Արմինֆո.Իրանի հետ պատերազմն ԱՄՆ-ին անհրաժեշտ է Մերձավոր Արևելքում սահմանները վերաձևելու համար՝ առևտրային հոսքերը վերակողմնորոշելու նպատակով։ Այդ մասին հայտարարել է Ռուսաստանի գիտությունների ակադեմիայի Հասարակական գիտությունների գիտական տեղեկատվության ինստիտուտի Մերձավոր եւ հետխորհրդային Արեւելքի բաժնի վարիչ, Ռուսաստանի ԱԳՆ Դիվանագիտական ակադեմիայի պրոֆեսոր, թուրքագետ Վլադիմիր Ավատկովը՝ «Թուրքիան եւ մերձավորարեւելյան ճգնաժամը» թեմայով Մոսկվա-Երեւան տեսակամուրջի ժամանակ:
Փորձագետի կարծիքով՝ իրավիճակը տարածաշրջանում ի ցույց է դնում արմատական ճգնաժամը, որը ստեղծվել է միջազգային հարաբերությունների համակարգում ։ "Այժմ ձևավորվում է միջազգային հարաբերությունների նոր համակարգ, և այդ գործընթացն ուղեկցվում է բազմաթիվ հակամարտություններով։ ԱՄՆ-ին պետք են նոր սահմաններ Մերձավոր Արևելքում, ինչը թույլ կտա նրան վերակողմնորոշել առևտրային հոսքերը ։ Մասնավորապես, Նահանգները ձգտում է խաթարել այդ տարածաշրջանով անցնող "Հյուսիս-Հարավ" և "Արևմուտք-Արևելք" ՄՏՄ հաղորդակցությունները։ Դա շոշափում է ոչ միայն Ռուսաստանի եւ տարածաշրջանային այլ խաղացողների շահերը, այլեւ՝ Չինաստանի շահերը, որն իրականացնում է "Մեկ գոտի՝ մեկ ճանապարհ" նախագիծը», - պարզաբանել է փորձագետը։
Այս ամենը, Ավատկովի խոսքով, արվում է ի նպաստ ամերիկյան շահերի, քանի որ հաջողության դեպքում Չինաստանը ստիպված կլինի Եվրոպայի հետ առեւտուր անել ԱՄՆ-ի միջոցով, ինչը ամերիկացիներին թույլ կտա չինական ապրանքներ վաճառել հավելավճարով: Միևնույն ժամանակ, փորձագետը կարծում է, որ Միացյալ Նահանգներին ավելի ու ավելի քիչ ժամանակ է մնում, քանի որ երկրի ռազմական ռեսուրսները սպառվում են: Նրա խոսքով ՝ առկա իրողություններում Վաշինգտոնը երկու ճանապարհ ունի․ կամ՝ ընդլայնել հակամարտությունը, կամ՝ կասեցնել այն։ Առաջին սցենարն իրագործելու համար, ըստ թուրքագետի, ԱՄՆ-ը պետք է հակամարտության մեջ ներքաշի Թուրքիային։
"Թուրքիայի նկատմամբ ճնշումները շարունակվելու են, և կարելի է սպասել նոր սադրանքների։ Իսրայելի կողմից համանման ճնշում կգործադրվի Ադրբեջանի նկատմամբ։ Օրինակ, կարող է նորից ստեղծվել մի իրավիճակ, երբ Թուրքիայի տարածք կթռչի մեկ բալիստիկ հրթիռ, հետո՝ երկրորդը, և այն, իհարկե, կխոցվի ամերիկյան համակարգերի շնորհիվ։ Այսպիսով, ստեղծվում է մի հանգամանք, երբ ԱՄՆ-ն օգնում է Թուրքիային եւ նրանից պատասխան գործողություններ է պահանջում", - պարզաբանել է փորձագետը։
Մինչդեռ, Ավատկովի խոսքով, Թուրքիայի ներգրավվածությունն Իրանի համար անբարենպաստ է, քանի որ երկիրն ունի զարգացած զինված ուժեր: Փորձագետը նշել է, որ դա կարող է հանգեցնել հակամարտության լուրջ էսկալացիայի, հատկապես՝ հաշվի առնելով Ադրբեջանի և Պակիստանի հետ Թուրքիայի առկա պայմանավորվածությունները: "Կարևոր է նաև հիշել, որ Իրանի հյուսիսում ադրբեջանցիներ են բնակվում, ուստի Թուրքիայի ներգրավումն այդ առճակատման մեջ անընդունելի Է Իրանի համար, սակայն ընդունելի է Լոնդոնի և ԱՄՆ-ի համար ։ Այդ պատճառով այժմ ջանքեր են գործադրվում այդ գործոնը բորբոքելու համար, չէ որ հենց այդ ժամանակ հակամարտությունը կունենա Հարավային Կովկասի տարածք տարածվելու հեռանկար", - եզրափակել է փորձագետը ։
Հիշեցնենք, որ փետրվարի 28-ի առավոտյան ԱՄՆ-ն և Իսրայելը հարձակվել են Իրանի վրա։ Ի պատասխան՝ Իրանը հարվածներ է հասցնում Մերձավոր Արևելքում տեղակայված ԱՄՆ ռազմակայաններին։ Ամերիկա-իսրայելական ագրեսիայի հետևանքով սպանվել են Իրանի գերագույն առաջնորդ Ալի Խամենեին և իրանցի մի քանի բարձրաստիճան զինվորականներ: Մարտի 8-ին Իրանի փորձագետների խորհուրդն Իրանի Իսլամական Հանրապետության նոր գերագույն առաջնորդ է ընտրել զոհված այաթոլլա Ալի Սեյեդ Խամենեիի որդուն՝ այաթոլլա Սեյեդ Մոջթաբա Խամենեիին:
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Փորձագետ. Քաղաքների կայուն զարգացման համար անհրաժեշտ է ընդլայնել որոշումների կայացմանը բնակիչների մասնակցության մեխանիզմները
Քաղաքական գործիչ․ Հայաստանի երրորդ նախագահի հայտարարությունն ընդդիմությանը կարող է զրկել Փաշինյանին իշխանությունից զրկելու միակ քաղաքական հիմքից
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
