Օմբուդսմենների միջազգային հանձնաժողովը Հայաստանի մարդու իրավունքների պաշտպանի գրասենյակին շնորհել է ՙԱ՚ դասի բարձրագույն կարգավիճակ, որին արժանանում են առավել անկախ, օբյեկտիվ և արդյունավետ աշխատող օմբուդսմենների գրասենյակները:

Վերջին երկու տարվա ընթացքում Միջազգային համակարգող հանձնաժողովը հետեւել եւ ուսումնասիրել է Հայաստանի օմբուդսմենի ինստիտուտի աշխատանքները, որի արդյունքում հաստատել է, որ Հայաստանի օմբուդսմենի ինստիտուտը գործում է Փարիզյան սկզբունքների համաձայն եւ համապատասխանում է բարձրագույն կարգավիճակ ստանալու բոլոր չափանիշներին: ՙԱ՚ դասի կարգավիճակն օմբուդսմեններին թույլ է տալիս ավելի համարձակորեն հարցեր բարձրացնել ՄԱԿ-ի և մյուս ազդեցիկ միջազգային կազմակերպությունների ամբիոններից:

Սեպտեմբերի 24-ին ԵՊՀ իրանագիտության ամբիոնում կկայանա ՙԹալիշագիտություն՚ մագիստրական ծրագրի բացման հանդիսավոր արարողությունը, որին մասնակցելու համար Երևան է ժամանել Թալիշական շարժման առաջնորդ, Թալիշ-Մուղանյան Հանրապետության նախագահ Ալաքրամ Ալաքբարի Հումմաթզոդան (գնդապետ Հումմաթով Ալաքրամ Ալաքպեր օղլի):

Այցի ընթացքում Հումմաթզոդան հանդիպումներ կունենա ՀՀ հասարակական-քաղաքական եւ գիտական շրջանների ներկայացուցիչների հետ: Թալիշների առաջնորդը կլինի նաև Լեռնային Ղարաբաղում, որտեղ հանդես կգա դասախոսությամբ:

Ավելացնենք, որ Հումմաթզոդան թալիշական ազատագրական շարժման մեջ հանդիսանում է առավել կշռադատված քայլերի կողմնակից եւ Թալիշստանի անկախության հասնելու ճանապարհը տեսնում է Ադրբեջանի Հանրապետության կոնֆեդերացման մեջ: Ընդ որում նա դեմ չէ նաև Թալիշստանի լիակատար անկախացմանը:

Առաջիկայում Հայաստանի խորհրդարանը կվավերացնի Ռուսաստանի հետ մի համաձայնագիր, որը նախատեսում է  հանրապետությանը Ռուսաստանի ռազմական գործարաններից ուղիղ գնումներ կատարելու բացառիկ իրավունքի տրամադրում£ Այդ մասին գրում է ՙՀրապարակ՚ թերթը` վկայակոչելով սեփական աղբյուրները խորհրդարանում:

Ըստ թերթի, նման առանձնաշնորհից կօգտվի բացառապես Հայաստանը: Բելառուսի հետ նույնպես համանման պայմանագիր կա, սակայնª որոշ վերապահումներով, ինչը Հայաստանի պարագայում բացակայում է£

Ավելացնենք, որ փորձագետների գնահատականների համաձայն, Հայաստանը Ռուսաստանի կողմից  նման ՙբացառիկ առանձաշնորհի՚ է արժանացել Մաքսային միությանն անդամակցելու համաձայնությունից հետո:

Ադրբեջանը չորս մարդով կրճատել է ԼՂՀ այցելած անցանկալի անձանց ցուցակը, հաղորդում է APA-ն:

Այդպիսի ՙերջանկության՚ են արժանացել Ռուսաստանի Պետդումայի պատգամավոր Ալեքսեյ Միտրոֆանովը, ՙԱմերիկայի ձայնի՚ Մոսկվայի բյուրոյի ղեկավար Ջեյմս Բրուկը, ինչպես նաև Ջոն Հոփքինսի համալսարանի ուսանողներ Իվան Բենովիչը և Նիկոլաս Բոնդրը: Աղբյուրի համաձայն, նրանք նման ՙներողամտության՚ են արժանացել այն պատճառով, որ ավելի վաղ ՙդիմել էին Ադրբեջանի կառավարությանը և զղջանք հայտնել պատահածի առնչությամբ՚:

Vesti.az-ի վարկածով, Միտրոֆանովը հաստատել է ՙիր անկեղծ զղջանքի փաստը՚: Ինչպես արտահայտվել է Միտրոֆանովը, ինքն ապավինել է ՙԱդրբեջանի ղեկավարության իմաստությանն ու բարեգթությանը՚: Սակայն Ադրբեջանի ԱՆ հայտարարել է, որ վերը նշված անձինք կրկին Ադրբեջան կարող են այցելել, ՙեթե հրապարակավ ներողություն հայցեն՚:

Հիշեցնենք, որ Ադրբեջանի ՙսև ցուցակը՚ ներառում է 300 հայտնի մարդկանց, ովքեր ՙհանդգնել են առանց Բաքվի թույլտվության՚ այցելել Լեռնային Ղարաբաղ:

Սեպտեմբերի 24-ին Մայր Աթոռ Սուրբ Էջմիածնում բացվել է Հայաստանյայց Առաքելական Սուրբ Եկեղեցու Եպիսկոպոսաց ժողովը`  Ն.Ս.Օ.Տ.Տ. արեգին Բ Ծայրագույն Պատրիարք և Ամենայն Հայոց Կաթողիկոսի և Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի նախագահությամբ: Ողջույնի խոսքով հանդես է եկել Հայաստանի նախագահ Սերժ Սարգսյանը: Ինչպես ԱրմԻնֆո գործակալությանը հաղորդեցին նախագահի մամլո գրասենյակից, նախագահը նշել է, որ այդ ժողովը դարակազմիկ իրադարձություն է, քանի որ հանգամանքների բերումով դարեր շարունակ հնարավոր չի եղել գումարել Հայոց Եկեղեցու Եպիսկոպոսաց դասի ժողով:

Իր ելույթուն նախագահն անդրադարձել է Հայոց ցեղասպանության 100-րդ տարելիցին, նդգծելով, թե ողջ աշխարհի հայության պարտքը ապագայում նոր ցեղասպանությունների կանխումն է: ՙԱյս օրերին Սիրիայում շարունակվում է կործանարար քաղաքացիական պատերազմը, որը դարձավ սիրիահայ համայնքի ծանրագույն փորձությունը: Սիրիայում կատարվողը մեր ամենամեծ ցավն է և մեր ամենօրյա թիվ մեկ մտահոգությունը: Սիրիայի ժողովուրդը հայերիս համար ամենածանր պահին գրկաբաց ընդունեց ցեղասպանությունից մազապուրծ եղածներին և իր ունեցածը կիսեց մեզ հետ: Մենք ցանկանում ենք, որ ստեղծված իրավիճակի համար հնարավորինս արագ քաղաքական հանգուցալուծում գտնվի և դադարեցվի արյունահեղությունը մեր բարեկամ երկրում՚, - ընդգծել է պետության ղեկավարը:

Մարիա Սահակյանը ՙԼավագույն ռեժիսուրայի՚ համար մրցանակի է արժանացել ԱՊՀ, Լատվիայի, Լիտվայի և Էստոնիայի 12-րդ ՙԿինոշոկ-2013՚ բաց փառատոնում` իր ՙԱյդ ես չեմ՚ ֆիլմի համար: Լավագույն օպերատորական աշխատանքի համար Կնյաժինսկու անվան պարգևը շնորհվել է ֆիլմի օպերատոր Մկո Մալխասյանին:

Ֆիլմի սյուժեն կառուցված է որպես 13-ամյա Էվրիդիկայի հետաքննություն-դիտարկում, ով, բջջային հեռախոսով նկարահանելով մոր կյանքը, փորձում է գտնել իրեն հուզող հարցերի պատասխանները: Այս տարի ՙԱյդ ես չեմ՚ ֆիլմ արժանացել է Հայաստանի ազգային կինոմրցանակի` որպես տարվա լավագույն ֆիլմ, ինչպես նաև` ՙՈսկե ծիրան՚ 10-րդ ՄԿՓ ՙՀայկական համայնապատկեր՚ ծրագրի գրանպրիի:

ԱՊՀ, Լատվիայի, Լիտվայի և Էստոնիայի 12-րդ ՙԿինոշոկ-2013՚ բաց փառատոնն ընթացել է սեպտեմբերի 15-22-ն Անապայում: Փառատոնում գրան-պրին շնորհվել է ղազախստանցի ռեժիսոր և սցենարիստ Երմեկ Տուրսունովի ՙՇալ՚ (ՙԾերուկ՚) ֆիլմին:

Հաջողությամբ ավարտվել է ՙԿասկադ Ինվեստմենտս՚ ՓԲԸ-ի` ՙԱմերիա Ասեթ Մենեջմենթ՚ ՓԲԸ-ին միացման գործընթացը: Ինչպես ԱրմԻնֆո գործակալության տեղեկացվել է ՙԱմերիա՚ ընկերությունների խմբի     մամուլի ծառայությունից, միացման արդյունքում ՙԱմերիա Ասեթ Մենեջմենթ՚ ՓԲԸ-ն ներկայումս հանդիսանում է ՙԿասկադ Ինվեստմենտս՚ ՓԲԸ-ի իրավահաջորդը: Նշենք, որ ՙԿասկադ Ինվեստմենտս՚ ՓԲԸ-ն Հայաստանի ներդրումային կառավարման շուկայի զարգացման մեջ նշանակալի դեր ունեցող ընկերություններից էր, որն առաջին անգամ Հայաստանում ներդրեց ներդրումների և ակտիվների կառավարման նոր և հետագայում ընլայնման միտում ունեցող ծառայություններ:

ՀՀ նախագահ Սերժ Սարգսյանը ՀԱՊԿ անդամ երկրներից աջակցություն է խնդրել Շանհայի համագործակցության կազմակերպությունում դիտորդի կարգավիճակ ստանալու հարցում:

Բարձրաստիճան պաշտոնատար անձանց էթիկայի հանձաժողովը մերժել է ՀՀ ԱԺ նախագահի տեղակալ Հերմինե Նաղդալյանի և նրան փոխկապակցված անձանց գույքի և եկամուտների հայտարարագրերի և դրանց վերաբերյալ ԶԼՄ-ներում հրապարակված տեղեկությունների համադրման և ուսումնասիրության նպատակով վարույթ հարուցելու մասին ԹԻՀԿ դիմումըª այն պատճառաբանությամբ, որ համաձայն ՙՀանրային ծառայության մասին՚ ՀՀ օրենքի, Հանձնաժողովը ՀՀ ԱԺ պատգամավորի նկատմամբ վարույթ հարուցելու իրավասություն չունի (հոդված 43):

ՀՀ նախագահ Սերժ Սարգսյանը հաստատել է Սիրիայում հակամարտության խաղաղ կարգավորման հարցի առնչությամբ Ռուսաստանի դիրքորոշմանն աջակցությունը: Ինչպես հաղորդում է ԻՏԱՌ-ՏԱՍՍ-ը, այդ մասին սեպտեմբերի 23-ին ՀԱՊԿ նստաշրջանում իր ելույթում հայտարարել է ՀՀ նախագահ Սերժ Սարգսյանը:

Moody's վարկանիշային գործակալությունը Հայստանի համար նվազեցրել է արտարժութային պարտատոմսերի առավելագույն վարկանիշը` Baa3-ից մինչև Ba1: Ինչպես հաղորդում է ՙԿավկազ օնլայն՚ տեղեկատվա-վերլուծական պորտալը, հղում կատարելով Moody's գործակալության կայքին, վերանայվել է նաև կարճաժամկետ արտարժութային պարտատոմսերի առաստաղը, Prime-3 (P-3)-ից մինչև Not-Prime (NP): Ավելի վաղ, օգոստոսի 20-ին, ազգային արժույթով պարտատոմսերի առաստաղը փոփոխվել էր` Baa1-ից մինչև Baa3:

Հայաստանի նախագահի պաշտոնի նախկին թեկնածու, էպոսագետ Վարդան Սեդրակյանի փաստաբան Ալեքսանդր Սիրունյանը մտադիր է բողոքարկել իր պաշտպանյալին 14 տարվա ազատազրկման դատապարտելու վերաբերյալ դատարանի վճիռը: Այդ մասին նա հայտարարել է ԱրմԻնֆո-ի թղթակցին:

Ըստ որում, Սիրունյանը հայտարարել է, որ ընդհանուր իրավասության դատարանի դատավճիռը դեռևս չի հանձնվել իրեն, սակայն, այն ստանալուց հետո բողոք կկազմվի`Վերաքննիչ դատարան ներկայացնելու նպատակով: Փաստաբանը նաև նշել է, որ Սեդրակյանը չի վհատվում և կշարունակի ազատության համար պայքարը:
 
Հայաստանի նախագահի պաշտոնի նախկին թեկնածու, էպոսագետ Վարդան Սեդրակյանը սեպտեմբերի 23-ին դատապարտվել է 14 տարվա ազատազրկման:
Մյուս երկու դատապարտյալները` Խաչիկ Պողոսյանն ու Սամվել Հարությունյանը, դատապարտվել են, համապաատսխանաբար, 14 և 12 տարվա ազատազրկման:

Հիշեցնենք, որ Վարդան Սեդրակյանը դատապարտվել է նախագահի պաշտոնի նախկին թեկնածու Պարույր Հայրիկյանի նկատմամբ մահափրոձի համար: Քրեական գործը հարուցվել էր Հայաստանի ՔՕ 34-305 հոդվածով (պետական, քաղաքական կամ հասարակական գործչի գործունեությունը դադարեցնելու նպատակով մահափորձ, որը նախատեսում է 12-20 տարվա ազատազրկում կամ ցմահ դատապարտում): Սեդրակյանը, սակայն, իր մեղքը չի ընդունում: Հայրիկյանն իր հերթին Սեդրակյանին մահափորձի հիմնական պատվիրատուն չի համարում`փորձելով ռուսական հետք գտնել դրանում: Այնուամենայնիվ, ԱրմԻնֆո-ի թղթակցի հետ զրույցում նա նշել է, որ նախագահի պաշտոնի նախկին թեկնածու Վարդան Սեդրակյանի 14-ամյա ազատազրկումը մեղմ պատիժ է:

Հայաստանը կմասնակցի Ֆրանկֆուրտի 65-րդ գրքի տոնավաճառին, որը կընթանա հոկտեմբերի 9-13-ը: Այդ մասին ԱրմԻնֆոյին հաղորդել է րքի և գրահրատարակչական գործի կենտրոնի տնօրեն Էդվարդ Միլիտոնյանը:

Նրա ասելով, հայկական տաղավարում կներկայացվի ավելի քան 200 գիրք. մանկական և գեղարվեստական գրականություն, հանրագիտարանային հրատարակություններ, գեղարվեստական ալբոմներ, հայկական արվեստին և մշակույթին նվիրված գրքեր: Հայկական գրատպության օտարալեզու արտադրանքն ավանդաբար ներկայացվում է գրիք միջազգային տոնավաճառներում, և Frankfurter Buchmesse-2013 բացառություն չի լինի:

Միլիտոնյանն ուշադրություն է հրավիրել այն հանգամանքին, որ վերիջին 7-8 տարում Հայաստանում օտար լեզուներով գրքեր են հրատարակվում: Օրինակ, անցյալ տարի հրատարակվել են ոչ միայն ռուսերեն և անգլերեն, այլև ֆրանսերեն, իսպաներեն և արաբերեն գրքեր: Բացի այդ, հրատարակվում են նաև գեղարվեստական ալբոմներ երկու-երեք լեզվով, որոնք ավանդաբար բարձր գնահատականների են արժանանում տարբեր երկրների փորձագետների շրջանում:

Ավելացնենք, որ այս տարի Ֆրանկֆուրտի գրքի տոնավաճառի պատվավոր հյուրը կլինի Բրազիլիան:

Ազատամարտիկների խորհուրդը բաց նամակ է հղել ՀՀ նախագահ Սերժ Սարգսյանին, ՀՀ ԱԺ նախագահ Հովիկ Աբրահամյանին, ՀՀ վարչապետ Տիգրան Սարգսյանին, ՀՀ գլխավոր դատախազի պաշտոնակատար Արամ Թամրազյաինին և ՀՀ պաշտպանության նախարար Սեյրան Օհանյանին, որում  պահանջում է ազատ արձակել գնդապետ Վոլոդյա Ավետիսյանին: ԱրմԻնֆո գործակալությանը տրամադրված բաց նամակում ասվում է.

ՙՍույն թվականի սեպտեմբերի 19-ին, ժամը 22:30-ին իր տնից առևանգվել է ազատամարտիկ, Հայոց բանակաշինության մեջ մեծ դերակատարություն ունեցող գնդապետ Վոլոդյա Ավետիսյանը: 20.09.2013 թ. ՊՆ-ն հայտարարություն է տարածել, ըստ որի իբր թե Վոլոդյա Ավետիսյանը մեծ չափով գումար է հափշտակել կամ խաբեությամբ վերցրել` Հ. Զաքարյանի թոռանը բանակից ազատելու համար: Այդ անհեթեթ հայտարարությունը չի կարող համապատասխանել իրականությանը, քանի որ նախ` Վ. Ավետիսյանն այս պահին պահեստի գնդապետ է և համակարգում որևէ պաշտոն չի զբաղեցնում, ապա` նրան ճանաչելով` հայտնում ենք, որ նա այդ անձնավորությունը չէ: Մենք համոզված ենք, որ նրա նկատմամբ այդ սադրանքը պայմանավորված է վերջին ամիսների հասարակական ակտիվ գործունեությամբ, որով նա պահանջում է արժանապատիվ կյանք` բոլոր ազատամարտիկների համար: Մի±թե բազմաթիվ պարգևներ և մեդալներ ստացած, ազատամարտիկների մոտ հարգանք վայելող հրամանատարն արժանի էր այսպիսի շնորհավորանքի` անկախության 22-րդ տարելիցի կապակցությամբ: Նրա` մեկուսարանում գտնվելու փաստը միանգամայն ապօրինի է: Մենք մեր զայրույթի ձայնն ենք բարձրացնում և պահանջում անհապաղ ազատ արձակել նրան մեկուսարանից: Եթե նախաքննությանն անհրաժեշտ է նրա ներկայությունը, ապա մենք` ներքո ստորագրյալներս, երաշխավորում ենք, որ նա չի խոչընդոտի այդ գործընթացին: Ռազմի դաշտում լինելով Լեոնիդ Ազգալդյանի ընկերը և նրա տեղակալը` նա միշտ աչքի է ընկել մարդասիրական հատկանիշներով, քարոզել ու մինչև օրս քարոզում է օրինականություն և հայրենասիրություն: Նման անձնավորությունը չի կարող լինել հանցագործ և անկախության տոնը պետք է նշեր իր մարտական ընկերների հետ: Պահանջում ենք ազատ արձակել Վ. Ավետիսյանին, այլապես նրան դատապարտելը մեծ հարված կլինի ոչ միայն ազատամարտիկների, այլև ազգային բանակի հեղինակությանը՚:

ԱԻՄ առաջնորդ Պարույր Հայրիկյանը կարծում է, որ նախագահի պաշտոնի նախկին թեկնածու Վարդան Սեդրակյանի 14-ամյա ազատազրկումը մեղմ պատիժ է: Այդ մասին Հայրիկյանը հայտարարել է ԱրմԻնֆոյի թղթակցի հետ զրույցում:

ՙԱնկասկած, դա չափազանց մեղմ պատժաչափ է, սակայն ես հիշաչար մարդ չեմ, Աստված իր հետ, հատկապես, եթե հաշվի առնենք, որ Սեդրակյանը չէ իմ դեմ մահափորձի անմիջական պատվիրատուն՚, - նշել է քաղաքական գործիչը: Նա նաև ավելացրել է, որ դատարանը չի պարզել գործի բոլոր հանգամանքները և անպատիժ է թողել իրական պատվիրատուին: ՙԱյն փաստը, որ դատավորը մերժել է Սեդրակյանին 100 հազար դոլար ուղարկած Ռուսաստանի քաղաքացուն հարցաքննելու միջնորդությունը, խոսում է այն մասին, որ դատական համակարգն անկախ չէ՚, - եզրափակել է Հայրիկյանը:

Հիշեցնենք, որ Պարույր Հայրիկյանն իր նկատմամբ մահափորձի առաջին իսկ օրից դրանում ՙռուսական հետք՚ էր տեսնում, ինչի առնչությամբ դատարանից պահանջել էր հարցաքննել Վարդան Սեդրակյանին 100 հազար դոլար ուղարկած Ռուսաստանի քաղաքացուն:

Հայաստանի նախագահի պաշտոնի նախկին թեկնածու, էպոսագետ Վարդան Սեդրակյանը դատապարտվել է 14 տարվա ազատազրկման:

Ինչպես հաղորդում է ԱրմԻնֆոյի թղթակիցը, մյուս երկու դատապարտյալները` Խաչիկ Պողոսյանն ու Սամվել Հարությունյանը, դատապարտվել են, համապաատսխանաբար, 14 և 12 տարվա ազատազրկման: Հիշեցնենք, որ Վարդան Սեդրակյանը դատապարտվել է նախագահի պաշտոնի նախկին թեկնածու Պարույր Հայրիկյանի նկատմամբ մահափրոձի համար: Քրեական գործը հարուցվել էր Հայաստանի ՔՕ 34-305 հոդվածով (պետական, քաղաքական կամ հասարակական գործչի գործունեությունը դադարեցնելու նպատակով մահափորձ, որը նախատեսում է 12-20 տարվա ազատազրկում կամ ցմահ դատապարտում): Սեդրակյանը, սակայն, իր մեղքը չի ընդունում:

Արցախյան պատերազմի վետերան Խաչատուր Ավետիսյանը սեպտեմբերի 20-ին ՙԱզատության՚ հրապարակում հանրահավաքի ժամանակ հայ ժողովրդին կոչ է արել համախմբվել և տապալել իշխանությունը: ՙՄեկ անգամ մենք միավորվեցինք և թշնամուց ազատագրեցինք Արցախը, իսկ այժմ ժամանակն է պայքյարել ընդդեմ ներքին թշնամու՚, - ընդգծել է նա:

Միջազգային հանքարդյունաբերական ընկերությունների խումբ ԳեոՊրոՄայնինգ ընկերությունը (ՊՄ կամ Ընկերություն) ՀՀ Մշակույթի նախարարության հետ համատեղ կազմակերպում է ռուս տաղանդավոր երիտասարդ դաշնակահար Էդուարդ Կունցի համերգը Երևանում:

Սեպտեմբերի 19-ի ուշ երեկոյան Հայստանում առաջին անգամ թողարկել են եվրոպարտատոմսեր: Այս մասին ԱրմԻնֆո գործակալության թղթակցին տեղեկացվել է ՀՀ ֆինանսների նախարարության մամուլի ծառայությունից:

Թողարկման գլխավոր անդերրայթերներն են Deutsche Bank AG, LondonBranch, HSBC Bank plc и J.P.Morgan Securities plc կազմակերպությունները: Պարտատոմսերի տեղաբաշխումը հաջողությամբ ավարտվել է: Թողարկման ծավալը կազմում է 700 մլն.դոլար, մարման ժամկետը` 70 տարի, իսկ եկամտաբերությունը` 6%: Հայաստանի կանխատեսումն ըստ Moody's-ի վարկանիշի` ՙBa2՚ է, իսկ ըստ Fitch-ի վարկանիշի` ՙBB-՚ կայուն:

Ավելի վաղ ՀՀ վարչապետ Տիգրան Սարգսյանը հաղորդել էր, որ եվրաբոնդերի թողարկումը քաղաքական որոշում է: Ըստ վարչապետի, հաջող տեղաբաշխման դեպքում Հաաանը մտադիր է մարել Ռուսաստանի վարկային պարտքը: