Երկուշաբթի, 29 Ապրիլի 2013 13:53
Պրն. Հայրապետյան, ինչպիսի՞ն է Հայաստանում տեղի ունեցող գործընթացների Ձեր գնահատականը, ներքաղաքական ի՞նչ փոփոխություններ են նկատվում նախագահական ընտրություններից հետո:
Հայաստանում տեղի ունեցող քաղաքական բոլոր գործընթացները ներկայացում են, որի ռեժիսորներին պետք չէ փնտրել հայ քաղաքական գործիչների կամ կուսակցությունների շրջանում: Նրանք բոլորը խամաճիկներ են, առաջին հերթին` Ռուսաստանի ձեռքում: Իհարկե, Արևմուտքը ևս իր նպատակներն է հետապնդում, բայց այն շահերի ոչ մեծ մասնաբաժին ունի այստեղ: Հենց Ռուսաստանն է կառավարում ինչպես ՀՀ ղեկավարությանը, այնպես էլ ընդդիմության բոլոր բեկորներին, ըստ որում`անում է դա խիստ քամահրական կերպով: Եվ ինքնահարգանքի որևէ նշան մեր քաղաքական ուժերի վարքագծում չեմ տեսնում:
Բայց չէ՞ որ շատ փորձագետներ, այդ թվում`ռուսաստանցի, քննադատում են Կրեմլին ոչ գրագետ արտաքին քաղաքականության համար, ինչի արդյունքը հետխորհրդային տարածությունում դիրքերի հանձնումն է:
Մասամբ համաձայն եմ այդ պնդմանը: Մենք հիշում ենք, որ Արևմուտքը ՙսառը պատերազմում՚ հաղթանակ տարավ ԽՍՀՄ նկատմամբ: Մոսկվան փուլ առ փուլ, որպես պատերազմում պարտված կողմի ռազմատուգանք`ՙհանձնեց՚ Արևելյան Եվրոպան, այնուհետև`Մերձբալթիկան: Այնուհետև ՙնարնջագույն հեղափոխություններ՚ տեղի ունեցան Ուկրանայում և Վրաստանում: Նման նահանջ տեղի ունեցավ նաև Հարավային Կովկասում: Ռուսական ստորաբաժանումներն սկզբում դուրս բերվեցին Ադրբեջանից`բացառությամբ Գաբալայի ՌՏԿ-ի: Ի դեպ, ռուսական զորքերի դուրս բերման համար Բաքուն հատուցեց Լեռնային Ղարաբաղի և հարակից տարածքների կորուստով: Ռուսական զորամասերն ավելի ուշ դուրս բերվեցին Վրաստանից, ինչն արդյունքում թանկ նստեց Թբիլիսիի վրա`Աբխազիայի և Հարավային Օսիայի կորստի տեսքով: Հնգօրյա պատերազմը, Ռուսաստանի կողմից Աբխազիայի և Հարավային Օսիայի փաստացի օկուպացիան և Արևմուտքի երկչոտ միջամտությունը, ըստ էության, նշանակում էին, որ վերջինս, ըստ երևույթին, հակված է Հարավային Կովկասը ճանաչել Մոսկվայի արտոնյալ շահերի գոտի: Իր զիջողական դիրքորոշման մեջ Արևմուտքը հասավ այնտեղ, որ որպես արևմտամետ Միխայիլ Սահակաշվիլիի քաղաքական ընդդիմախոս` ընտրվեց Բիձինա Իվանիշվիլին. մարդ, ով որոշակի ռևերանսներ է անում դեպի Ռուսաստանի կողմը: Իրադարձությունների այդօրինակ լուրջ զարգացումները միանշանակ ցույց են տալիս, որ Արևմուտքի և Ռուսաստանի միջև ներկայումս տարաձայնություններ չկան մեր տարածաշրջանում:
Իսկ ինչո՞վ է պայմանավորված Արևմուտքի նման զիջողական դիրքորոշումը Մոսկվայի հանդեպ:
Կարծում եմ` Մոսկվայի շահերի հանդեպ Արևմուտքի ոչ մեծ նահանջը պայմանավորված է ՙարաբական գարունով՚: Ռուսաստանին վերապահված է քրիստոնական քաղաքակրթության վրա իսլմական ճնշման զսպման առաքելություն: Ինչքան էլ որ Ռուսաստանը ՙանառակ որդի՚ լինի Եվրոպայի համար, այնուամենայնիվ, այն Եվրոպայի, քրիստոնեական քաղաքականության մաս է կազմում, և վերջինիս է վերապահված ինչպես Հարավային Կովկասում, այնպես էլ Հեռավոր Արևելքում քաղաքակրթության սահմանապահի առաքելությունը:
Վերադառնանք Հայաստանին:
Ինչ վերաբերում է Հայաստանին, ապա այն եղել և շարունակում է գտնվել Ռուսաստանի ազդեցության շրջանակում:
Հայաստանում այդպես էլ ի հայտ չեկան բավականաչափ քաղաքական արժանապատվություն ունեցող առաջնորդներ`մարտահրավեր նետելու Մոսկվայի գերիշխանությանը: Ելնելով այս ամենից`չեմ կարծում, թե Հայաստանի քաղաքական համակարգում ներակայիս սատուս-քվոն կփոփոխվի տեսանելի ապագայում: Հայաստանը չի կարող տարբերվել իր ՙմետրոպոլիայից՚: ՙՉի կարող ամբողջ օրգանիզմը տենդի մեջ գտնվել, իսկ կոռոպցիայի մեջ խրված Ռուսաստանն, իրոք, տենդում է, իսկ առանձին վերցրած օրգանն առողջ լինել: Եթե մենք Ռուսաստանի ֆորպոստն ենք, ապա այստեղ լավագույն դեպքում միայն կոսմետիկ բարեփոխումներ կլինեն:
Իսկ ի՞նչ կասեք ԵՄ հետ Ասոցացման համաձայնագրի շուրջ բանակցությունների մասին: Դրանք կրկին կոսմետիկ փոփոխությունների գործիք են, թե՞ երկրաժամկետ արդյունքի ձեռքբերմանն ուղղված լուրջ գործըթնացներ:
Պետք է ամենից առաջ հաշվի առնել, որ բանակցությունները վարում են Հայաստանի իշխանությունները, որոնք Մոսկվայի դրածոներն են: Հասկանո՞ւմ է արդյոք դա Եվրամիությունը` իհարկե, հասկանում է: Բնական է, որ Եվրամիությունը չի կարող ՆԱՏՕ-ի զորքերը Հայաստան մտցնել: Վերջինիս մնում է միայն այդպիսի միջոցներով, ինչպիսին ֆրանսիական Carrefour-ի մուտքն է հայաստանյան շուկա, պայքարել օլիգարխիայի դեմ: Բայց Carrefour-ի հետ կապված պատմությունն Արևմուտքի կողմից ՙստատուս-քվոն՚ փոխելու ընդամենը երկչոտ փորձեր են, և, հետևաբար, դա չի կարող հանգեցնել որակական փոփոխությունների: Եթե Ռուսաստանը, ՙմահակը՚ ձեռքին, որոշի Հայաստանին ստիպել անդամակցել Եվրասիական միությանը, ապա հազիվ թե իշխանությունները համարձակություն ունենան նման ճնշմանը դիմադրելու և անելու ճիշտ աշխարհաքաղաքական ընտրություն, որոնք ուղղված կլինեն Հայաստանի ազգային շահերի պաշտպանությանը: Շատ բան է կախված նաև Արևմուտքի ճկունությունից` արդյո՞ք այն կստիպի Հայաստանին ավելի կոշտ պայմաններ դնել Մոսկվայի առջև, կամ հասկանալով Հայաստանի անելանելի վիճակը` կփորձի սահմանափակվել նվազագուն պահանջներով:
Բայց Արևմուտքը սերտորեն համագործակցում է Մոսկվայի ՙդրածոների հետ՚, ինչպիսիք են Հայաստանի իշխանությունները, ավելին`այն օպերատիվորեն շնորհավորեց նախագահ Սերժ Սարգսյանին վերընտրվելու կապակցությամբ, մինչդեռ կարող էր աջակցել Րաֆֆի Հովհաննիսյանին:
Արևմուտքին այսօր վիճակված չէ փոխել իշխանությունը Հայաստանում: Այն կարող է միայն իր վերաբերմունքն արտահայտել այս կամ այն գործընթացների առնչությամբ: Մենք հիշում ենք, որ 2008 թվականին ԱՄՆ նախագահն այդպես էլ չշնորհավորեց Սերժ Սարգսյանին, իսկ եվրոպական երկրների առաջնորդները շնորհավորեցին բավականին ուշ, այն էլ`երկրորդական դիվանագետների և պաշտոնյաների միջոցով: Այս անգամ իրավիճակն այլ էր: Ցավոք, Սերժ Սարգսյանը հաղթեց ընտրություններում: Չգիտեմ, թե հատկապես որտեղ տեղի ունեցած կեղծիքները, բայց մեկ բան ակնհայտ է`իշխանությանն այս անգամ հաջողվեց համոզել նախագահական ընտրությունների արդարության և թափանցիկության մեջ: Իսկ Արևմուտքը հենց դրան էլ սպասում էր. ավելորդ գլխացավանք չստեղծել և մինչև վերջ չհանձնել տարածաշրջանը, որը ինքը`Արևմուտքը, պահպանում է Ռուսաստանի միջոցով: >>>
|
Երկուշաբթի, 29 Ապրիլի 2013 13:50
Հայաստանի բնակիչներին տաք մայիս է սպասվում: Ինչպես տեղեկացնում է ՀՀ ԱԻՆ պաշտոնական կայքը, մայիսին կանխատեսվող ջերմաստիճանը նորմայից բարձր է մեկ աստիճանով: Մայրաքաղաքում օդի ջերմաստիճանն սպասվում է 18-19 աստիճանի մոտ, իսկ առաջին տասնօրյակի առանձին օրերին ցերեկային ջերմաստիճանը կկազմի 28-30 աստիճան: Տեղումներն սպասվում են նորմայից բարձր:
Ապրիլի 29-30-ը և մայիսի 1-ին Երևանում կլինի պարզ եղանակ, օդի ջերմաստիճանը ցերեկային ժամերին կբարձրանա մինչև 26 աստիճան: >>>
|
Երկուշաբթի, 29 Ապրիլի 2013 13:50
Հայաստանում թռչնագրիպի H7N9 վարակով վարակման դեպքեր չեն հայտնաբերվել, հաղորդել է ՀՀ առողջապահության նախարարության հիգիենայի և հակահամաճարակաբության պետական տեսչության գլխավոր մասնագետ Լիանա Թորոսյանը ապրիլի 29-ին մամուլի ասուլիսում:
Առաջին անգամ թռչնագրիպի H7N9 վարակով վարակման մասին ՉԺՀ-ում հայտարարել են նախորդ ամսվա վերջին: Այսօրվանից Չինաստանում այդ վարակից մահացել է ավելի քան 20 մարդ: Թորոսյանի ասելով, H7N9 վտանգն այն է, որ մարդու օրգանիզմը ծանոթ չէ այդ վարակի հարուցիչին: Չնայած այդ հանգամանքին, ինչպես ընդգծել է փորձագետը, H7N9 թռչնագրիպն զգայուն է գոյություն ունեցող հակավարակային պատրաստուկների նկատմամբ: Ինչ վերաբերում է սովորական գրիպին և շնչուղիների սուր վարակներին, ապա այստեղ Թորոսյանը տեղեկացրել է, որ դրանցով հիվանդացությունը Հայաստանում նվազել է, ինչին նպաստել է հանրապետությունում հաստատված եղանակը:
Գրիպով հիվանդներին բժիշկները կոչ են անում չբուժվել տնային պայմաններում, իսկ հնարավորության դեպքում դիմել բժշկի: >>>
|
Երկուշաբթի, 29 Ապրիլի 2013 13:49
Քանդման սպառնալիքի տակ է հայտնվել ՙԶվարթնոց՚ օդանավակայանի հին շենքը, որը ՙԱրմենիա-Միջազգային օդանավակայաններ՚ ընկերությունը ցանկանում է քանդել, պատճառաբանելով, որ կոնստրուկցիաները գտնվում են վատթար վիճակում:
Սակայն, լրագրողների հետ զրույցի ընթացքում Հայաստանի Ճարտարապետների միության ղեկավար Մկրտիչ Մինասյանը նշել է, որ շենքը, որպես խորհրդային մոդեռնիզմի օրինակ, մեծ արժեք է ներկայացնում: Փորձագետը ուշադրություն է դարձրել, որ Երևանի քաղաքապետարանի Քաղաքաշինության կոմիտեն նույնպես հանդես է եկել շենքը քանդելուն դեմ: Ընդ որում, ճարտարապետները նույն կարծիքն են, որ ավելի նպատակահարմար է ոչ թե քանդել շենքը, այլ այն կապիտալ վերանորոգել:
Նշենք, որ ՙԶվարթնոց՚ միջազգային օդանավակայանը կառուցվել է ճարտարապետներ Ա.Թարխանյանի, Ս. Խաչատրյանի, Լ.Չերկեզյանի, Ժ.Շեխլյանի, Ա.Տիգրանյանի, Ա.Մեսչյանի և կոնստրուկտոր Ս. Բաղդասարյանի նախագծով, և շահագործման է հանձնվել 1980 թվականին: 2002 թվականի հունիսից օդանավակայանը 30 տարով հավատարմագրային կառավարման է հաձնվել ՙԱրմենիա-Միջազգային օդանավակայաններ՚ ընկերությանը, որի սեփականատերն է արգենտինահայ գործարար Էդուարդո Էռնեկյանը: >>>
|
Երկուշաբթի, 29 Ապրիլի 2013 13:46
Ապրիլի 29-ին ԱԳ նախարար Էդվարդ Նալբանդյանն ընդունեց ՀՀ-ում ՌԴ դեսպան Վյաչեսլավ Կովալենկոյին՝ առաքելության ավարտի կապակցությամբ:
Ինչպես տեղեկացնում է ՀՀ ԱԳՆ մամուլի և տեղեկատվության վարչությունը, նախարար Նալբանդյանը շնորհակալություն հայտնեց դեսպան Կովալենկոյին արդյունավետ և ակտիվ աշխատանքի համար` նշելով, որ նրա պաշտոնավորման տարիներին հայ-ռուսական դաշնակցային, ռազմավարական փոխգործակցությունը բոլոր բնագավառներում էլ ավելի է ամրապնդվել:
Դեսպան Կովալենկոն նշեց, որ հպարտ է, որ կարողացել է իր ներդրումն ունենալ հայ-ռուսական եղբայրական կապերի զարգացման մեջ և շնորհակալություն հայտնեց պաշտոնավարման ժամանակ ՀՀ արտգործնախարարության կողմից ստացված մեծ աջակցության համար:
Զրուցակիցները մտքեր փոխանակեցին հայ-ռուսական հարաբերությունների հետագա ընդլայնման նպատակով ձեռնարկվող համատեղ քայլերի շուրջ: Հայ-ռուսական հարաբերությունների ամրապնդման գործում դեսպան Կովալենկոյի ներդրման համար, նախարար Նալբանդյանն ԱԳՆ հուշամեդալ հանձնեց Վյաչեսլավ Կովալենկոյին:
>>>
|
Երկուշաբթի, 29 Ապրիլի 2013 13:46
Ռուսաստանյան ՙՌոսնեֆտ՚ ընկերությունը ՀՀ կառավարության հետ բանակցում է ՙՆաիրիտի՚ արդիականացման և վերագործարկման ուղղությամբ: Այս մասին այսօր հայտարարել է ձեռնարկության արհմիության նախագահ Հրաչ Թադևոսյանը ձեռնարկության մի քանի տասնյակ աշխատողներին, որոնք բողոքի ակցիա են կազմակերպել ՀՀ կառավարության շենքի մոտ:
Թադևոսյանը տեղեկացրել է, որ կառավարությունում հանդիպել է ՀՀ էներգետիկայի և բնական պաշարների փոխնախարար Արա Սողոմոնյանի հետ և ներկայացրել ակցիայի մասնակիցների բողոքը` վճարել վերջին երկու ամիսների աշխատավարձը և տեղեկացնել գործարանի հետագա ճակատագրի մասին, որն արդեն 3 տարի է, ինչ կանգնած է: Նա տեղեկացրել է, որ ՙՌոսնեֆտի՚ ղեկավարությունը հանդիպել է երկրի նախագահի և վարչապետի հետ, և, ինչպես իրեն տեղեկացրել են, ներկայումս ուսումնասիրվում է գործարանում տիրող իրավիճակը, հումքի մատակարարման մեխանիզմները, արտադրանքի իրացման ուղղությունները, ինչպես նաև ֆինանսական վիճակը: Խոսքը գնում է խոշոր ներդրումներ ներգրավելու մասին:
Ավելի վաղ հաղորդվել էր, որ ռուսական ՙՌոսնեֆտ՚ ընկերությունը և հայկական ՙՕյլ Տեխնո՚ ՓԲԸ-ն ապրիլի 4-ին Երևանում ստորագրել են համատեղ ձեռնարկություն հիմնելու վերաբերյալ համաձայնագիր:
Ինչ վերաբերվում է աշխատավարձին, հավելել է նա, ապա աշխատավարձի գծով 2013 թվականի մարտի պարտքը կմարվի ուրբաթ օրը, իսկ ապրիլի պարտքը` մայիսին: Ընդհանուր առմամբ, 3 տարիների ընթացքում աշխատավարձի գծով կուտակվել է 11 ամիսների պարտք: Աշխատավարձի ամսական ֆոնդը կազմում է մեկ մլն.դոլար, ասել է նա: Ըստ գործարանի մամուլի ծառայության տվյալների, ձեռնարկությնա ընդհանուր պարտքը կազմում է 120 մլն.դոլար, որի մեծ մասը կրեդիտորական պարտքեր են: Գործարանի մի շարք աշխատակիցներ գտնում են, որ ներկա վիճակով գործարանի վերագործարկումը վտանգավոր է, քանի որ անհրաժեշտ է տեխնիկապես նորացնել արտադրությունը: Գործարանում այժմ կա 2700 աշխատող, 1300 հոգի ստիպված գտնվում է արձակուրդում: Իսկ միջին աշխատավարձը կազմում է 157 հազ.դրամ:
Նշենք, որ 2006 թվականին Նաիրիտի բաժնետոմսերի 90%-ը վաճառվեցին բրիտանական Rhainoville Property Limited կոնսորցիումին: Բաժնետոմսերի 4.496%-ը պատկանում է ՀՀ կառավարությնաը, 3.596%-ը` ՀայՌուսգազարդին, իսկ 1.907%-ը`Երևանի ՓԷԿ-ին: Գործարանի հիմնական միջոցները Rhainoville Property Limited կոնսորցիումը վարկ ստանալու նպատակով գրավադրեց Մոսգոսբանկում, իսկ այժմ, վարկը չմարելու պատճառով, դարձել են բանկի սեփականությունը: Վարկը, որը կազմում էր 70 մլն.դոլար, տրամադրվել է 2006 թվականին, 5 տարի մարման ժամկետով և 12.5% տարեկան տոկոսադրույքով:
Ավելի վաղ ռուսաստանյան լրատվամիջոցները հաղորդել էին, որ մայիսին Մոսկվայի միջնորդ դատարանը լսումներ կկազմակերպի Միջպետական բանկի կողմից ՙՆաիրիտ՚ ՓԲԸ սեփականատեր Rhainoville Property Limited կոնսորցիումին ներկայացված հայցի առնչությամբ: Հայցի գումարը կազմում է 25.183 մլն.դոլար: >>>
|
Երկուշաբթի, 29 Ապրիլի 2013 13:44
Հայ-թուրքական ամոթալի արձանագրությունները պետք է հանվեն խորհրդարանի օրակարգից: Այս մասին այսօր ՀՀ խորհրդարանում հայտարարել է ՙԺառանգություն՚ խմբակցությունից ԱԺ պատգամավոր Զարուհի Փոստանջյանը, ԱԺ խոսնակ Հովիկ Աբրահամյանին կոչ անելով քայլեր ձեռնարկել այդ ուղղությամբ:
Աբրահամյանն էլ, իր հերթին, հայտարարել է, որ այդ հարցը չի գտնվում խոսնակի իրավասությունների սահմաններում: Ի պատասխան, Փոստանջյանն ընդգծել է, որ Աբրահամյանը, լինելով քաղաքական գործիչ, ներկայացնելով ԱԺ խոսնակի պաշտոնը, ունի պայքարի լծակներ, որպեսզի այդ արձանագրությունները հանվեն օրակարգից: ՙԴուք պետք է շահագրգռված լինեք, որպեսզի նման ամոթանք չլինի ԱԺ-ում, իսկ եթե այն կա, ապա դուք կարող եք կազմակերպել բողոքի ակցիա, եթե չեք կարողանում օգտագործել մյուս լծակները՚,- հավելել է նա: Աբրահամյանը չի համաձայնվել, որ հայ-թուրքական արձանագրություններն ամոթալի են: ՙԵթե արձանագրություններն ստանային իրավական տեսք և վավերացվեին երկու երկրների կողմից, տնտեսությանը զարգացնելու մեծ հնարավորություններ կստեղծվեին: Դա կապ չունի Ցեղասպանության և քաղաքական մյուս գործընթացների հետ: Սահմանները պետք է բացվեն առանց որևէ նախապայմանների, ինչը ճիշտ կլիներ և զարկ կտար Հայաստանի տնտեսության զարգացմանը՚,-նշել է խոսնակը:
Նշենք, որ հայ-թուրքական արձաբագրություններն ստորագրվեցին 2009 թվականի հոկտեմբերի 10-ին: Սակայն, արձանագրություններն այդպես էլ չվավերացվեցին Հայաստանի և Թուրքիայի խորհրդարանների կողմից, քանի որ Անկարան մշտապես առաջարկում էր նախապայմաններ: Իսկ ապրիլի 22-ին ՀՀ նախագահ Սերժ Սարգսյանի կարգադրությամբ արձանագրությունների վավերացման գործընթացը ՀՀ խորհրդարանում սառեցվեց: >>>
|
Երկուշաբթի, 29 Ապրիլի 2013 13:43
Իր այսօրվաի նիստում ՀՀ խորհրդարանն ավարտել է Մարտի 1-ի դեպքերն ուսումնասիրող հանձնաժողով ստեղծելու վերաբերյալ քննարկումները: Նախագիծը ներկայացրել է Հայ Ազգային կոնգրես խմբակցությունը:
ԱԺ Հանրապետական խմբակցության ղեկավար Գալուստ Սահակյանի նախաձեռնությամբ նախագծի քվեարկությունն առաջարկվեց հետաձգել, խորհրդարանական բոլոր ուժերի դիրքորոշումները միմյանց մոտեցնելու նպատակով, որին համաձայնվել է հիմնական զեկուցող Գագիկ Ջհանգիրյանը, նշելով, որ չեն իրականացվել ակտիվ հետաքննական գործողություններ: Գագիկ Ջհանգիրյանն իր ելույթում հայտարարեց, որ Հանրապետական խմբակցության կողմից ներկայացված առաջարկությունների մեծ մասը խմբագրական բնույթի են, որոնց մասով իրենք որևէ առարկություն չունեն: Նկատենք, որ նախագծով նշվում է, որ իրավապահ մարմինների ներկայացուցիչները պետք է կարողանան Ժամանակավոր հանձնաժողովի նիստերին անդամների հարցերին պատասխանել: Այս դրույթի դեմ Հանրապետական խմբակցությունը առարկություն ուներ` նշելով, որ խորհրդարանը չի կարող լծակներ գործադրել գործադիրի անդամների վրա: Սակայն որոշման նախագծի հիմնական հեղինակ Գագիկ Ջհանգիրյանը դեմ է խորհրդարանական մեծամասնությանը: Նա համաձայնեց, որ նախագծի քննարկումը հետաձգվի և մինչև հաջորդ քառօրյա վերջնական տարբերակի շուրջ վերջնական կոնսենսուսի գան:
Նշենք, որ այս հարցի քննարկումից առաջ ԱԺ Բարգավաճ Հայաստան խմբակցության քարտուղար Նաիրա Զոհրաբյանը հայտարարեց, որ իրենք կողմ կլինեն այն տարբերակին, որին կհամաձայնի ՀԱԿ խմբակցությունը: >>>
|
Երկուշաբթի, 29 Ապրիլի 2013 13:41
Հարավային Կովկասն այսօր, ինչպես երբեք, միջազգային հանրության աջակցության կարիքն ունի, քանի որ առայժմ տեսանելի չեն հակամարտությունների լուծման հեռանկարները և դեռևս առկա է դրանց վերսկսման հնարավորությունը: Ինչպես հաղորդում է ՙՆովոստի Գրուզիի՚ գործակալությունը, այս մասին հայտարարել է Վրաստանի վարչապետ Բիձինա Իվանիշվիլին, ՆԱՏՕ Rose-Roth Խորհրդարանական վեհաժողովի 83-րդ սեմինարում, որը բացվել է ապրիլի 29-ին, Թբիլիսիում և կշարունակվի մինչև մայիսի 1-ը: Սեմինարն ընթանում է ՙՀարավային Կովկաս. աշխարհաքաղաքականություն, եվրաինտեգրում և ներքին մարտահրավերներ՚ թեմայով:
ՙՑավոք, մեր տարածաշրջանում դեռ առկա է հակամարտությունների վտանգը: Տարածաշրջանը ձևավորվեց որպես ետխորհրդային տրանսֆորմացիայի ամենաբարդ գոտիներից մեկը: Այս փոքր տարածքում առկա են 3 միջպետական և 3 տարածաշրջանային հակամարտություններ: Այդ հակամարտությունների կարգավորման հեռանկարները դեռևս հստակորեն չեն մատնանշվում: Հարավային Կովկասն այսօր, ինչպես երբեք, միջազգային հանրության աջակցության կարիքն ունի՚,-նշել է նա: Նրա կարծիքով, հակամարտությունների կարգավորման նպատակով ստեղծված բոլոր մեխանիզմներն էլ առայժմ գործնական արդյունքներ չեն տվել:
Խոսելով ռուս-վրացական հակամարտությունից, Իվանիշվիլին հայտարարել է, որ 2008 թվականի օգոստոսի դեպքերը Վրաստանի համար շատ բարդ էին: ՙՕկուպացիայի է ենթարկվել Վրաստանի տարածքի 20%-ը: 2008 թվականի օգոստոսին վրաց ժողովրդի դեմ կրկին իրականացվեց բռնի հանցագործություն` էթնիկ զտում, ինչն իրականացվել էր Աբխազիայում, 90-ական թվականներին՚,-նշել է վարչապետը: Նրա խոսքերով, երկրի կառավարության անհետաձգելի խնդիր է այդ տարածքներից բռնի տեղահանվածների արժանապատիվ և անվտանգ վերադարձն իրենց տներ: >>>
|
Երկուշաբթի, 29 Ապրիլի 2013 13:40
Արցախը պատերազմում թափված արյամբ և զոհերով կառուցված ազատության փարոս է: Այդ մասին հայտարարել է ԵՄ-Հայաստան բարեկամության խմբի նախագահ, դոկտոր Էլենի Թեոխարուսը ԼՂՀ խորհրդարանի խոսնակ Աշոտ Ղուլյանի և ԼՂՀ ԱԺ պատգամավորների հետ հանդիպման ժամանակ:
Հույն պատգամավորի ասելով, իր այցն արցախ բնավ առաջինը չէ, և Լեռնային Ղարաբաղը դարձել է նրա համար երկրորդ հայրենիք: ՙ25 տարի առաջ այցելելով Արցախ` ես այն ժամանակ չէի հավատա, որ մի գեղեցիկ օր այստեղ կվեդառնամ որպես Եվրախորհրդարանի անդամ և կդիմեմ ձեզ, Արցախի խիզախ ժողովրդին, ձեր խորհրդարանում: Արցախը բարգավաճող ժողովրդավարություն է, պետություն, որտեղ ապրում են համարձակ և հիանալի մարդիկ, որոնք հավատում են ազատությանը և ապացուցել են դա ամբողջ աշխարհին: Արցախի ժողովուրդն ապացուցել է, որ աշխարհի յուրաքանչյուր ազատ մարդ Ստեփանակերտի քաղաքացի է՚, - հայտարարել է Թեոխարուսը:
Նրա ասելով, Մարդիկ կատարել են ինքնորոշման և ազատության հետ կապված իրենց պարտականությունը, և նրանց հաջողվել է արժեքային համակարգ ստեղծել` հիմնված արևմտյան քաղաքակրթության սկզբունքների վրա: ՙՄենք` որպես Եվրոխորհրդարանի և եվրոպական ազգային խորհրդարանների անդամներ, պետք է միասին աշխատենք այն ուղղությամբ, որ պատմությունն այլեւս չկրկնվի, և ազատ ու հպարտ պահպանենք Արցախը, որպեսզի նրա ժողովուրդը կարողանա ազատության և բարգավաճման մեջ ապրել՚,– ամփոփել է Թեոխարուսը։
Ֆրանսիայի խորհրդարանի անդամ Վալերի Բուայեն իր հերթին հայտնել է, որ ՙորպես Հայաստանի բարեկամներ` մեր պարտավորությունն է ամբողջ աշխարհին տեղեկացնել Արցախի մասին՚։
ՙԱրցախը հիմնված է ազատության, ժողովրդավարության և ինքնորոշման սկզբունքների վրա, և աշխարհը պետք է տեսնի, թե ինպես են այդ սկզբունքներն արտացոլվում այստեղի հասարակության վրա: Մենք պետք է աշխատենք բոլոր հարթակների վրա` քաղաքական, սոցիալական, մշակութային, որպեսզի աջակցենք այս գործին, եւ որ Արցախն ու իր ժողովուրդն արդարության և արժանի ճանաչման հասնեն, կարողանան ապրել ազատ ու երջանիկ՚,– ասել է Բուայեն։ >>>
|
Երկուշաբթի, 29 Ապրիլի 2013 13:37
Կալիֆորնիայի դատարանն ընդունել է Թուրքիայի օգտին վճիռ, կապված ամերիկահայերի կողմից թուրքական Ինջիրլիկի տարածքի վերաբերյալ ներկայացված հայցի հետ, որտեղ տեղակայված են ամերիկյան ռազմական բազաներ: Այս մասին գրում է ՙՏրենդ՚ գործակալությունը, հղում կատարելով CNN Turk գործակալությանը:
Ավելի քան 3 տարի ընթացող դատական գործն ավարտվեց դատարանի վճռով, այն մասին, որ ՙհարցը հանդիսանում է քաղաքական, այլ ոչ թե դատական՚: Այսպիսով, ԱՄՆ ապրող հայերի խումբը պարտություն կրեց այդ դատական գործում:
2010 թվականի դեկտեմբերին ԱՄՆ ապրող հայերը Թուրքիայի կառավարության դեմ հայց էին ներկայացրել, Թուրքիայի կառավարությունից, իրենց նախնիների կորցրած գույքի դիմաց, պահանջելով 100 մլն.դոլարի փոխհատուցում: Նշվում է, որ Ադանայում նրանց պապերին են պատկանել 49.5 հեկտար տարածքներ, ընդգրկելով նաև Ինջիրլիկում գտնվող ներկայիս ամերիկյան ռազմական բազայի տարածքը: >>>
|
Երկուշաբթի, 29 Ապրիլի 2013 08:23
ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 409.5 դրամ, ԵՎՐՈ-ի առքի առավելագույն գինը`533 դրամ, իսկ ռուսական ռուբլու առքի գինը`13.1 դրամ: ԱՄՆ դոլարի վաճառքի նվազագույն գինը կազմել է 411.5 դրամ, ԵՎՐՈ-ի վաճառքի գինը` 538 դրամ, իսկ ռուսական ռուբլու վաճառքի գինը`13.2 դրամ: >>>
|
Երկուշաբթի, 29 Ապրիլի 2013 08:05
Նախօրեին Երևանում տեղի ունեցավ ՙՀայակ՚ ազգային կինոյի մրցանակաբաշխության 2-րդ հանդիսավոր արարողությունը:
ՙԼավագույն խաղարկային ֆիլմ՚ անվանակարգում մրցանակը ստացավ Մարիա Սահակյանի ՙԱյդ ես չեմ՚ ֆիլմը« ՙԼավագույն արտասահմանյան ֆիլմ՚ - Կարեն Շահնազարովի ՙՍպիտակ վագր՚ ֆիլմը« լավագույն դերասան - Շանթ Հովհաննիսյան (ՙԳարեգին Նժդեհ՚), ՙԼավագույն դերասանուհի՚, - Մարիամ Դավթյան (ՙԼռության ձայնը՚), ՙԼավագույն դերասան – Խորեն Լևոնյան (ՙԳարեգին Նժդեհ՚), ՙԵրկրորդ պլանի լավագույն դերասանուհի՚ - Շենյա Մկրտումյան (ՙԵթե բոլորը ...՚), ՙԼավագույն կարճամետրաժ ֆիլմ՚ - Թամարա Ստեփանյանի ՙՓետրվարի 19-ը՚ ֆիլմը, ՙԼավագույն վավերագրական ֆիլմ՚ - Հարություն Խաչատրյանի ՙԱնվերջ փախուստ, հավերժ վերադարձ՚ ֆիլմը:
ՙԼավագույն սցենար՚ անվանակարգում մրցանակին արժանացան Թերեզա Վարժապետյանը և Մայքլ Պողոսյանը (ՙԵթե բոլորը ...՚), ՙԼավագույն նկարիչ՚ - Արմեն Ղազարյանը (ՙԴեգերումներ՚), ՙԼավագույն կոմպոզիտոր՚ - Վահագն Հայրապետյան (ՙԵթե բոլորը ...՚), ՙԼավագույն անիմացիոն ֆիլմ՚ - Նաիրա Մուրադյանի ՙԲալետ՚-ը ՙԼավագույն դեբյուտ՚՚ - Մարինա Զաքարյանի ՙՓասիանի որսորդը՚ ֆիլմը:
Անակնկալ մատուցվեց ՙԼավագույն ռեժիսոր՚ անվանակարգում, որտեղ իրավասու ժյուրիի որոշմամբ բաղձալի արձանիկը շնորհվեց Հարություն Խաչատրյանին, ՙԱնսահման փախուստ և անվերջ վերադարձ՚ ֆիլմի համար, սակայն, բեմ դուրս գալով, ռեժիսորը հրաժարվեց մրցանակից և այն հանձնեց ՙԱյդ ես չեմ՚ ֆիլմի հեղինակ Մարի Սահակյանին: Իր որոշումը Խաչատրյանը հիմնավորեց նրանով, որ իր կարիերային ընթացքում ինքը շատ մրցանակներ է ստացել, իսկ այժմ անհրաժեշտ է ոգևորել երիտասարդ ռեժիսորներին.
Երեկոյի շրջանակներում Հայաստանի Ազգային կինոամադեմիայի կողմից հանձնվեցին հատուկ մրցանակներ: Հատուկ մրցանակներ շնորհվեցին Արմեն Ջիգարխանյանին և Ներսես Հովհաննիսյանին` կինոյում ունեցած ներդրման համար, ռեժիսոր Պիետրո Մարսելոյին` ¥ՙՓելեշյանի լռությունը՚ ֆիլմի համար¤, Կինոյի զարգացման հիմնադրամի մրցանակը մրցանակ շնորհվեց Արման Երիցյանին` ՙDonkeymentary՚ ֆիլմի համար: Բացի այդ, ՀՀ Մշակույթի նախարարության հատուկ մրցանակը շնորհվեց Վիգեն Չալդրանյանին ՙՁայն լռության՚ ֆիլմի համար:
Ընդհանուր առմամբ, ՀՀ Ազգային կինոմրցանակին հավակնում էր ավելի քան 20 ֆիլմ, որոնցից շատերը քաջ հայտնի են հանդիսատեսին, ինչպես Հայաստանում, այնպես էլ արտերկրում: Հաղթողները ստանում են ոսկեզօծ արձանիկը` ՙՀայակ՚-ը, ինչը թարգմանանաբար նշանակում է ՙհայացք՚: >>>
|
Շաբաթ, 27 Ապրիլի 2013 09:25
Ադրբեջանցի գրող, աղմկահարույց ՙՔարե երազներ՚ վիպակի հեղինակ Աքրամ Այլիսլին ապրիլի 27-ին հերքել է լուրերը, թե լքել է Ադրբեջանը:
ՙԵս Բաքվում եմ և ոչ մի տեղ չեմ պատրաստվում հեռանալ՚,- kulis.az կայքին հարցազրույցում հայտարարել է Այլիսլին`չբացատրելով, թե ինչու է իր որդին լրագրողների հետ զրույցում հաստատել գրողի`երկրից հեռանալու մասին տեղեկատվությունը: Երեկ ադրբեջանական ԶԼՄ-ները, վկայակոչելով Այլիսլիի որդուն, հայտնել էին, որ գրողը հեռացել է երկրից:
Հիշեցնենք, 2012 թ. դեկտեմբերին Այլիսլիի` հայերի ջարդերի մասին վեպի հրապարակումից հետո Ադրբեջանում կառավարական մակարդակով հետապնդումներ էին սկսվել գրողի և նրա ընտանիքի անդամների նկատմամբ: >>>
|
Շաբաթ, 27 Ապրիլի 2013 09:20
ՙԲարև Երևան՚ կուսակցությունների դաշինքի անդամ Դանիել Իոաննիսյանը երեկ հայցադիմում է ներկայացրել ՀՀ վարչական դատարան՝ ընդդեմ Կենտրոնական ընտրական հանձնաժողովի:
Ինչպես ԱրմԻնֆո-ին հաղորդել են դաշինքի շտաբում, հայցադիմումով բողոքարկվում է օրեր առաջ ԿԸՀ կայացրած այն որոշումը, որով ապրիլի 7-ին Երևանի քաղաքապետարանի կողմից Մայրության և գեղեցկության տոնի առթիվ կազմակերպված միջոցառումը չէր համարվել ընտրական օրենսգրքի խախտում:
ՙՆշված միջոցառման ընթացքում կանանց և աղջիկներին բաժանվում էին ծաղիկներ Տարոն Մարգարյանի անունից, ինչը, ՙԲարև Երևան՚-ի կարծիքով, հանդիսանում է Տարոն Մարգարյանի քարոզչություն՝ հարկատուների գումարների հաշվին՚,- ասվում է դաշինքի հայտարարության մեջ:
Վարչական դատարանից հայցվոր Դանիել Իոաննիսյանը խնդրում է նշված միջոցառումը որակել որպես թեկնածուի անունից քաղաքացիներին անվճար ապրանքների և ծառայությունների մատուցում, ինչը խստիվ արգելված է ՀՀ ընտրական օրենսգրքով: >>>
|
Շաբաթ, 27 Ապրիլի 2013 09:19
Մարդկանց ողբերգական մահերը Լեռնային Ղարաբաղի հակամարտության ընթացքում ցույց են տալիս, որ հակամարտության ռազմական լուծումն անթույլատրելի է, Վաշինգտոնում ճեպազրույցի ընթացքում հայտարարել է ԱՄՆ Պետդեպարտամենտի պաշտոնական ներկայացուցչի պաշտոնակատար Պատրիկ Վենտրելը։
Նրա խոսքով, միայն երկարաժամկետ և խաղաղ կարգավորումը կարող է տարածաշրջանին բերել կայունություն, բարգավաճում և խաղաղությունը՚,- ասել է Վենտրելը։ ԱՄՆ-ն ԵԱՀԿ Մինսկի խմբի համանախագահող երկիր է և առաջվա պես աշխատելու է հակամարտության կողմերի հետ`խաղաղության ձեռքբերման նպատակով՚,- նշել է Վենտրելը: >>>
|
Շաբաթ, 27 Ապրիլի 2013 09:17
Ի պատասխան Քանաքեռ Բանավանում բնակիչների հետ հանդիպման ժամանակ ԲՀԿ-ական որոշ պատգամավորների այն հայտարարությանը, որ “իշխող քաղաքական ուժին պետք են հուսահատված, այլ ոչ թե բարեկեցիկ քաղաքացիներ”՝ ՀՀԿ ընտրական շտաբի պետ, ԱԺ փոխնախագահ Էդուարդ Շարմազանովն ասել է.
ՙԲՀԿ-ական պատգամավորներն անցնում են կոռեկտության բոլոր սահմանները: Հարկ է նշել, որ բարեկեցիկ քաղաքացիներ պետք չեն հենց ԲՀԿ-ին, քանի որ այդ քաղաքական ուժը ասելիք եւ անելիք չի ունենա, իսկ նրանց նետած գրոշների կարիքն էլ չի լինի: Մենք ունենալու ենք բարեկեցիկ Հայաստան եւ ամեն ինչ անելու ենք դրան հասնելու համար: Ու այդ դեպքում, կարծում եմ, ԲՀԿ-ում մնալու են միայն Օսկանյանի եւ Զոհրաբյանի նման գործիչները: Առայժմ այսքանը՚: >>>
|
Ուրբաթ, 26 Ապրիլի 2013 19:31
Կարծիք կա, որ ԵԱՀԿ Մինսկի խումբն սպառել է իր հնարավորությունները Ղարաբաղյան հակամարտության կարգավորման հարցում: Արդյո՞ք Մինսկի ձևաչափի շրջանակներում բանակցային գործընթացն այլընտրանք ունի: Եվ հնարավո՞ր է արդյոք Ղարաբաղյան հակամարտության կարգավորումը` Հայաստանի կողմից Լեռնային Ղարաբաղի անկախության միակողմանի ճանաչման ճանապարհով: Ի՞նչ հետևանքների դա կարող է հանգեցնել:
Կարգավորման գործընթացը ԵԱՀԿ Մինսկի խմբի ձևաչափով, իրոք, տեղապտույտ է տալիս, և այդ ձևաչափի շրջանակներում որևէ բեկման հասնել, իրոք, հնարավոր չէ: Դա վերաբերում է նաև այլընտրանքային ձևաչափերին, օրինակ, այսպես կոչված, ՙՊրահայի գործընթացին՚`Ռուսաստանի նախկին նախագահի միջնորդությամբ Հայաստանի և Ադրբեջանի նախագահների հանդիպումներին: Ինչ վերաբերում է Հայաստանի կողմից Լեռնային Ղարաբաղի ճանաչման հնարավորությանը`ապա այս առնչությամբ բազմիցս հանդես է եկել նախագահ Սերժ Սարգսյանը, այդ թվում`պատասխանելով նախագահական ընտրություններում իր նախկին մրցակցի որոշ հայտարարություններին: Դժվար է այս առնչությամբ որևէ բան ավելացնել:
Ադրբեջանական ԶԼՄ-ները տեղեկություն են տարածել Ադրբեջանի կողմից Ռուսաստանի հետ նոր սպառազինությունների և ռազմական տեխնիկայի գնման շուրջ բանակցությունները դադարեցնելու մասին: Միաժամանակ նույն ԶԼՄ-ներում տեղեկատվություն է հայտնվել ՙեվրոպական արտադրողների կողմից Հարավային Կովկասի երկրներին զենքի վաճառքի պայմանների անսպասելի մեղմացման վերաբերյալ՚: Եթե սա տեղեկատվության նպատակաուղղված արտանետում է, որո՞նք են դրա պատճառները:
Սպառազինությունների մատակարարների ընտրության հարցում Ադրբեջանի գերակայությունների հնարավոր փոփոխման վերաբերյալ տեղեկատվությունն արտացոլում է վերջինիս արտաքին քաղաքական ուղեգծի էվոլյուցիան: Ռուսաստանում կարելի է նկատել քաղաքականությունը և բիզնեսը, մասնավորապես`առանձին ձեռնարկությունների մակարդակով ռազմատեխնիկական համագործակցությունը, միմյանցից զատելու փորձեր: Սակայն, Մոսկվայի և Բաքվի քաղաքական շփումներում վստահության կորուստը, խնդրահարույց հարցերը լուծելու ցանկության բացակայությունը կամ նույնիսկ օբյեկտիվ անհնարինությունը վաղ թե ուշ անդրադառնում է երկկողմ փոխգործակցության այլ ոլորտների վրա:
Կիսվեք Ադրբեջանում ներքաղաքական իրավիճակի զարգացման հնարավոր սցենարների առնչությամբ Ձեր կարծիքով`կապված նախագահական ընտրությունների , Իրանի և որոշ չափով ՌԴ հետ հարաբերությունների սրման հետ...
Իրանն արտաքին ազդեցությանը ենթարկելու ձգտումը, կարծում եմ, Մերձավոր Արևելքում տեղի ունեցող իրադարձությունների հիմնական մղիչ ուժն է: Ադրբեջանն օբյեկտիվ պատճառներով չի կարող այդ գործընթացներին ներգրավված չլինել: Մամուլում տեղեկատվություն է հայտվում Թել Ավիվի և Վաշինգտոնի հետ Բաքվի սերտ կապերի մասին, ինչը, անշուշտ, չի կարող չմտահոգել Թեհրանին: Տարբեր խաղացողների`ժամանակ առ ժամանակ ի հայտ եկող մրցակցությունն անդրադառնում է սոցիալ-տնտեսական խնդիրների և երկրի ներսում տարբեր ընտրախավերի ոչ հասարակ հարաբերությունների վրա: Այս ամենը հղի է ամենատարբեր սցենարներով, որոնք բավականին մանրամասն քննարկվում են ադրբեջանցի քաղաքագետների ու փորձագետների կողմից: Այնուամենայնիվ, առաջիկա ամիսներին որևէ արտառոց բան տեղի չի ունենա: Սակայն, ավելի մեծ թափ կառնի ոչ թե, այսպես կոչված, ՙարևմտամետ՚ ընդդիմության, այլ խմբակցությունների և խմբերի գործունեությունը, որոնք դե-ֆակտո հռչակելով քաղաքական նպատակներ`օգտագործում են կրոնական հռետորաբանությունը և դիմում քաղաքացիների ամենալայն շերտերի զգացմունքներին ու հույզերին: Ադրբեջանն ամենևին բացառություն չէ, և պատահական չէ, որ շատ դիտորդների կողմից ավելի շատ զուգահեռներ են անցկացվում այդ երկրի և Մերձավոր Արևելքի որոշ պետությունների միջև, որոնք հայտնի բուռն իրադարձությունների ասպարեզ են դարձել: Այսպիսով, չնայած այն բանին, որ Ադրբեջանի նախագահի առաջիկա ընտրություններում, ըստ երևույթին, ամենի ինչ հարթ կանցնի, հետագայում տհաճ անակնկալները պետք չէ բացառել:
Հայաստանի նկատմամբ Ռուսաստանի անհետևողական քաղաքականությունը, մի շարք փորձագետների կարծիքով, թույլ է տվել ԱՄՆ-ին զգալիորեն ամրապնդել իր ազդեցությունը հանրապետությունում: Ձեր կարծիքով, ի՞նչ միտումներ կան այսօր այդ ուղղությամբ, և արտաքին խաղացողներից ո՞վ է շահագրգռված ՙԲարևի հեղափոխությամբ՚:
Միացյալ նախագահների գործունեությունը հետխորհրդային տարածությունում, իհարկե, համակարգային և միաժամանակ բազմամակարդակ բնույթ է կրում`կողմնորոշված լինելով դեպի իշխող դասի և հասարակության հիմնական խմբերը: Որպես օրինակ կարելի է բերել թեկուզ ամերիկյան բազմաթիվ ոչ կառավարական կազմակերպությունների գործունեությունը Ռուսաստանի տարածքում և դրանց ֆինանսավորման ծավալները: Հազիվ թե Հայաստանում իրավիճակը կարող էր այլ սցենարով զարգանալ: Հանրապետությունում շատ լավ հայտնի է, որ նույն Րաֆֆի Հովհաննիսյանը հանրապետությունում հայտնվել է 1988 թ. Սպիտակի երկրաշարժից հետո, երբ որոշվել է բացել ԽՍՀՄ սահմաններն արտաքին օգնության համար`դառնալով Ամերիկայի հայկական համագումարի երևանյան գրասենյակի առաջին ղեկավարը: Այդ կազմակերպության սերտ կապերն ԱՄՆ Պետդեպարտամենտի հետ որևէ մեկի համար գաղտնիք չեն: Ինչ վերաբերում է վերջին ժամանակների իրադարձություններին, չի կարելի չհիանալ, թե ինչպես է անցած տարի դժվարությամբ խորհրդարան անցած ՙԺառանգության՚ առաջնորդը նախագահական ընտրությունների ընթացքում ստանում ընդդիմադիր ընտրազանգվածի ձայների մեծ մասը: Դա, անշուշտ, ունի կազմակերպչական-տեխնոլոգիական բացատրությունները, և հայտնի է, որ, այսպես կոչված, ՙգունավոր հեղափոխությունների՚ զոհ դարձած ԱՊՀ որոշ երկրներում եղել են նաև այդպիսի օրինակներ: Հայաստանում ԱՄՆ քաղաքականության կարևոր առանձնահատկություններից են՝ քաղաքական արդյունավետության բարձր մակարդակը և հմուտ լոբբիստական ու տեղեկատվական ուղեկցությունը, ֆինանսական հոսքերի օպտիմալացումը: Ինչ վերաբերում է ընտրախավերի, փորձագետների, գիտական հանրության հետ աշխատանքին, արևմտյան, հատկապես`անգլոսաքսոնական աշխարհի ներկայացուցիչներն զգում են իրենց`ինչպես ձուկը ջրում, և նրանց հետ իրենց իսկ ՙհարթակում՚ մրցելը Ռուսաստանի համար բավականին դժվար է, և հազիվ թե պետք է: Չնայած, կարծում եմ, դա չի նշանակում, թե աշխարհաքաղաքական մրցակիցների փորձին պետք չէ հետևել և ինչ-որ բան սովորել: Առաջին հերթին`սփյուռքի հետ աշխատանքին, որն օգտագործվում է որպես ելման երկրի վրա ազդեցույթան արդյունավետ գործիք. խոսքը ոչ միայն Հայաստանի մասին է, այլ Կովկասի այլ տարածաշրջանների, Մերձդնեստրի, Ուկրաինայի: Մոսկվան պետք է սովորի Վաշինգտոնից, թե ինչպես կարելի է միաժամանակ և արդյունավետորեն, համագործակցել ՙգործընկեր՚ պետության ինչպես իշխանության, այնպես էլ ընդդիմության հետ` նպատակաուղղված ստեղծելով այնպիսի իրավիճակ, երբ մրցակցի կողմից ինչ-որ ինտեգրացիոն նախագծի առաջմղման ցանկացած նախաձեռնություն կբախվի բավականին լուրջ, ընդ որում` ՙօբյեկտիվ՚, դժվարությունների:
Ես, իհարկե, նկատի ունեմ եվրասիական ինտեգրման նախագիծը, որին որպես այլընտրանք կառաջարկվի Թուրքիայի հետ սահմանի բացումը: Առաջին հերթին դա կապված է ԱՄՆ շահերի հետ, որի համար հայ-թուրքական հարաբերությունների նորմալացումը կարևոր նշանակություն ունի` ելնելով մի շարք պատճառներից, այդ թվում 2015 թվականի` Հայոց ցեղասպանության 100-ամյա տարելիցի մոտենալը: Հայկական լոբբիստական կազմակերպությունների ջանքերը չեզոքացնելու նպատակով կձեռնարկվի ամեն ինչ, որպեսզի հայ-թուրքական հարաբերություններում գոնե մասնակիորեն ցուցադրվի ինչ-որ ՙառաջընթաց՚, ինչը կարող է ենթադրել նաև տնտեսական կապերի նորմալացում: Սակայն, ՙթուրքական՚ ուղղության ակտուալացումը դժվար է պատկերացնել ոչ միայն առանց Ղարաբաղյան հակամարտության` Բաքվի առավելագույն պայմաներով կարգավորման, այնպես էլ Հայաստանի եվրասիական ինտեգրման գաղափարի վարկաբեկման, որի ներքո ենթադրվում է առաջին հերթին Ռուսաստանի հետ հարաբերությունների զարգացումը: Հաշվի առնելով Արևմուտքի լուրջ դիրքերը հանրապետության տեղեկատվական տարածությունում` չի կարելի կասկածել, որ նման փորձերը հետագայում նույնպես կլինեն համակարգային բնույթի: Այսպիսով, ամերիկյան և արևմտյան քաղաքականությունը տարածաշրջանում, մասնավորապես` Հայաստանում, չնայած հզոր PR-ին և արտաքին համոզչությանը, ունի մի շարք օբյեկտիվ սահմանափակիչներ: Դրանցից կարող է օգտվել, իհարկե, Ռուսաստանը, պաշտոնական հանդիսավոր ելույթների, հայտարարությունների ու ֆորմալ-բյուրոկրատական ընթացակարգերի սահմաներից դուրս արտաքին քաղաքական կրեատիվի առկայության պայմաններում: Որքան էլ որ պարոն Հեֆֆերնը պայքարի Carefoour ցանցի խանութների բացման համար`արևմտյան ուղիով ընթանալը չի կարող հանգեցնել Հայաստանի քաղաքացիների մեծ մասի սոցիալ-տնտեսական վիճակի արմատական բարելավմանը: Վաշինգտոնի կողմից հայ-թուրքական ՙհաշտեցման՚ լոբբինգը, ինչպես և Անկարայի հետ դաշնակցային հարաբերությունները Միացյալ Նահանգների կողմից Հայոց ցեղասպանության ճանաչմանը խոչընդոտող և այս ուղղությամբ հայկական լոբբիտական կազմակերպությունների գործունեությունը չեզոքացնող գործոն կլինեն: Բաքվի հետ համագործակցությունն ԱՄՆ համար ավելի կարևոր է, քան Երևանի հետ: Ինչ վերաբերվում է այսպես կոչված ՙեվրոպական ինտեգրմանը՚, ապա այդ ուղղությունը Երևանի համար կունենա իր գինը` Լեռնային Ղարաբաղի տեսքով, և լիովին հնարավոր է, Ստեփանակերտի համար պատրաստում են կոսովյան Միտրովիցայի, այլ ոչ թե Պրիշտինայի դերը, ինչպես ոմանք ենթադրում են: Բոլոր այս հանգամանքները կարող են Երևանի և Մոսկվայի միջև կառուցողական երկխոսության առարկա դառնալ` առավելագույնս ազատ լինելով ինչպես երկիմաստությունից, այնպես էլ ավելորդ պրոժեկտյորությունից: Եվ այն, որ մեր երկրների միջև շփումները 2013 թվականին ամրապնդման միտումներ ունեն, ինչ-որ առումով որոշակի լավատեսություն է ներշնչում: >>>
|
Ուրբաթ, 26 Ապրիլի 2013 14:22
ՙԱռէկսիմբանկ-Գազպրոմբանկի խումբ՚ ՓԲԸ-ն իր հաճախորդներին է առաջարկում Էսքրոու հաշվով գործառնություններ:
Ինչպես տեղեկացնում է բանկի մամլո ծառայությունը, Էսքրոու հաշիվը հանդիսանում է յուրահատուկ գործիք հաճախորդների առևտրային գործարքների իրականացման ռիսկերը նվազագույնի հասցնելու համար: Այն դեպքում, եթե հաճախորդը գնում/վաճառում է անշարժ/շարժական գույք կամ ներկայացնում է որևէ ծառայություն, սակայն վստահություն չունի իր գործընկերոջ նկատմամբ (այսինքն բացակայում է վաճառող-գնորդ վստահությունը), ապա բանկի և գործարքի կողմերի միջև կնքվում է եռակողմ պայմանագիր, որտեղ Բանկը հանդես է գալիս տվյալ գործարքի պայմանների կատարման լիարժեք երաշխավոր: Էսքրոու հաշիվը հանդիսանում է լավագույն միջոց կողմերի վստահության հաստատման համար, քանի որ վճարումը կիրականացվի միայն պայմանագրային պարտավորությունների կատարման դեպքում: >>>
|
Ուրբաթ, 26 Ապրիլի 2013 14:21
Ադրբեջանցի գրող Աքրամ Այլիսլին`ՙՔարե երազներ՚ վեպի հեղինակը, լքել է Ադրբեջանը:
Այդ մասին հաղորդում է Haqqin-ը`վկայակոչելով Այլիսլիի որդուն, ով հաղորդել է, որ արդեն մի քանի օր է, ինչ իր հայրը տանը չէ: Ընդ որում, նա չի հստակեցնել, թե որտեղ է նա գտնվում:
Նշվում է, որ գրողի բջջայինը նույնպես անհասանելի է: Միաժամանակ չի բացառվում, որ Այլիսլին մեկնել է արտասահման՝ քաղաքական ապաստան խնդրելու նպատակով:
Հիշեցնենք, 2012 թ. դեկտեմբերին հայերի ջարդերի մասին Այլիսլիի վեպի հրապարակումից հետո Ադրբեջանում կառավարական մակարդակով հետապնդումներ էին սկսվել գրողի և նրա ընտանիքի անդամների նկատմամբ: >>>
|