Երևանը ցնցված է Բաքվում Տավուշի մարզի բնակիչ Կարեն Պետրոսյանի սպանությամբ և ցավակցում է նրա հարազատներին ու մերձավորներին։ Այդ մասին ՙԱզատության՚ հետ զրույցում ասել է ԱԳՆ մամլո խոսնակ Տիգրան Բալայանը:

Մեկ տարածաշրջանում պատերազմ սանձազերծած մարդը չի կարող նպաստել ղարաբաղյան հակամարտության կարգավորմանը մեկ այլ տարածաշրջանում, լրագրողներին հայտարարել է ԱԻՄ առաջնորդ Պարույր Հայրիկյանը`նկատի ունենալով ՌԴ նախագահ Վլադիմիր Պուտինի միջնորդական դերը Սոչիում:

 Իր դեստրուկտիվ քաղաքականությամբ խաթարելով բանակցային գործընթացը, գործելով ի հակառակ իր իսկ կողմից ստորագրված փաստաթղթերի և ձեռք բերված պայմանավորվածությունների, քարանձավային մտածելակերպի վրա հիմնված ռասիստական հայտարարություններով, միջազգային ասպարեզում երկիրը դարձնելով ծաղկած կոռուպցիայի և ավտորիտարիզմի հոմանիշ, և բոլորովին վերջերս, իր իսկ կողմից նախապես ծրագրավորված սադրանքների արդյունքում անհաջողության մատնվելով մարտական գործողություններում, Ադրբեջանի ղեկավարը անհաջող փորձում է սուր ճոճել սոցիալական ցանցերում, որտեղ ևս արժանի հակահարված է ստանում։ Այդ մասին հայտարարել է ԱԳ նախարարի տեղակալ Շավարշ Քոչարյանը` մեկնաբանելով Ադրբեջանի նախագահի վերջին հայտարարությունները: 

Ողջ աշխարհը պետք է իմանա, թե ինչպիսի արյունալի բռնատիրություն է Եվրախորհրդում նախագահող Ադրբեջանում: Ինչպես հաղորդում են ադրբեջանական ԶԼՄ-ները, այդ մասին ասվում է ադրբեջանցի իրավապաշտպան Լեյլա Յունուսի հայտարարությունում, ով կալանքի տակ է գտնվում հայրենիքի դավաճանության մեղադրանքով:

 Կարմիր խաչի միջազգային կոմիտեն պարտավոր է Ադրբեջանին պատժել Հայաստանի քաղաքացի ԿաԱեն Պետրոսյանին գազանաբար սպանելու համար: Օգոստոսի 9-ին այդ մասին լրագրողներին հայտարարել է ԱԻՄ առաջնորդ Պարույր Հայրիկյանը:

 Հայաստանի և Ադրբեջանի զինված ուժերի շփման գծում լարվածության սրումը Հարավային Կովկասի ողջ տարածաշրջանի վրա Ուկրաինայի իրադարձությունների ազդեցության հետևանք է: Ինչպես հաղորդում է «Անադոլու» գործակալությունը, այդ մասին հայտարարել է Թուրքիայի արտգործնախարար Ահմեթ Դավութօղլուն:

 Ադրբեջանում մեծ աղմուկ և հակահայկական հիստերիա հարուցած «Քարե երազներ» գրքի հեղինակ Աքրամ Այլիսլին Ադրբեջանից մեկնել է Թուրքիա:

Ռուսաստանի համար Վրաստանը ճանապարհ է, Հայաստանը` զենք, Ադրբեջանը` գին, «Ամերիկայի Ձայն»-ին հայտարարել է հայտնի ամերիկյան վերլուծաբան Փոլ Գոբլը: «Հայտնվելով բարդ իրավիճակում` Մոսկվան Հայաստանի նկատմամբ ճնշում է գործադրում, պարտադրելով է միանալ Մաքսային Միությանը: Այսօր Ռուսաստանն ակնհայտորեն Երևանի կողմն է, Մոսկվան Երևանին օգտագործում է բացառապես սեփական նպատակներով: Այդ լույսի ներքո Հայաստանը, որը վտանգավոր շրջան է ապրում, պետք է ղեկավարվի ոչ թե  այսրոպեական, այլ երկարաժամկետ միջոցներով, կայացնելով մի շարք որոշումներ` ստեղծված իրավիճակից դուրս գալու նպատակով: Հաշվի առնելով լավ տարբերակների բացակայությունը` Երևանը պետք է ընտրի չարիքներից փոքրագույնը», - համոզված է վերլուծաբանը:

 Անցած գիշեր և այսօր առավոտյան ադրբեջանական կողմը կրկին խախտել է հրադադարի պահմանման ռեժիմը հայ-ադրբեջանական պետական սահմանագոտու տարբեր հատվածներում` կիրառելով հրաձգային, այդ թվում` խոշոր տրամաչափի զինատեսակներ, ԱրմԻնֆո գործակալությանը հաղորդեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից:

Սերժ Սարգսյանն ու Իլհամ Ալիևը կհանդիպեն օգոստոսի 10-ին Սոչիում` Ռուսաստանի նախագահ Վլադիմիր Պուտինի մասնակցությամբ: Այդ մասին Twitter-ում նշել է Ադրբեջանի նախագահի աշխատակազմի արտաքին կապերի բաժնի վարիչ Նովրուզ Մամեդովը:

 Պետք է արձանագրենք, որ ի տարբերություն Պաշտպանության բանակի կողմից դրսևորված բարձր մարտական պատրաստվածության, ադրբեջանական զինուժը անընդունակ է իրականացնել ոչ միայն հաղթանակ խոստացող լայնամասշտաբ պատերազմ, այլև հատուկ նշանակության լոկալ գործողություններ: Այդ մասին հայտարարել է ԼՂՀ ՊՆ տեղակալ, Արցախի   ազատամարտիկների միության նախագահ, գեներալ-մայոր Սամվել Կարապետյանը:

Ադրբեջանի նախագահ Իլհամ Ալիևի հայտարարությունն ուղղված է բացառապես ներքին լսարանին: ԱրմԻնֆո-ի թղթակցի հետ զրույցում այդպիսի կարծիք է հայտնել հունգարացի գիտնական, քաղաքագիտության պրոֆեսոր Լասլո Քեմենին:

Օգոստոսի 8-ի լույս 9-ի գիշերը՝ ժամը 04:20-ի սահմաններում, ղարաբաղա-ադրբեջանական հակամարտ զորքերի շփման գծի հարավային /Հադրութի/ և հարավարևելյան /Մարտունու/ ուղղություններով հակառակորդը հերթական անգամ ձեռնարկել է դիվերսիոն ներթափանցման փորձ:

Թուրքիայի նախագահի պաշտոնի ազգությամբ քուրդ թեկնածու Սելահաթթին Դեմիրթաշը «Ագոս» պարբերականում հրապարակված հարցազրույցում խոստացել է նախագահ ընտրվելու դեպքում ճանաչել Հայոց ցեղասպանությունն ու ամեն տարի ապրիլի 24-ին հարգանքի տուրք մատուցել անմեղ զոհերի հիշատակին:

Այսօր վաղ առավոտից Երևանում ընթացել է քաղաքացիական նախաձեռնության երթ` «Ոչ պատերազմին» կարգախոսով: Ակցիայի մասնակիցները Հանրապետության հրապարակից շարժվել են դեպի ԱԳՆ, այնուհետև` դեպի Ռուսաստանի դեսպանատուն, հետո` դեպի Ազատության հրապարակ: Ակցիայի կազմակերպիչները կարծում են, որ հայ-ադրբեջանական սահմանում և ղարաբաղա-ադրբեջանական շփման գծում ստեղծված լարվածության համար պատասխանատվություն են կրում Հայաստանի և Ռուսաստանի, ինչպես նաև տարածաշրջանում ազդեցություն ունեցող երկրների վարչախմբերը: Ակցիայի մասնակիցները ղարաբաղյան հակամարտության գոտում իրավիճակի սրման համար պատասխանատու են համարում նաև ԵԱՀԿ Մինսկի խմբին, որն զբաղվում է խնդրի կարգավորմամբ: «Անհասցե հայտարարություններով հանդես գալու փոխարեն Մինսկի միջնորդները պետք է որոշակի քայլեր ձեռնարկեն արյունահեղությունը կանխելու ուղղությամբ, մասնավորապես, դիպուկահարներին հեռացնեն հայ-ադրբեջանական սահմանից և ԼՂՀ ու Ադրբեջանի շփման գծից», - նշել են երթի մասնակիցները:

Ադրբեջանում ազգային փոքրամասնություններին առնչվող իրավիճակն այնքան ոչ միանշանակ է, որ  Ստեփանակերտից «Թալիշստանի ձայնը» նրանց համար կարող է հնչել շատ ավելի բարձր,  քան «հայրանիքի պաշտպանության» կոչերը` Բաքվից: ԱրմԻնֆո-ին այդպիսի կարծիք է հայտնել Աշխարհաքաղաքական վերլուծության եվրոպական կենտրոնի գլխավոր տնօրեն Մատեուշ Պիսկորսկին:

Սոչիում Սերժ Սարգսյանը պետք է բարեխոսի Լևոն Հայրապետյանի համար: Օգոստոսի 7-ին լրագրողներին այդպիսի կարծիք է հայտնել ՀՀՇ վարչության անդամ Հովհաննես Իգիթյանը:

 Թուրքիայի հակահայկական քաղաքականությունը չպետք է շարունակվի Ղարաբաղում: Եվ Հայաստանը պետք է ամեն ինչ անի, Ղարաբաղի և Ադրբեջանի սահմանում դիմակայությունում Ադրբեջանին Թուրքիայի ամեն տեսակ աջակցության խոչընդոտելու համար: Օգոստոսի 7-ին լրագրողներին այդպիսի կարծիք է հայտնել թուրքագետ Արտակ Շաքարյանը:

Ուկրաինական ճգնաժամի շարունակումը, այդ թվում`սրացումը, կարող է բարձիթողի թողնել ղարաբաղյան հակամարտությունը, ԱրմԻնֆո-ին այդպիսի կարծիք է հայտնել Ռուսաստանի պետական հումանիտար համալսարանի արտասահմանյան ռեգիոնագիտության և արտաքին քաղաքականության ամբիոնի դոցենտ, հայտնի վերլուծաբան Սերգեյ Մարկեդոնովը`կանխատեսելով իրավիճակի սրման հեռանկարները ղարաբաղյան հակամարտության գոտում: 

 Ղարաբաղյան հակամարտությունում բռնության դեպքերի ավելացումը Հայաստանի և Ադրբեջանի նախագահների միջև Սոչիում կայանալիք բանակցությունների առարկա կդառնա: ԱրմԻնֆո-ին այդպիսի կարծիք է հայտնել Ռուսաստանի պետական հումանիտար համալսարանի արտասահմանյան ռեգիոնագիտության և արտաքին քաղաքականության ամբիոնի դոցենտ, հայտնի վերլուծաբան Սերգեյ Մարկեդոնովը`մեկնաբանելով ղարաբաղյան հակամարտության գոտում իրավիճակի սրման պատճառները: