Հայաստանի օմբուդսմեն Կարեն Անդրեասյանն այսօր լրագրողներին ներկայացրել է 136 էջից բաղկացած իր տարեկան զեկույցը, որում առանձնացրել է քաղաքացիների իրավունքների ոլորտի 148 համակարգային պրոբլեմ:Ինչպես նշել է Անդրեասյանը, Մարդու իրավունքների պաշտպանի գրասենյակը խախտումներ է արձանագրել 22 պետական հաստատություններում: Նրա խոսքերով, երկրում տիրող իրավիճակը կարելի է բնութագրել հետևյալ կերպ` Հայաստանին պակասում է հաց և արդարություն:

Նա տեղեկացրել է, որ ՀՀ կառավարությունն արդեն հանձնարարել է կազմել բացահայտված պրոբլեմները լուծելու գործողությունների ծրագիր, որը կհաստատվի հաջորդ ամիս: ՙՕմբուդսմենի գրասենյակն ուշադիր կհետևի բարձրացված պրոբլեմների լուիծման ընթացքին: Բացի այդ, նախագահի հանձնարարությամբ ստեղծվել է միջգերատեսչական հանձնաժողով, ԱԱԽ քարտուղարի ղեկավարությամբ, բացահայտված թերությունները վերացնելու նպատակով՚,-ասել է նա:

Նշենք, որ Օմբուդսմենի գրասենյակը իրավական ծառայություններ է մատուցել 7395 քաղաքացիների: 999 բողոքների ուսումնասիրության ընթացքում, որոնք մտնում են օմբուդսմենի իրավասությունների մեջ, վերականգնվել են 557 քաղաքացիների իրավունքներ, նախորդ տարվա համեմատ գրանցելով 38% աճ:

 Հայաստանի դատական իշխանությունները շատ հիվանդագին են արձագանքում իրենց հասցեին ՀՀ մարդու իրավունքների պաշտպանի քննադատությանը, և այդ հանգամանքը մտահոգիչ է, քանի որ չեղյալ է դարձնում իրավական համակարգի առողջացման բոլոր հնարավորությունները: Այսօր կայացած մամուլի ասուլիսում նման կարծիք է արտահայտել ՀՀ օմբուդսմեն Անդրեասյանը, ներկայացնելով իր տարեկան զեկույցը:

Ըստ Անդրեասյանի, պետական կառույցների շարքում, որոնց գործունեութւյանն անդրադարձել է օմբուդսմենի զեկույցը, ամենասուր և կտրուկ կերպով արձգանքել են դատական իշխանութոյւնները: ՙԴատական դեպարտամենտն ամեն կերպ փորձում է վարկաբեկել օմբուդսմենի ինստիտուտը, միաժամանակ մոռանալով, որ հասարակության մոտ 70%-ը չի վստահում դատական իշխանություններին: Դատական իշխանության ներկայացուցիչները չեն հասկանում, որ առողջ քննադատության նկատմամբ իրենց ըմբռնելու անընդունակությամբ նրանք վարկաբեկում են իրենք իրենց՚,-նշել է Պաշտպանը:

Նա նաև նշել է Պոտեկամուտների կոմիտեի համակարգի, ինչպես նաև Տնտեսական մրցակցության պաշտպանության պետական հանձնաժողովի գործունեությունը:
Քննադատությունն ըմբռնելուն անընդունակ լինելու առումով օմբուդսմենը նշել է նաև Ոստիկանությունը, Առողջապանոության նախարարությունը, ինչպես նաև Աշխատանքի և սոցիալկան հարցերի նախարարությունը:

ՙԲարգավաճ Հայաստանը՚ Երևանի Ավագանու խորհրդի ընտրություններին մասնակցում է ՙՓոխելու ենք՚ և ՙՍկսենք Երևանից՚ կարգախոսներով: Այդ մասին Facebook-ի իր էջում գրել է ՙԲարգավաճ Հայաստան՚ խմբակցությունից ՀՀ ԱԺ պատգամավոր, նախկին արտգործնախարար Վարդան Օսկանյանը:

ՙՄայիսի 5-ին տեղի կունենան Երևանի ավագանու ընտրությունները: Ես գլխավորելու եմ ԲՀԿ ցուցակը: Ասեմ, որ կուսակցության առաջնորդը՝ Գագիկ Ծառուկյանը, ես, ավագանու բոլոր թեկնածուները և կուսակցությունն իր ողջ ներուժով լավագույնս պատրաստվում ենք այս ընտրություններին և գնում ենք հաղթելու: Այս ընտրությունները խիստ կարևոր են: Ֆորմալ իմաստով՝ այո, սա քաղաքային ընտրություններ են, բայց ըստ էության՝ համապետական՝ հաշվի առնելով Երևանի կշիռը հանրապետությունում: Երևանն իր ներուժով և կարողություններով պետություն է պետության մեջ: Ես կուզենայի, որ մեր հասարակությունը նույնպես լրջագույնս վերաբերվեր այս ընտրություններին և այն անպայմանորեն դիտարկեր և՛ քաղաքական, և՛ քաղաքային հարթություններում:

Սա քաղաքական ընտրություն է: Նախ, որովհետև քաղաքապետի պաշտոնում ոչ իշխանական կուսակցությունից քաղաքապետ ընտրվելու դեպքում այդ անձը փաստացի դառնում է հանրապետության երկրորդ կարևորագույն դերակատարը:

Երկրորդ, որովհետև ԲՀԿ-ի կողմից առանձին կամ քաղաքական այլ ուժերի հետ միասին քաղաքային իշխանությունը վերցնելու դեպքում քաղաքական համակարգում առաջին անգամ լրջագույն հակակշիռ կստեղծվի իշխող կուսակցությանը, որից մինաշանակորեն կշահի երկիրը, ժողովրդավարությունը և քաղաքացին:

Երրորդ, որովհետև այս ընտրությունները տեղի են ունենալու այն պահին, երբ թերևս նախագահական ընտրությունների արդյունքում առաջացած ճգնաժամը հանգուցալուծված չի լինելու, ուստի ժողովրդի բողոքի կանչը և պահանջատիրությունը կարող են իրենց արտահայտությունը գտնել նաև այս ընտրությունների ընթացքում:

Վերջապես, որովհետև այս ընտրությունների ընթացքում ոչ իշխանական ուժերի համագործակցությունը և միասնական հաղթանակը առավել լայն հնարավորություն կստեղծեն այդ համագործակցությունը տեղափոխելու Ազգային ժողով՝ այնտեղ ձևավորվող համապետական օրակարգի իրականացման շուրջ:
Ինչ վերաբերում է ընտրությունների քաղաքային բնույթին, ապա քաղաքի վիճակը մոտավորապես այն է, ինչ ընդհանուր հանրապետությանը: Կան բազմաթիվ չլուծված խնդիրներ, բացթողումներ, չարաշահումներ, ոչ թափանցիկ գործարքներ և ընթացակարգեր, որոնք բացասական էական ազդեցություն ունեն Երևանի բնակիչների վրա:

Նախքան այդ խնդիրների մասին խոսելը կուզենայի ընդհանրական մի դիտարկում անել քաղաքի մասին. Երևանի նկատմամբ կարծեք գյուղապետական մոտեցում կա: Դա արտահայտվում է ամեն ինչում՝ հրապարակային միջոցառումներում, շինարարության որակում և քաղաքի զարդարանքներում: Երևանի նկատմամբ մեր փիլիսոփայական մոտեցումը պետք է փոխենք և քաղաքին վերաբերվենք որպես ոչ միայն Հայաստանի, այլ նաև համայն հայության մայրաքաղաքի և օտարազգի այցելուների համակրելի վայրի: Նման փիլիսոփայությամբ մենք էապես նպաստած կլինենք ոչ միայն քաղաքի տեսքի և որակի փոփոխությանը, այլ նաև բնակչության նույնիսկ ամենատարրական առօրյային վերաբերող խնդիրների արդյունավետ լուծմանը:

Քաղաքի խնդիրները ես դիտարկում եմ չորս հարթություններում. Առաջինը Երևանի բնակիչների առօրյային վերաբերող հարցերն են՝ ջրամատակարարում, աղբահանություն, տրանսպորտ, կրթություն, առողջապահություն, հաշմանդամություն ունեցող մարդկանց համար հնարավորությունների ստեղծում, կանաչ գոտիներ, ապահով շենքեր և վերելակներ և այլն: Այս բոլոր ոլորտներում էլ լրջագույն խնդիրներ կան, և հաճախ ոչ միայն առաջընթաց չկա, այլև նույնիսկ վատթարացում կա: Սակայն խնդիրն այն է, որ ճիշտ և արդյունավետ կառավարման դեպքում բոլոր խնդիրները լուծելի են:

Երկրորդը քաղաքի ճարտարապետական տեսքն է: Այստեղ միանշանակորեն մենք հետընթաց ունենք: Ապօրինի շինարարություն, շենքերի կտուրների անճաշակ և վտանգավոր ավելացումներ ու կցակառույցներ, ազգայինին անհարիր ճարտարապետական կառույցներ և այլն: Քաղաքապետի առաջին խնդիրը պետք է լինի նախ կասեցնել Երևանի դիմագծի աղճատումն ու աղավաղումը և հետո լրջորեն մտածել վերականգնելու այն, ինչ այս տարիների ընթացքում կորցրել ենք:

Երրորդը քաղապետարանում և թաղապետարաններում բյուրոկրատական քաշքշուկներն են: Այստեղ քաղաքացիների շփումը քաղաքային իշխանությունների հետ պետք է հնարավորինս հեշտացնել, դարձնել թափանցիկ, կրճատել թույլտվություններ ստանալու ընթացակարգերը և այլն:

Վերջապես, Երևան քաղաքում փոխել գործարար մթնոլորտը, բոլոր բիզնեսների համար հավասար պայմաններ ստեղծել մասնակցելու և շահելու քաղաքապետարանի ֆինանսավորմամբ իրականացվող ծրագրերը: Նոր մթնոլորտում մեծացնել քաղաքի ֆինանսական եկամուտների հնարավորությունները և խնդիր դնել Երևանը դարձնել ֆինանսապես լիովին ինքնաբավ: Այս ամենը հնարավոր կլինի միայն ընտրություններին քաղաքացիների ակտիվ մասնակցությամբ: Սա իսկապես հերթական հնարավորություն է երկրում իրավիճակ փոխելու համար՚,- գրել է նա:

 Ombudsman of Armenia Karen Andreasyan has submitted an annual report of 136 pages highlighting 148 systematic problems in the sphere of human rights. Thus, the report revealed violations of human rights at 22 state establishments. The Ombudsman says that the situation in the country can be characterized in the following way: Armenia lacks break and justice.

He said that the government has already charged developing an action plan to settle the problems revealed.  The action plan will be approved next month.

"Ombudsman's Office will be following the process of settlement of the above problems. In addition, a relevant inter-department committee has been set up at the request of the president. Secretary of the National Security Council will head the Committee," Andreasyan said.

To recall, in 2012 the Ombudsman's Office provided legal services to 7395 citizens, studied 999 complains and restored the rights of 557 citizens. As compared to 2011, the number of the satisfied complains grew by 38%.

 ԱԻՄ առաջնորդ Պարույր Հայրիկյանը ֆեյսբուքյան իր էջում ՙողորմելիներ՚ է անվանել նրանց, ովքեր շահարկում են իր բուժման նպատակով Հայաստանը կառավարության կողմից 50 հազ.դոլար հատկացնելու փաստը:

Ներկայումս Հայրիկյանը գտնվում է Ամստերդամում և արդեն այցլել է բժշկին: Նրա խոսքերով, բժիշկը հավաստիացրել է, որ նա հրաշքով է փրկվել մահից: ՙԵս իմացա, որ որոշ ողորմելի մարդիկ դժգոհ են, որ մեր առողջապահության համակարգը կմասնակցի իմ առողջացմանը: Բանի տեղ մի դրեք, խոտանը միշտ էլ եղել է, ու կլինի: Երբ 2 ամիսներին ընթացքում ես ցավից տառապում էի, նրանք չկային, չկային նաև նրանց ծնողները երբ իմ ծնողները քսան տարիների ընթացքում սպասում էին իմ վերադարձին: Այժմ նրանք լսեցին, որ պետոությունն ինձ համար անում է այն, ինչ պարտավոր էր անել ցանկացած պետություն, ու նրանք կատաղեցին: Թող իրենց թույնի և նախանձի մեջ պայթեն: Ես արդեն Հոլանդիայում և ամեն ինչ կախված է վերականգնման և առողջացման ընթացքից: Մեզ բոլորից ցանկանում եմ ամենայն բարիք՚,-գրել է Հայրիկյանը:

Նշենք, որ հաշվի առնելով ԱԻՄ նախագահ Պարույր Հայրիկյանի ունեցած նշանակալի ավանդը Հայաստանի Հանրապետությունում անկախության կայացման և երկրում ժողովրդավարական արժեքների ամրապնդման գործում, Հայաստանի Հանրապետության առողջապահության նախարարությունը ՀՀ կառավարություն առաջարկ  էր ներկայացրել 2013 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Պարույր Հայրիկյանի բուժումն արտերկրում իրականացնելու նպատակով միջոցներ հատկացնելու վերաբերյալ։
Նման բացառիկ դեպքերում աջակցության նախադեպերը հաշվի առնելով, ՀՀ կառավարության նիստում այսօր որոշում կայացվեց Հայաստանի Հանրապետության նախագահի նախկին թեկնածու Պարույր Հայրիկյանի նկատմամբ կատարված մահափորձից հետո նրա առողջության լիովին վերականգնումը եվրոպական առաջատար որևէ կլինիկայում առավել արդյունավետ իրականացնելու նպատակով բյուջետային ծախսերի տնտեսագիտական դասակարգման «Այլ նպաստներ բյուջեիցե հոդվածով 2013 թվականի երկրորդ եռամսյակում Հայաստանի Հանրապետության առողջապահության նախարարությանը հատկացնել 20 500.0 հազ. դրամ:

Արդշինինվեստբանկը ս.թ. ապրիլի 2-ից սկսում է տրամադրել վարկեր սոցիալական փաթեթի հաշվետերերին` սոցիալական փաթեթի գումարի մինչև վեցապատիկի չափով, տարեկան 12-ից 14 տոկոս դրույքաչափով՝ ելնելով հաճախորդի վարկային պատմությունից:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկերը անկանխիկ ձևով տրամադրվելու են Արդշինինվեստբանկի բոլոր 55 մասնաճյուղերում և գլխամասային գրասենյակում` ՀՀ կառավարության կողմից հաստատված և Բանկի հետ համագործակցող ընկերություններից (ցանկը տեղակայված է Բանկի ինտերնետային կայքում) ծառայությունների ձեռքբերման, ինչպես նաև Բանկի կողմից տրամադրված հիփոթեքային վարկերի մարման նպատակով:

Աղբյուրի համաձայն, վարկը հնարավորություն կընձեռի շահառուներին ցանկացած պահի կատարել սոցիալական փաթեթով նախատեսված ուղղություններով նպատակային ծախսեր` վարկի գումարն ուղղելով իրենց և իրենց ընտանիքի անդամների առողջության ապահովագրությանը, ուսման վարձի վճարմանը, հիփոթեքային վարկերի մարմանը և ՀՀ ու ԼՂՀ տարածքում հանգստի կազմակերպմանը:

Վարկի տրամադրման տևողությունը մինչև 2 աշխատանքային օր է: Վարկ ստանալու համար անհրաժեշտ է ներկայացնել անձնագիր և համապատասխան ծառայության ձեռքբերման հիմք հանդիսացող փաստաթուղթ` պայմանագիր կամ հաշիվ-ապրանքագիր:

Ըստ ԱրմԻնֆո գործակալության` Հայաստանի բանկերի վերլուծության և ֆինանսական վարկանիշների տվյալների, 2013 թվականի հունվարի 1-ի դրությամբ Արդշինինվեստբանկի ակտիվները կազմել են 204.5 մլրդ.դրամ ¥5 դիրքը շուկայում¤, գրանցելով տարեկան կտրածքով 37.5% աճ, ընդհանուր կապիտալը կազմել է 36.4 մլրդ.դրամ ¥32 դիրք¤, տարկան աճը` 15.6%, իսկ վարկային ընդհանուր ներդրումները` 135.6 մլրդ.դրամ ¥4 տեղ¤, տարեկան կտրվածքով գրանցելով 45.5% աճ:

ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ-ում սպասարկվող միջազգային դրամական փոխանցումների համակարգերի թիվն ավելացավ ևս մեկով:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այսուհետ բանկի բոլոր 16 մասնաճյուղերի և Գլխամասային գրասենյակի հաճախորդները հնարավորություն կունենան դրամական փոխանցումներ իրականացնել նաև COINSTAR MONEY TRANSFER (Մեծ Բրիտանիա) միջազգային համակարգով: COINSTAR MONEY TRANSFER համակարգի ներդնումը հնարավորություն կտա Բանկի հաճախորդներին կատարել արագ դրամական փոխանցումներ ԱՄՆ դոլարով, ՌԴ ռուբլով և եվրոյով ամբողջ աշխարհով մեկ` ԱՄՆ, Եվրոպա և ԱՊՀ երկրներում տեղեկայված բազմաթիվ սպասարկման կետերի միջոցով:

ՙԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ՚ ՓԲԸ միջազգային գործառնությունների վարչության ղեկավար Շաննա Սահակյանը վստահություն է հայտնել, որ նոր համակարգի ներդրումն էլ Բանկն ավելի կամրապնդի իր դիրքերը միջազգային դրամական փոխանցումների ոլորտում: ՙՄենք այն սակավաթիվ բանկերից ենք, որտեղ ներդրված են և հաջողությամբ գործում են այսքան մեծ թվով միջազգային դրամական փոխանցումների համակարգեր՚,-ընդգծել է նա, հիշեցնելով, որ Բանկն արդեն իսկ իրականացնում է դրամական փոխանցումներ ՙMONEYGRAM՚, ՙANELIK՚, ՙԲիստրայա Պոչտա՚, ՙUNISTREAM՚, ՙINTELEXPRESS՚ և ՙAVERS՚  համակարգերով, ինչպես նաև առանց հաշվի բացման ՙԳԱԶՊՐՈՄԲԱՆԿ-ԷՔՍՊՐԵՍ՚ անվանական փոխանցումներ Ռուսաստանից դեպի Հայաստան:

 Բանկերի հետ արտահանումային ապահովագրական գործակալության առողջ համագործակցությունը ոչ միայն կապահովի արտահանումային կողմնորոշումով ձեռնարկութոյւնների կայուն զարգացումը, այլ նաև թույլ կտա զգալիորեն ակտիվացնել առևտրի ֆինանսավորումը: Ինչպես ԱրմԻնֆո գործակալության թղթակցի հետ զրույցում նշել է HSBC Բանկ Հայաստանի առևտրի ֆինանսավորման բաժնի ղեկավար Արթուր Պետրոսյանը, բանկի կողմից կազմակերպված առևտրի ֆինանսավորման Ակադեմիայի սեմինարի ընթացքում, արտահանումն աջակցող գործակալությունները, որպես կանոն, հանդիսանում են երկրի արտաքին առևտրային գործընկերության զարգացման կարևորագույն բաղադրիչը:

ՙԿոնկրետ թվեր հնարավոր չէ հաշվարկել, բայց HSBC Բանկ Հայաստանի հետազոտությունների հիման վրա կարող եմ ասել, որ Հայաստանի արտաքին առևտրի շրջանառությնա մեջ առևտրի ֆինանսավորումը տատանվում է 3-4% սահմաններում: Մեր սեմինարները, որոնք ուղղված են տնտեսվարող սուբյեկտների տեղակատվայնության բարձրացմանը, հետագայում, գործակալությունների հետ համագորակցության արդյունքում, հնարավորություն կտան մի քանի անգամ մեծացնել առևտրի ֆինանսավորման տեսակարար կշիռը երկրի արտաքին առևտրի շրջանառության մեջ՚,-ընդգծել է Ա.Պետրոսյանը:

Ինչպես ավելի վաղ նշվել էր, HSBC Բանկ Հայաստանի կողմից առևտրի ֆինանսավորման ծավալները 2012 թվականի նոյեմբերի 1-ին կազմել են մոտ 25 մլրդ.դրամ, գրանցելով տարեկան 53% աճ:

Ըստ ԱրմԻնֆո գործակալության` Հայաստանի բանկերի վերլուծությույան և ֆինանսական վարկանիշների տվյալների, HSBC Բանկ Հայաստանի ակտիվները 2013 թվականի հունվարի 1-ի դրությամբ կազմել են 211.5 մլրդ.դրամ, տարկան կտրվածքով աճելով 18.1%: Ընդհանուր վարկային պորտֆելը կազմել է 132.8 մլրդ դրամ, տարեկան աճը` 16.5%: Տնտեսությանն ուղղված վարկերը վարկերը կազմել են 108,2 մլրդ դրամ (2 դիրքը շուկայում), տարեկան աճը` 23.7%: Առևտրի վարկավորմանն ուղղվել է 39.7 մլրդ դրամ, կամ ընդհանուր վարկային պորտֆելի 31.2% - ը, տարեկան աճը` 23.5%: Բանկի հաճախորդների բազան կազմված է ավելի քան 35 հազար ֆիզիկական և հինգ հազար իրավաբանական անձանցից:

 Հայաստանում հավատարմագրված արևմտյան երկրների դեսպանների կողմից CIVILITAS հիմնադրամի հրապարակային աջակցությունն ուղերձ է ՀՀ կառավարությանը`չփորձել իր բախտը: Այսպիսի կարծիք է հայտնել Commonspace.eu ռեսուրսի քաղաքական խմբագիրը`մեկնաբանելով նախօրեի մամլո ասուլիսը:

Նրա կարծիքով, ՙայդ միջամտությունը, նույնիսկ եթե այն պետք է տեղի ունենար ավելի վաղ, անհրաժեշտ էր, և այն ողջունվում է: CIVILITAS-ը կարճ ժամանակահատվածում գերազանց հեղինակություն է ստեղծել իր համար`հիմնված նորարարությունների և արհեստավարժության ծառայության ցուցակի վրա: Վերջինիս աշխատանքը, հատկապես`զանգվածային լրատվամիջոցների հետ և երիտասարդների ներգրավմամբ, գովելի էր: Օսկանյանն ինքը շարունակում է հարգված պետական գործիչ համարվել միջազգային հանրությունում: Ռեսուրսի քաղաքական խմբագիրը գտնում է, որ արևմտյան կառավարությունները վերջին ժամանակներս որոշակի ճնշման տակ էին`Հայաստանի կառավարության նկատմամբ մեղմ դիրքորոշման պատճառով, և այն բանի համար, որ շատ արագ ընդունեցին անցած ամիս տեղի ունեցած նախագահական ընտրությունների արդյունքները:

Արևմտյան կառավարությունները, վերջապես, կոշտ դիրքորոշում ընդունեցին իշխանությունների կողմից NGO CIVILITAS նկատմամբ ճնշումների դեմ: Անցած տարի Օսկանյանը մեղադրվեց փողերի լվացման մեջ, և կազմակերպությունը ՀՀ ԱԱԾ կողմից հետաքննության առարկա դարձավ, ինչում շատերն Օսկանյանի քաղաքական կարիերայի սաբոտաժին ուղղված գործողություններ տեսան: ԱԳՆ նախկին ղեկավարը նոր էր ընտրվել ՀՀ խորհրդարանի անդամ, և ենթադրվում էր, որ նա փետրվարին կայացած նախագահական ընտրությունների թեկնածու կլինի: Ենթադրվում է, որ հիշյալ գործն ստիպել է Օսկանյանին փոխել իր ծրագրերը:

Հիշեցնենք, որ նախօրեին ԱՄՆ, Գերմանիայի և Շվեյցարիայի դեսպանները, ինչպես նաև այլ դիվանագետներ ներկա են գտնվել CIVILITAS գրասենյակում ճեպազրույցին, որի ընթացքում բարձր են գնահատել կազմակերպության գործունեությունը և ողջունել վերջինիս`որպես հուսալի գործընկերոջ, ինչպես նաև կոչ արել կառավարությանը` դադարեցնել հետաքննությունը:

 Միգրացիան Հայաստանում աստիճանաբր ընդունում է հսկայական չափեր, վերածվելով բնակչության փախուստի: Այսօր Երևանում կայացած մամուլի ասուլիսում նման կարծիք է արտահայտել ՀՀ Կնտրոնական բանկի նախկին նախագահ Բագրատ Ասատրյանը, մեկնաբանելով Եվրամիության կողմից Հայաստանի տրամադրված 1 մլն.եվրո գումարի վարկը, ՙՇրջադարձային միգրացիա և վերաինտեգրացիա՚ ծրագրի իրականացման նպատակով:

Նա նկատել է, որ Եվրամիության կողմից ցուցաբերած օգնությունը թույլ չի տա լուծել բնակչության մաշտաբային միգրացիայի հետ կապված պրոբլեմը, որը, ըստ տնտեսագետի, կշարունակվի նաև հետագա տարիներին: Բ.Ասատրյանը Հայաստանի համար կանխատեսել է նաև տնտեսական անկում, ճշգրտելով, որ առաջիկա 5-7 տարիներին Հայաստանն իր պատմության ընթացքում առաջին անգամ կհայտնվի մի իրավիճակում, երբ մահացածությունը կգերազանցի ծնելիությունը, այսինքն, երկրի համար բնորոշ կլինի բնակչության բացասական աճը: Անխուսափելիորեն կկրճատվի նաև վերարտադրողական տարիքի կանանց թիվը:

Հենվելով միջազգային հետազոտական կազմակերպությունների կողմից կատարված հարցումների արդյունքների վրա, Ասատրյանը տեղեկացրել է, որ մոտ 1 մլն.հայեր իրենց ապագան տեսնում են Հայաստանից դուրս, մասնավորապես, Եվրամիության երկրներում: Հարևան երկրներում Եվրոպայի հետ իրենց ապագան կապողների թիվն ավելի քիչ է: Այսպես, Ադրբեջանում, նշել է փորձագետը, նման քաղաքացիների թիվը կազմում է 500 հազար, իսկ Վրաստանում` 250 հազար:

Ասատրյանը վստահություն է հայտնել, որ Հայաստանի ապագան Եվրոպայի հետ է և քննարդատության է ենթարկել ռուսական ՙՀամերկրացիներ՚ ծրագիրը, հայտարարելով, որ այդ ծրագրի իրականացումը, հակառակ իշխանությունների կամքին, շարունակվում է, հնարավոր է, որ անօրինական հիմքերով: ՙԵրևանում շարունակում է գործել ծառայությունները, որոնք զբաղվում են հայերին Ռուսաստան տեղափոխելը կազմակերպելով՚: Փորձագետը վստահ է, որ Հայաստանում առկա ռուսամետ տրամադրությունները կարող են երկիրը թողնել առանց ապագայի:

Դրամի արժեզրկումը Հայաստանում ՙփախչող՚ կապիտալի ֆոնի ներքո շարունակվում է: Այսօր Երևանում կայացած մամուլի ասուլիսում նման կարծիք է արտահայտել ՀՀ Կնտրոնական բանկի նախկին նախագահ Բագրատ Ասատրյանը, մեկնաբանելով դրամի արժեզրկման պատճառները:

Ըստ փորձագետի, մի շարք մակրոտնտեսական ցուցանիշներ, մասնավորապես, արտահանման աճի առաջ անցնելը ներմուծման աճի նկատմամբ, ինչպես նաև մասնավոր տրանսֆերտների աճը, պետք է դրական ազդեցութոյւն ունենային երկրի ընդհանուր տնտեսական իրավիճակի, այդ թվում նաև արժութային բաղադրիչի վրա, ինչը տեղի չունեցավ կապիտալի փախուստի և արտաքին պահուստների կրճատման հետևանքով: Այսպես, ըստ Բ.Ասատրյանի, անցյալ տարի Հայաստանի արտաքին պահուստները կրճատվել են 170 մլն.դոլարով, իսկ միայն ընթացիկ տարվա ապրիլին` 100 մլն.դոլարով:

Կապիտալի փախուստը Հայաստանից, ինչպես նաև ուղղակի ներդրումների կրճատումը, ըստ Ասատրյանի, կարող են Հայաստանի տնտեսության համար դառնալ կայուն միտումներ: 2012 թվականի հոկտեմբերին, ըստ տնտեսագետի, երկրից դուրս է հոսել 500 մլն.դոլար:

Անդրադառնալով դրամի արժեզրկման հետևանքներին, Ասատրյանը նկատել է, որ այդ տնտեսական երևույթն ունի նաև դրական կողմեր, քանի որ ՙբազմաթիվ երկրներ փորձում են արժութային քաղաքականության հաշվին ամրապնդել իրենց դիրքերը համաշխարհային տնտեսությունում՚: Իսկ ինֆլյացիոն ճնշումների հնարավոր աճը, որպես դեվալվացիայի բացասական հետևանք, ըստ տնտեսագետի, չպետք է առաջացնի խուճապային տրամադրություններ.ՙես գտնում եմ, որ Հայաստանն այն երկիրը չէ, որտեղ ինֆլյացիան կարող է լինել միջին եվրոպականից ցածր՚,-եզրափակել է Բ.Ասատրյանը:

Նշենք, որ ըստ ՀՀ Կենտրոնական բանկի տվյալների, 2013 թվականի մարտի 28-ին ԱՄՆ դոլարի փոխարժեքը կազմել է 419 դրամ/դոլար: Հունվարին դոլարի փոխարժեքը կազմել էր 406.67 դրամ/դոլար, իսկ փետրվարին` 407.02 դրամ/դոլար:

 Հայտնի կոմպոզիտոր Էդվարդ Միրզոյանի հարազատները և երկրի երաժշտասեր հանրությունը մտահոգված են Դիլիջանի կոմպոզիտորների ստեղծագործական տան ներկայիս ցավալի վիճակով: Դեռ խորհրդային տարիներին այստեղ իրենց ստեղծագործություններն են գրել հայտնի անուններ: Ինչպես ԱրմԻնֆո-ի հետ զրույցում  պատմել է կոմպոզիտորի որդին և Միրզոյանի հիշատակի հանձնախմբի ղեկավար Արշակ Միրզոյանը, մշակույթի ռուս և հայ մի շարք գործիչներ նամակ են հղել ՀՀ նախագահի անունով` Դիլիջանի կոմպոզիտորների ստեղծագործական տունը Էդվարդ Միրզոյանի անունով կոչելու խնդրանքով, քանի որ այն ստեղծվել է հանրահայտ կոմպոզիտորի նախաձեռնությամբ և անմիջական մասնակցությամբ: Արշակ Միրզոյանն ընդգծել է, որ այդ քայլը թույլ կտա վերականգնել Դիլիջանի կոմպոզիտորների ստեղծագործական տան վաղեմի նշանակությունը և կօգնի ներդրումներ ներգրավել վերջինիս հիմնանորոգման համար: Ստեղծագործական տունը Միրզոյանի անունով կոչելու նախաձեռնությանն աջակցել են նաև Դիլիջանի Ավագանու խորհուրդը և նախագահին առընթեր Հանրային խորհուրդը: Բացի այդ, Միրզոյանի հիշատակի հանձնախմբին հաջողվել է հավաքել Հայաստանի կոմպոզիտորների միության շուրջ 80 անդամների ձայներ:

Հայաստանի կոմպոզիտորների միության նախագահ Ռոբերտ Ամիրխանյանն իր հերթին ԱրմԻնֆո-ին հաղորդել է, որ անմիջապես Միությանը ոչ ոք պաշտոնապես այդ նախաձեռնությամբ չի դիմել: ՙԴա անհարգալից վերաբերմունք է մեր հանդեպ, քանի որ Կոմպոզիտորների միությունից բացի ոչ ոք իրավազոր չէ այդ հարցի առնչությամբ որոշում կայացնել, առավել ևս, որ Դիլիջանի կոմպոզիտորների ստեղծագործական տունը Հայաստանի կոմպոզիտորների միության սեփականությունն է՚,- ընդգծել է նա: Իրավիճակը համարելով ՙփոթորիկ մի բաժակ ջրում՚`Ամիրխանյանը միաժամանակ նշել է, որ Կոմպոզիտորների միությունը պատրաստ է քննարկել այդ հարցը, հենց որ համապատասխան փաստաթղթեր /այդ թվում`հավաքված ստորագրությունները/ ներկայացվեն Հայաստանի կոմպոզիտորների միություն:

ՙՄենք պատրաստ ենք Կոմպոզիտորների միությանը տրամադրել բոլոր նյութերը`ցանկացած ժամանակ և ցանկացած ձևով՚,-ի պատասխան հայտարարել է Արշակ Միրզոյանը:

Ամերիայի  հերթական հետազոտությունը նվիրված է սննդամթերքի`ներառյալ խմիչք, ծխախոտ, արտադրության ոլորտին: Ինչպես ԱրմԻնֆո գործակալությանը տեղեկացվել է ընկերության մամուլի ծառայությունից, դեռևս անցյալ տարվա հոկտեմբերից Ամերիան նախաձեռնել է տնտեսության տարբեր ճյուղերի համապարփակ հետազոտություններ, որոնք մեծ արձագանք գտան շահագրգիռ կողմերի, տարբեր վերլուծաբանների և  ոլորտի մասնագետների շրջանում: Առաջին հետազոտությունը ներառում էր մանրածախ առևտրի հատվածը Երևանում, մասնավորապես, արագ սպառման ապրանքների շուկան, երկրորդ հետազոտությունը վերաբերում էր զբոսաշրջության ու հյուրանոցային ոլորտին:
     
Աղբյուրի համաձայն, սննդամթերքի արտադրության վերաբերյալ հետազոտությունը տալիս է  Հայաստանի մակրոտնտեսական առկա իրավիճակի բնութագիրը, ներկայացնում է  Հայաստանում սննդամթերքի արտադրության ծավալները, արտաքին առևտուրը, կատարում համեմատականներ այլ երկրների հետ: Հետազոտությունը ներկայացնում է նաև  շուկայի հիմնական դերակատարներին, ոլորտի ենթաճյուղերի սպառման ծավալները ներքին շուկայում, ինչպես նաև ոլորտում առկա խոչընդոտներն ու ռիսկերը: Հետազոտության շրջանակներում Ամերիան նախաձեռնել է սննդամթերքի և խմիչքների արտադրությամբ զբաղվող կազմակերպությունների ընտրանքային հարցումներ, որոնց արդյունքները  ներառում են նաև ոլորտի կազմակերպությունների շփումները, բանկային համակարգին տրված գնահատականները: Առանձին ընտրանքային հարցումներ են կատարվել նաև փոքր խանութների շրջանում: Հատկանշկան է, որ հետազոտության մեջ ներկայացվել են նաև ոլորտը կարգավորող հիմնական իրավական ակտերը:
Հետազոտության արդյունքում Ամերիայի փորձագետները նախանշել են նաև սննդամթերքի արտադրության` ներառյալ խմիչք և ծխախոտ, ոլորտի զարգացման հետագա միտումները:

Սննդամթերքի, խմիչքի և ծխախոտի արտադրությունն ըստ մարզերի ուսումնասիրելիս պարզվում է, որ արտադրանքի 49%-ը բաժին է ընկնում Երևանին, 13 %-ը` Արարատի մարզին, 13%-ը` Կոտայքի մարզին, 8%-ը` Շիրակի մարզին, 4%-ը` Լոռու մարզին, 3-ական տոկոս` Արագածոտնի և Արմավիրի մարզերին, 2-ական տոկոս` Գեղարքունիքի, Սյունիքի, Վայոց ձորի մարզերին և 1%` Տավուշի մարզին: Հայաստանում սննդամթերքի արտադրությունն ունի իր ուրույն տեղն ու դերը վերամշակող արդյունաբերության մեջ: 2012թ.-ի տվյալներով սննդամթերքի արտադրությունը կազմել է վերամշակող արդյունաբերության 36%-ը,  խմիչքների արտադրությունը` 14%-ը, իսկ ծխախոտի արտադրությունը` 4%-ը:

Արտաքին առևտրի կառուցվածքն ուսումնասիրելիս բացահայտվում են շատ ուշագրավ փաստեր: Այսպես` Վրաստանի տեսակարար կշիռը ճյուղի ընդհանուր արտահանման մեջ չնայած կազմում է ընդամենը 7.5%, այնուամենայնիվ այն ամենադիվերսիֆիկացվածն է արտադրատեսակների տեսանկյունից և ամենաշատ ապրանքախմբերով է համարվում հիմնական գործընկեր երկիր: Մասնավորապես, միսն ու մսամթերքը, սննդարդյունաբերության մնացորդներն ու պատրաստի անասնակերն արտահանվում են միայն Վրաստան, արտադրված շաքարի և շաքարից հրուշակեղենի արտահանման 99%-ը արտահանվում է Վրաստան, իսկ մեկ տոկոսը` ԱՄՆ, ցորենից, ալյուրից, օսլայից և կաթից պատրաստված ապրանքների արտահանման 79%-ը դարձյալ բաժին է ընկնում Վրաստանին: Այս շարքը երկար է և ընդգրկում է տարատեսակ ապրանքներ: Նման ակտիվ համագործակցության հիմնական պատճառներն են գրեթե միակ սահմանակից երկիր լինելը, որը ենթադրում է համեմատաբար փոքր ճանապարհածախս,  ժամանակի խնայողություն, բացի այդ, արտահանման մի մասն էլ վերաարտահանվում է, իսկ  որոշ ենթաճյուղերում առկա է նաև հայկական արտադրանքի մրցունակությունը:
Սննդամթերքի արտադրանքի մասով ամբողջ արտահանման մեջ Ռուսաստանի գծով գերակշռում է ոգելից խմիչքների, մասնավորապես` կոնյակ, գինի, մեծ տեսակարար կշիռը: Հայաստանից ոգելից, ոչ ոգելից ըմպելիքների և քացախի արտահանման 73%-ը բաժին է ընկնում Ռուսաստանին:

Ամերիայի փորձագետների կանխատեսմամբ սննդամթերքի արտադրության ծավալները 2012թ. համեմատությամբ 2015թ.  կաճեն 19 %-ով, նույն ժամանակահատվածում խմիչքների արտադրությունը կաճի 46 %-ով, իսկ ծխախոտի արտադրությունը` 27 %-ով:
 Սննդամթերքի արտադրության` ներառյալ խմիչք, ծխախոտ, հետազոտությունը բացահայտում է բազմաթիվ հետաքրքիր թվեր ու փաստեր, ներկայացնում է ոլորտի տարբեր ենթաճյուղերի մասով հիմնավորված կանխատեսումներ, որոնք մեծ արժեք են ներկայացնում այդ ոլորտով հետաքրքրված կազմակերպությունների ու անհատների համար:

Ըստ ՀՀ Ազգային վիճակագրական ծառայության կողմից Արմինֆո գործակալությանը տրամադրված տվյալների, Հայաստանի արտաքին առևտրի շրջանառությունը 2012 թվականին, 2011-ի համեմատ աճել է 3.9%, կազմելով 5.695 մլրդ.դոլար (2.3 տրլն դրամ): Արտաքին առևտրի կազմում արտահանման ծավալը հունվար-դեկտեմբերին կազմել են 1.428 մլրդ.դոլար (574.3 մլրդ դրամ), տարեկան աճը` 7% - ով: Ներմուծման ծավալը կազմել է 4,267 մլրդ.դոլար (1.7 տրլն դրամ), տարեկան աճը` 2.9%: Սննդամթերքի արտադրության ծավալը 2012-ի հունվար-դեկտեմբերին կազմել է 250 մլրդ դրամ տարեկան կտրվածքով կրճատվելով 0.3%: Խմիչքների արտադրության ծավալն աճել է 14.3%, մինչև 100,8 մլրդ դրամ, իսկ ծխախոտի արտադրության ծավալը` 57.1%, մինչև 25.4 մլրդ դրամ:

 ՙԺառանգություն՚ կուսակցությունն առաջվա պես Ազատության հրապարակը համարում է Հայաստանի իշխանությունների հետ երկխոսության միակ վայրը: Ինչպես այսօր մամլո ասուլիսի ժամանակ հայտարարել է կուսակցության վարչության փոխնախագահ Արմեն Մարտիրոսյանը, ՙԺառանգության՚ առաջնորդ Րաֆֆի Հովհաննիսյանն արդեն համապատասխան առաջարկ է արել ՀՀ նախագահ Սերժ Սարգսյանին, և այդ առաջարկը փոփոխության ենթակա չէ: ՙՀենց այս հրապարակում ենք մենք հասել մեր երկրի անկախությանը, և այսօր այն ամենահարմար վայրն է քաղաքական ճգնաժամից ելքի ուղիների քննարկման համար՚,- նշել է Մարտիրոսյանը:

ՙԺառանգության՚ ներկայացուցիչը նաև ավելացրել է, որ թերահավատորեն է տրամադրված և չի հավատում իրավիճակի լիցքաթափման համար անհրաժեշտ մեխանիզմներ մշակելու խորհրդարանի կարողությանը: ՙԱվելի շուտ գործող նախագահը հանդես կգա ընդունելի առաջարկներով, քան Ազգային ժողովը ներքաղաքական իրադրության քննարկման համար արտահերթ նիստ կգումարի՚,- գտնում է ընդդիմադիր գործիչը: 

Խորհրդարանական մեծամասնությունը մտադիր է արտահերթ նիստ հրավիրել`երկրում ստեղծված հետընտրական իրավիճակը քննարկելու նպատակով: ՀՀԿ առաջարկած հայտարարության նախագծում, մասնավորապես նշվում է, որ ՀՀ Ազգային ժողովը, մտահոգված լինելով Հայաստանի հետընտրական իրադարձություններով, գիտակցելով, որ քաղաքացիական համերաշխությունը, հասարակական և քաղաքական վստահությունը կնպաստեն երկրի զարգացմանը, կոչ է անում բոլոր խորհրդարանական և արտախորհրդարանական ուժերին, քաղաքացիական հասարակության ներկայացուցիչներին ջանք գործադրել`փոխհանդուրժողականության մթնոլորտում երկխոսություն ծավալելու նպատակով: Միաժամանակ ընդդիմադիր խորհրդարանական ուժերն արդեն իրենց անհամաձայնութունն են հայտնել հիշյալ տեքստի առնչությամբ. ՙԺառանգություն՚ կուսակցությունը և Հայ ազգային կոնգրեսը ներկայացրել են հայտարարության այլընտրանքային նախագծեր, որոնք, մասնավորապես, առաջարկում են հանրապետությունում վաղաժամկետ ընտրությունների անցկացում և կառավարման 100% համամասնական ընտրակարգի անցում:

 ՙԱրմավիայի՚ կապիտալին պետության մասնակցության հարցը չի քնարկվում, հայտարարել է ՀՀ Քաղաքացիական ավիացիայի գլխավոր վարչության ղեկավար Արտեմ Մովսիսյանը մարտի 28-ին կայացած ճեպազրույցում: Բացի այդ, չի բացառվում, որ ավիաընկրության ֆինանսական վիճակը կարող է տանել սնանկացման:

Նա նշել է, որ տասնամյա պայմանագրի գործողության ժամկետը, որով Արմավիային տրամադրվել է բոլոր ուղություններով ավիափոխադրումներ իրականացնելու բացառիկ իրավունք, լրանում է 2013 թվականի ապրիլի 22-ին: Ավելին, այլ ավիաընկերություններին այդ իրավունքի փոխանցումը կատարվել է միայն այն ժամանակ, երբ Արմավիան հրաժարվել է այդ ուղղություններով չվերթների իրականացումից: Փաստորեն, Մովսիսյանը բացառել է Արմավիայի հետ նոր պայմանագրի կնքման հնարավորությունը, քանի որ ներկայացվող պայմանները և պարտավորությունները կատարելու համար ընկերությունը չունի բավականաչափ միջոցներ:

ՙՄենք հակված չենք չլուծված պրոբլեմները հետաձգել, բայց այն դեպքում, եթե մինչև 22-ը պայմանագիր կնքվի այլ ավիափոխադրողների հետ, Արմավիայի հետ պայմանագիրը կերկարաձգվի միայն մի քանի օրով, մինչև նոր ավիաընկերության գալը Հայաստանի շուկա՚,-նշել է ՔԱԳՎ ղեկավարը: Նա նշել է, որ ներկայումս կառավարությոնում ինտենսիվ քննարկումներ են ընթանում Հայաստանում քաղաքացիական ավիացիայի քաղաքականության ուղղություններն ընտրելու կապակցությամբ: ՙՀնարավոր լուծումների սպեկտրը բավականին լայն է, և դրանցից յուրաքանչյուրն ունի իր դրական և բացասական կողմերը՚,-նշել է նա:

Մովսիսյանը նաև նշել է, որ արտասահմանյան ոչ մի ընկերություն դեռ չի դիմել թռիչքներ իրականացնելու բացառիկ իրավունք ձեռք բերելու հայտով: Նա պարզաբանել է, որ այդ հանգամանքը կապ չունի ՙԶվարթնոց՚ օդանավակայանի բարձր գների հետ, հավելելով, որ օդանավակայանի կոնցեսիոներին առաջարկվել է կատարել գների համեմատական վերլուծություն: Ընդ որում, Մովսիսյանը չի գտնում, որ ՙԶվարթնոցում՚ գներն այդքան բարձր են:

Մովսիսյանի կարծիքով, որ Հայաստանի հետ օդային հաղորդակցության կազմակերպման հարցերում անհրաժեշտ է հաշվի առնել այն հանգամանքը, որ շատ ավիաընկերություններ, ճգնաժամի պատճառով տեղի ունեցած անկումից հետո, գերադասում են թռիչքներ կազմերպել ավելի եկամտաբեր ուղղություններով:-

 British Airways, LOT և AirBaltic ավիաընկերությունները դադարեցրել են դեպի Հայաստան թռիչքների իրականացումը, ելնելով կոմերցիոն նկատառումներից: Այսօր Երևանում կայացած ճեպազրույցում նման կարծիք է արտահայտել ՀՀ Քաղաքացիական ավիացիայի գլխավոր վարչության ղեկավար Արտեմ Մովսիսյանը:

Նա նշել է, որ հանդիպումների ընթացքում դրվել էր այն հարցը, թե վերը նշված ընկերություններին բավարարո՞ւմ են արդյոք օդանավակայանի սպասարկման որակը և սակագները: Պարզվեց, որ թռիչների դադարեցումներն ունեն կոմերցիոն նկատառումներ: ՙՏվյալ դեպքում, Իրանի ուղղությամբ թռիչքների դադարեցումը լրացուցիչ գործոն հանդիսացավ նաև դեպի Հայաստան թռիչքները դադարեցնելու համար՚,-նշել է նա: Ինչ վերաբերվում է դեպի Բալթյան երկրներ չվերթներին, ապա, ըստ Մովսիսյանի, այդ ուղղությունը գործում էր միայն ամռան սեզոնին:

Մովսիսյանը ենթադրում է, որ կոմերցիոն նկատառումներով ընդհատվեցին նաև ավիափոխադրումները Հայաստանի և Հյուսիսային Ամերիկայի միջև, քանի որ նման թռիչքները ծախսատար են` ինքնաթիռի ոչ ամբողջական բեռնվածության դեպքում:
Նա նշել է նաև, որ դեպի Բեյրութ թռիչքների դադարեցումը կապված է լիբանանյան իշխանությունների կողմից Արմավիայում աուդիտի իրականացման պահանջի հետ, ինչի համաձայնությունն արդեն տվել է ԱՔԳՎ-ն:

Նշենք, որ ՙԱրմավիա՚ ընկերությունից բացի ներկայումս դեպի Հայաստան վիափոխադրումներ են իրականացնում մի շրք ռուսական ավիաընկերություններ (Aeroflot, SarAvia, S7, Polet Airlines, UTair, Transaero), ինչպես նաև Lufthansa, Air France, Austrian Airlines, իրանական Aseman Airlines, Czech Airlines, Fly Dubai ընկերությունները:

 Դեսպանները, որոնք Հայաստանում դիվանագիտական առաքելություն են իրականացնում, պարտավոր չեն իմանալ ԱԱԾ կողմից հետաքննվող ցանկացած քրեական գործի մանրամասները: Այս մասին նախօրեին լրագրողներին հայտարարել է ՀՀ ԱԺ փոխխոսնակ Էդուարդ Շարմազանովը, մեկնաբանելով ԱՄՆ և եվրոպական մի քանի դեսպանների կոչը ՙՍիվիլիթասի՚ քրեական գործը դադարեցնելու կապակցությամբ:

Նշենք, որ Հայաստանում ԱՄՆ դեսպան Ջոն Հեֆերնը և Գերմանիայի դեսպան Ռայներ Մորելը Հայաստանի իշխանություններին կոչ էին արդել դադարեցնել ՙՍիվիլիթաս՚ հիմնադրամի քրեական գործը: ԱՄՆ դեսպանը, մասնավորապես, նշել է, որ ՙՍիվիլիթասը՚ և ՙՍիվիլնեթ՚ ինտերնետ-հեռուստատեսությունը դեսպանության կարևոր գործընկերներն են, և իրենց ավանդն են ներդնում ժողովրդավարության զարգացմանը Հայաստանում: ՙԵրեք ամերիկյան նախագծեր, որոնք իրականացվեցին ՙՍիվիլիթասի՚ կողմից, գտնվում են ԱԱԾ ցուցակում, սակայն մեզ մոտ պրոբլեմներ և հարցեր չեն առաջանում, թե ինչպես են ծախսվել ամերիկյան հարկատուների գումարներն այդ նախագծերն իրականացնելիս: Մենք գտնում ենք, որ ԱԱԾ, ինչպես նաև մեկ այլ մարմին, հետաքննելու բան չունեն, հատկապես, քրեական բնույթի՚,-նշել է նա:

Իր հերթին Հայաստանում Գերմանիայի դեսպանը հայտարարել է, որ շատ գոհ է այդ կազմակերպության հետ համագործակցությունից, քանի որ այն նպաստում է երկրում դրական փոփոխություններին, մասնավորապես, քաղաքացիական հասարակության և ժողովրդավարության զարգացմանը, հատկապես հեռուստատեսության և ռադիոյի ոլորտում, մեկնաբանելով տարբեր միջադեպեր, ինչպիսին, օրինակ, Րաֆֆի Հովհաննիսյանի հետ կապված դեպքն էր: Բացի այդ դեսպանը տարօրինակ է համարել, որ ՙՍիվիլիթասի՚ գործող զբաղվում է ԱԱԾ-ն: Նրա կարծիքով, հիմնադրամի դեմ գործը կարող է փչացնել Հայաստանի դրական իմիջը, ինչը նա փորձում է ստեղծել:

Շվեյցարիայի դեսպան Կոնստանտին Օբելենսկին հայտարարել է, որ դեսպանությունը հիմնադրամի հետ համագործակցել է 2009-2010 թվականներին, մեկ նախագծի շրջանակներում: Նա տեղեկացրել է, որ համաձայն սովորական պրակտիկայի, դեսպանութոյւնը դիմել է աուդիտորական ընկերությանը, աուդիտորական եզրակացություն կազմելու խնդրանքով, և այդ հիմնադրամի նկատմբ դեսպանությունը որևէ պահանջ չունի:

Նորվեգիայի և Ֆինլյանդիայի պատվավոր հյուպաթոս Տիմատի Սթրեյթն, իր հերթին, ընդգծել է, որ Նորվեգիան գտնում է, որ ՙՍիվիլիթասը՚ լավ միջոց է Հայաստանում առողջ ու ազատ մամուլի զարգացման գործում: Մենք ի սկզբանե աջակցում ենք հիմնադրամին և նորվեգյան հարկատուների միջոցներով իրականացված նախագծերի առումով հիմնադրամի նկատմամբ ոչ մի պրոբլեմ չի առաջացել:

Նշենք, որ ՀՀ ԱԱԾ քրեական գործ է հարուցել, մեղադրելով ՙՍիվիլիթաս՚ հիմնադրամին փողերի լվացման մեջ: Ըստ ԱԱԾ-ի, հիմնադրամը, խախտելով սեփական կանոնադրությունը, ինչպես նաև գործող օրենսդրությունը, չի ներկայացրել իր ֆինանսական աղբյուրների վերաբերյալ հաշվետվությունները, մասնավորաապես, 2011 ֆինանսական տարում օգտագործված միջոցների, այդ թվում նաև կորպորացիաների կողմից բարեգործական նպատակներով տրամադրված 2 մլն.դոլարի վերաբերյալ:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 418 դրամ, ԵՎՐՈ-ի առքի առավելագույն գինը`535 դրամ, իսկ ռուսական ռուբլու առքի գինը`13.4 դրամ: ԱՄՆ դոլարի վաճառքի առավելագույն գինը կազմել է 419.5 դրամ, ԵՎՐՈ-ի վաճառքի գինը` 539 դրամ, իսկ ռուսական ռուբլու վաճառքի գինը`13.5 դրամ:

 Մարտի 25-ին դանակով ՀՀ Խորհրդարանի բակ ներխուժած Վրեժ Գալստյանը կարող է տեղափոխվել հոգեբուժական դիսպանսեր և ազատվել պատժից, գրում է ՙԺողովուրդ՚ թերթը:

Ինչպես թերթին հաղորդել է ՀՀ արդարադատության նախարարության Քրեակատարողական վարչության հասարակայնության և ԶԼՄ-ների հետ կապի վարչության ղեկավար Գոռ Գլեչյանը, ներկայումս հրազենային վնասվածք ստացած Վրեժ Գալստյանի բուժումը շարունակվում է: Նա գտնվում է բժիշկների հսկողության տակ: Թերթը գրում է, որ Գալստյանի նկատմամբ որպես խափանման միջոց է կիրառվել 2-ամսյա ազատազրկումը, և նա տեղափոխվել է ՙՆուբարաշեն՚ քրեակատարողական հիմնարկություն: Սակայն, եթե փորձագիտությամբ հաստատվի, որ Գալստյանն ունի հոգեբանկան շեղումներ, ապա նրան կտեղափոխեն հոգեբուժարան, և նա կազատվի պատժից:

 Հանրապետությունում իրականացվող մշտադիտարկման տվյալներով` վերջին 10 օրվա ընթացքում սուր շնչառական վարակներով հիվանդացությունը  նվազել է գրեթե 1.1 անգամ։  Եթե մարտի 11-ից 17-ը գրանցվել է  հիվանդության 11 404 դեպք, ապա 18-24-ը` 10 180: Ինչպես տեղեկացնում է ՀՀ առողջապահության նախարարության մամուլի ծառայությունը, նվազել են նաև սուր շնչառական վարակների համար շտապօգնության կանչերը:

Մշտադիտարկումը շարունակվում է հանրապետության 550 նախադպրոցական կազմակերպությունում, որից  Երևանում ` 160, մարզերում` 390: Այսօրվա դրությամբ սուր շնչառական վարակներով պայմանավորված 5% և ավելի բացակայության դեպքեր են արձանագրվել Երևանի 73 և մարզերի 44 նախադպրոցական կազմակերպություններում: Նշված նախադպրոցական կազմակերպություններում ուժեղացվել է համաճարակաբանական հսկողությունը:  

Վերջին 2 շաբաթվա ընթացքում կազմակերպվել և իրականացվել է 122 լաբորատոր հետազոտություն, որի արդյունքում 28 դեպքում անջատվել է գրիպի Ա տեսակի H1N1 ենթատեսակը, 38 դեպքում` գրիպի Բ տեսակը: Մնացած հետազոտությունների արդյունքները եղել են բացասական: Հարկ է նշել, որ վերջին օրերի հետազոտությունների արդյունքում խիստ նվազել է գրիպի Ա H1N1–ի արձանագրումը: Հիմնականում արձանագրվում է գրիպի Բ տեսակը: