Ադրբեջանի ներկայացուցիչները Հայաստան են ժամանել ցամաքային սահմանի սահմանազատված հատվածով

Արմինֆո.  "Խաղաղության կամուրջ" նախաձեռնության շրջանակում փետրվարի 13-14-ը Հայաստանում տեղի կունենա երկկողմանի կլոր սեղան, որի ընթացքում կհանդիպեն Հայաստանի և Ադրբեջանի քաղաքացիական հասարակության ներկայացուցիչները:

"Արմենպրես"-ի հաղորդման համաձայն, միջոցառմանը մասնակցելու նպատակով ադրբեջանական պատվիրակությունը առաջին անգամ Հայաստան է ժամանել ցամաքային սահմանի սահմանազատված և սահմանագծված հատվածներով ՝ անցնելով բոլոր անհրաժեշտ ընթացակարգերը:

Հաղորդվում է, որ քննարկումների ընթացքում Հայաստանի և Ադրբեջանի քաղաքացիական հասարակության ներկայացուցիչները կանդրադառնան 2025 թվականի օգոստոսի 8-ին Վաշինգտոնի գագաթնաժողովում հաստատված խաղաղության օրակարգից բխող գործընթացներին:

Առանձին նստաշրջաններ նվիրված կլինեն ձևավորվող տարածաշրջանային անվտանգության ճարտարապետությանը, խաղաղության առավելություններին, երկու հասարակությունների միջև հարաբերությունների հաստատման հանրային ընկալմանը, տնտեսական համագործակցության հեռանկարներին, ինչպես նաև քաղաքացիական հասարակության դերին փոխըմբռնման և վստահության ամրապնդման գործում:

Հիշեցնենք, որ քաղաքացիական հասարակության ներկայացուցիչների հանդիպումները մեկնարկել էին 2025 թվականի օգոստոսին Վաշինգտոնում Հայաստանի և Ադրբեջանի միջև խաղաղության պայմանագրի նախագծի նախաստորագրումից հետո ։