Նոյեմբերի 27-ի ժամը 11.00-ի դրությամբ ՀՀ տարածքում բոլոր ավտոճանապարհները հիմնականում անցանելի են:

 Beeline-ը և Հայաստանի մանուկներ հիմնադրամը (COAF) պաշտոնապես ամփոփեցին ՙԱջակցություն Արմավիրի մարզի Շենիկ համայնքի մանկապարտեզին՚ ծրագիրը։ Ծրագրի շրջանակում բարեկարգման աշխատանքներ իրականացվեցին Շենիկ համայնքի մանկապարտեզում, մասնավորապես կահավորվեցին և անկողնային պարագաներով համալրվեցին  հանգստի սենյակները, ինչպես նաև բացվեց նոր խաղահրապարակ  մանկապատեզ հաճախող երեխաների համար։ 

Սադրանքներով և անմարդկային գործողություններով Բաքուն մոտեցնում է հատուցման ժամը, քանի որ ադրբեջանական կողմի ցանկացած չմտածված և անհեռատես քայլ համարժեք պատասխան կստանա, նախօրեին լրագրողներին հայտարարել է Հայաստանի պաշտպանության նախարար Սեյրան Օհանյանը: 

 Ադրբեջանական զինված ուժերի կողմից խփված արցախյան ուղղաթիռի օդաչուների մարմինների դուրս բերման հատուկ գործողությունը ցույց է տվել, որ հայկական բանակը կարող է այնպիսի գործողություններ իրականացնել, որոնց կարող են շատ երկրներ նախանձել, այսօր մամուլի ասուլիսի ժամանակ այդպիսի կարծիք է հայտնել Հայաստանի հանրապետական կուսակցությունից պատգամավոր Գագիկ Մինասյանը:   

«Երևան Էքսպո» կենտրոնում կայացավ «Գծին հետևող և իրեր դասակարգող ռոբոտ» մրցույթի եզրափակիչ փուլը: Մրցույթին մասնակցում էր 11 թիմ, որոնք հիմնականում կարողացել էին լուծել առաջադրված խնդիրները:

Օդաչուները, ովքեր համարձակվել են թռիչք կատարել Լեռնային Ղարաբաղի և հարակից տարածքների երկնակամարում, իմանալով, որ կարող են գտնվել ադրբեջանցի դիպուկահարների թիրախում, մեծ խիզախություն են ցուցաբերել, նրանք արժանի են հերոսացման, այսօր մամուլի ասուլիսի ժամանակ հայտարարել է ՙԸնդդեմ իրավական կամայականության՚ հիմնադրամի գործադիր տնօրեն Լարիսա Ալավերդյանը` մեկնաբանելով հնչող կարծիքը, թե հայ օդաչուների գործողությունները հերոսություն չէ, այլ ղեկավարության սխալը:   

 Հայաստանում ստվերային տնտեսությունն առայժմ չի դիմակավորվում անշարժ գույքի տակ: Ինչպես այսօր կայացած մամուլի ասուլիսում հայտարարել է Հայաստանի գործատուների միության նախագահ Գագիկ Մակարյանը, «թաքնված» բիզնեսի սեփականատերերն առայժմ չեն ձգտում անշարժ գույք գնելու միջոցով լվանալ իրենց անօրինական եկամուտները:

Հայաստանը Ռուսաստանի Դաշնության հետ բանակցում է բեռների տեղափոխման գործընթացը դյուրացնելու ուղղությամբ: Այս մասին նոյեմբերի 26-ին Եվրասիական տնտեսական միությանը Հայաստանի միանալու թեմայով տեղի ունեցած քննարկումների ընթացքում հայտարարել է ՀՀ էկոնոմիկայի նախարարության շուկայի կառավարման և կարգավորման վարչության ղեկավար Գագիկ Քոչարյանը:

ՅՈՒՆԵՍԿՕ-ն վերջ տվեց Հայաստանի և հարևան երկրների միջև լավաշի շուրջ ընթացող վեճերին: Այսուհետ հայկական ավանդական լավաշն ընդգրկված է ՅՈՒՆԵՍԿՕ-ի Ոչ նյութական մշակութային ժառանգության ցանկում: Այդ մասին որոշումն ընդունվել է նոյեմբերի 26-ին, Փարիզում ընթացող ՅՈՒՆԵՍԿՕ-ի Ոչ նյութական մշակութային ժառանգության պաշտպանության մասին կոնվենցիայի միջկառավարական կոմիտեի 9-րդ նիստում:

 Բաքուն արցախյան ուղղաթիռի ոչնչացման հետ կապված սաբոտաժի է դիմել, քանի որ համոզված է ղարաբաղյան հակամարտության գոտում ռազմական գործողություններ վերսկսելու հայկական կողմերի ցանկության բացակայության մեջ, այսօր մամուլի ասուլիսի ժամանակ այդպիսի կարծիք է հայտնել ՙՆախախորհրդարանի՚ անդամ Ժիրայր Սեֆիլյանը: 

 Այսուհետ Օrange-ի բաժանորդներն Orange Կինո ծառայությունից կարող են օգտվել նաև Սինեմա Սթար կինոթատրոնում: Orange Կինո ծառայությունը, որն Orange-ի ձայնային ծառայությունների բաժանորդներին հնարավորություն է ընձեռում իրենց մտերիմներից մեկին հրավիրել կինո և ձեռք բերել 2 տոմս՝ վճարելով միայն մեկ տոմսի արժեքը, այսուհետ կգործի չորեքշաբթի օրերին Երևանի ամենամեծ կինոթատրոններում:

  Որքան միջազգային հանրությունը կոչ է անում հակամարտության կողմերին պատրաստել ժողովուրդներին խաղաղության, այլ ոչ թե` պատերազմի, այնքան ավելի շատ է Ադրբեջանի ղեկավարության կողմից հնչում ռազմատենչ, պատերազմ հրահրող հռետորաբանություն, հայատյացության քարոզ, առավել ուժեղանում են հետապնդումները` փոխվստահության ամրապնդման և հաշտեցման կողմնակից ադրբեջանական քաղաքացիական հասարակության ներկայացուցիչների դեմ։ Այդ մասին հայտարարել է արտգործնախարար Էդվարդ Նալբանդյանը` Ստոկհոլմի Միջազգային խաղաղության հարցերով հետազոտական ինստիտուտում Հայաստանի արտաքին քաղաքականության վերաբերյալ իր ելույթում, վերստին հիշեցնելով,որ Հայաստանը կիսում է ԵԱՀԿ Մինսկի խմբի համանախագահ երկրների մոտեցումը, որ հիմնահարցի խաղաղ կարգավորումը այլընտրանք չունի։

 Ազգային ժողովի տնտեսական հարցերի հանձնաժողովը 5 <<կողմ>> և 2 <<դեմ>> ձայներով դրական եզրակացություն է կազմել Եվրասիական տնտեսական միությանը Հայաստանի անդամակցության շուրջ պայմանագրին, ինչից հետո փաստաթուղթը կներառվի ԱԺ առաջիկա նստաշրջանի օրակարգում:

Նոյեմբերի 25-ին, տեղական ժամանակով ժամը 22.47-ին Հայաստանի Հանրապետության Եղեգնաձոր քաղաքից 10 կմ հարավ-արևելք տեղի է ունեցել 2.6 մագնիտուդով երկրաշարժ, որի ուժգնությունը էպիկենտրո­նային գոտում կազմել է 3 բալ: Էպիկենտրոնի աշխարհագրական կոորդինատներն են՝ հյուսիսային լայնության 39.710 և արևելյան երկայնության 45.440:

Նոյեմբերի 26-ի ժամը 11.00-ի դրությամբ ՀՀ տարածքում բոլոր ավտոճանապարհները, հիմնականում, անցանելի են: Ինչպես ԱրմԻնֆո գործակալությանը ահղորդեցին ԱԻՆ մամուլի ծառայությունից, փակ է Գեղարքունիքի մարզի Սոթք-Քարվաճառ ավտոճանապարհը:Դժվարանցանելի է Վարդենյաց լեռնանցքը: Գեղարքունիքի մարզի ավտոճանապարհներին, Սյունիքի մարզի Գորիս-Շինուհայր ավտոճանապարհին և Դիլիջան-Վանաձոր ավտոճանապարհի Մարգահովիտ գյուղի հատվածում տեղ-տեղ առկա է մերկասառույց: Անվտանգ երթևեկությունն ապահովելու նպատակով ճանապարհաշինարարների կողմից ավտոճանապարհներին կատարվում են աղով և ավազով մշակման աշխատանքներ:

Աբխազիայի հետ ՙԴաշնակցության և ռազմավարական գործընկերության մասին՚ համաձայնագրի ստորագրման և ե/ու աբխազական հատվածի բացման օգնությամբ Հայաստանի հետ երկաթուղային հաղորդակցության վերականգնման անհրաժեշտության մասին ՌԴ նախագահի հայտարարության միջև ես հակասականություն չեմ տեսնում, առցանց մամուլի ասուլիսի ժամանակ այդպիսի կարծիք է հայտնել Ռուսաստանի քաղաքական հետազոտությունների կենտրոնի /Ռուսաստան/ փոխնախագահ Դմիտրի Պոլիկանովը:

Ռուսաստանի հետ ռազմաքաղաքական, իսկ հիմա արդեն տնտեսական միության ձևաչափն ամենահարմարն  է Հայաստանի բազմամակարդակ անվտանգության ապահովման համար` հաշվի առնելով տարածաշրջանային և գլոբալ սպառնալիքները, առցանց մամուլի ասուլիսի ժամանակ ԱրմԻնֆո-ին այդպիսի կարծիք է հայտնել Ռուսաստանի քաղաքական հետազոտությունների կենտրոնի փոխնախագահ Դմիտրի Պոլիկանովը:

 Ադրբեջանի կողմից հայկական ուղղաթիռի ոչնչացման միջադեպի առնչությամբ բոլոր հարցերի պատասխանը կտա ծառայողական քննությունը: Այդ մասին լրագրողների հետ զրույցում հայտարարել է ԼՂՀ պաշտպանության նախարար Մովսես Հակոբյանը` պատասխանելով հարցին, թե ինչու է ուղղաթիռը մոտ թռչել ղարաբաղա-ադրբեջանական շփման գծին և  ով է նման հրաման տվել: Խոսելով այն մասին, թե ինչ ազդեցություն է ունեցել այդ միջադեպը հայկական զինված ուժերում տիրող հոգեբանական վիճակի վրա` նախարարն ասել է. ՙՄիջադեպերը, իհարկե, ազդեցություն ունենում են, բայց դա չի նշանակում, որ բանակը կարող է բարոյահոգեբանական անկում ապրել: Այդպիսի բաները խորթ չեն բանակի համար, այն ստեղծված է պատերազմի համար,  ու սա պատերազմի մի դրվագ է՚: 

 Նոր սառը պատերազմ արդեն ընթանում է: Բոլորը ձևացնում են, թե դա այդպես չէ, բայց փաստացի հակասություների վերացման համար գոյություն ունեցող հարթակները չեն գործում, առցանց մամուլի ասուլիսի ժամանակ այդպիսի կարծիք է հայտնել Ռուսաստանի քաղաքական հետազոտությունների կենտրոնի /Ռուսաստան/ փոխնախագահ Դմիտրի Պոլիկանովը: 

 Նոյեմբերի 25-ին ՀՀ Ազգային ժողովի փոխնախագահ Էդուարդ Շարմազանովը հանդիպել է Հայաստանի Հանրապետությունում Հունաստանի արտակարգ եւ լիազոր դեսպան Իոաննիս Տայիսի հետ: