Արմինֆո.Հայաստանի ԶՈՒ գլխավոր շտաբի նախկին պետ Տիրան Խաչատրյանն իրականությունից կտրված է համարում ՀՀ պաշտպանության նախարարության մեկնաբանությունը՝ Ադրբեջանի կողմից Հայաստանի նոր տարածքների օկուպացման վերաբերյալ, ինչի մասին ավելի վաղ ահազանգել էր "Միասնության թևեր" քաղաքական նախաձեռնության առաջնորդ Արման Թաթոյանը:
"Գիտեք, շատ հետաքրքիր մեկնաբանություններ են եղել նրանց կողմից (ՀՀ ՊՆ - խմբ.) Google քարտեզների և իրական քարտեզագրողների վերաբերյալ։ Նա, ով մեկնաբանել է Google քարտեզների մասին, քարտեզագրող չէ, քարտեզների մասին պատկերացում չունի, և, եթե փորձեն համեմատել Google քարտեզների և Հայաստանի գլխավոր շտաբի քարտեզների տվյալները, կհասկանան, որ իրենց մեկնաբանությունն այդ առնչությամբ բացարձակ կեղծ է։ Եթե հիշում եք, Հայաստանի իշխանությունների կողմից իրավիճակը մեկնաբանել է պաշտպանական գերատեսչության մամուլի քարտուղարը", - ասել է Խաչատրյանը՝ հասարակությանն առաջարկելով օբյեկտիվ գնահատական տալ։
Հիշեցնենք, որ ավելի վաղ նախաձեռնության անդամները բողոքի ակցիա էին իրականացրել ՀՀ պաշտպանության նախարարության մոտ և հայտարարություն էին փոխանցել՝ արբանյակային լուսանկարներով և կոորդինատներով, որոնք հաստատում են, որ ադրբեջանցիները ներխուժել են ՀՀ ինքնիշխան տարածք: Պաշտպանության նախարարությունից, սակայն, հերքել են այդ պնդումները, հայտարարելով, որ ադրբեջանական ուժերն առաջ չեն շարժվել, իսկ ադրբեջանական նոր դիրքը գտնվում է իրենց տարածքում: Ընդ որում, այդ փաստը հերքելիս ՊՆ - ում իրենք, հավանաբար, չցանկանալով, հաստատել են թշնամու զորքերի առաջխաղացման փաստը։
Հիշեցնենք, որ ավելի վաղ "Միասնության թևեր" քաղաքական նախաձեռնության առաջնորդ Արման Թաթոյանը հաղորդել էր, որ Հայաստանի ինքնիշխան տարածքում արձանագրվել է Ադրբեջանի նոր ներխուժում, որի մասին Հայաստանի իշխանությունները չեն տեղեկացրել հանրությանը: Մասնավորապես, նա տեղեկացրել է, որ եղած տեղեկությունների համաձայն, Վարդենիսում նրանք տեղակայել են մարտական հերթապահություն իրականացնող դիրքեր, ինչպես նաև հրաձգային, ականանետային և այլ խոշոր տրամաչափի զենքերի համար նախատեսված կետեր, ստեղծվել են կոմունիկացիաներ, ուղիղ նշանառության տակ է հայտնվել Վարդենիս համայնքի Սոթքի ոսկու հանքավայրը, տեղադրվել են արևային մարտկոցներ, կառուցվել են օպերատիվ-մարտավարական և ռազմավարական ճանապարհներ, ապաստարաններ, որոնցով հնարավոր է ներթափանցել Հայաստանի տարածքի խորքերը: Ըստ Թաթոյանի՝ համանման պատկեր է դիտվում նաև Ջերմուկում, որտեղ կառուցված են ականանետերի համար նախատեսված դիրքեր: Սակայն նույն օրը ՀՀ պաշտպանության նախարար Սուրեն Պապիկյանը խորհրդարանի ամբիոնից սուտ էչ որակել Թաթոյանի այդ պնդումները։
Ավելի ուշ Հայաստանի պաշտպանական գերատեսչությունում պատրաստել էին մի ողջ տեսանյութ, որն, իբր, հերքում է ներխուժումը, սակայն, ՊՆ-ի ներկայացրած փաստերն ապացուցում էին Հայաստանի նոր տարածքների գրավման փաստը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
