակցությունների արդյունքում ՀՀ նախագահ Սերժ Սարգսյանը հայտարարեց Մաքսային միությանը Հայաստանի անդամակցման մտադրության մասին: Հայաստանը մտադիր է այդ ուղղությամբ ձեռնարկել անհրաժեշտ բոլոր քայլերը, իսկ հետագայում ցանկանում է մասնակցել նաև Եվրասիական տնտեսական միության ձևավորմանը, նշվել է երկու նախագահների համատեղ հայտարարության մեջ: Պուտինը Սարգսյանի որոշումը սատարել է և խոստացել ամեն կերպ օժանդակել Երևանի անդամակցման գործընթացին:

Ադրբեջանի ԱԳ փոխանարար Մահմուդ Մամեդղուլիևը ՙԱրևելյան գործընկերություն՚ ծրագրի անդամ-երկրների ԱԳՆ ղեկավարների երրորդ ոչ ֆորմալ գագաթնաժողովին մասնակցելու նպատակով ժամանել է Երևան:

Նիստին, որը կհանդիսանա նախապատրաստական վերջին միջոցառումը Վիլնյուսում կայանալիք գագաթնաժողովից առաջ, կմասնակցի նաև ԵՄ-ում Ադրբեջանի դեսպան Ֆուադ Իսկենդերովը:

Նշենք, որ սեպտեմբերի 3-ին ՌԴ նախագահ Վլադիմիր Պուտինի հետ բանակցությունների արդյունքում ՀՀ նախագահ Սերժ Սարգսյանը հայտարարեց Մաքսային միությանը Հայաստանի անդամակցման մտադրության մասին: Հայաստանը մտադիր է այդ ուղղությամբ ձեռնարկել անհրաժեշտ բոլոր քայլերը, իսկ հետագայում ցանկանում է մասնակցել նաև Եվրասիական տնտեսական միության ձևավորմանը, նշվել է երկու նախագահների համատեղ հայտարարության մեջ: Նշենք նաև, 2010 թվականից Երևանն անկտիվորեն բանակցում էր ԵՄ հետ Ասոցացման, ինչպես նաև Առևտրի խորը, համապարփակ և ազատ գոտու ստեղծման համաձայնագրերի շուրջ, որի ստորագրումը նախատեսվում էր Վիլնյուսում կայանալիք գագաթնաժողովում:

Դավիթ Ստեփանյան. Ժողովրդավարական ճանապարհով ՙՎրացական երազանքին՚ իշխանությունը զիջելուց հետո արվեցին վրդովեցուցիչ հայտարարություններ: Օրինակ, վրացական արտաքին քաղաքականության հայացման մասին: Որ Հայաստանը մեր բարեկամական երկիրն է, բայց նա որոշել է մտնել Մաքսային միություն և չի կարող օրինակ հանդիսանալ Վրաստանի համար, ինչպես այդ մասին հայտարարում է մեր վարչապետը: Այս մասին ուղանողական կազմակերպությունների հետ իր նստավայրում կայացած հանդիպմանը հայտարարել է Վրաստանի նմախագահ Միխեիլ Սահակաշվիլին:

ՙՎարչապետ Իվանիշվիլին խախտում է վրացական քաղաքականության գլխավոր թաբուն, հրապարակայնորեն հայտարարելով, որ Եվրասիական Միությունը, որը հանդիսանում է նոր ԽՍՀՄ և ստեղծվում է Պուտինի ու նրա շրջապատի կողմից, որպեսզի դեպի ետ գլորի մեր ձեռբերումները ՆԱՏՕ-ի և ԵՄ ուղղությամբ, -դա հարց է, որը, պարզվում է, ուսումնասիրության կարիք ունի: Դա, իհարկե, նրա բացարձակ իրավունքն է, որպես քաղաքական պաշտոն զբաղեցնող անձի, բայց այժմ, երբ այդ թաբուն խախտվել է, և այդ հարցը կրկին դարձել է վեճերի առարկա,- որ Վրաստանը պետք է գնա դեպի Արևմուտք կամ Հյուսիս,-ավելի արդարացված կլինի վիճել այն մարդու հետ, ով այդ թաբուն խախտել է՚,-ընդգծել է Վրաստանի նախագահը:

 Մաքսային միությանն անդամակցելու հարցում ոչ ոք մեզ վրա ճնշում չի գործադրել, և Հայաստանը պատրաստ է Վիլնյուսի գագաթնաժողովում նախաստորագրել ԵՄ հետ Ասոցացման համաձայնագիրը: Իհարկե, Խոր և համապարփակ ազատ առևտրի գոտու մասին պայմանագիրը միանգամայն այլ բան է, սակայն նախաստորագրել Ասոցացման համաձայնագիրը`հաշվի առնելով, որ ոչ մի կերպ չի հակասում ՄՄ-ին, մենք պատրաստ ենք: Այդ մասին այսօր խորհրդարանում լրագրողներին հայտարարել է ՀՀ ԱԺ նախագահ Հովիկ Աբրահամյանը:

ԵՄ անվանումով կոշտ կայսրությունում Հայաստանի համար տեղ է հատկացված վեցերորդ կարգի երկրների շարքում: Այս մասին այսօր Երևանում լրագրողներին հայտարարել է Հայաստանի քաղաքագետների միության նախագահ Հմայակ Հովհաննիսյանը:

 Human Rights Watch միջազգային հեղինակավոր իրավապաշտպան կազմակերպությունը նամակով դիմել է ՀՀ Ոստիկանապետ Վլադիմիր Գասպարյանին և Հատուկ քննչական ծառայության պետ Վահրամ Շահինյանին՝ ձեռնարկել բոլոր միջոցները խաղաղ ցուցարարների նկատմամբ հարձակումները բացահայտելու և հանցագործներին պատասխանատվության ենթարկելու համար: 

 Վերջերս դեսպան Ջեյմս Ուորլիքի նշանակումն ԱՄՆ-ից ԵԱՀԿ Մինսկի խմբի նոր համանախագահի պաշտոնում ղարաբաղյան հակամարտության խաղաղ կարգավորման գործում հակամարտության կողմերին օգնելու ԱՄՆ պատրաստակամության լուրջ ազդանշան է: Այդ մասին ասվում է ԱՄՆ նախագահ Բարաք Օբամայի`ՀՀ նախագահ Սերժ Սարգսյանին ուղղված ուղերձում: 

 ՄՄ-ին անդամակցելու Հայաստանի որոշումը վերջինիս զարգացմանը և ինքնիշխանությանն առնչվող բազմաթիվ հարցեր է հարուցել, այսօր ՙՀայաստանի նոր ընտրությունը. Տնտեսական և քաղաքական ապագայի սցենարներ՚ կլոր սեղանի ժամանակ այդպիսի կարծիք է հայտնել գերմանական Կոնրադ Ադենաուեր հիմնադրամի Հարավային Կովկասի գծով տնօրեն Ջանան Աթիլգանը: 

 Ինձ ու իմ ընկերներինբ 2008 թվականին նստացրին առանց ապացույցների, իսկ մեջքին կրակած մարդասպանին օրերս ազատ են արձակել: Այս մասին այսօր լրագրողներին հայտարարել է Հայ Ազգային Կոնգրեսի անդամ Գուրգեն Եղիազարյանը:

Իրականում Հայաստանի անդամակցումը Մաքսային միությանն անհնար է: Այս մասիյն այսօր Երևանում կայացած` ՙՀայաստանի նոր ընտրություն. Տնտեսական և քաղաքական սցենարների ապագան՚ խորագրով Կլոր սեղանի ընթացքում հայտարարել է Կովկասի ինստիտուտի տնօրեն Ալեքսանդր Իսկանդարյանը:

 ՙՎճարում ենք 100 դրամ՚ քաղաքացիական շարժման մասնակիցները դժգոհ են, որ Ոստիկանությունը չի շտապում հայտնաբերել ակտիվիստների նկատմամբ ֆիզիկական բռնության դեպքերի համար մեղավորներին:

Պատերազմը Սիրիայում անպայման կանդրադառնա կովկասյան տարածաշրջանում առկա իրավիճակի վրա: Այդ մասին հայտարարել է ՌԼԴԿ առաջնորդ Վլադիմիր Ժիինովսկին սեպտեմբերի 11-ին Սիրիայի վերաբերյալ Պետդումայի հայտարարության նախագծի քննարկման ժամանակ:

Ոչ Մոսկվան, ոչ, առավել ևս, Բրյուսելը տվյալ փուլում պատրաստ չեն մեծ փողեր հատկացնել ինտեգրման նախագծերի իրագործմանը: Այդ մասին հայտարարել է Ռուսաստանի գիտությունների ակադեմիայի Արևելագիտության ինստիտուտի Կենտրոնական Ասիայի, Կովկասի և Ուրալ-Պովոլժիեի ուսումնասիրման կենտրոնի աշխատանքային խմբի համակարգող Ալեքսանդր Սկակովը սեպտեմբերի 12-ին Երևան-Մոսկվա հեռուստակամրջի ընթացքում:

 Մաքսային միությանը Հայաստանի անդամակցումը էապես կամրապնդի նրա դիրքերը տարածաշրջանում: Այդպիսի կարծիք է հայտնել Հայաստանում Ռուսաստանի նախկին դեսպան, այժմ Կասպյան համագործակցության ինստիտուտի տարածաշրջանային ծրագրերի տնօրեն Վյաչեսլավ Կովալենկոն Երևան-Մոսկվա հեռուստակամրջի ընթացքում: 

 Հայաստանը մտադիր է գրանցել հայատառ նոր դոմենի անուն ՙ.հայ՚՝ ի լրումն օգտագործվող ՙ.am՚-ի: Այդ մասին սեպտեմբերի 12-ին հայտարարել է ՙԻնտերնետ հասարակություն՚ հասարակական կազմակերպության փոխնախագահ Գրիգոր Սաղյանը:

Տեղեկատվական տեխնոլոգիաների զարգացումը Հայաստանում չի առնչվում պետական աջակցության ծրագրերին և ՏՏ հատվածի գերակայուն ճյուղ հռչակմանը: Այդպիսի հայտարարությամբ է հանդես եկել ՙԻնտերնետ հասարակություն՚ հասարակական կազմակերպության փոխնախագահ Գրիգոր Սաղյանը Ծրագրավորողի միջազգային օրվա նախօրեին:

ԱՄՆ-ից ԵԱՀԿ Մինսկի խմբի նորանշանակ համանախագահ Ջեյմս Ուորլիքը սեպտեմբերի 12-ին Երևանում մամուլի ասուլիսի ժամանակ հրաժարվել է մեկնաբանել Ադրբեջանում հայ ռազմագերի Հակոբ Ինջիղուլյանի իրավունքների խախտմանն առնչվող միջադեպը: 

 ԵԱՀԿ ՄԽ ամերիկյան համանախագահ Ջեյմս Ուորլիքը սեպտեմբերի 12-ին Երևանում մամուլի ասուլիսի ժամանակ հայտարարել է, որ անհամբերությամբ սպասում է ռուսաստանցի համանախագահ Իգոր Պոպովի հետ աշխատանքին: