Քաղաքական ուժերը շարունակում են աջակցություն հայտնել "Ուժեղ Հայաստանին" առաջիկա ընտրություններում

Արմինֆո. Քաղաքական ուժերը շարունակում են առաջիկա խորհրդարանական ընտրություններում աջակցություն հայտնել ռուսաստանահայ գործարար Սամվել Կարապետյանի "Ուժեղ Հայաստան" կուսակցությանը։

«Կողմ թողնելով անձնական շահը , ղեկավարվելով Հայաստանի շահով, Րաֆֆի Հովհաննիսյանի ղեկավարած «Ժառանգություն» կուսակցությունը հայտարարել է, որ չի մասնակցելու ընտրություններին և իր աջակիցներին կոչ է անում աջակցել «Ուժեղ Հայաստան Սամվել Կարապետյանի հետ» դաշինքին, քանի որ փոփոխություն Հայաստանում հնարավոր է միայն Սամվել Կարապետյանի հետ», - Facebook-ի իր էջում գրել է "Ուժեղ Հայաստան" կուսակցության քաղխորհրդի անդամ Նարեկ Կարապետյանը։

Իր հերթին՝ "Ուժեղ Հայաստան" կուսակցության մամուլի քարտուղար Մարիաննա Ղահրամանյանը ուշադրություն է հրավիրել այն հանգամանքի վրա, որ ընդամենը մեկ օրվա ընթացքում Սամվել Կարապետյանի "Ուժեղ Հայաստան" կուսակցության օգտին հանդես են եկել 4 քաղաքական ուժեր՝ "Ազատություն", "Կայունություն", "Ժառանգություն" և "Հայաստանի Լիբերալ-դեմոկրատական միություն" կուսակցությունները:

Նրա խոսքով՝ այսպիսով, խորհրդարանական ընտրություններին ընդառաջ Հայաստանի ներքաղաքական դաշտում ձևավորվում է ընդդիմադիր ուժերի համախմբում Սամվել Կարապետյանի քաղաքական ուժի շուրջ:

"Այդ բոլոր քաղաքական ուժերը համակարծիք են, որ Հայաստանում գործող իշխանությունն իր պարտվողական և ուրացող քաղաքականությամբ երկիրը կանգնեցրել է կործանման եզրին և շարունակում է հնազանդության, փոխզիջումների և դավաճանության իր ճանապարհը ՝ կեղծ խաղաղությունը զենք դարձնելով հայ ժողովրդի դեմ: Քաղաքական ուժերը վստահ են, որ միայն Սամվել Կարապետյանը կարող է Հայաստանը դուրս բերել ճգնաժամից և հայ ժողովրդին տանել դեպի ուժեղ ապագա", - եզրափակել է կուսակցության մամուլի քարտուղարը:

Հիշեցնենք, որ փետրվարի 12-ին Կարեն Դեմիրճյանի անվան մարզահամերգային համալիրում միաձայն "Ուժեղ Հայաստան" կուսակցության վարչապետի թեկնածու է ընտրվել քաղաքական ուժի նախագահ, գործարար Սամվել Կարապետյանը: Հայաստանում խորհրդարանական ընտրությունները նախատեսված են 2026 թվականի հունիսի 7-ին ։