Ոստիկանությունը քրեական հետապնդում է հարուցել ակտիվիստ Գևորգ Սաֆարյանի նկատմամբ։ Այդ մասին ասվում է «Նախախորհրդարանի» մամուլի ծառայությունից ԱրմԻնֆո գործակալությանը տրամադրված հաղորդագրության մեջ:

Գորիսի դատարանը վարույթ է ընդունել Սյունիքի նախկին մարզպետ Սուրիկ Խաչատրյանի տան մոտ հրաձգության փաստին առնչվող գործը և հրապարակել է Արտակ Բուդաղյանի նկտամամբ մեղադրանքը:

 Մայիսի 30-ին, ժամը 07.15-ին ՍՊԾ-ի սեյսմոլոգիական ցանցի կողմից գրանցվել է 2.5 մագնիտուդով երկրաշարժ, որի էպիկենտրոնը գտնվում է Հայաստան-Ադրբեջան սահմանային գոտում Վարդենիս քաղաքից 29 կմ հյուսիս-արեւմուտք:

Լուիզիանա նահանգի Սենատը միաձայն ընդունել է բանաձև, որը դատապարտում է հայերի ջարդերն Ադրբեջանում, ԱրմԻնֆո-ին հաղորդել են Ամերիկայի հայ ազգային կոմիտեից:

 ԱՐՄՍՎԻՍԲԱՆԿ-ը, հավատարիմ մնալով հաճախորդների հետ աշխատելու իր գործելավոճին, երաշխավորելով և ապահովելով անհատական մոտեցում յուրաքանչյուր հաճախորդին՝ տեղեկատվական տեխնոլոգիաների ոլորտում հայտնի «Բևեռ» ընկերության հետ համատեղ ներդրել է Microsoft Dynamics CRM ծրագրային համակարգը: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Հայաստանի և ԱՄՆ հարաբերությունները գտնվում են բարձր մակարդակի վրա, ինչի վկայությունն է երկու երկրների միջև վիզային ռեժիմների դյուրացումը: Այս մասին հայտարարել է ՀՀ փոխարտգործնախարար Սերգեյ Մանասարյանը, երկրի 2013 թվականի բյուջեի կատարման խորհրդարանական լսումների ընթացքում:

 «Բանկային գործ և ապահովագրություն» պահանջված մասնագիտությունն արդեն կդասավանդվի Հայաստանի Ֆրանսիական համալսարանում: Համալսարանի «Ֆինանսներ» ֆակուլտետում «Բանկային գործ և ապահովագրություն» մասնագիտության գծով բակալավրատի ստեղծման կապակցությամբ այսօր տեղի ունեցած մամուլի ասուլիսին մասնակցել են` Հայաստանի բանկերի միության նախագահ (ՀԲՄ) Սամվել Ճզմաչյանը, ԱԿԲԱ - Կրեդիտ Ագրիկոլ Բանկի գլխավոր տնօրեն Հակոբ Անդրեասյանը և «Հայաստանում Ֆրանսիական Համալսարան» հիմնադրամի ղեկավար Ժան-Ժակ ՄոնտուանJean- Jacques Montua:

 Երևանի Կարեն Դեմիրճյանի անվան մարզա-համերգային համալիրի գույքի վաճառքի աճուրդը, որը կազմակերպել էր ՀՀ արդարադատության նախարարության Դատական ակտերի հարկադիր կատարման ծառայությունը, չկայացավ հայտերի բացակայության պատճառով: Այս մասին ԱրմԻնֆո գործակալության թղթակցին տեղեկացրել է ԴԱՀԿ մամուլի քարտուղար Ռիմա Եգանյանը:

Չնայած Հայաստանի իշխանությունների շտապողականությանը` մոտ ժամանակներս Եվրասիական միությանը Հայաստանի միացման վերաբերյալ փաստաթղթի ստորագրում տեղի չի ունենա, ԱրմԻնֆո-ի թղթակցի հետ զրույցում հայտարարել է ՙԺառանգություն՚ կուսակցության գլխավոր քարտուղար Ստեփան Սաֆարյանը: 

 Եվրասիական տնտեսական միությանը Հայաստանի անդամակցության հայեցակարգային հարցերն արդեն համաձայնեցվել են, մնում է համաձայնեցնել միայն տեխնիկական պահերը: Այդ մասին լրագրողներին հայտարարել է ՀՀ փոխարտգործնախարար Սերգեյ Մանասարյանը: 

Ղրիմի գծով ՄԱԿ-ում Հայաստանի քվեարկությունն ուղղված  չէր Ուկրաինայի դեմ, այն արտացոլում էր Հայաստանի դիրքորոշումը ազգերի ինքնորոշման առնչությամբ: Այս մասին այսօր լրագրողներին հայտարարել է ՀՀ փոխարտգործնախարար Սերգեյ Մանասյանը:

Ղարաբաղյան հակամարտության կարգավորմանը խանգարում է Հայաստանի ոչ կառուցողական դիրքորոշումը, «ադրբեջանական տարածքների օկուպացումը»: Ինչպես հաղորդում է «Թուրան» գործակալությունը, այս մասին հայտարարել է Ադրբեջանի նախագահ Իլհամ Ալիևը, մայիսի 27-ին ելույթ ունենալով Հանրապետության օրվա առիթով տեղի ունեցած պաշտոնական ընդունելության ժամանակ:

Հայաստանը չափազանց համառ և վճռական դիրքորոշում է դրևորում ինտեգրման հարցերի նկատմամբ: Ինչպես հաղորդում է «Կազինֆորմը», Եվրասիականն տնտեսական բարձրագույն խորհրդի նիստում այդ մասին հայտարարել է Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոն:

Հայաստանի պաշտպանության նախարարը հակված չէ քաղաքական ենթատեքստ տեսնել Ռուսաստանի կողմից Ադրբեջանին ռազմական տեխնիկայի վաճառքում: Մայիսի 29-ին Սեյրան Օհանյանն այդ մասին հայտարարել է լրագրողներին:

Հայաստանում շինանյութի խոշորագույն արտադրող "Շեն Հոլդինգ"-ը ընդլայնել է իր ապրանքատեսականին` համալրելով այն ջրադիսպերսիոն (W1) և լատեքսային (L1) ոչ թանկ ներկերով: Այս մասին ԱրմԻնֆո գործակալությանը տեղեկացրեց ընկերության մարքեթինգի բաժնի ղեկավար Էդգար Առաքելյանը: Նա ընդգծեց, որ ընկերության կողմից արտադրվող ինչպես համեմատաբար թանկ, այնպես էլ ավելի մատչելի ներկերն ունեն բարձր որակ, ինչպես նաև էկոլոգիապես մաքուր են, իսկ դրանց հիմնական տարբերությունը ծածկողականության տարբեր աստիճանն է:

Եվրասիական տնտեսական միությանը Հայաստանի անդամակցության շուրջ պայմանագիրն անհրաժեշտ է ստորագրել ամենամոտ ժամանակ, հայտարարել է ՌԴ նախագահ Վլադիմիր Պուտինը` ամփոփելով Եվրասիական բարձրագույն տնտեսական խորհրդի նիստի արդյունքները:

Հայոց բանակը պատրաստ է հետ մղել հակառակորդի ամեն մի հարձակում` նրան պատճառելով անդառնալի վնաս: Այսօր այդ մասին լրագրողներին հայտարարել է պաշտպանության նախարար Սեյրան Օհանյանը` մեկնաբանելով արբեջնական կողմի վերջին դիվերսիոն գործողությունները, ինչի արդյունքում ԼՂՀ ՊԲ զինծառայող է զոհվել, իսկ հակառակորդը կորցրել է երկու դիվերսանտ, այդ թվում` հատուկ ջոկատի հրամանատարին:

 Առաջնորդվելով Եվրասիական ինտեգրացիոն գործընթացին միանալու վերաբերյալ պայմանագրի շուտափույթ ստորագրման Հայաստանի նպատակամղվածությամբ մենք ցուցաբերում ենք առավելագույն ճկունություն և կառուցողականություն, հայտարարել է Հայաստանի նախագահ Սերժ Սարգսյանը այսօր Աստանայում Եվրասիական տնտեսական բարձրագույն խորհրդի ընդլայնված կազմով նիստում: Այն կայացել է խորհրդի անդամ պետությունների ղեկավարների՝ Ռուսաստանի Դաշնության նախագահ Վլադիմիր Պուտինի, Բելառուսի Հանրապետության նախագահ Ալեքսանդր Լուկաշենկոյի և Ղազախստանի նախագահ Նուրսուլթան Նազարբաևի, ինչպես նաև դիտորդ պետությունների կարգավիճակով նիստին հրավիրված Հայաստանի Հանրապետության և Ղրղզստանի Հանրապետության նախագահների մասնակցությամբ:

 Շուրջ 40 երկիր արդեն հայտարարել է Մաքսային միությանը և Ազատ առևտրի գոտուն միանալու մտադրության մասին: Ինչպես հաղորդում է «Թրենդը», մայիսի 29-ին Աստանայում մամլո ասուլիսի ժամանակ այդ մասին հայտարարել է Եվրասիական ինտեգրման ինստիտուտի տնօրեն Ժանարգուլ Կուսմանգալիևան: Նրա ասելով, այդ երկրների թվում են Թուրքիան, Հնդկաստանը, Նոր Զելանդիան, Վիետնամը: