Արմինֆո. Ուժեղ բանակը, խելացի դիվանագիտությունը և տնտեսական անկախությունը ուժեղ Հայաստանի հայեցակարգի երեք առանցքային հիմնասյուներն են: Այդ մասին հայտարարել է ռուսաստանահայ գործարար, "Ուժեղ Հայաստան" կուսակցության առաջնորդ Սամվել Կարապետյանը՝ ներկայացնելով իր քաղաքական ուժի անվտանգության հայեցակարգը։
"Եկել է տեւական խաղաղության ժամանակը, վաղը ուշ կլինի։ Սա հանրահայտ կանոն է։ Պատերազմը գալիս է այնտեղ, որտեղ ուժ չկա: Թույլ բանակը սադրում է հակառակորդին, իսկ ուժեղ բանակը խաղաղություն է ապահովում։ Խաղաղությունը չեն մուրում, այն ուժով են պահում։ Ես հաճախ եմ մտածում այն մասին, թե ինչպես կառուցել այնպիսի Հայաստան, որտեղ զորակոչային տարիքը դառնա վստահության, այլ ոչ թե վախերի տարիք։ Մենք անվտանգության և դիվանագիտության ոլորտի միջազգային փորձագետների հետ մշակել ենք "Ուժեղ Հայաստան" համակարգային ծրագիրը",- նշել է նա Facebook-ի իր էջից հղած ուղերձում։
Ընդ որում, Կարապետյանն ընդգծել է, որ իր թիմի աշխատանքն այդ ուղղությամբ ունի երեք հիմնական ուղղություն․ ուժեղ բանակ, խելացի դիվանագիտություն և տնտեսական անկախություն: Նրա խոսքով ՝ հենց այդ համակարգային ծրագրի իրականացման շնորհիվ են կառուցելու ուժեղ Հայաստան։
"Հայրենիքը սկսվում է սահմանից, հայրենիքի հանդեպ սերը՝ նույնպես, հետևաբար, Հայաստանի սահմանները պետք է լինեն անխախտ և անձեռնմխելի: Հետախուզության համակարգման մշտական կենտրոնները, անօդաչու հետախուզությունը, ինչպես նաև արհեստական բանականության վերլուծությունը թույլ կտան ապահովել մեր սահմանների անխախտելիությունը և մեր զինվորների անվտանգությունը", - նշել է քաղաքական գործիչը։
Ընդ որում, նա ցավով է արձանագրել, որ հայ ժողովրդի գլխին կախված վերջին տարիների պատերազմներն ապացուցել են, որ չի կարելի հաղթել գետնի վրա, եթե օդն անպաշտպան է: Կարապետյանը խոստացել է ապահովել Հայաստանի երկնքի պաշտպանությունը ՀՕՊ և ՌԷՊ ժամանակակից բազմաշերտ համակարգերով:
"Ուժեղ Հայաստանում զինվորական ծառայության հիմքում լինելու է պրոֆեսիոնալ, տեխնոլոգիական և առաջադեմ բանակը։ Զորացրվելուց հետո արժանապատիվ ծառայությունը և արժանապատիվ կյանքը մեզ համար առաջնահերթություն է։ Հայաստանն աշխարհի հետ խոսելու է վստահ, ուժեղի դիրքերից։ Մեր արտաքին քաղաքականությունը լինելու է պրագմատիկ և հավասարակշռված։ Արևմուտքի և Արևելքի հետ մեր բանակցությունները լինելու են հստակ՝ պահպանելով մեր կարմիր գծերը։ Մենք կշարունակենք երկխոսությունը մեր ռազմավարական գործընկերների հետ՝ միաժամանակ խորացնելով շփումները մյուս գերտերությունների և երկրների հետ", - հայտարարել է Կարապետյանը։
Նա հավելել է, որ 30 տարի գտնվելով բիզնեսում, սովորել և յուրացրել է ուժեղի դիրքերից բանակցելու հմտությունները, կապեր է հաստատել աշխարհի տարբեր կենտրոններում: Կարապետյանի խոսքով՝ իր այդ փորձն ու միջազգային կապերը կծառայեցվեն Հայաստանի արտաքին քաղաքականությանը։ Քաղաքական ուժի առաջնորդը հավելել է, որ իր թիմն արդեն աշխատում է հայկական սփյուռքի հետ՝ սենտիմենտալ աջակցությունը վերածելով ռազմավարական գործիքի՝ միջազգային ազդեցությամբ, ենթակառուցվածքով և երկարաժամկետ ներդրումներով:
"Մեր շփումները տարածաշրջանի հետ հիմնվելու են փոխշահավետության, այլ ոչ թե միակողմանի զիջումների սկզբունքի վրա։ Խաղաղությունը ձեռք չի բերվում թուլությամբ, այլ արձանագրվում է ուժով: Մենք առաջարկում ենք ուժեղ խաղաղություն, հարատև խաղաղություն: Հայաստանը պետք է դադարեցնի խաղաղություն մուրալու քաղաքականությունը և անցնի այնպիսի քաղաքականության, որտեղ առաջնային են Հայաստանն ու նրա շահերը։ Ուժեղ Հայաստանը պաշտպանություն չի մուրա, այլ սեփական ուժերով կկառուցի այն։ Թույլերը չեն կարող լռեցնել ուժեղներին: Հայաստանին չեն կարող լռեցնել։Այլեւս թույլ չենք լինելու", - եզրափակել է Կարապետյանը։ -
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
