Նարեկ Կարապետյանը՝ Գավառում. Հայաստանի ապագան ապահովելու համար անհրաժեշտ է գործարաններ կառուցել և աշխատատեղեր բացել

Արմինֆո.Հայաստանի ապագան ապահովելու համար անհրաժեշտ է գործարաններ կառուցել և աշխատատեղեր բացել երկրի ներսում։ Այդ մասին Գեղարքունիքի մարզկենտրոն Գավառում "Ուժեղ Հայաստան" կուսակցության գրասենյակի բացման ժամանակ հայտարարել է կուսակցության քաղաքական խորհրդի անդամ Նարեկ Կարապետյանը։

Նա ուշադրություն է հրավիրել այն հանգամանքին, որ քաղաքում աշխատատեղերի բացակայության պատճառով ամեն տարի հազարավոր մարդիկ ստիպված են լինում արտագնա աշխատանքի մեկնել, հիմնականում՝ Ռուսաստան: Այդ առնչությամբ նա հռետորական հարց է հնչեցրել, թե ինչու է դա տեղի ունենում, եթե երկրում ամեն ինչ լավ է։ Կարապետյանի խոսքով ՝ նման իրավիճակ է դիտվում նաև Հայաստանի այլ քաղաքներում, և այսօր գրեթե բոլորն ունեն ծանոթներ, ովքեր մտադիր են հեռանալ երկրից՝ աշխատանք փնտրելու նպատակով:

"Հայաստանում քանդվել են գործարանները, և մարդիկ ստիպված են հեռանալ՝ իրենց ընտանիքները պահելու համար։ Եվ այնտեղ նրանց նման հնարավորություններ են ընձեռվում։ Բայց որպեսզի այդ մարդիկ մնան մեր երկրում և մեր համայնքները շարունակեն ապրել, մենք պետք է վերականգնենք այդ ներուժը, այդ թվում ՝ մեր գործարանները։ Չէ որ՝ եթե մենք ուզում ենք Հայաստանի համար ապագա տեսնել, մենք պետք է աշխատատեղեր ստեղծենք երկրի ներսում", - նշել է քաղաքական ուժի ներկայացուցիչը։

Կարապետյանն այդ առնչությամբ ընդգծել է, որ այսօր Հայաստանին պետք է հայրենասիրությամբ ոգեշնչված և հայրենիքի հանդեպ պարտք ունեցող ղեկավար, ինչպես նաև՝ արտերկրում կապեր ունեցող, եւ "Ուժեղ Հայաստան" կուսակցության նախագահ Սամվել Կարապետյանը հենց այդպիսի մարդ է: Նա ուշադրություն է հրավիրե լ այն հանգամանքի վրա, որ թեև Կարապետյանը ապրել և աշխատել է Ռուսաստանում, բայց երբեք չի կորցրել կապը հայրենիքի հետ, քանի որ Սփյուռքի կապը Հայաստանի հետ, ինչպես ցույց է տալիս փորձը, տնից հեռու միայն ավելի է ուժեղանում:

"Մեր երկրում կառավարման խնդիր կա։ Մենք հոգնել ենք մեր տարածաշրջանային հարևանների մեջ ամենաթույլը լինելուց։ Նախկինում, երբ մեզ տեսնում էին Հայաստանից դուրս, փոխում էին ճանապարհը, որ մեզ հետ չշփվեն։ Իսկ հիմա նրանք նայում են մեզ այնպես, կարծես մեզ ջախջախել են: Տասը միլիոնանոց Ադրբեջանն ուրախանում է, որ գրավել է Արցախը, որտեղ ապրում էր շուրջ 150 հազար հայ։ Մեր երկրին այսօր անհրաժեշտ է համախմբում և նոր մարդ, ում հետ հայ ժողովուրդը կկարողանա կապել իր հույսերը: Եթե մեր երկրում հայտնվի մեկը, ով տնտեսական փորձ ունի, մեր երկիրը կդառնա բարգավաճ և ուժեղ", - եզրափակել է Կարպատենյանը։

Հիշեցնենք, որ փետրվարի 12-ին Կարեն Դեմիրճյանի անվան մարզահամերգային համալիրում "ուժեղ Հայաստան" կուսակցության նախագահ, գործարար Սամվել Կարապետյանը միաձայն ընտրվել է քաղաքական ուժի վարչապետի թեկնածու՝ հունիսի 7-ին կայանալիք խորհրդարանական ընտրություններում: