Իրանագետ․ միջուկային էներգիայի խաղաղ օգտագործման հարցն Իրանի համար այն "կարմիր" գիծն է, որը հատելու մտադրություն նա չունի

Արմինֆո. Բոլորի համար ակնհայտ է, որ միջուկային Էներգիայի խաղաղ օգտագործման հարցն Իրանի համար այն "կարմիր" գիծն է, որը Թեհրանը մտադիր չէ հատել։ Այդ մասին հայտարարեել է հայտարարել է իրանագետ Վարդան Ոսկանյանը՝ "Հարավային Կովկաս. ուժերի վերաբաշխում" թեմայով լսումների ժամանակ։

Նրա խոսքով ՝ Ժնևում Օմանի միջնորդությամբ ավարտվել է ԱՄՆ-ի և Իրանի միջև անուղղակի շփումների երկրորդ փուլը: Լիարժեք և ուղիղ երկկողմ բանակցությունների մասին խոսելը դեռ վաղաժամ է։ Պարզ չէ նաև դրանց օրակարգը, սակայն իրանական կողմը հստակ նշել է իր "կարմիր գծերը"․ Իրանը բանակցություններ կվարի բացառապես միջուկային ծրագրի շուրջ՝  ԱՄՆ - ի պատժամիջոցների չեղարկման դիմաց, և չի քննարկի հրթիռային ծրագիրը և իր տարածաշրջանային տիեզերական ուժերի հարցը ։ Իրանական կողմը հայտարարել է իր միանշանակ դիրքորոշման մասին, որ երկիրը պետք է զարգացնի իր խաղաղ ատոմային ծրագիրը, զբաղվի ուրանի հարստացմամբ, միաժամանակ հավաստիացնելով, որ արդեն 60 տոկոսով հարստացված ուրանը չի արտահանվի Իրանի սահմաններից:

Սակայն, ինչպես հիշեցրել է իրանագետը,  բանակցային գործընթացին զուգընթաց, նկատվում են նաև ռազմական պատրաստություններ։ ԱՄՆ-ն զգալի ռազմական ուժեր է ուղարկում տարածաշրջան, Իրանն էլ, իր հերթին, ակտիվ զորավարժություններ է անցկացնում ։ Ընդ որում, կողմերն իրենց հայտարարություններում չեն հոգնում ռազմատենչ հռետորաբանության դիմելուց։ "Առայժմ ուղիղ ռազմական բախման գործը չի հասնում, բայց ուժի կիրառման սպառնալիքները գրեթե ամեն օր աճում են։ Եվ եթե այդ բախումը տեղի ունենա, իրանա-ամերիկյան հակամարտությունը կարող է դուրս գալ Իրանի սահմաններից և անդրադառնալ ողջ տարածաշրջանի վրա՝ շոշափելով նաև Հայաստանի շահերը", - կարծիք է հայտնել Ոսկանյանը։ Նա հավելել է, որ այդ դեպքում ԱՄՆ-ը գործի կդնի Մերձավոր Արևելքի տարածաշրջանում առկա ողջ ներուժը, ինչն ավելի քան լուրջ հետևանքներ կունենա, այդ թվում՝ նաև Հայաստանի համար: Իրանագետը նշել է, որ եթե ԱՄՆ-ն այս պահին առաջնորդվում է բրիտանական հայտնի "նավատորմի սպառնալիքով զսպման" ("fleet in being") սկզբունքով, ապա Իրանը կիրառում է "տարածաշրջանային պատերազմի սպառնալիքով զսպման" մեթոդաբանությունը, ինչը կարելի է դիտարկել որպես իրանական նորամուծություն: