Արմինֆո. Երևանում տեղի է ունեցել Հայրենական մեծ պատերազմի 104-ամյա վետերան Հրանտ Կարապետյանի հուշերի "Նախապապից մինչև ծոռ. Հայրենական մեծ պատերազմի վետերանի ընտանեկան սագա" գրքի շնորհանդեսը:
Ինչպես հաղորդել է Երևանում "Մոսկվայի տուն" մոսկովյան մշակութագործարարական կենտրոնի մամուլի ծառայությունը, ստեղծագործության մեջ տեղ են գտել պատերազմի բովով անցած Կարապետյանի հուշերը, որպես ճարտարապետ և շինարար տասնամյակների ստեղծագործական աշխատանքը, ինչպես նաև նրա նախնիների մասին տեղեկություններ, որոնք միահյուսված են հայ ժողովրդի պատմության ողբերգական էջերին:
Գրքի շնորհանդեսի ընթացքում Հայաստանում Ռուսաստանի դեսպան Սերգեյ Կոպիրկինը նշել է, որ այս հրատարակությունը վառ ապացույցն է այն բանի, թե ինչպես է անձնական, ընտանեկան պատմության նկատմամբ հոգատար վերաբերմունքը վերաճում մի ամբողջ ժողովրդի պատմական հիշողության պահպանման: "Հրանտ Մելիքսեթովիչը պատկանում է հաղթողների լեգենդար սերնդին, ովքեր ոչ միայն հերոսաբար մարտնչել են Մեծ հայրենականի ճակատներում, այլև միասնաբար վերականգնել են մեր ընդհանուր հայրենիքը։ Եվ մեր սիրելի վետերանի գրքում տեղ գտած փաստերը շատ արժեքավոր են ոչ միայն մեզ, այլեւ նոր սերունդների համար", - ընդգծել է դեսպանը։
"Դիալոգ" հասարակական-բարեգործական կազմակերպության ղեկավար Յուրի Նավոյանը, ում ջանքերով գիրքը լույս է տեսել, նշել է, որ Հայրենական մեծ պատերազմի հայ վետերանների ստեղծագործությունների հրատարակումն արդեն բարի ավանդույթ է դարձել: "Անցյալ տարի լույս տեսավ 100-ամյա վետերան Լաչին Ստեփանյանի "Իմ ժամանակը, իմ հաղթանակը" բանաստեղծությունների ժողովածուն: Իսկ Հրանտ Մելիքսեթովիչի գիրքը ոչ թե, պարզապես, հուշեր կամ ընտանեկան տարեգրություն է, այլ ժամանակի կենդանի պատմություն, որը հազիվ թե կարելի է կարդալ դասագրքերում", - պատմել է Նավոյանը։
Իր հերթին՝ Մարշալ Բաղրամյանի անվան Հայաստանի վետերանների միավորման նախագահ, գնդապետ Սիմոն Եսայանն ընդգծել է, որ գրքի հրատարակումը հարգանքի տուրք է Մեծ հայրենականի վետերաններին՝ ի դեմս Հրանտ Մելիքսեթովիչի, ում սերն ընտանիքի և հայրենիքի հանդեպ պետք է օրինակ ծառայի սերունդների համար:
Աղբյուրի համաձայն՝ գրքի վրա աշխատանքը Հրանտ Մելիքսեթովիչը սկսել է 93 տարեկանում, իսկ վերջակետը դրել է հենց իր 94-ամյակի օրը: Նշվում է, որ գրքի ստեղծման համար նրան ոգեշնչել են երեխաներն ու թոռները, որոնք օգնել են նրան վեր հանել արխիվները, հին գրառումները, լուսանկարները և վերականգնել տոհմագրությունը: Հատկանշական է, որ գրքի շապիկը զարդարել է իր 100-ից ավելի տարիների ընթացքում հենց վետերանի նկարած նկարը:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
